I Atannit 3
3
Salomob nullianingninganik, tuksiarninganiglo ilisimanermik; idluarsaininganiglo sillatôjomik.
1Salomoblo Farao Egiptenemiut atanningat ilannârilerpa, nullianilunelo Faraob paninganik, âpâlo Davidib iglugasaksoanginut, igloliorkârtinago iglominik Nâlekablo iglunganik, avaluksoarniglo Jerusalemib avatâne.
2Inugasaksuille tunnergutinik tunnijilaukput sulle pôktojune; nelliutok taipsoma tikkidlugo igloliortoᴋalaungimat sulle iglomik Nâlekab atinganut illingajomik.
3Salomoblo Nâlegak nagligiva, agvertarlunelo atâtame Davidib illuserilauktangit malliklugit; kisiane pôktojune tunnergutinik tunnijivok isserluanititsilunelo.
4Atannerlo aivok Gibeonemut, tagvane tunnergutinik tunnijijomavlune; tamânna pôktojolaungmat ânanaudlartok. Salomolo tunnijivok tunnergutinik ôtaksanik 1,000 dinik Altareme tapsomane.
5Nâlekablo Salomo sakᴋervigiva Gibeoneme sinaktomanekut unnuarme, Gûdelo oᴋarpok: Tuksiarit sunamik, tunnijaksamnik illingnut.
6Salomo oᴋarpok: Igvit atâtaga Davide kivgait napᴋoarnermik angijomik pinniarvigilaukpat, agvertarlaungmat sângne miksekârnerme, idluarnermelo, omatiblo nellagôrningane; napᴋoarnermiglo tamattominga soᴋosijuivigilaukpat, ernermiglo tunnitsivigilaukpat iksivautangane iksivajomik, sorlo mânna illingangmat.
7Mânnalo Nâlegak Gûdiga, kivgait atanningortilaukpat atâtama Davidib inningane. Uvangalo nukapiarârsovunga ᴋaujimanangalo ᴋanok anninimnik itternimniglonêt.
8Kivgaillo inugasaksuit annerilauktavit akkornganêpok, taimâk unuktigijôjut kititaujungnangimatta, aglagutigijaujungnangimattalo unnumut.
9Taimâk kivgait omamik Nâletseriartomik tunnitsivigilauruk, inuᴋotingnik idluarsaijungnarᴋovlugo, tukkisilerᴋovlugolo sunamik idluarmangât, idluimangâllonêt. KiNâle sappingilâk inugasaksoakotitit taimâk unuktigijôjut idluarsarungnarlugit?
10Tamânna Nâlekab nâmagiva, Salomo taimaitomik tuksiarmat.
11Gûdiblo oᴋautiva: Taimaitomik tuksiaravit, tuksiarlaunginavillo inôtsemik sivitôjomik, akluinermiglonêt, omigijivit tarninginiglonêt, sillatunermigle idluarsaijungnarlutit;
12Ahâk tagva oᴋautsitit malliklugit pinniarpunga. Ahâk omamik illisimajomik, sillatôjomiglo tunnitsivigimavagit, illiktut îtoᴋalaungimat sivunerne, pittaᴋarniangimallo kingunerne.
13Taimâktauk tuksiararingitarnik tunnitsivigimagivagit, imaitunik, akluinermik, nertortaunermiglo, adseᴋarᴋonnak atautsemiglonêt atannit nelliunernetut akkorngane.
14Apᴋosinimnelo agvertarniaruvit, illusioᴋojakka, perᴋojakkalo mallingniarungne, sorlo atâtait Davide agvertarlaungmat; tagva tunnitsivigijomavagit inotsemik sivitôjomik.
15Salomolo tuppalermat, ahâk, tagva tamânna sinnektomaniolaukpok. Tikkiporlo Jerusalemut, nangeriartorlunelo Nâlekab angersimaningata iklervingata sânganut, tunnijilunelo tunnergutinik ôtaksanik, ᴋujalijutiksaniglo, âkᴋiksoilunelo nerrimâraksamik angijomik kivgaminut ilûnnnainut.
16Nelliutome taipsomane anguniarpaktûk ᴋaivuk atannermut, nangeriartorlutiglo sânganut.
17Arnâglo aipanga oᴋarpok: Nâlegâk, uvanga arnarlo una ᴋatimgalaukpoguk iglome atautseme; uvangalo innangaᴋatigilaukpara iglome.
18Ernilaungnimalo uvlut pingasut kingorngane, tamna ernilaurivok. Uvaguglo aiparêlaukpoguk, taimâk tujormijakangimat iglome uvaguk asiptingnik.
19Arnablo oma erninga toᴋovok unnuarme; sinniklune nennerlugo toᴋolaungmago.
20Unuarmelo makkipok tiguvâlo ernera sanimnit, kivgait arnak sinniktillugo, illilâlo talliminut, erninelo toᴋungajok illiva tallimnut.
21Uvlâkullo makkilaurama ernera amamaktitsomavlugo, ahâk tagva toᴋungalaukpok. Uvlarmelo ᴋemergolaukpara, ahâglo, ernerilaungitara erniliaringitaralo.
22Arnâglo aipa oᴋarpok: Taimangungitok, ernera inôvok, ernîllo toᴋungavok. TamNâle oᴋarpok: Taimangungitok ernît toᴋungavok, erneralo inôvok. Taimaglo oᴋarpuk atanniub sângane.
23Atannerlo oᴋarpok: Una oᴋarpok: Ernera inôvok, ernîllo toᴋungavok; tamnalo oᴋarpok: Taimangungitok, ernît toᴋungavok, erneralo inôvok.
24Atannerlo oᴋarpok: Saviksoarmik aiklerutigissinga. Saviksoarlo ᴋaitaulerêrmat atanniub sânganut,
25Atannek oᴋarpok: Nutarak inôjok aviksiuk Maggôlitilugo, ᴋoppangalo tunnisiuk omunga, ᴋoppangalo aipa tapsomunga.
26Tagva arnak tamna ernelik inôjomik, oᴋarpok atannermut, (omatinga ilûnngertudlalermat ernine pivlugo): Nâlegâk sorruksek inôvlune tunnisiuk tapsomunga, toᴋoniarasiuglo. Arnâgle aipanga oᴋarpok: Uvamnullonêt illingnullonêt illinganiarnago, aviktaule.
27Tagva atannek kiovok, oᴋarlunelo: Sorrusek inôvlune tunnisiuk omunga, toᴋoniarasiuglo, tamna anânaungmat.
28Idluarsainerlo tamânna, atanniub attorlauktanga tusaumajaulerpok Israelitit ilûnnnamasianginut, atannerlo sivoragivât; takkogamik Gûdib ilisimaninga tapsomanêmat, idluarsainermik attorlune.
Currently Selected:
I Atannit 3: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
I Atannit 3
3
Salomob nullianingninganik, tuksiarninganiglo ilisimanermik; idluarsaininganiglo sillatôjomik.
1Salomoblo Farao Egiptenemiut atanningat ilannârilerpa, nullianilunelo Faraob paninganik, âpâlo Davidib iglugasaksoanginut, igloliorkârtinago iglominik Nâlekablo iglunganik, avaluksoarniglo Jerusalemib avatâne.
2Inugasaksuille tunnergutinik tunnijilaukput sulle pôktojune; nelliutok taipsoma tikkidlugo igloliortoᴋalaungimat sulle iglomik Nâlekab atinganut illingajomik.
3Salomoblo Nâlegak nagligiva, agvertarlunelo atâtame Davidib illuserilauktangit malliklugit; kisiane pôktojune tunnergutinik tunnijivok isserluanititsilunelo.
4Atannerlo aivok Gibeonemut, tagvane tunnergutinik tunnijijomavlune; tamânna pôktojolaungmat ânanaudlartok. Salomolo tunnijivok tunnergutinik ôtaksanik 1,000 dinik Altareme tapsomane.
5Nâlekablo Salomo sakᴋervigiva Gibeoneme sinaktomanekut unnuarme, Gûdelo oᴋarpok: Tuksiarit sunamik, tunnijaksamnik illingnut.
6Salomo oᴋarpok: Igvit atâtaga Davide kivgait napᴋoarnermik angijomik pinniarvigilaukpat, agvertarlaungmat sângne miksekârnerme, idluarnermelo, omatiblo nellagôrningane; napᴋoarnermiglo tamattominga soᴋosijuivigilaukpat, ernermiglo tunnitsivigilaukpat iksivautangane iksivajomik, sorlo mânna illingangmat.
7Mânnalo Nâlegak Gûdiga, kivgait atanningortilaukpat atâtama Davidib inningane. Uvangalo nukapiarârsovunga ᴋaujimanangalo ᴋanok anninimnik itternimniglonêt.
8Kivgaillo inugasaksuit annerilauktavit akkornganêpok, taimâk unuktigijôjut kititaujungnangimatta, aglagutigijaujungnangimattalo unnumut.
9Taimâk kivgait omamik Nâletseriartomik tunnitsivigilauruk, inuᴋotingnik idluarsaijungnarᴋovlugo, tukkisilerᴋovlugolo sunamik idluarmangât, idluimangâllonêt. KiNâle sappingilâk inugasaksoakotitit taimâk unuktigijôjut idluarsarungnarlugit?
10Tamânna Nâlekab nâmagiva, Salomo taimaitomik tuksiarmat.
11Gûdiblo oᴋautiva: Taimaitomik tuksiaravit, tuksiarlaunginavillo inôtsemik sivitôjomik, akluinermiglonêt, omigijivit tarninginiglonêt, sillatunermigle idluarsaijungnarlutit;
12Ahâk tagva oᴋautsitit malliklugit pinniarpunga. Ahâk omamik illisimajomik, sillatôjomiglo tunnitsivigimavagit, illiktut îtoᴋalaungimat sivunerne, pittaᴋarniangimallo kingunerne.
13Taimâktauk tuksiararingitarnik tunnitsivigimagivagit, imaitunik, akluinermik, nertortaunermiglo, adseᴋarᴋonnak atautsemiglonêt atannit nelliunernetut akkorngane.
14Apᴋosinimnelo agvertarniaruvit, illusioᴋojakka, perᴋojakkalo mallingniarungne, sorlo atâtait Davide agvertarlaungmat; tagva tunnitsivigijomavagit inotsemik sivitôjomik.
15Salomolo tuppalermat, ahâk, tagva tamânna sinnektomaniolaukpok. Tikkiporlo Jerusalemut, nangeriartorlunelo Nâlekab angersimaningata iklervingata sânganut, tunnijilunelo tunnergutinik ôtaksanik, ᴋujalijutiksaniglo, âkᴋiksoilunelo nerrimâraksamik angijomik kivgaminut ilûnnnainut.
16Nelliutome taipsomane anguniarpaktûk ᴋaivuk atannermut, nangeriartorlutiglo sânganut.
17Arnâglo aipanga oᴋarpok: Nâlegâk, uvanga arnarlo una ᴋatimgalaukpoguk iglome atautseme; uvangalo innangaᴋatigilaukpara iglome.
18Ernilaungnimalo uvlut pingasut kingorngane, tamna ernilaurivok. Uvaguglo aiparêlaukpoguk, taimâk tujormijakangimat iglome uvaguk asiptingnik.
19Arnablo oma erninga toᴋovok unnuarme; sinniklune nennerlugo toᴋolaungmago.
20Unuarmelo makkipok tiguvâlo ernera sanimnit, kivgait arnak sinniktillugo, illilâlo talliminut, erninelo toᴋungajok illiva tallimnut.
21Uvlâkullo makkilaurama ernera amamaktitsomavlugo, ahâk tagva toᴋungalaukpok. Uvlarmelo ᴋemergolaukpara, ahâglo, ernerilaungitara erniliaringitaralo.
22Arnâglo aipa oᴋarpok: Taimangungitok, ernera inôvok, ernîllo toᴋungavok. TamNâle oᴋarpok: Taimangungitok ernît toᴋungavok, erneralo inôvok. Taimaglo oᴋarpuk atanniub sângane.
23Atannerlo oᴋarpok: Una oᴋarpok: Ernera inôvok, ernîllo toᴋungavok; tamnalo oᴋarpok: Taimangungitok, ernît toᴋungavok, erneralo inôvok.
24Atannerlo oᴋarpok: Saviksoarmik aiklerutigissinga. Saviksoarlo ᴋaitaulerêrmat atanniub sânganut,
25Atannek oᴋarpok: Nutarak inôjok aviksiuk Maggôlitilugo, ᴋoppangalo tunnisiuk omunga, ᴋoppangalo aipa tapsomunga.
26Tagva arnak tamna ernelik inôjomik, oᴋarpok atannermut, (omatinga ilûnngertudlalermat ernine pivlugo): Nâlegâk sorruksek inôvlune tunnisiuk tapsomunga, toᴋoniarasiuglo. Arnâgle aipanga oᴋarpok: Uvamnullonêt illingnullonêt illinganiarnago, aviktaule.
27Tagva atannek kiovok, oᴋarlunelo: Sorrusek inôvlune tunnisiuk omunga, toᴋoniarasiuglo, tamna anânaungmat.
28Idluarsainerlo tamânna, atanniub attorlauktanga tusaumajaulerpok Israelitit ilûnnnamasianginut, atannerlo sivoragivât; takkogamik Gûdib ilisimaninga tapsomanêmat, idluarsainermik attorlune.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.