Hebreos Hebreosdih jwĩ tʉ́i beh joyát pínah naáwát
Hebreosdih jwĩ tʉ́i beh joyát pínah naáwát
¿Déhe tigaá daácniji? Nin nʉ́odih daácni ã́ih wʉ̃tdih ã niijcáh yʉhna, ã daácnitboó caandíh ĩt tʉ́i jéihyep taga. Dawá jéihnit jon jã́tih moón (jópchi 400–1600) “Pablo tagaá nin nʉ́odih ãt daácjip taga”, ĩt niíj jenah joyóp wʉt jĩ. Obohjeéhtih, tʉ́ttimah “Nindih daácni Pablojeh nihcan, Jesúíhwãdih maátajeéh jʉmni, judío, tʉ́i bohéni ãt jʉmji taga”, ĩ niíj jenah joiná caá. Biquína “Bernabé tajĩ”, bita “Apolo tajĩ”, ĩ niíj jenah joiná caá.
¿Detdih ãt daácji? Judíowã, Antiguo Testamentodih jéihnitdih ãt daácjip taga. Biquína “Judíowã sacerdotewã Jesúsdih jepahnitjidih ãt daácjip taga”, ĩ niíj jenah joiná caá.
¿Dedmant, débólih cah, ãt daácji? Dioíh mʉʉdíh, sacerdotewã Diosdih nʉñʉ́pwãdih ĩpĩ́ cáo wʉ̃hatdih páantjeh ã jʉmat pah daácna, Jerusalén tʉ́tchidih, Dioíh mʉʉdíhbʉt jópchi 70 (Jesús ã wʉnat tʉ́ttimah 37 jópchi tʉ́ttimah) Romanos ĩ yoh beedáát pínah jã́tih ãt daácjip taga. Chah tʉ́i bohénit dedmant ã daacátjidih ĩ jéihcan caá.
¿Dedé pínah tigaá ãt daácji? Jesucristo chah ã jʉmatdih jéihyaíhna, ángelwã chah, Dios naáwádih naóh yapanitji chah, Moisés ã wʉtatji chah, Aarón ã jʉimená sacerdotewã chah ã jʉmatdih nin nʉ́ojĩh ãt naóh daacáp tajĩ. Pánihna, Dios biícdih jwĩ tʉ́i jʉmat pínahdih Jesucristo chah tʉ́ini namá ã chãjatjidih ãt daacáp tajĩ.
Hebreos ded pah ã jʉmat:
1. Jon jã́tih Dios ã́ihwãdih ã naáwátji chah tʉ́ini bʉʉ láa Jesucristo ã naáwát (1.1-4)
2. Jon jã́tih moondíh Jesucristo chah ã jʉmat (1.5–7.28)
a. Ángelwã chah ã jʉmat (1.5–2.18)
b. Moisésji chah ã jʉmat (3.1–4.13)
c. Aarón ã jʉimená sacerdotewã chah ã jʉmat (4.14–7.28)
3. Sacerdotewã ĩ chah maáh panihni Jesucristo jwiítdih tʉ́i teo wáacni ã jʉmat (8.1–10.39)
4. Jesucristodih jwĩ tʉ́i jenah joyát pínahdih ã wʉtat (11.1–12.29)
a. Jon jã́tih moón Diosdih ĩ tʉ́i jenah joyát (11.1-40)
b. Ded pah jwiítbʉt Jesucristodih tʉ́i jenah joinít jwĩ jʉmat (12.29)
5. Ã pée naáwát (13.1-25)
a. Jesúíhwã ded pah jwĩ tʉ́i chãjat (13.1-17)
b. Ã daácnit ĩ ʉʉ́bátdih ã bidat (13.18-19)
c. Dios queétdih ã tʉ́i teo wáacat tʉ́ʉtat (13.20-21)
d. Ded pah ã jʉmat, ã pej jʉmnit ĩ jʉmatbʉt ã naáwát (13.22-23)
e. Ã pée tʉ́yat tʉ́ʉtat (13.24-25)
Currently Selected:
Hebreos Hebreosdih jwĩ tʉ́i beh joyát pínah naáwát: cbv
Highlight
Share
Copy
Want to have your highlights saved across all your devices? Sign up or sign in
© 2004, 2008, Wycliffe Bible Translators, Inc. All rights reserved.