Taga-Galacia 1
1
Kablaaw
1-5Kadakayo a kamkameng dagiti iglesia iti Galacia,
Awatenyo ti kablaawmi kadakayo, siak ken dagiti amin a kakabsat ditoy.
Sapay koma ta parabur ken talna ti ited kadakayo ti Dios nga Amatayo kasta met ni Apo Jesu-Cristo.
Inted ni Cristo ti biagna gapu kadagiti basbasoltayo, kas mayannurot iti pagayatan ti Dios ken Amatayo, tapno wayawayaannakayo iti daytoy agdama a lubong a napnoan iti kinadakes. Madaydayaw koma ti Dios iti agnanayon! Amen.
Siak, ni Pablo, ti naggapuan daytoy a surat. Ti pannakaayabko a kas apostol ket saan a nagtaud iti tao wenno babaen iti tao no di ket nagtaud ken ni Jesu-Cristo ken iti Dios Ama a namagungar kenkuana.
Awan Sabali nga Ebanghelio
6Masdaawak kadakayo! Naglakakayo ketdin a mangtallikud iti nangayab kadakayo babaen iti parabur ni Cristo,#6 babaen iti parabur ni Cristo; babaen iti paraburna, kuna ti sumagmamano a manuskrito. ket sumurotkay iti sabali nga ebanghelio! 7Kinaagpaysona, awan “sabali nga ebanghelio.” Kunak daytoy agsipud ta adda tattao a mangrirriribuk kadakayo ket kayatda a ballikugen ti ebanghelio ni Cristo. 8Ngem uray no dakami wenno maysa nga anghel nga aggapu sadi langit ti mangikasaba kadakayo iti ebanghelio a maisupadi iti inkasabamin kadakayo, mailunod koma! 9Nasaomi idin, ket ulitek manen, a no adda mangikasaba kadakayo iti ebanghelio a maisuppiat iti inawatyon, mailunod koma!
10Iti kastoy a panagsaok, saanko a sapsapulen ti yaanamong dagiti tattao iti sasawek. Ti pananganamong ti Dios ti sapsapulek. Panggepko kadi ti agbalin a nalatak kadagiti tattao? No kasta ti panggepko, saan a rumbeng nga adipennak ni Cristo.
Ti Panagbalin ni Pablo nga Apostol
11Kakabsat, ibagak daytoy kadakayo: Saan nga aramid ti tao ti ebanghelio nga ikaskasabak. 12Saan nga inted wenno insuro daytoy iti siasinoman a tao no di ket impaltiing a mismo ni Jesu-Cristo.
13Nadamagyon#Ara. 8:3; 22:4-5; 26:9-11. no kasano ti panagbiagko idi napasnekak a pasurot ti Judaismo,#13 JUDAISMO: relihion dagiti Judio. no kasano ti nakaro a panangidadanesko ken panangipakatko iti amin a kabaelak a mangdadael iti iglesia ti Dios. 14Inartapak#Ara. 22:3. ti kaaduan kadagiti kasadarak ken kailiak a Judio iti panangannurot kadagiti annongen ti Judaismo. Napaspasnekak ngem isuda a nangannurot kadagiti pannursuro dagiti kapuonak.
15Ngem#Ara. 9:3-6; 22:6-10; 26:13-18. uray idi saanak pay a nayanak, pinilinak ti Dios babaen iti paraburna, ket inayabannak nga agserbi kenkuana. 16Idi inkeddeng ti Dios nga ipakaammo kaniak ti Anakna tapno ikasabak kadagiti Hentil ti Naimbag a Damag maipapan ken Jesu-Cristo, diak nakiuman iti uray siasinoman. 17Diak met napan idiay Jerusalem a nakiuman kadagiti apostoles nga immun-una ngem siak. Napanak ketdi a dagus idiay Arabia,#17 ARABIA: nalabit a ti pagarian ti Nabatea, iti abagatan-a-daya ti Palestina; ti siudad ti Petra ti kabeserana. ket kalpasanna, nagsubliak idiay Damasco. 18Napanak#Ara. 9:26-30. laeng idiay Jerusalem kalpasan ti tallo a tawen tapno sarungkarak ni Pedro. Nakipagtaengak kenkuana iti 15 nga aldaw. 19Awan nakitak kadagiti apostoles no di la ni Santiago#19 kadagiti apostoles no di la ni Santiago; wenno sabali nga apostol, wenno ni laeng Santiago ti nakitak. a kabsat ti Apo.
20Pudno daytoy nga isursuratko. Ammo ti Dios a saanak nga agul-ulbod!
21Kalpasanna, napanak kadagiti luglugar iti Siria ken Cilicia. 22Kadagidi a tiempo, didak pay nakitkita dagiti Kristiano idiay Judea. 23Ti laeng ammoda isu dagiti mangmangngegda: “Ti nangidadanes kadatayo idi, maysa itan a mangikaskasaba iti dayta met la a pammati a ginandatna a pukawen!” 24Ket dinaydayawda ti Dios gapu kaniak.
Currently Selected:
Taga-Galacia 1: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society