2 Ar-ari 2
2
Maipan ni Elias sadi Langit
1Dimteng ti tiempo a panangala ni Yahweh ken ni Elias idiay langit babaen iti alipugpog. Nagrubbuat da Elias ken Eliseo idiay Gilgal 2ket iti dalan, kinuna ni Elias ken ni Eliseo, “Agbatika ditoy. Imbilin ti Apo nga innak idiay Betel.”
Ngem kinuna ni Eliseo, “Ikarik kenka ken iti sibibiag nga Apo a saanka a panawan.” Ket nagkuyogda a napan idiay Betel.
3Adda bunggoy ti profeta nga agnaed sadiay a napan ken ni Eliseo. Sinaludsodda kenkuana, “Ammom kadi nga ipanaw ti Apo ti apom kenka ita nga aldaw?”
“Wen, ammok,” insungbat ni Eliseo. “Ngem saantay koma a pagsasaritaan.”
4Kinuna ni Elias ken ni Eliseo, “Agbatika ditoy. Imbilin ti Apo a mapanak idiay Jerico.”
Ngem insungbat ni Eliseo, “Ikarik kenka ken iti kinapudnok iti sibibiag nga Apo ken iti naganmo a saanka a panawan.” Ket nagkuyogda a napan idiay Jerico.
5Adda bunggoy dagiti profeta idiay Jerico a napan ken ni Eliseo. Sinaludsodda kenkuana, “Ammom kadi nga ipanaw ti Apo ti apom kenka ita nga aldaw?”
“Wen, ammok,” insungbat ni Eliseo. “Ngem saantay koma a pagsasaritaan.”
6Kinuna ni Elias ken ni Eliseo, “Agbatika ditoy; imbilin ti Apo a mapanak iti Karayan Jordan.”
Ngem insungbat ni Eliseo, “Ikarik kenka ken iti sibibiag nga Apo a saanka a panawan.” Ngarud, intuloyda ti panagdaliasatda. 7Limapulo kadagiti profeta ti simmurot kadakuada a napan idiay Jordan. Nagsardeng da Elias ken Eliseo iti igid ti karayan idinto a nagtakder dagiti profeta iti pangadaywen bassit. 8Inikkat ni Elias ti kagayna, kinupinna sana imbaut iti danum. Nagbingay ti danum ket bimmallasiwda ken ni Eliseo iti namaga a daga. 9Sadiay,#Deut. 21:17. kinuna ni Elias ken ni Eliseo, “Ania ti kayatmo nga ipaayko kenka sakbay a maipanawak?”
“Ibingayannak iti pannakabalinmo a mangpabileg a sumukat kenka,”#9 Ibingayannak…sumukat kenka: Dawdawaten ni Eliseo ti bingay ti inauna nga anak a lalaki kas ituyang ti linteg nga ited ti ama (Deut. 21:17). insungbat ni Eliseo.
10“Narigat a mapatgan dayta a dawatmo,” kinuna ni Elias. “Ngem awatemto no makitam ti pannakaipanawko. No dinak makita a maipanaw, saan a mapatgan ti dawatmo.”
11Nagsarsaritada bayat ti pannagnada. Pagammoan, adda umap-apuy a lugan a pakigubat a guyguyoden dagiti umap-apuy a kabalio iti baetda ket naipangato ni Elias sadi langit babaen iti alipugpog. 12Nakita#2 Ar. 13:14; Sir. 48:9, 12. ni Eliseo daytoy ket impukkawna ken ni Elias, “O amak! O amak! Nabileg a salaknib ti Israel! Awankan!” Manipud idin, saannan a nakita ni Elias.
Gapu iti lidayna, pinigis ni Eliseo ti kawesna. 13Pinidutna ti kagay ni Elias sa nagsubli ket nagtakder iti igid ti Jordan. 14Imbautna ti kagay ni Elias iti danum ngem saan a nagbingay ti danum.#14 ngem saan a nagbingay ti danum kuna ti sumagmamano a kadaanan a patarus. “Sadino ti ayan ti Apo Dios ni Elias?” kinunana. Imbautna manen ti kagay iti danum ket nagbingay ti danum. Nagna ni Eliseo a bimmallasiw. 15Nakita dagiti 50 a profeta ni Eliseo ket kinunada, “Adda ken ni Eliseo ti bileg ni Elias!” Napanda sinabat ni Eliseo, nagpaklebda iti sangoananna 16ket kinunada, “Limapulokami ditoy a napipigsa a lallaki. Intayo sapulen ti apom. Nalabit nga impanaw laeng ti espiritu ti Apo ket imbatina iti maysa a bantay wenno iti maysa a tanap.”
“Saankayo a mapan,” kinuna ni Eliseo.
17Ngem nagpilitda agingga nga immanamong ni Eliseo ket pinalubosanna ida. Napanda amin a limapulo. Tallo nga aldaw nga impasnekda ti nagsapul ken ni Elias ngem dida nabirokan. 18Idi nagsublida ken ni Eliseo nga agur-uray idiay Jerico, kinunana kadakuada, “Diak kadi imbaga kadakayo a dikay mapmapan?”
Dagiti Milagro nga Inaramid ni Eliseo
19Adda sumagmamano nga umili ti Jerico a napan ken ni Eliseo ket kinunada, “Pagaammom, apo, a napintas daytoy a siudad ngem saan a nasayaat ti danum gapu ta saan a makapabunga.”
20“Mangikabilkay iti asin iti baro a malukong ket yegyo kaniak,” imbilin ni Eliseo. Impanda kenkuana ti malukong. 21Napan iti ubbog a paggapuan ti danum ti siudad, impurruakna ti asin iti danum sana kinuna, “Kastoy ti sao ti Apo: ‘Dalusak daytoy a danum tapno saanen a mangyeg iti patay wenno mangregreg iti sikog.’”
22Manipud idin, nadalusen dayta a danum a kas imbaga ni Eliseo.
23Pimmanaw ni Eliseo idiay Jerico tapno mapan idiay Betel. Iti dalan, adda sumagmamano nga ubbing a lallaki a rimmuar iti maysa nga ili ket rinabrabakda ni Eliseo. “Pumanawka ditoy, kalbo!” impukkawda.
24Timmalliaw ni Eliseo, kinitana ida iti nasakit sana inlunod ida iti nagan ni Yahweh. Rimmuar ti dua a kabaian nga oso iti bakir ket 42 kadagiti ubbing ti rinangrangkayda.
25Manipud sadiay, napan ni Eliseo ket napan idiay Bantay Carmel; iti saan a mabayag, nagsubli idiay Samaria.
Currently Selected:
2 Ar-ari 2: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
2 Ar-ari 2
2
Maipan ni Elias sadi Langit
1Dimteng ti tiempo a panangala ni Yahweh ken ni Elias idiay langit babaen iti alipugpog. Nagrubbuat da Elias ken Eliseo idiay Gilgal 2ket iti dalan, kinuna ni Elias ken ni Eliseo, “Agbatika ditoy. Imbilin ti Apo nga innak idiay Betel.”
Ngem kinuna ni Eliseo, “Ikarik kenka ken iti sibibiag nga Apo a saanka a panawan.” Ket nagkuyogda a napan idiay Betel.
3Adda bunggoy ti profeta nga agnaed sadiay a napan ken ni Eliseo. Sinaludsodda kenkuana, “Ammom kadi nga ipanaw ti Apo ti apom kenka ita nga aldaw?”
“Wen, ammok,” insungbat ni Eliseo. “Ngem saantay koma a pagsasaritaan.”
4Kinuna ni Elias ken ni Eliseo, “Agbatika ditoy. Imbilin ti Apo a mapanak idiay Jerico.”
Ngem insungbat ni Eliseo, “Ikarik kenka ken iti kinapudnok iti sibibiag nga Apo ken iti naganmo a saanka a panawan.” Ket nagkuyogda a napan idiay Jerico.
5Adda bunggoy dagiti profeta idiay Jerico a napan ken ni Eliseo. Sinaludsodda kenkuana, “Ammom kadi nga ipanaw ti Apo ti apom kenka ita nga aldaw?”
“Wen, ammok,” insungbat ni Eliseo. “Ngem saantay koma a pagsasaritaan.”
6Kinuna ni Elias ken ni Eliseo, “Agbatika ditoy; imbilin ti Apo a mapanak iti Karayan Jordan.”
Ngem insungbat ni Eliseo, “Ikarik kenka ken iti sibibiag nga Apo a saanka a panawan.” Ngarud, intuloyda ti panagdaliasatda. 7Limapulo kadagiti profeta ti simmurot kadakuada a napan idiay Jordan. Nagsardeng da Elias ken Eliseo iti igid ti karayan idinto a nagtakder dagiti profeta iti pangadaywen bassit. 8Inikkat ni Elias ti kagayna, kinupinna sana imbaut iti danum. Nagbingay ti danum ket bimmallasiwda ken ni Eliseo iti namaga a daga. 9Sadiay,#Deut. 21:17. kinuna ni Elias ken ni Eliseo, “Ania ti kayatmo nga ipaayko kenka sakbay a maipanawak?”
“Ibingayannak iti pannakabalinmo a mangpabileg a sumukat kenka,”#9 Ibingayannak…sumukat kenka: Dawdawaten ni Eliseo ti bingay ti inauna nga anak a lalaki kas ituyang ti linteg nga ited ti ama (Deut. 21:17). insungbat ni Eliseo.
10“Narigat a mapatgan dayta a dawatmo,” kinuna ni Elias. “Ngem awatemto no makitam ti pannakaipanawko. No dinak makita a maipanaw, saan a mapatgan ti dawatmo.”
11Nagsarsaritada bayat ti pannagnada. Pagammoan, adda umap-apuy a lugan a pakigubat a guyguyoden dagiti umap-apuy a kabalio iti baetda ket naipangato ni Elias sadi langit babaen iti alipugpog. 12Nakita#2 Ar. 13:14; Sir. 48:9, 12. ni Eliseo daytoy ket impukkawna ken ni Elias, “O amak! O amak! Nabileg a salaknib ti Israel! Awankan!” Manipud idin, saannan a nakita ni Elias.
Gapu iti lidayna, pinigis ni Eliseo ti kawesna. 13Pinidutna ti kagay ni Elias sa nagsubli ket nagtakder iti igid ti Jordan. 14Imbautna ti kagay ni Elias iti danum ngem saan a nagbingay ti danum.#14 ngem saan a nagbingay ti danum kuna ti sumagmamano a kadaanan a patarus. “Sadino ti ayan ti Apo Dios ni Elias?” kinunana. Imbautna manen ti kagay iti danum ket nagbingay ti danum. Nagna ni Eliseo a bimmallasiw. 15Nakita dagiti 50 a profeta ni Eliseo ket kinunada, “Adda ken ni Eliseo ti bileg ni Elias!” Napanda sinabat ni Eliseo, nagpaklebda iti sangoananna 16ket kinunada, “Limapulokami ditoy a napipigsa a lallaki. Intayo sapulen ti apom. Nalabit nga impanaw laeng ti espiritu ti Apo ket imbatina iti maysa a bantay wenno iti maysa a tanap.”
“Saankayo a mapan,” kinuna ni Eliseo.
17Ngem nagpilitda agingga nga immanamong ni Eliseo ket pinalubosanna ida. Napanda amin a limapulo. Tallo nga aldaw nga impasnekda ti nagsapul ken ni Elias ngem dida nabirokan. 18Idi nagsublida ken ni Eliseo nga agur-uray idiay Jerico, kinunana kadakuada, “Diak kadi imbaga kadakayo a dikay mapmapan?”
Dagiti Milagro nga Inaramid ni Eliseo
19Adda sumagmamano nga umili ti Jerico a napan ken ni Eliseo ket kinunada, “Pagaammom, apo, a napintas daytoy a siudad ngem saan a nasayaat ti danum gapu ta saan a makapabunga.”
20“Mangikabilkay iti asin iti baro a malukong ket yegyo kaniak,” imbilin ni Eliseo. Impanda kenkuana ti malukong. 21Napan iti ubbog a paggapuan ti danum ti siudad, impurruakna ti asin iti danum sana kinuna, “Kastoy ti sao ti Apo: ‘Dalusak daytoy a danum tapno saanen a mangyeg iti patay wenno mangregreg iti sikog.’”
22Manipud idin, nadalusen dayta a danum a kas imbaga ni Eliseo.
23Pimmanaw ni Eliseo idiay Jerico tapno mapan idiay Betel. Iti dalan, adda sumagmamano nga ubbing a lallaki a rimmuar iti maysa nga ili ket rinabrabakda ni Eliseo. “Pumanawka ditoy, kalbo!” impukkawda.
24Timmalliaw ni Eliseo, kinitana ida iti nasakit sana inlunod ida iti nagan ni Yahweh. Rimmuar ti dua a kabaian nga oso iti bakir ket 42 kadagiti ubbing ti rinangrangkayda.
25Manipud sadiay, napan ni Eliseo ket napan idiay Bantay Carmel; iti saan a mabayag, nagsubli idiay Samaria.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society