Judas Judasdih jwĩ tʉ́i beh joyát pínah naáwát

Judasdih jwĩ tʉ́i beh joyát pínah naáwát

¿Déhe tigaá daácniji? Daácniboó “Weém Judas, Santiago ʉ́ʉd wã jʉmna caá”, ã niíj daacáchah, Jesucristo ʉ́ʉdbʉt ã jʉmatdih jwĩ jéihna caá.

¿Detdih ãt daácji? Jesúíhwãdih Judas ãt daác wahap tajĩ. Obohjeéhtih, dedjĩh moón ĩ jʉmatdih jwĩ jéihcan caá.

¿Dedmant, débólih cah, ãt daácji? Dawá jéihnit “Pedro nin Judas ã daacátjidih ennit, ã jwʉ́ʉb daácni nʉ́odih ãt daacáp wʉt jĩ. Pánihna, Judas jópchi 65 (Jesús ã wʉnat tʉ́ttimah 32 jópchi tʉ́ttimah) nin nʉ́odih ãt daacáp wʉt jĩ”, ĩ niíj jenah joiná caá. Obohjeéhtih, dedmant ã daacátjidih jwĩ jéihcan caá.

¿Dedé pínah tigaá ãt daácji? Jesúíh doonádih yee naóhnit ded pah ĩ naáwát, ded pah ĩ chãjatbʉt ã tʉ́icatdih Judas ã wẽp naóh daacáp tajĩ, Jesúíhwã queét yeenitdih ĩ jepahcat pínah niijná.

Judas ded pah ã jʉmat:

1. Queétdih ã tʉ́yat tʉ́ʉtat (vs. 1-2)

2. Dépanih tigaá ã daacát (vs. 3-4)

3. Yee naóhnitdih Dios ã peéh chãjat pínah (vs. 5-16)

a. Jon jã́tih moón biíc yoobó ĩ yéej chãjat jíib ã peéh chãjat (vs. 5-7)

b. Judas jʉm láa yee naóhnit ded pah ĩ yéej chãjat jíib ã peéh chãjat pínah (vs. 8-16)

4. Jesúíhwãdih caandíh Judas ã cádahat tʉ́ʉtcat (vs. 17-23)

5. Diosdih ã pée wẽi naáwát (vs. 24-25)

Currently Selected:

Judas Judasdih jwĩ tʉ́i beh joyát pínah naáwát: cbv

Highlight

Copy

Want to have your highlights saved across all your devices? Sign up or sign in

Learn more about Dios ã jáap naáwát tólih