Oseas 1
1
1Daytoy#2 Ar. 15:1-7; 2 Cron. 26:1-23; 2 Ar. 15:32-38; 2 Cron. 27:1-8; 2 Ar. 16:1-20; 2 Cron. 28:1-27; 2 Ar. 18:1–20:21; 2 Cron. 29:1–32:33; 2 Ar. 14:23-29. ti mensahe nga impakaammo ni Yahweh ken ni Oseas nga anak ni Beeri. Panawen idi da Ozias, Jotan, Ahaz, Hezekias nga ar-ari iti Juda; ni Jeroboam nga anak ni Joas ti ari idi iti Israel.
Ti Asawa ni Oseas ken dagiti Annakna
2Idi damo nga agsao ni Yahweh iti Israel babaen ken ni Oseas, kinunana, “Mangasawaka; liputannakanto ti asawam ket awanto ti duma kenkuana dagiti annakyo.”#2 Mangasawaka…ti asawam…annakyo; wenno mangasawaka iti balangkantis ket maaddaankanto iti annak nga agbalinto a dakes a kas kenkuana.
3Nangasawa ngarud ni Oseas ket inkallaysana ti maysa a babai nga agnagan Gomer nga anak ni Diblaim. Nagsikog ni Gomer. Naganak iti lalaki, ket kinuna ni Yahweh ken ni Oseas, 4“Panaganam#2 Ar. 10:11. iti ‘Jezreel,’ agsipud ta iti saan a mabayag, dusaek ti ari ti Israel gapu kadagiti pammapatay nga inaramid ni Jehu a kapuonanna idiay Jezreel.#4 JEZREEL: “Agmula ti Dios” ti kayat a sawen daytoy a nagan iti Hebreo ket kaipapananna ti panagtubo ken panagrang-ay. Gibusak ti dinastia ni Jehu ket 5parmekekto ti bileg ti armada ti Israel idiay Tanap ti Jezreel iti dayta nga aldaw.”
6Nagsikog manen ni Gomer ket babai ti impasngayna. Kinuna ni Yahweh ken ni Oseas, “Lo-ruhama#6 Lo-ruhama, kayatna a sawen, Saan a maay-ayat. ti ipanaganmo kenkuana, ta saankon nga ay-ayaten dagiti tattao ti Israel wenno pakawanen ida. 7Ngem ay-ayatekto dagiti tattao ti Juda. Siak, ni Yahweh a Diosda, isalakankonto ida. Ngem diak aramiden daytoy babaen iti gubat—dagiti kampilan, bai wenno babaen kadagiti kabalio wenno nagkabalio a mannakigubat.”
8Kalpasan ti pannakapusot ni Lo-ruhama, nagsikog manen ni Gomer, ket naaddaan manen iti anak a lalaki. 9Kinuna ni Yahweh ken ni Oseas, “Lo-ammi#9 Lo-ammi, kayatna a sawen, Saanko a tattao ida. ti ipanaganmo kenkuana, gapu ta saanko a tattao dagiti tattao ti Israel ket saan met a siak ti Diosda.”
Maisubli ti Sigud a Kasasaad ti Israel
10Umadunto#Rom. 9:26. dagiti Israelita. Kasdanto iti darat ti taaw a saan a marukod wenno mabilang ti kaaduda. Kuna ti Dios kadakuada, “Saan a dakayo dagiti tattaok,” ngem umayen ti aldaw a kunana kadakuada, “Dakayo ti annak ti sibibiag a Dios!”
11Agkaykaysanto manen dagiti tattao ti Juda ken dagiti tattao ti Israel. Mangdutokdanto iti maymaysa a mangipangulo kadakuada, ket rumang-aydanto manen iti dagada. Wen, naindaklanto nga aldaw ti aldaw ti Jezreel!
Currently Selected:
Oseas 1: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society