I Atannit 7
7
Atanniub igloᴋotingita igloliortauningat; perᴋutillo Tempelemut illingajuksat sanajauningit.
1Igloᴋotiminigle Salomo jârit 13 it nâlugit igloliorlaukpok; pijarêrmarikpâlo.
2Sanalaurivatauk iglo nappârtut Libanonib iglunganik atelik, tallitut 100 ditut takᴋitigijok, tallitut 50 gitut sanimututigijok, tallitullo 30 gitut pôktotigijok, nappajune tukkilerêngne sitamaine, ikâlingne ᴋângane.
3Kâᴋartitaulaukporlo, innît nappajunêtut ᴋângine kêjungmik Cedereôjomik, nappajut tapᴋoa 45 giôlaukput, 15 it tukkilerêngne atautsine.
4Igalâkalaukporlo tukkilerêngne pingasune akkilerêngnik, pingasut, akkileᴋarlutik pingasunik.
5Upkuallo nappajullo ilûnnatik iktokerilaukput, taimâktauk igalât ᴋaumajorlo akkileᴋarlune ᴋaumajomik.
6Torksumiglo sanagivok nappajunit, tallîtut 50 gitut takᴋitigijomik, tallitullo 30 gitut sanimututigijomik; amalo torksumik oma sângane, nappajunit ᴋoakjulingnillo silliktunit.
7Sanagivoktauk torksumik erᴋartuiviub iksivautanganut, Erᴋartuivioᴋovlugo, netsisertorpâglo Cederinik.
8Iglungalo iglogijanga avaluliorsimajub asianetok torksub kinguane, taimailuatsiamik illuseᴋarlune sanajaulaurivok; sanalaurivoktauk iglomik torksutut îtomik Faraob paninganut, Salomob nullianilauktanganut.
9Tapᴋoalo tamaita ujaraulaukput pivianartut, iktokeriksaut malliklugo ullimârtaulauktut, kiblutinullo kiblormiktortaulauktut illuane sillatânelo, tungavinginit ᴋângit tikkidlugit, taimaglotauk sillata avalulingme angijome;
10Tungavigle ujaraulaurivoktauk pivianartut angijullo, tallitut tallimaujortut takᴋitigijut sitamaujortullo silliktigijut.
11Tapᴋoalo ᴋângine ujarakalaukpok pivianartunik, iktokeriksaut malliklugo ullimartaumajunik, Cederiniglo.
12Avaluliorsimajorle angijok, avatâne tukkilerêktoᴋalaukpok pingasuinik ujaralingnik, tukkilerêngniglo atautsinik satujanik Cedereojunik; taimailingalaurivoktauk avaluliorsimajok kamanênersak Nâlekab iglungane, torksuglo Nâlekab iglungane.
13Atannerlo Salome tilliklerpok aijauᴋolâlo Hirame Tirusemiok,
14Uigarniub erninga Naftalib kinguvanginit, atâtangalo angutaulaukpok Tirusemiok, kanutjerijolauktok; tamnalo illumersimamarikpok illisimanermik sillatunermiglo, sappinginermiglo sanalune sunatuinarnik kannujarmit; tamnalo tikkipok atannermut Salomomut, sanalunelo tapsoma pinniarkojanginik tamainik.
15Nappajuglo sanavâk kannujarmit, attunît tallitut 18 tut poktotigijuk, nimerlo tallitut 12 tut takᴋitigijok nâmatuinaulaukpok avatâgut, nappajuk attunît sillingnigingnut.
16Niaᴋojartuglo kovivak kannujarmit nappajûk kangangnêtuksâk; niaᴋojartuglo attunnit tallitut tallimatut poktotigijolaukpuk.
17Niaᴋojartûglo ᴋângine nulluangoaᴋalaukpok, ᴋellaumgujaᴋalaukporlo pergaimajunik 7 inik aipane, 7 niglo aipangane.
18Paungâlungoaniglo Granatinik atilingnik sennilarektunik maggoinik pititsivok niaᴋojartungnut avatânut, niaᴋojartuk ulliktauᴋovlugik tapᴋonunga.
19Niaᴋojartuglo nappajuk ᴋânginetuk nuvugolaktut Liliemik ateᴋartut îlaukpuk, taipkotitunak torksungmetutitut, tallitut sitamatut silliktigijovlutik.
20Paungâlungoallo Granatit sennilerêktut avatâne 200 diolaukput kotsiktome sennilerêktune, atsiktomelo niaᴋojartub puvioninganingata avatanelauktungne, niaᴋojartungne tamangne, nappajuk ᴋânginelauktungne.
21Nappajûglo napârtipak Tempelib torksungata sângane. Napârtitanelo tallerpingmut Jachinemik atserarpa; napârtitanelo saumingmut, Boasemik atserarpa.
22Taimaglo nappajuk ᴋângangne Lilietut îlaukpok. Taimaglo nappajuk pijarêrtaumalaukpuk.
23Immarbingoarlo kovilugo sanava, tallitut tallimaujortutitut silliktigijomik sinânit aipanganit aipanga tikkilugo, avatâne ilûnnane, tallitullo tallimatut pôktutigijomik nimmerlo tallitut 30 gitut takᴋitigijomik namatuinarlaukpok sillingninganut avatâne.
24Immarbingoablo, tallitut tallimaujortutitut silliktigijolauktub, sinâne kuglungajungoakalaukpok imârbingoab kiglingane ilûnnane; kuglungajungoallo tapᴋoa sennilerêklutik maggoilivlutik kovijaumalaukput.
25Nappavorlo tuktuvangoane 12 ine, tapᴋonangat pingasut sângmivut avunga, pingasut paunga, pingasut aunga, pingasullo taununga, immarbingoarlo ᴋânginelune, okpatingit ilûnnatik illumut torarmatta.
26Ivjuningalo aggaktitut igluînartut sanimutoningititut îlaukpok, sinâlo ermgusiarsub sinâtut îlaukpok, Lilietut siggimajotut îdlune; oktutillo Bathenik atiggit 2,000 dit illuleᴋarungnarlaukpok.
27Sanalaurivoktauk ikkovraksanik tallimaujortunik kannujarmit, attunit tallitut sitamatut takᴋitigijunik, sanimututigijuniglo, tallitullo pingasutut poktutigijunik.
28Ikkovraksallo imâk sanajaulaukput, anneᴋarmatta oᴋaloraujat akkorngane.
29Saniragingne oᴋaloraujat akkorngane Loewingoaᴋalaukpok tuktuvangoaniglo, Kerubingoaniglo, oᴋaloraujanelo taimaitoᴋalaurivok kôtsiktomê, Loewingoallo tuktuvangoallo atâne suvlolikalaukpok nivingajotun îtunik.
30Ikkovraksallo attunit aksaloakalaukput sitamanik kannujarnik; terreᴋunginelo sitamane tuengoaᴋalaukpok kovijaumajunik, attunit akkilerêkput, egangalutiglo ukkusingmut.
31Kongesingoalle ikkovraksat ᴋerᴋangine tallertut atautsetut pôktotigijolaukput, angmaloᴋitauvlutik, tallertut igluinartut ᴋetterᴋangatullo silliktigijolaukput, kongesingoanelo ᴋatsiktoᴋalaukpok iktokeriktunik, angmaloᴋitaungitunik.
32Aksalloajullo sitamat atâne saniranginelaukput, Ikᴋangillo ikᴋovrangnelaukput, aksalloajut attunît tallitut igluinartut ᴋetterᴋangatullo pôktotigijolaukput.
33Aksalloajullo tapᴋoa aksalloaliub aksalloajungititut îlaukput. Iᴋângillo aksalloavingillo, issagutângillo avalungillo ilûnnaita kovijaumalaukput.
34Tuêngoallo sitamat ikkovraksat terreᴋungine sitamanelaukput; ikkovranêlaukput tuengoangit.
35Ikovrello kongesingine tallib ᴋetterᴋangatut poktotigijome oᴋaloraujakalaukpok, annekalunelo avatâne illûnane.
36Tapᴋoalo anninginut, oᴋaloraujanullo ittersaliorkojivok Kerubingoanik, Loewingoaniglo, napârtungoaniglo, Palminik atilingnik; sorlo attunît inniksaᴋalaungmatta avatâne ilûnnane.
37Taimâk illuseᴋarlutik ikkovraksat tallimaujortut sanalaukpait, kovilugit, anginingit illusingillo adsigêmariklutik.
38Ukkusillo tallimaujortut kannujarmit sanavait, attunit Bathinik 40 ginik illuleᴋarungnarlauktut; tallitullo sitamatut silliktigijolaukput; ikkovrello attunît ᴋangine ukkusiᴋalaukpok atautsemik.
39Ikkovrello tallimat illivait iglub terreᴋunganut tallerpingmut, asingillo tallimat, terreᴋungmut saumingmut; immarbingoarle illiva iglub sivurânut tallerpianut sekᴋernganut.
40Hiramiblo sanavaittauk ukkusit, poagillo itterngujallo; pijarêrtipaillo sanajaksat tamaita atanniub Salomonib sanajauᴋolauktangit, Nâlekab iglunganut.
41Tagva nappajuk, niaᴋojartuglo nappajuk ᴋângangne, nulluangoaglo maggoit niaᴋojartuk nappajungnêtuk ulliksanginut;
42Paungâlungoallo 400 dit Granatit nulluangoanut illingalauktut, sennilerêt maggoit nulluangoane atautsene, aksaujak niaᴋojartuk ᴋângangnêtuk ulliksanginut;
43Taimâktauk ikkovret tallimaujortut, ukkusillo tallimaujortut, ikkovret ᴋânginelauktut;
44Imarbingoarlo, tuktuvângoallo 12 ît atâne;
45Ukkusillo poagillo itteringojallo, illulerᴋutillo tamakkoa ilûnnaita Hiramib sanajangit Salomomut, Nâlekab iglunganut illingajut, kannujatuinarmit sanajaulaukput.
46Jordanib erkâne Sochotib Zarthaniblo akkorngangne atanniub kovijauᴋovait macharmut.
47Salomoblo illulerkutit tamaita kiktitautingnut oktortauᴋolaungilait, kannujab unnudlarninga pitjutigellugo.
48Salomoblo perᴋutit ilûnnaita sanalaukpait Nâlekab iglunganut illingajut: tagva Altare Goldeôjok, sâlo Goldeôjok ᴋakᴋojaliksak takkojaksanik;
49Nennergoavît tallimat tallerpingmut, nennergoavîllo tallimat saumingmut, inniub ᴋamanenerpaub sivurâne, Goldemit illaᴋangitomit, nuvugolangoallo, ᴋollillo, takkutillo Goldemit;
50Itteringojallo poagitillo, sâvillo allupsautillo, ᴋallutaujallo isserluanititsijutit, komigautillo Goldemit pivianartomit, upkoamelo ivsornainerpângojome, Tempeliblo upkoangane kevertautit Goldeolaurivut.
51Taimâk sanajaksat Salomob sanajangit Nâlekab iglungane pijarêrtitaumavut. Salomoblo ittertipait kamunga, tamaita atâtame Davidib ivsornaitilauktangit, Silberelo Goldelo, illulerkutillo; illilugillo Nâlekab Tempelingata Pivianartoᴋotinginut.
Currently Selected:
I Atannit 7: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
I Atannit 7
7
Atanniub igloᴋotingita igloliortauningat; perᴋutillo Tempelemut illingajuksat sanajauningit.
1Igloᴋotiminigle Salomo jârit 13 it nâlugit igloliorlaukpok; pijarêrmarikpâlo.
2Sanalaurivatauk iglo nappârtut Libanonib iglunganik atelik, tallitut 100 ditut takᴋitigijok, tallitut 50 gitut sanimututigijok, tallitullo 30 gitut pôktotigijok, nappajune tukkilerêngne sitamaine, ikâlingne ᴋângane.
3Kâᴋartitaulaukporlo, innît nappajunêtut ᴋângine kêjungmik Cedereôjomik, nappajut tapᴋoa 45 giôlaukput, 15 it tukkilerêngne atautsine.
4Igalâkalaukporlo tukkilerêngne pingasune akkilerêngnik, pingasut, akkileᴋarlutik pingasunik.
5Upkuallo nappajullo ilûnnatik iktokerilaukput, taimâktauk igalât ᴋaumajorlo akkileᴋarlune ᴋaumajomik.
6Torksumiglo sanagivok nappajunit, tallîtut 50 gitut takᴋitigijomik, tallitullo 30 gitut sanimututigijomik; amalo torksumik oma sângane, nappajunit ᴋoakjulingnillo silliktunit.
7Sanagivoktauk torksumik erᴋartuiviub iksivautanganut, Erᴋartuivioᴋovlugo, netsisertorpâglo Cederinik.
8Iglungalo iglogijanga avaluliorsimajub asianetok torksub kinguane, taimailuatsiamik illuseᴋarlune sanajaulaurivok; sanalaurivoktauk iglomik torksutut îtomik Faraob paninganut, Salomob nullianilauktanganut.
9Tapᴋoalo tamaita ujaraulaukput pivianartut, iktokeriksaut malliklugo ullimârtaulauktut, kiblutinullo kiblormiktortaulauktut illuane sillatânelo, tungavinginit ᴋângit tikkidlugit, taimaglotauk sillata avalulingme angijome;
10Tungavigle ujaraulaurivoktauk pivianartut angijullo, tallitut tallimaujortut takᴋitigijut sitamaujortullo silliktigijut.
11Tapᴋoalo ᴋângine ujarakalaukpok pivianartunik, iktokeriksaut malliklugo ullimartaumajunik, Cederiniglo.
12Avaluliorsimajorle angijok, avatâne tukkilerêktoᴋalaukpok pingasuinik ujaralingnik, tukkilerêngniglo atautsinik satujanik Cedereojunik; taimailingalaurivoktauk avaluliorsimajok kamanênersak Nâlekab iglungane, torksuglo Nâlekab iglungane.
13Atannerlo Salome tilliklerpok aijauᴋolâlo Hirame Tirusemiok,
14Uigarniub erninga Naftalib kinguvanginit, atâtangalo angutaulaukpok Tirusemiok, kanutjerijolauktok; tamnalo illumersimamarikpok illisimanermik sillatunermiglo, sappinginermiglo sanalune sunatuinarnik kannujarmit; tamnalo tikkipok atannermut Salomomut, sanalunelo tapsoma pinniarkojanginik tamainik.
15Nappajuglo sanavâk kannujarmit, attunît tallitut 18 tut poktotigijuk, nimerlo tallitut 12 tut takᴋitigijok nâmatuinaulaukpok avatâgut, nappajuk attunît sillingnigingnut.
16Niaᴋojartuglo kovivak kannujarmit nappajûk kangangnêtuksâk; niaᴋojartuglo attunnit tallitut tallimatut poktotigijolaukpuk.
17Niaᴋojartûglo ᴋângine nulluangoaᴋalaukpok, ᴋellaumgujaᴋalaukporlo pergaimajunik 7 inik aipane, 7 niglo aipangane.
18Paungâlungoaniglo Granatinik atilingnik sennilarektunik maggoinik pititsivok niaᴋojartungnut avatânut, niaᴋojartuk ulliktauᴋovlugik tapᴋonunga.
19Niaᴋojartuglo nappajuk ᴋânginetuk nuvugolaktut Liliemik ateᴋartut îlaukpuk, taipkotitunak torksungmetutitut, tallitut sitamatut silliktigijovlutik.
20Paungâlungoallo Granatit sennilerêktut avatâne 200 diolaukput kotsiktome sennilerêktune, atsiktomelo niaᴋojartub puvioninganingata avatanelauktungne, niaᴋojartungne tamangne, nappajuk ᴋânginelauktungne.
21Nappajûglo napârtipak Tempelib torksungata sângane. Napârtitanelo tallerpingmut Jachinemik atserarpa; napârtitanelo saumingmut, Boasemik atserarpa.
22Taimaglo nappajuk ᴋângangne Lilietut îlaukpok. Taimaglo nappajuk pijarêrtaumalaukpuk.
23Immarbingoarlo kovilugo sanava, tallitut tallimaujortutitut silliktigijomik sinânit aipanganit aipanga tikkilugo, avatâne ilûnnane, tallitullo tallimatut pôktutigijomik nimmerlo tallitut 30 gitut takᴋitigijomik namatuinarlaukpok sillingninganut avatâne.
24Immarbingoablo, tallitut tallimaujortutitut silliktigijolauktub, sinâne kuglungajungoakalaukpok imârbingoab kiglingane ilûnnane; kuglungajungoallo tapᴋoa sennilerêklutik maggoilivlutik kovijaumalaukput.
25Nappavorlo tuktuvangoane 12 ine, tapᴋonangat pingasut sângmivut avunga, pingasut paunga, pingasut aunga, pingasullo taununga, immarbingoarlo ᴋânginelune, okpatingit ilûnnatik illumut torarmatta.
26Ivjuningalo aggaktitut igluînartut sanimutoningititut îlaukpok, sinâlo ermgusiarsub sinâtut îlaukpok, Lilietut siggimajotut îdlune; oktutillo Bathenik atiggit 2,000 dit illuleᴋarungnarlaukpok.
27Sanalaurivoktauk ikkovraksanik tallimaujortunik kannujarmit, attunit tallitut sitamatut takᴋitigijunik, sanimututigijuniglo, tallitullo pingasutut poktutigijunik.
28Ikkovraksallo imâk sanajaulaukput, anneᴋarmatta oᴋaloraujat akkorngane.
29Saniragingne oᴋaloraujat akkorngane Loewingoaᴋalaukpok tuktuvangoaniglo, Kerubingoaniglo, oᴋaloraujanelo taimaitoᴋalaurivok kôtsiktomê, Loewingoallo tuktuvangoallo atâne suvlolikalaukpok nivingajotun îtunik.
30Ikkovraksallo attunit aksaloakalaukput sitamanik kannujarnik; terreᴋunginelo sitamane tuengoaᴋalaukpok kovijaumajunik, attunit akkilerêkput, egangalutiglo ukkusingmut.
31Kongesingoalle ikkovraksat ᴋerᴋangine tallertut atautsetut pôktotigijolaukput, angmaloᴋitauvlutik, tallertut igluinartut ᴋetterᴋangatullo silliktigijolaukput, kongesingoanelo ᴋatsiktoᴋalaukpok iktokeriktunik, angmaloᴋitaungitunik.
32Aksalloajullo sitamat atâne saniranginelaukput, Ikᴋangillo ikᴋovrangnelaukput, aksalloajut attunît tallitut igluinartut ᴋetterᴋangatullo pôktotigijolaukput.
33Aksalloajullo tapᴋoa aksalloaliub aksalloajungititut îlaukput. Iᴋângillo aksalloavingillo, issagutângillo avalungillo ilûnnaita kovijaumalaukput.
34Tuêngoallo sitamat ikkovraksat terreᴋungine sitamanelaukput; ikkovranêlaukput tuengoangit.
35Ikovrello kongesingine tallib ᴋetterᴋangatut poktotigijome oᴋaloraujakalaukpok, annekalunelo avatâne illûnane.
36Tapᴋoalo anninginut, oᴋaloraujanullo ittersaliorkojivok Kerubingoanik, Loewingoaniglo, napârtungoaniglo, Palminik atilingnik; sorlo attunît inniksaᴋalaungmatta avatâne ilûnnane.
37Taimâk illuseᴋarlutik ikkovraksat tallimaujortut sanalaukpait, kovilugit, anginingit illusingillo adsigêmariklutik.
38Ukkusillo tallimaujortut kannujarmit sanavait, attunit Bathinik 40 ginik illuleᴋarungnarlauktut; tallitullo sitamatut silliktigijolaukput; ikkovrello attunît ᴋangine ukkusiᴋalaukpok atautsemik.
39Ikkovrello tallimat illivait iglub terreᴋunganut tallerpingmut, asingillo tallimat, terreᴋungmut saumingmut; immarbingoarle illiva iglub sivurânut tallerpianut sekᴋernganut.
40Hiramiblo sanavaittauk ukkusit, poagillo itterngujallo; pijarêrtipaillo sanajaksat tamaita atanniub Salomonib sanajauᴋolauktangit, Nâlekab iglunganut.
41Tagva nappajuk, niaᴋojartuglo nappajuk ᴋângangne, nulluangoaglo maggoit niaᴋojartuk nappajungnêtuk ulliksanginut;
42Paungâlungoallo 400 dit Granatit nulluangoanut illingalauktut, sennilerêt maggoit nulluangoane atautsene, aksaujak niaᴋojartuk ᴋângangnêtuk ulliksanginut;
43Taimâktauk ikkovret tallimaujortut, ukkusillo tallimaujortut, ikkovret ᴋânginelauktut;
44Imarbingoarlo, tuktuvângoallo 12 ît atâne;
45Ukkusillo poagillo itteringojallo, illulerᴋutillo tamakkoa ilûnnaita Hiramib sanajangit Salomomut, Nâlekab iglunganut illingajut, kannujatuinarmit sanajaulaukput.
46Jordanib erkâne Sochotib Zarthaniblo akkorngangne atanniub kovijauᴋovait macharmut.
47Salomoblo illulerkutit tamaita kiktitautingnut oktortauᴋolaungilait, kannujab unnudlarninga pitjutigellugo.
48Salomoblo perᴋutit ilûnnaita sanalaukpait Nâlekab iglunganut illingajut: tagva Altare Goldeôjok, sâlo Goldeôjok ᴋakᴋojaliksak takkojaksanik;
49Nennergoavît tallimat tallerpingmut, nennergoavîllo tallimat saumingmut, inniub ᴋamanenerpaub sivurâne, Goldemit illaᴋangitomit, nuvugolangoallo, ᴋollillo, takkutillo Goldemit;
50Itteringojallo poagitillo, sâvillo allupsautillo, ᴋallutaujallo isserluanititsijutit, komigautillo Goldemit pivianartomit, upkoamelo ivsornainerpângojome, Tempeliblo upkoangane kevertautit Goldeolaurivut.
51Taimâk sanajaksat Salomob sanajangit Nâlekab iglungane pijarêrtitaumavut. Salomoblo ittertipait kamunga, tamaita atâtame Davidib ivsornaitilauktangit, Silberelo Goldelo, illulerkutillo; illilugillo Nâlekab Tempelingata Pivianartoᴋotinginut.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.