1 Timoteo 1 Timoteodih jwĩ tʉ́i beh joyát pínah naáwát
1 Timoteodih jwĩ tʉ́i beh joyát pínah naáwát
¿Déhe tigaá daácniji? Pablo, Dios ã jib bohéát tʉ́ʉtni nin nʉ́odih ãt daacáp wʉt jĩ. Pablo ded pah ã jʉmatdih chah jéihíhna, Romanosdih jwĩ tʉ́i beh joyát pínah naáwátdih ñi eneé.
¿Déhedih ãt daácji? Timoteodih nin nʉ́odih Pablo ãt daacáp wʉt jĩ. Timoteo íip Griego, (judío nihcanni) ã íin judío wili Jesúsdih jéihnih wʉt jĩ. Pablo jwíih bejniji ã jwʉ́ʉb bohé jibidih bejna, Timoteodih ãt nʉmah jibip wʉt jĩ. (Hch 16.3) Pablo tʉ́ttimah ã jib bohénachah, Timoteodihbʉt ãt nʉmah bohé jibip wʉt jĩ. Pablo Timoteodih bʉ́dí oinit, ã teo wáacatdih bʉ́dí ãt weñep wʉt jĩ. Timoteobʉt nemat mʉʉdíh ĩ nemniji ĩ jwʉ́ʉb wãtni ãt jʉmʉp wʉt jĩ. (He 13.23)
¿Dedmant, débólih cah, ãt daácji? Chah jéihnit “Pablo Roma tʉ́tchiboó nemat mʉʉ́boó ã jwíih jʉmʉchah, caandíh ĩ bacaat tʉ́ttimah, (Hch 28 tʉ́ttimah) Pablo biíc peihcanni jópchi Éfeso tʉ́tchidih moón Jesúíhwãdih ãt jwʉ́ʉb bohénap wʉt jĩ. Queétdih bohé cádahnit, Pablo Macedonia baácna ã bejechah, Timoteo Éfeso tʉ́tchidih moónjeéh pã́init, queétdih bʉ́dí ãt bohénap wʉt jĩ. (1.3) Pánihna, Timoteo Éfeso tʉ́tchiboó ã jʉmʉchah, Pablo Macedonia baácboó jʉmnit, nin nʉ́odih ãt daác wahap wʉt jĩ. Jópchi 63–65 (Jesús ã wʉnat tʉ́ttimah 30–33 jópchi tʉ́ttimah) ãt daacáp wʉt jĩ”, ĩ niíj jenah joiná caá.
¿Dedé pínah tigaá ãt daácji? Timoteo Éfesodih moón Pablo ã bohéát tʉ́ʉtni ã jʉmʉchah, Jesúíh doonádih yoobópdih ĩ jenah joyát pínah niijná, ded pah queétdih ã bohéát pínahdih Pablo nin nʉ́odih ãt daác wahap wʉt jĩ. Mácah bohéátdih Timoteo ã jéih yap yohat pínah, Jesúíhwã ĩ maátadih ded pah ã ñíwatdih ã jéihyat pínah, míic wáacnit ded pah ĩ chãjatdih ã jéihyat pínahdihbʉt ãt daác wahap wʉt jĩ.
Ded pah 1 Timoteo ã jʉmat:
1. Caandíh ã tʉ́yat tʉ́ʉtat (1.1-2)
2. Yee bohénitdih ã joyáh bojat tʉ́ʉtat (1.3-11)
3. Dios Pablodih bʉ́dí oinit, ded pah ã teo wáacat (1.12-17)
4. Dépanihna Pablo Timoteodih nin nʉ́odih ã daác wahat (1.18-20)
5. Ded pah Jesúíhwã míic wáacnit ĩ jʉmat (2.1–3.16)
a. Ded pah ĩ ʉʉ́bát pínah (2.1-8)
b. Yaádh ded pah ĩ chãjat pínah (2.9-15)
c. Jesúíhwãdih waóhnit ded pah ĩ jʉmat pínah (3.1-13)
d. Dépanih tigaá páant ã wʉtat (3.14-16)
6. Ded pah yee bohénitdih Timoteo ã chãjat pínah (4.1-16)
7. Ded pah Jesúíhwãjĩh Timoteo ã chãjat pínah (5.1–6.2)
a. Behnitdih, japatadih (5.1-2)
b. Éemp wʉnnit yaádhdih (5.3-16)
c. Jesúíhwã waóhnitdih (5.17-25)
d. Teo wʉ̃hnitdih (6.1-2)
8. Biíh ã bohéát tʉ́ʉtat (6.3-10)
9. Timoteodihjeh ã wʉtat (6.11-21a)
10. Timoteodih Dios ã teo wáacat tʉ́ʉtat (6.21b)
Currently Selected:
1 Timoteo 1 Timoteodih jwĩ tʉ́i beh joyát pínah naáwát: cbv
Highlight
Share
Copy
Want to have your highlights saved across all your devices? Sign up or sign in
© 2004, 2008, Wycliffe Bible Translators, Inc. All rights reserved.