Jâkobusib 1
1
Oᴋumaitoᴋartilugo ᴋenuersârᴋojaunermik. Piniarnikut Gûdib kivgartortaujuksauninganik.
1Jâkobuse, Gûdib Nâlekablo Jêsusib Kristûsib kivganga, kinguvârêt 12 it sunatuinarne siamangajut sivorlermik ᴋuviasûteᴋarᴋovakka.
2ᴋatangutikka nagligijakka, angijomik ᴋuviasugitse, sunatuinarnut ôktortaulerupse,
3ᴋaujimavluse, okpernipse ôktortauninga ᴋenuersârnermik pakᴋertitsingmat.
4ᴋenuersârnerle soᴋosijuituksauvok naggatânut, nâmakserᴋovluse, iluitôlerluselo, ajoksarᴋonaselo.
5Ilapsele naliat silatunermik ajoksarune, Gûdemut tuksiarle, tâpsoma ilûnaita tunitsivigivait issumalingasuêrlune, naliallônêt ᴋipilugvigingilâ; tamattominga tagva tunitsivioniarpok.
6Okperlunele tuksiarle, ᴋolarniarane; ᴋolartok imarbiksûb malingititut anoremut aulataumajutitun-ingmat.
7Inuk taimaitok issumaᴋarniarane Nâlekamut sumik tunitjivioniarnerminik.
8Inuk ᴋolartok maggoguserpok piniarnermine tamaine.
9ᴋatangulle nikanarsârtok nertôtile ivlernarnerminik;
10Akluitorlo nikanarnerminik nertôtile: asseroromârame iviksukab nuvugolângatut.
11Sekᴋinek kiaksôvlune nuilermat, iviksukat ᴋunulerput, nuvugolângillo katakput, tautuallo ânanaudlartok asserudlarpok: taimaktauk akluitok apᴋotimine paneromârivok.
12Piloridlarpok angut ôktortaunermik ᴋenuersârtok; ôktugaudlarame, tagva niaᴋôtemik ômanartomik pijomârpok Gûdib angerutigijanganik nagliktiminut.
13Naliat ôktortaulerune, oᴋarniarane: Gûdemut ôktortaulerpunga. Gûde ôktorlukteunginame, ôktorniangilak atautsimiglônêt.
14Inugle ôktortaulerpok ikligunerminut kajumiksartauvlunelo uerisartaugame.
15Kingorngane ikligunek sâleᴋalerangame, idluitulinermik sakᴋertitsivok; idluitulinerle atortaukpat, toᴋomik sakᴋertitsivok.
16Tamarniarase, nagliktakka ᴋatangutikka.
17Tunergutit ajungitut ilûnatik, tunergutillo nâmaksijut ilûnatik pikangat pivut, ᴋaumajûb atâtanganit; tâpsomane soᴋoserneᴋangilak simertigêgatiglônêt tâktorlo ᴋaumajorlo.
18Issumaminik tâpsoma ernertârilaukpâtigut, mikseᴋârnerub oᴋausertanginut; sivorliojôᴋovluta pingortitanginit.
19Tamanna pivlugo, ᴋatangutikka naglingnartut, inuit ilûnatik atunit tussarlutik pisârlît, oᴋâlavlutigle pinasârlît, ningarlutiglo pinasârlît.
20Inûb ningarninga Gûdib idluarijanginik pingimat.
21Taimaimat maᴋojungnartut ajornerillo tamaita pêjarniarsigik; akkerartoraselo ilaliorsiuk oᴋausek, ilupsingnut pititaujok, tarnipsingnik piloriktitsijungnartok.
22Oᴋauserle nâletsiarsiuk, tussatuinarlugo pinase, taimailiornermut nangminipsingnik uivêrigapse.
23Tussatuinartoᴋarpalle oᴋautsemik, nâlengnagolo; tâpsoma adsigivâ angut, tachartôtikut kênaminik ᴋemergojok;
24Ingminik ᴋemergoᴋârdlune aularame, ilinganine tagvainak puigorlugo.
25Ullernairsitsiartorle perᴋojamik nâmamariktomik kivgaujungnaititsijomik, tâpsomanêdlunelo sorairane; tâmna puigorsârane tussatuinangilak, nâleklugole piniarpok; tamailiornermine tâmna piloringniarpok.
26Akunapsingnêtoᴋarpalle Gûdemik kivgartorasugijomik, oᴋanelo atornerluktailitingikuniuk, ômatinele asserorlugo: tâpsoma Gûdemik kivgartorninga piutsangilak.
27Idluartomik passijaksaungitomiglo Gûdemik kivgartornek Gûdib Atâtab sângane imaipok: Iliarsuit uigarnerillo siorniorningine takojartorlugit, nangminerlo ivsornartitautailivlune silaksoarmiunut.
Currently Selected:
Jâkobusib 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.