I Atannit 16
16
Baesa, Ella, Simri, Amri, Ahabelo atanniolauktut Israelitinut.
1Nâlekable oᴋausinga tikkipok Jehumut Hananib erninganut Baesa pitjutigillugo, oᴋarlunelo:
2Tamânna pivlugo sannermit makkitilaurapkit, atanningortilutillo inuᴋotimnut Israelitinut, igvillo agvertaravit Jerobeamib apᴋotigijangane, idluitullititsilutillo inuᴋotimnik Israelitinik, ningaksaramgalo tapᴋoa idluitullininginut;
3Ahâk tamânna pivlugo Baesab kinguvangit igloᴋotingatalo kinguvangit pêjaromavakka, igloᴋotillo illingatitsomavara Jerobeamib Nebatib erningata iglungatut.
4Kina Baesakunit toᴋojok iglugasaksoarne tamna kingmit nerrijaksarivât, kinalo natername toᴋojok tamna tingmitjet sillamêtut nerrijaksarivât.
5Unipᴋautsille tamakkoa asingit sulle Baesa pivlugo, pinniarnerijangillo, sôngoningalo, ahâk, tamânna aglaksimavok Israelitit atanningita aglangine.
6Baesalo sinnisilerpok atâtagijaminut ailune, illijartortaulunelo Tirzame. Erningalo Ella atanningorpok innangêrlugo.
7Nâlekab oᴋausingittauk tikkiput nellautaijoᴋut Jehukut Hananib erningagut Baesamut iglunganullo, idluinek tamât pivlugo pinniarnerijanga Nâlekab sângane, ningaksarlugo aggangme pinniarninginut, Jerobeamib iglungatut îlerᴋovlugo; taimaglotauk tamânna pivlugo, taipkoa ullimârlaungmagit.
8Assab Judakut atanningata jâringita 26 ingane, Ella Baesab erninga atanningorpok Israelitinut, Tirzame jârîk maggûk nâlugik.
9Kivgangale Simri, angajoᴋaujok ᴋammutit ᴋetterᴋanginut, angerᴋatigêngneᴋartitsivok akkerartorlugo. Tirzamelaukporle Weinetorlunelo tallalunelo Arzab pimaklerteôjub Tirzame iglungane.
10Simrile itterpok, ullimârpâlo toᴋolugo, Assab Judakut atanningata jâringita 27 ingane, atanningorlunelo innangêrlugo.
11Atanniogamelo, iksivalunelo taipsoma iksivautangane, Baesab iglomioᴋotingit ilûnnaita ullimârpait, Amiakoᴋarᴋojingilarlo tapsomangat kinamiglonêt, illanganiglonêt, ilannârijanganiglonêt.
12Taimâk Simrib Baesab iglomioᴋotingit ilûnnaita pêjarpait, Nâlekab oᴋausingit malliklugit, oᴋauserilauktangit Baesa pivlugo nellautaijoᴋut Jehukut;
13Baesab idluiningit ilûnnaita, erningatalo Ellab idluitulliningit pivlugit, pinniarlauktangit, Israelitiniglo idluitullititsivlutik, Nâlegak Israelib Gûdinga ningaksarlugo, kivgartornermingnut Gûdingoanik.
14Unipᴋautsille tamakkoa asingit sulle Ella pivlugo, tamaitalo pinniarlauktangit, ahâk tamânna aglaksimavok Israelitit atanningita aglangine.
15Assab Judakut atanningata jâringita 27 ingane Simri atanningorpok Tirzame uvlut 7 it nâlugit. Inugasaksuillo tangmarsimalaukput Gibetonit Filisterit nunanganêtut sivurâne.
16Inugasaksuille tangmarvingne tusaramik oᴋartoᴋarmat Simri angerᴋatigêngneᴋartitsimangmat, atannerlo ullimârmago; tagva Israelitit illuêngarlutik uvlorme taipsomatsainaujome Amri sorsuktuksaksoaᴋatigêt angajoᴋangat atanningortipât tangmarvingme.
17Amrilo Israelitillo illuêngarlutik illagillugo majorarput Gibetonemit, illumavaillo Tirza.
18Simrile takkogame iglugasaksuit sâlagijauniarmatta, itterpok atanniub igloksoangata sôngoninganut, ikkipâlo atanniub igloksoanga, toᴋolunelo,
19Ajornine pinniarlauktane pivlugit, pinniarame Nâlekab idluigijanginik, agvertaramelo Jerobeamib apᴋotigijangane, tapsomalo idluiningine, pinniarlauktangine, Israelitit idluitullitilugit.
20Unipᴋautsit tamakkoa asingit sulle Simri pivlugo, ᴋanorlo angerᴋatigêngneᴋartitsilaungmat, ahâk, tamânna aglaksimavok Israelitit atanningita aglangine.
21Taipsomane inugasaksuit aviutivut maggolivlutik; ᴋetterᴋangita aipaingita Tibni Ginatib erninga ungagivât, atanningortilugo, ᴋetterᴋangitale aipaingita Amri ungagivât.
22Inugasaksuille Amrib ungagijingit ajugaulaukput inugasaksoarnut Tibnib Ginatib erningata ungagijinginut. Tibnilo toᴋovok, tagva Amri atanningorpok.
23Assab Judakut atanningata jâringita 31 ingane, Amri atanningorpok Israelitinut, atanniotilunelo jârit 12 it nalugit, Tirzamêdlune atanniôtivok jârit 6 it nâlugit.
24ᴋakᴋarlo Samariamik atelik pissiariva Semeremit Tallentîngnut maggûngnut Silberemik, iglugaselliorlunelo ᴋakᴋab ᴋângane, iglugasaksuillo iglugasalliortane atserarpait ᴋakᴋab inuata Semerib atinga malliklugo Samariamik.
25Amrilo pinniarpok Nâlekab idluigijanginik, sugaluluarlaukporlo sivorlerijaminit tamainit.
26Agvertarlunelo Jerobeamib Nebatib erningata apᴋotigijangine ilûnnaine, idluininginelo, idluitullititsijutigijangine Israelitinik, Nâlegak Israelib Gûdinga ningaksarlugo kivgartornermingnut Gûdingoanik.
27Unipᴋautsille tamakkoa asingit sulle Amri pivlugo pinniarlauktangillo tamaita, sôngoningalo attorlauktanga, ahâk tamânna aglaksimavok Israelitit atanningita aglangine.
28Amrilo sinnisilerpok atâtagijaminut ailune, illijartortauvorlo Samariame. Erningalo Ahabe atanningorpok innangêrlugo.
29Assab Judakut atanningata jâringita 38 ingane Ahabe Amrib erninga atanningorpok Israelitinut; atanniotivorlo Israelitinut Samariame jârit 22 it nâlugit.
30Ahabelo Amrib erninga pinniarlaukpok Nâlekab idluigijanginik, sugaluluartomik ilûnnainit sivorlerilauktaminit.
31Suglugilaukpa agvertarame Jerobeamib Nebatib erningata idluiningine, nullianikpâlotauk Isebele Etbaalib Zidonemiut atanningata pania; Baalelo kivgartoriartorpâ, tuksiarvigivâlo.
32Altarelo sanava Baal pivlugo, Baalib iglungane sanalauktamine tapsomunga Samariame.
33Napârtuniglo illijivok; Ahabelo sugaluluartomik pinniarpok Nâlegak Israelib Gûdinga ningaksarlugo, Israelitit atanninginit ilûnnainit sivorlerilauktaminit.
34Nelliutome taipsomane Hielib Bethelemiub Jericho iglugaselliorpait. Erninga angajuklek Abirame akkiliutaulaukpok tungavik illilauramiuk, erningalo nukârdlek Segube, akkiliutaulaukpok upkoaksuit illilauramigit; Nâlekab oᴋausingit malliklugit, oᴋauserilauktangit Josuakut Nunib erningagut.
Currently Selected:
I Atannit 16: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.