SAN JUAN 21
21
Ngutu'u tucua Jesús su ndu̱ ngu' to' tayu'
1Tiya' la xi xa' ngulu'u loo Jesús ji'i̱ nu ngu' nu ngua tsa'a̱ ji'i̱, nu lo'o ndyaa ngu' nde to' tayu' Tiberias. Ndi'ya̱ ngua cha' bi': 2Tsa tlyu ti ndyaa Simón Pedro, lo'o Tomás nu Culaca', lo'o Natanael ngu' quichi̱ Cana, sca quichi̱ nu ndi'i̱ nde loyuu su cuentya Galilea; lo'o sñi' Zebedeo, lo'o tya tyucuaa tya'a ngu' nu ngua tsa'a̱ ji'i̱ Jesús, ndyaa ngu' to' tayu' bi'. 3Li' nacui̱ Simón Pedro ji'i̱ ngu' bi':
―Tsaa na cuta cualya ―nacui̱.
―Tsa taju ti na tsaa na lacua ―nacui̱ ngu' ji'i̱ tya'a ngu' li'.
Ndyatí̱ ngu' ne' yaca ni'i̱ ndyaa ngu' li', pana ná sca na ngujui ji'i̱ ngu' ndyaa ngu' talya bi'. 4Tsa cua cuxee ti chaca tsa̱, li' ndu̱ Jesús to' tayu'. Tya ntsu'u ngu' lo hitya, pana ná jlo ti' ngu' nu ngua tsa'a̱ ji'i̱ yu si la cui' Jesús laca nu ndu̱ to' tayu' bi'. 5Li' ngusi'ya lo'o Jesús ji'i̱ ngu':
―¿Ha ngujui xi na cacu ma̱, La?
―Ná sca na ngujui ji'i̱ ya tsiya' ti ―nacui̱ ngu' ji'i̱ yu li'.
6Li' nchcui' Jesús lo'o ngu' nu ntsu'u lo hitya bi':
―Cu̱ ma̱ taraya ji'i̱ ma̱ nde la'a tsu' cui̱, tsu' bi' caja xi cualya ji'i̱ ma̱ ―nacui̱ yu.
Ngua'ni ngu' jua'a̱, lo'o nga'aa ngua ji'i̱ ngu' tyojolaqui ngu' ji'i̱ taraya tya̱a̱ nde ne' yaca ni'i̱ bi'; quiña'a̱ tsa cualya ndyatí̱ ne' taraya ji'i̱ ngu'. 7Li' nchcui' nu qui'yu nu ngua tsa'a̱ ji'i̱ Jesús nu tyaca'a tsa ji'i̱ yu, nacui̱ ji'i̱ Pedro:
―Nu ndu̱ ca bi' laca ycui' nu Xu'na na ―nacui̱.
Nu lo'o ndyuna Pedro cha' bi', li' ndyacu' ste' cha' quichi' ti ndyu'ni cña, ngutacua̱ Pedro ndyú lo hitya, ngutu'u to' tayu'. 8Tiya' la ngutu'u nu xa' la ñati̱ bi' lo'o yaca ni'i̱; ndyojolaqui ngu' ji'i̱ taraya ngutsa'á̱ ntsu'u cualya ne', ngutu'u ngu' to' hitya. Ná tyijyu' ntsu'u ngu' to' tayu' bi', cuayá' sca siyento metro ti ndyaa ngu' lo hitya bi'. 9Lo'o ngua'ya ngu' to' hitya, ngutu'u ngu' ne' yaca ni'i̱ bi', li' na'a̱ ngu' cha' cua laca ndyu'u tu'u quii' nchcubi'; nscua cualya nchqui'i lo quii', lo'o xi xlyá nscua. 10Nchcui' Jesús lo'o ngu' li':
―Tya̱a̱ lo'o ma̱ xi cualya nu ngujui ji'i̱ ma̱ ca nde ―nacui̱ yu ji'i̱ ngu'.
11Li' ndyatí̱ Pedro ne' yaca ni'i̱, ngujolaqui taraya ngutu'u ca lo yuu btyi; ngutsa'á̱ ne' taraya bi' ntsu'u cualya tonu. Sca siyento cla'be ntucua sna tya'a cualya ndyatí̱ ne' taraya ji'i̱ ngu', ni ná ngutaa' taraya, masi quiña'a̱ tsa cualya ndyatí̱ ne'.
12―Tya̱a̱ ma̱ cacu ma̱ msaa ―nacui̱ Jesús ji'i̱ ngu' bi' li'.
Pana ná tucui ngua ti' xcuane ji'i̱: ¿tilaca laca nu'u̱? Jlo ti' ngu' cha' la cui' Jesús nu Xu'na ngu' laca yu bi'. 13Li' ndyaa Jesús slo ngu', ndaya' xlyá cha' ta yu cacu ngu' bi'; jua'a̱ lo'o cualya nda yu ndyacu ngu'.
14Cua ngua sna quiya' li' nu ngulu'u loo Jesús ji'i̱ nu ngu' nu ngua tsa'a̱ ji'i̱, tya lo'o ndyu'ú yu chaca quiya' lo'o ngujuii yu.
Nchcui' Jesús lo'o Simón Pedro
15Lo'o ndye ngua'ni ngu' msaa, li' nchcuane Jesús ji'i̱ Simón Pedro:
―Simón, sñi' Juan ―nacui̱ Jesús ji'i̱―, ¿ha ntsu'u la tyiquee nu'u̱ ña'a̱ jna'? ¿Ha ntsu'u la tyiquee nu'u̱ ña'a̱ ji'i̱ tya'a tso'o nu'u̱?
Li' nguxacui̱ Pedro cha' ji'i̱ Jesús:
―Cua jlo ti' nu'u̱, Xu'na, cha' ntsu'u tsa tyiquee na' ña'a̱a̱ jinu'u̱ ―nacui̱ Pedro ji'i̱.
―Culu'u nu'u̱ cha' 'na ji'i̱ ñati̱ nu ngusñi ca ti cha' bi' lacua, ñi'ya̱ lo'o ña'a̱si̱i̱ nu'u̱ ji'i̱ na'ni cuañi' scu̱' nu'u̱ ―nacui̱ Jesús ji'i̱ Pedro.
16Xa' nchcui' Jesús lo'o chaca quiya':
―Simón, sñi' Juan ―nacui̱―, ¿ha chañi cha' hi̱ cha' ntsu'u tyiquee nu'u̱ ña'a̱ 'na?
―Xu'na̱, cua jlo ti' nu'u̱ cha' ntsu'u tsa tyiquee na' ña'a̱a̱ jinu'u̱ ―nacui̱ Pedro ji'i̱ Jesús.
―Ña'a̱si̱i̱ nu'u̱ ji'i̱ ñati̱ 'na lacua ―nacui̱ Jesús ji'i̱ li'.
17Cua ngua sna quiya' nu nchcuane Jesús ji'i̱:
―¿Ha chañi hi̱ cha' ntsu'u tyiquee nu'u̱ ña'a̱ 'na?
Cua xñi'i̱ ti' Pedro cha' cua sna quiya' nchcuane Jesús ji'i̱ si chañi cha' ntsu'u tyiquee ña'a̱ ji'i̱ yu, bi' cha' nchcui' ndi'ya̱:
―Lcaa ca cha' jlo ti' nu'u̱, Xu'na ―nacui̱ Pedro ji'i̱ yu―. Cua jlo ti' nu'u̱ cha' ntsu'u tsa tyiquee na' ña'a̱ na' jinu'u̱.
―Culu'u nu'u̱ cha' 'na ji'i̱ ñati̱ 'na lacua ―nacui̱ Jesús ji'i̱―. 18Liñi tsa cha' nu ta na' lo'o nu'u̱ juani, cha' nu lo'o ngua cuañi' nu'u̱ ni ―nacui̱ Jesús―, li' ngua ji'i̱ ycui' ca nu'u̱ sca̱' nu'u̱ juata ndi'i̱ sii' nu'u̱, ngua jinu'u̱ tsaa macala su nti' nu'u̱ tsaa li'; pana lo'o casu' nu'u̱, li' xquiñi nu'u̱ scu̱ cha' sca̱' tachaa ngu' xa' chalyuu jinu'u̱, li' tsaa lo'o ngu' jinu'u̱ macala su ná nti' nu'u̱ tsaa.
19Nacui̱ Jesús jua'a̱ cha' caca cuayá' ti' Pedro ñi'ya̱ ña'a̱ cujuii ngu' ji'i̱ ca tiya' la; xqui'ya cha' cajaa Pedro jua'a̱, bi' cha' lye la cua'ni tlyu xa' ñati̱ ji'i̱ ycui' Ndyosi li'.
―Tya'a̱ nu'u̱ lo'o na' lacua ―nacui̱ Jesús ji'i̱ Pedro li'.
Nu qui'yu nu tyaca'a tsa ji'i̱ Jesús
20Li' nguxña'a̱ Pedro ca su ndi'i̱ nu xa' la tya'a ngu', na'a̱ cha' lca'a̱ nu qui'yu nu ngua tsa'a̱ ji'i̱ Jesús, nu tyaca'a tsa ji'i̱ yu, lijya̱ lca'a̱ bi' ji'i̱ ngu'. La cui' bi' laca nu tya tsubi' la nguxni yane nde chu̱' cha' caca cacua la slo Jesús su ndyacu ngu' si̱i̱, cha' nchcuane ji'i̱ Jesús ndi'ya̱: “¿Xu'na, tilaca laca nu cujui' cresiya jinu'u̱ ji'i̱ ngu' cuxi?” nacui̱. 21Na'a̱ Pedro cha' lca'a̱ nu qui'yu bi' ji'i̱ ngu', bi' cha' nchcuane Pedro ji'i̱ Jesús:
―¿Na ca caca ji'i̱ yu bi' nde loo la? ―nacui̱ Pedro ji'i̱.
22Nguxacui̱ Jesús cha' ji'i̱ Pedro li':
―Ná culacua tsa ti' nu'u̱ ―nacui̱ yu ji'i̱―. Si nti' na' cha' tyanu yu chalyuu re ni jacua' nu tya̱a̱ na' chaca quiya', ná ntsu'u cha' cube ti' nu'u̱ ji'i̱ cha' bi' ―nacui̱ Jesús―. Nu'u̱ ni, tya'a̱ nu'u̱ lo'o na'.
23Lo'o ndyuna ngu' nu ndyaca tsa'a̱ ji'i̱ Jesús cha' bi', nchcui' tsa ngu' lo'o tya'a ngu' cha' nga'aa nscua cha' cajaa nu qui'yu bi' ngua ti' ngu'. Pana liñi la cha', ná nacui̱ Jesús cha' ná cajaa chca; tsa bi' ti cha' nacui̱ yu: “Ná culacua tsa ti' nu'u̱. Si nti' na' cha' tyanu yu chalyuu re ni jacua' nu tya̱a̱ na' chaca quiya', ná ntsu'u cha' cube ti' nu'u̱”. Tsa bi' ti cha' nda Jesús lo'o ngu'.
24Lo'o na' laca̱ nu qui'yu nu ngua tsa'a̱ ji'i̱ Jesús bi'. Na' nguscua̱ cha' re lo quityi, lo'o jlo ti' na' cha' liñi tsa nchcui' na' lo'o ma̱. Jlo ti' na' cha' liñi laca lcaa cha' nu nscua na' re.
25Lo'o jua'a̱ tya ntsu'u quiña'a̱ la cha' nu ngua'ni Jesús; si lo quityi scua ngu' cha' ji'i̱ lcaa ca cha' nu ngua'ni Jesús nu lo'o ya̱a̱ yu nde chalyuu, ná tyu'u scua tyucui ña'a̱ chalyuu cha' tyuco'o quityi bi', nti' na'. Tsa lo cua ti cha' nscua na' re.
Currently Selected:
SAN JUAN 21: cta
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
SAN JUAN 21
21
Ngutu'u tucua Jesús su ndu̱ ngu' to' tayu'
1Tiya' la xi xa' ngulu'u loo Jesús ji'i̱ nu ngu' nu ngua tsa'a̱ ji'i̱, nu lo'o ndyaa ngu' nde to' tayu' Tiberias. Ndi'ya̱ ngua cha' bi': 2Tsa tlyu ti ndyaa Simón Pedro, lo'o Tomás nu Culaca', lo'o Natanael ngu' quichi̱ Cana, sca quichi̱ nu ndi'i̱ nde loyuu su cuentya Galilea; lo'o sñi' Zebedeo, lo'o tya tyucuaa tya'a ngu' nu ngua tsa'a̱ ji'i̱ Jesús, ndyaa ngu' to' tayu' bi'. 3Li' nacui̱ Simón Pedro ji'i̱ ngu' bi':
―Tsaa na cuta cualya ―nacui̱.
―Tsa taju ti na tsaa na lacua ―nacui̱ ngu' ji'i̱ tya'a ngu' li'.
Ndyatí̱ ngu' ne' yaca ni'i̱ ndyaa ngu' li', pana ná sca na ngujui ji'i̱ ngu' ndyaa ngu' talya bi'. 4Tsa cua cuxee ti chaca tsa̱, li' ndu̱ Jesús to' tayu'. Tya ntsu'u ngu' lo hitya, pana ná jlo ti' ngu' nu ngua tsa'a̱ ji'i̱ yu si la cui' Jesús laca nu ndu̱ to' tayu' bi'. 5Li' ngusi'ya lo'o Jesús ji'i̱ ngu':
―¿Ha ngujui xi na cacu ma̱, La?
―Ná sca na ngujui ji'i̱ ya tsiya' ti ―nacui̱ ngu' ji'i̱ yu li'.
6Li' nchcui' Jesús lo'o ngu' nu ntsu'u lo hitya bi':
―Cu̱ ma̱ taraya ji'i̱ ma̱ nde la'a tsu' cui̱, tsu' bi' caja xi cualya ji'i̱ ma̱ ―nacui̱ yu.
Ngua'ni ngu' jua'a̱, lo'o nga'aa ngua ji'i̱ ngu' tyojolaqui ngu' ji'i̱ taraya tya̱a̱ nde ne' yaca ni'i̱ bi'; quiña'a̱ tsa cualya ndyatí̱ ne' taraya ji'i̱ ngu'. 7Li' nchcui' nu qui'yu nu ngua tsa'a̱ ji'i̱ Jesús nu tyaca'a tsa ji'i̱ yu, nacui̱ ji'i̱ Pedro:
―Nu ndu̱ ca bi' laca ycui' nu Xu'na na ―nacui̱.
Nu lo'o ndyuna Pedro cha' bi', li' ndyacu' ste' cha' quichi' ti ndyu'ni cña, ngutacua̱ Pedro ndyú lo hitya, ngutu'u to' tayu'. 8Tiya' la ngutu'u nu xa' la ñati̱ bi' lo'o yaca ni'i̱; ndyojolaqui ngu' ji'i̱ taraya ngutsa'á̱ ntsu'u cualya ne', ngutu'u ngu' to' hitya. Ná tyijyu' ntsu'u ngu' to' tayu' bi', cuayá' sca siyento metro ti ndyaa ngu' lo hitya bi'. 9Lo'o ngua'ya ngu' to' hitya, ngutu'u ngu' ne' yaca ni'i̱ bi', li' na'a̱ ngu' cha' cua laca ndyu'u tu'u quii' nchcubi'; nscua cualya nchqui'i lo quii', lo'o xi xlyá nscua. 10Nchcui' Jesús lo'o ngu' li':
―Tya̱a̱ lo'o ma̱ xi cualya nu ngujui ji'i̱ ma̱ ca nde ―nacui̱ yu ji'i̱ ngu'.
11Li' ndyatí̱ Pedro ne' yaca ni'i̱, ngujolaqui taraya ngutu'u ca lo yuu btyi; ngutsa'á̱ ne' taraya bi' ntsu'u cualya tonu. Sca siyento cla'be ntucua sna tya'a cualya ndyatí̱ ne' taraya ji'i̱ ngu', ni ná ngutaa' taraya, masi quiña'a̱ tsa cualya ndyatí̱ ne'.
12―Tya̱a̱ ma̱ cacu ma̱ msaa ―nacui̱ Jesús ji'i̱ ngu' bi' li'.
Pana ná tucui ngua ti' xcuane ji'i̱: ¿tilaca laca nu'u̱? Jlo ti' ngu' cha' la cui' Jesús nu Xu'na ngu' laca yu bi'. 13Li' ndyaa Jesús slo ngu', ndaya' xlyá cha' ta yu cacu ngu' bi'; jua'a̱ lo'o cualya nda yu ndyacu ngu'.
14Cua ngua sna quiya' li' nu ngulu'u loo Jesús ji'i̱ nu ngu' nu ngua tsa'a̱ ji'i̱, tya lo'o ndyu'ú yu chaca quiya' lo'o ngujuii yu.
Nchcui' Jesús lo'o Simón Pedro
15Lo'o ndye ngua'ni ngu' msaa, li' nchcuane Jesús ji'i̱ Simón Pedro:
―Simón, sñi' Juan ―nacui̱ Jesús ji'i̱―, ¿ha ntsu'u la tyiquee nu'u̱ ña'a̱ jna'? ¿Ha ntsu'u la tyiquee nu'u̱ ña'a̱ ji'i̱ tya'a tso'o nu'u̱?
Li' nguxacui̱ Pedro cha' ji'i̱ Jesús:
―Cua jlo ti' nu'u̱, Xu'na, cha' ntsu'u tsa tyiquee na' ña'a̱a̱ jinu'u̱ ―nacui̱ Pedro ji'i̱.
―Culu'u nu'u̱ cha' 'na ji'i̱ ñati̱ nu ngusñi ca ti cha' bi' lacua, ñi'ya̱ lo'o ña'a̱si̱i̱ nu'u̱ ji'i̱ na'ni cuañi' scu̱' nu'u̱ ―nacui̱ Jesús ji'i̱ Pedro.
16Xa' nchcui' Jesús lo'o chaca quiya':
―Simón, sñi' Juan ―nacui̱―, ¿ha chañi cha' hi̱ cha' ntsu'u tyiquee nu'u̱ ña'a̱ 'na?
―Xu'na̱, cua jlo ti' nu'u̱ cha' ntsu'u tsa tyiquee na' ña'a̱a̱ jinu'u̱ ―nacui̱ Pedro ji'i̱ Jesús.
―Ña'a̱si̱i̱ nu'u̱ ji'i̱ ñati̱ 'na lacua ―nacui̱ Jesús ji'i̱ li'.
17Cua ngua sna quiya' nu nchcuane Jesús ji'i̱:
―¿Ha chañi hi̱ cha' ntsu'u tyiquee nu'u̱ ña'a̱ 'na?
Cua xñi'i̱ ti' Pedro cha' cua sna quiya' nchcuane Jesús ji'i̱ si chañi cha' ntsu'u tyiquee ña'a̱ ji'i̱ yu, bi' cha' nchcui' ndi'ya̱:
―Lcaa ca cha' jlo ti' nu'u̱, Xu'na ―nacui̱ Pedro ji'i̱ yu―. Cua jlo ti' nu'u̱ cha' ntsu'u tsa tyiquee na' ña'a̱ na' jinu'u̱.
―Culu'u nu'u̱ cha' 'na ji'i̱ ñati̱ 'na lacua ―nacui̱ Jesús ji'i̱―. 18Liñi tsa cha' nu ta na' lo'o nu'u̱ juani, cha' nu lo'o ngua cuañi' nu'u̱ ni ―nacui̱ Jesús―, li' ngua ji'i̱ ycui' ca nu'u̱ sca̱' nu'u̱ juata ndi'i̱ sii' nu'u̱, ngua jinu'u̱ tsaa macala su nti' nu'u̱ tsaa li'; pana lo'o casu' nu'u̱, li' xquiñi nu'u̱ scu̱ cha' sca̱' tachaa ngu' xa' chalyuu jinu'u̱, li' tsaa lo'o ngu' jinu'u̱ macala su ná nti' nu'u̱ tsaa.
19Nacui̱ Jesús jua'a̱ cha' caca cuayá' ti' Pedro ñi'ya̱ ña'a̱ cujuii ngu' ji'i̱ ca tiya' la; xqui'ya cha' cajaa Pedro jua'a̱, bi' cha' lye la cua'ni tlyu xa' ñati̱ ji'i̱ ycui' Ndyosi li'.
―Tya'a̱ nu'u̱ lo'o na' lacua ―nacui̱ Jesús ji'i̱ Pedro li'.
Nu qui'yu nu tyaca'a tsa ji'i̱ Jesús
20Li' nguxña'a̱ Pedro ca su ndi'i̱ nu xa' la tya'a ngu', na'a̱ cha' lca'a̱ nu qui'yu nu ngua tsa'a̱ ji'i̱ Jesús, nu tyaca'a tsa ji'i̱ yu, lijya̱ lca'a̱ bi' ji'i̱ ngu'. La cui' bi' laca nu tya tsubi' la nguxni yane nde chu̱' cha' caca cacua la slo Jesús su ndyacu ngu' si̱i̱, cha' nchcuane ji'i̱ Jesús ndi'ya̱: “¿Xu'na, tilaca laca nu cujui' cresiya jinu'u̱ ji'i̱ ngu' cuxi?” nacui̱. 21Na'a̱ Pedro cha' lca'a̱ nu qui'yu bi' ji'i̱ ngu', bi' cha' nchcuane Pedro ji'i̱ Jesús:
―¿Na ca caca ji'i̱ yu bi' nde loo la? ―nacui̱ Pedro ji'i̱.
22Nguxacui̱ Jesús cha' ji'i̱ Pedro li':
―Ná culacua tsa ti' nu'u̱ ―nacui̱ yu ji'i̱―. Si nti' na' cha' tyanu yu chalyuu re ni jacua' nu tya̱a̱ na' chaca quiya', ná ntsu'u cha' cube ti' nu'u̱ ji'i̱ cha' bi' ―nacui̱ Jesús―. Nu'u̱ ni, tya'a̱ nu'u̱ lo'o na'.
23Lo'o ndyuna ngu' nu ndyaca tsa'a̱ ji'i̱ Jesús cha' bi', nchcui' tsa ngu' lo'o tya'a ngu' cha' nga'aa nscua cha' cajaa nu qui'yu bi' ngua ti' ngu'. Pana liñi la cha', ná nacui̱ Jesús cha' ná cajaa chca; tsa bi' ti cha' nacui̱ yu: “Ná culacua tsa ti' nu'u̱. Si nti' na' cha' tyanu yu chalyuu re ni jacua' nu tya̱a̱ na' chaca quiya', ná ntsu'u cha' cube ti' nu'u̱”. Tsa bi' ti cha' nda Jesús lo'o ngu'.
24Lo'o na' laca̱ nu qui'yu nu ngua tsa'a̱ ji'i̱ Jesús bi'. Na' nguscua̱ cha' re lo quityi, lo'o jlo ti' na' cha' liñi tsa nchcui' na' lo'o ma̱. Jlo ti' na' cha' liñi laca lcaa cha' nu nscua na' re.
25Lo'o jua'a̱ tya ntsu'u quiña'a̱ la cha' nu ngua'ni Jesús; si lo quityi scua ngu' cha' ji'i̱ lcaa ca cha' nu ngua'ni Jesús nu lo'o ya̱a̱ yu nde chalyuu, ná tyu'u scua tyucui ña'a̱ chalyuu cha' tyuco'o quityi bi', nti' na'. Tsa lo cua ti cha' nscua na' re.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.