II Samuel 24
24
Davidib kittitsiᴋojininganik innugatsoarnik, pitlartauninganiglo tamanna pivlugo.
1Nalekablo ningaumajarninga illungertulerlaurivok ama Israelitinut, Davidelo ᴋajungersarpa tapkoa akkorngane, oᴋarᴋovlugo: Ailerit, Israelitillo Judakullo kittijartorkit.
2Attannerlo Joabemut sorsuktuksaksoaᴋotime angajoᴋanganut oᴋarpok: Israelib kinguvarêngita illunatik akkorngattigut ailerit, Danemit Berseba tikkilugo; innugatoksuillo kittikit; ᴋaujilerᴋovlunga ᴋapsiomangatta.
3Joabe attannermut oᴋarpok: Nalegak Gudit illautitsilerle innugatoksoarnut tapkonunga, sorlo manna illingangmatta 100 deêrtortunik unnurnersanik sulle, nalegara attannek, ijingme ᴋuviasutiksanganik takkoᴋovlugo tapkonane; kissiane sôg nalekama attanniub tamanna ᴋuviasutigivaûk?
4Attanniuble oᴋausingit ajugaulaukput Joabemut, sorsuktuksallo angajoᴋanginut. Taimak Joabe aularpok, sorsuktuksello angajoᴋangit attannermit, innugatsuit Israelitit kittijartorlugit.
5Ailutiglo Jordane ikarpât, tangmarlutiglo Aroereme, iglugasaksuit tallerpiane, Gadib kôngata kiglinganetome, Jaeseremelo;
6Tikkilutiglo Gileademut, Hadsiblo nunanganut atsiktometomut; tikkilutiglo Danjaanemut, Zidoniblo avatânut;
7Tikkipullo iglugasaksoarnut songojunut Tirusemik attelingnut, Heviterillo, Kanaaniterillo iglugaseksoanginut illunainut, tikkilutiglo Judab seᴋᴋernganut, Bersebamut;
8Taimaglo nuna illunât ingergavigivât, tikkilutiglo Jerusalemut takᴋit 9 it uvlullo 20 git aularvingmik kingorngane.
9Joabiblo attanermut tunnivait innugatsuit kittitaumajut unnurningit. Israelemelo anguteᴋalaukpok 800,000 dinik sôngojunik, saviksoarmik amuarsijungnartunik, Judamelo angutinik 500,000 dinik.
10Davidiblo omattinga tiglilerpok innugatsuit kittitaulauᴋârtillugit. Davidelo Nalekamut oᴋarpok: Angijoksoarmik idluitullilaukpunga, tamattominga pinnialaurama; mannalo Nalegak kivgavit idluitullininga pêjalauruk, sillaidlartomik pinniarlaurama.
11Davidelo uvlarme makkimat, Nalekab oᴋausinga Gademut, nallautaijomut, Davidib takkojokotinganut, pivok oᴋarlunelo:
12Ailerit tagvunga Davidelo oᴋarvigiuk: Imâk Nalegak oᴋarpok: Pingasunik adsigêngitunik ᴋaitsivunga illingnut; annerosulerit tapkoa illanganik, taimailiorᴋovlunga illingnut.
13Gadelo Davidemut tikkipok, oᴋautigivâlo tamanna tapsomunga, oᴋautivâlo: Pijomavît Jarit 7 it nâlugit ᴋângnartoᴋarᴋovlugo nunaᴋotingne? Ubvalo takkit pingasut nâlugit akkerartortitit ᴋemâjariaᴋarangne, taipkoalo unangmiklerᴋovlugit illingnik? Ubvalo uvlut pingasut nâlugit nusilingnartoᴋarᴋovlugo nunaᴋotingne? Tagva kamatsialerit manna nautsertorlutillo, sunamik oᴋartuksaumangarma tapsomunga tillilauktimnut.
14Davide Gademut oᴋarpok: Kappiasudlarpunga, kissiane Nalekab agganginut kattangniarta, tapsoma napkigosungninga angijongmat; innuit agganginut kattagomalungilanga.
15Taimak Nalegak nusilingnartomik tikkitoᴋarᴋojivok Israelitinut, uvlâmit nalliutok tamna taijaumajok tikkidlugo, innugiartoksoarnit Danemit Berseba tikkilugo angutit 70,000 dit toᴋᴋolermatta.
16Engeliblo aggane issangmagit Jerusalemib ᴋollânut asseroromavlugit; Nalegak ᴋaᴋᴋialerpok idluinermik tamattominga, oᴋarlunelo Engelemut, asseroijomut innugatsoarnik: Namaksivok, aggaktit erᴋitikit. Nalekable Engelinga Arafnab Jebusitereôjub ᴋaᴋᴋojaksaliorvinganelaukpok.
17Davidible Engele innugatsoarnik toᴋᴋotsijok takkogamiuk, oᴋarpok Nalekamut: Ahâk, uvanga idluitullilaukpunga, uvanga idluitullinermik ominga piniarlaukpunga; sunamik saukat ukkoa pinniarlauᴋât? Aggaktit torarlit uvamnut akkerartorlunga, atâtamalo iglunganut.
18Gadelo Davidemut tikkipok nalliutome taipsomane oᴋautivalo: Majorarit takpaunga, Altaremiglo sennalerit Nalekamut Arafnab Jebusitereôjub ᴋaᴋᴋojaksalliorvingane.
19Taimak Davide majorarpok takpaunga, sorlo Gade oᴋalaungmat, sorlolo Nalegak perᴋojilaungmat.
20Arafnalo ᴋeviarame, attannek kivgane illagilugit ᴋaitillugo takkova, kênanelo pûlugo nunamut opigosukpok,
21Oᴋarlunelo: Sôg nalegara attannek kivgaminut ᴋaiva? Davide oᴋarpok: Kaᴋᴋojaksaliorvik una pissiarilugo illingnit, Altaremiglo sannalunga Nalekamut, pagvisartoâluk innugiartoksoarne soraiᴋovlugo.
22Arafnale Davidemut oᴋarpok: Nalegara attannek tigusilerle, tunnergumiglo tunnijile namagijaminut; ahâk tagva tuktuvakarpok tunnergutiksamut ôtaksamut, tuktuvaublo annungita ᴋejuktangit ikkomaksamut.
23Tamaita Arafnab attanniojub tunnivait attannermut. Arafnalo oᴋarpok attannermut: Nalekab Gudivit namagijautilitit ingminut.
24Attannerle Arafnamut oᴋarpok: Taimangungitok, pissiarijomavarale illingnit kênaujanut akkiluanga malliklugo; Nalekamnut Gudimnut tunnergumik ôtaksamik tunnijomalunginama, akkeᴋangitomik pilauktamnik. Taimak Davidib ᴋaᴋᴋojaksaliorvik, tuktuvâglo pissiarivâk Sekelinut Silbereôjunut 50 ginut.
25Sannalunelo tagvunga Altaremik Nalekamut, tunnijilunelo tunnergutinik ôtaksanik, tunnergutiniglo ᴋujalijutiksanik. Nalegarlo ᴋennuvigijauvok nuna saimarvigilugo; Nalegarlo ullapᴋosertaulaukpok nunamut, pagvisartoâluglo sorailaukpok innugatsuit Israelitit akkorngane.
Currently Selected:
II Samuel 24: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.