2 CORINTIOS 2
2
1Bi' cha' ngulacua ti' na' cha' nga'aa su'ba na' cha' xñi'i̱ ti' tyiquee ma̱ lo'o tsa'a̱ slo ma̱ chaca quiya'. 2Ndi'ya̱ laca cha': tso'o tsa nti' na' lo'o ña'a̱ na' ñi'ya̱ nu ndyu'ni cu'ma̱; cua nda na' cha' xñi'i̱ ti' ji'i̱ ma̱ tsaca quiya', bi' cha' ná tso'o si jua'a̱ cua'ni na' chaca quiya', 3cha' jua'a̱ ngua cha' nu nguscua na' lo quityi bi' tya tsubi' la. Ná nti' na' tsa'a na' slo cu'ma̱ nquicha'; ná tyiquee' cua'ni ma̱ cha' ca xñi'i̱ ti' na', ngua ti' na'. Pana tso'o la si tso'o ti caca tyiquee na', cha' jua'a̱ si tso'o ntsu'u tyiquee na', lo'o cu'ma̱ tso'o ti caca tyiquee ma̱ li', ngua ti' na'. 4Nu lo'o nguscua na' quityi bi', quiña'a̱ tsa ngulacua ti' na' li'; xñi'i̱ tsa ti' na' ngua li', hasta ndyunaa na' xqui'ya cu'ma̱. Pana si'i cha' ca xñi'i̱ ti' cu'ma̱ nguscua na' quityi bi'; ngua ti' na' cha' ca cuayá' ti' cu'ma̱ cha' ntsu'u tsa tyiquee na' ña'a̱ na' ji'i̱ cu'ma̱, bi' cha' nguscua na' quityi bi'.
Tyu'u cha' clyu ti' ji'i̱ cu'ma̱ lo'o ngu' cuxi bi'
5Cua ngua xñi'i̱ ti' ma̱ xqui'ya cha' cuxi nu ngua'ni nu ñati̱ bi'. Lo'o ngua'ni yu jua'a̱ ni, si'i sca ti na' ngua xñi'i̱ ti' na' li'; lo'o lcaa cu'ma̱ ngua xñi'i̱ xi ti' tyiquee ma̱ xqui'ya cha' cuxi bi'. Pana juani nga'aa ntsu'u cha' cuxi bi', bi' cha' nga'aa nti' na' cua'ni tyaala na' ji'i̱ cu'ma̱. 6Cuayá' tsa cha' nu ngua'ni cu'ma̱ lo'o yu bi', cha' cati̱ xqui'ya yu bi', nu lo'o ndyu'u ti'i̱ ma̱ tsa tlyu ti nu ngua li'. 7Bi' cha' juani cui'ya cu'ma̱ cha' clyu ti' ji'i̱ yu bi', xaala' ma̱ cresiya ji'i̱ ma̱ lo'o yu, cha' ná chcuna' chalyuu ji'i̱ yu bi' xqui'ya cha' xñi'i̱ tsa ti' yu. 8Ndijña ya cha' clyu ti' ji'i̱ ma̱ juani cha' xtyucua ma̱ xi ji'i̱ yu bi', cha' ca cuayá' ti' yu cha' ña'a̱ ti tya ntsu'u tyiquee ma̱ ña'a̱ ma̱ ji'i̱ yu. 9Cua laca nguscua na' quityi bi', cha' lijya̱ slo cu'ma̱, cha' ngua ti' na' quijeloo cha' 'na si chañi cha' ji'i̱ ma̱ cha' cua'ni cu'ma̱ ñi'ya̱ nu ni na' ji'i̱ ma̱ li'; ná jlo ti' na' nquicha', si tyaja'a̱ cu'ma̱ cua'ni ma̱ jua'a̱. 10Lo'o na', cui'ya na' cha' clyu ti' ji'i̱ yu bi', si cua ngua'ni clyu ti' cu'ma̱ ji'i̱ yu. Lo'o cu'ma̱ cua ngua'ni yu cha' cuxi bi', pana na' ngüi'ya̱ cha' clyu ti' ji'i̱ yu bi' cuentya ji'i̱ ma̱, masi tyijyu' ndi'i̱ na', masi sca ti Cristo ndu̱ lo'o na'. Bi' cha' jua'a̱ culacua tso'o ti' ma̱ lacua, 11cha' ná caca tyiji̱loo nu xña'a̱ nu naa Satanás ji'na; cua jlo tsa ti' na cha' tajua' tsa nu xña'a̱ bi'.
Ngulacua tsa ti' Pablo nga'a̱ yu ca quichi̱ Troas
12Ndya'a̱ na' ca quichi̱ Troas tya tsubi' la, ndyaa cacha' na' cha' ji'i̱ Jesús ji'i̱ ngu' quichi̱ bi'. Lo'o jua'a̱ ngua li', cha' tso'o tsa ndyuna ngu' quichi̱ bi' cha' ji'i̱ ycui' Ndyosi, xqui'ya cha' cua nda ycui' nu Xu'na na chacuayá' 'na cha' cua'ni na' cña ji'i̱ Ni ca ndacua. 13Pana ná ndalo na' ca bi', cha' ngulacua tsa ti' na' ni cha' laca bilya tyalaa Tito tya'a ndya'a̱ ya cña slo na'; bi' cha' yala ti ngusalya' na' lo'o ngu' quichi̱ bi'. Li' tya ndyaa la na' nde loyuu su cuentya Macedonia.
Ntiji̱loo na ji'i̱ nu cuxi xqui'ya Cristo
14-15Ndya tsa na' xlya'be ji'i̱ ycui' Ndyosi cha' stu'ba cha' ji'na lo'o Cristo. Laca cha' ñi'ya̱ si ndya'a̱ lo'o ycui' Ndyosi ji'na ndya'a̱ qui'i ti na calle, cha' ndyu'ni chi̱ Ni loo Jesucristo cha' cua ntiji̱loo yu ji'i̱ nu cuxi. Jua'a̱ ji'na ta Ni su tya'a̱ na laja ñati̱ bi', cha' lo'o na nsañi na cha' ji'i̱ ycui' Cristo ca slo lcaa ñati̱; ndacha' na cha' ji'i̱ ycui' Ndyosi ca slo ñati̱, masi nchcui' na lo'o ñati̱ nu nti' clyaá ji'i̱ nu cuxi, masi nchcui' na lo'o xa' ñati̱ nu ná nti' cuna cha' tso'o bi'. Pana ñi'ya̱ laca sca na tyixi xtyi'i nu nda xtyi'i ntyucua lcaa se'i̱, jua'a̱ laca cña nu ndu'ni na cuentya ji'i̱ ycui' Ndyosi. Ndiya tsa ti' ycui' Ndyosi ji'i̱, la cui' jua'a̱ ndiya ti' Ni cña nu ndyu'ni Cristo nde chalyuu xqui'ya na. 16Ñati̱ nu chiya'a̱ tsa ndu'ni ni, ná ndiya' ti' ngu' cha' nu nchcui' na tsiya' ti; na ndacane la cha' bi' ji'i̱ ngu' cha' cua chcuna' ti chalyuu ji'i̱ ngu' xqui'ya cha' cuxi nu ndyu'ni ngu'. Pana ñati̱ nu nti' clyaá ji'i̱ nu cuxi ni, xa' ña'a̱ ndu'ni ngu' bi'; cua jlo ti' ngu' cha' ntsu'u chaca chalyuu tso'o la nu caja ji'i̱ ngu'. Ntsu'u tsa ñati̱ nu ná caca cua'ni cña bi'; pana cuare ni, taca cua'ni ya ji'i̱ chacuayá' ji'i̱ ycui' Ndyosi. 17Si'i ngana ndyu'ni ya lo'o cha' ji'i̱ ycui' Ndyosi bi', si'i na nchcutsa'a̱ ya ji'i̱ lo'o xa' la cha'; tyucui ti' tyiquee ya nchcui' ya lo'o ñati̱ ñi'ya̱ laca si na ndi'i̱ ycui' Ndyosi slo ya, xqui'ya cha' ycui' Ndyosi laca nu ngua'a̱ loo ji'i̱ ya cha' cua'ni ya cña bi' cuentya ji'i̱ Cristo.
Currently Selected:
2 CORINTIOS 2: cta
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
2 CORINTIOS 2
2
1Bi' cha' ngulacua ti' na' cha' nga'aa su'ba na' cha' xñi'i̱ ti' tyiquee ma̱ lo'o tsa'a̱ slo ma̱ chaca quiya'. 2Ndi'ya̱ laca cha': tso'o tsa nti' na' lo'o ña'a̱ na' ñi'ya̱ nu ndyu'ni cu'ma̱; cua nda na' cha' xñi'i̱ ti' ji'i̱ ma̱ tsaca quiya', bi' cha' ná tso'o si jua'a̱ cua'ni na' chaca quiya', 3cha' jua'a̱ ngua cha' nu nguscua na' lo quityi bi' tya tsubi' la. Ná nti' na' tsa'a na' slo cu'ma̱ nquicha'; ná tyiquee' cua'ni ma̱ cha' ca xñi'i̱ ti' na', ngua ti' na'. Pana tso'o la si tso'o ti caca tyiquee na', cha' jua'a̱ si tso'o ntsu'u tyiquee na', lo'o cu'ma̱ tso'o ti caca tyiquee ma̱ li', ngua ti' na'. 4Nu lo'o nguscua na' quityi bi', quiña'a̱ tsa ngulacua ti' na' li'; xñi'i̱ tsa ti' na' ngua li', hasta ndyunaa na' xqui'ya cu'ma̱. Pana si'i cha' ca xñi'i̱ ti' cu'ma̱ nguscua na' quityi bi'; ngua ti' na' cha' ca cuayá' ti' cu'ma̱ cha' ntsu'u tsa tyiquee na' ña'a̱ na' ji'i̱ cu'ma̱, bi' cha' nguscua na' quityi bi'.
Tyu'u cha' clyu ti' ji'i̱ cu'ma̱ lo'o ngu' cuxi bi'
5Cua ngua xñi'i̱ ti' ma̱ xqui'ya cha' cuxi nu ngua'ni nu ñati̱ bi'. Lo'o ngua'ni yu jua'a̱ ni, si'i sca ti na' ngua xñi'i̱ ti' na' li'; lo'o lcaa cu'ma̱ ngua xñi'i̱ xi ti' tyiquee ma̱ xqui'ya cha' cuxi bi'. Pana juani nga'aa ntsu'u cha' cuxi bi', bi' cha' nga'aa nti' na' cua'ni tyaala na' ji'i̱ cu'ma̱. 6Cuayá' tsa cha' nu ngua'ni cu'ma̱ lo'o yu bi', cha' cati̱ xqui'ya yu bi', nu lo'o ndyu'u ti'i̱ ma̱ tsa tlyu ti nu ngua li'. 7Bi' cha' juani cui'ya cu'ma̱ cha' clyu ti' ji'i̱ yu bi', xaala' ma̱ cresiya ji'i̱ ma̱ lo'o yu, cha' ná chcuna' chalyuu ji'i̱ yu bi' xqui'ya cha' xñi'i̱ tsa ti' yu. 8Ndijña ya cha' clyu ti' ji'i̱ ma̱ juani cha' xtyucua ma̱ xi ji'i̱ yu bi', cha' ca cuayá' ti' yu cha' ña'a̱ ti tya ntsu'u tyiquee ma̱ ña'a̱ ma̱ ji'i̱ yu. 9Cua laca nguscua na' quityi bi', cha' lijya̱ slo cu'ma̱, cha' ngua ti' na' quijeloo cha' 'na si chañi cha' ji'i̱ ma̱ cha' cua'ni cu'ma̱ ñi'ya̱ nu ni na' ji'i̱ ma̱ li'; ná jlo ti' na' nquicha', si tyaja'a̱ cu'ma̱ cua'ni ma̱ jua'a̱. 10Lo'o na', cui'ya na' cha' clyu ti' ji'i̱ yu bi', si cua ngua'ni clyu ti' cu'ma̱ ji'i̱ yu. Lo'o cu'ma̱ cua ngua'ni yu cha' cuxi bi', pana na' ngüi'ya̱ cha' clyu ti' ji'i̱ yu bi' cuentya ji'i̱ ma̱, masi tyijyu' ndi'i̱ na', masi sca ti Cristo ndu̱ lo'o na'. Bi' cha' jua'a̱ culacua tso'o ti' ma̱ lacua, 11cha' ná caca tyiji̱loo nu xña'a̱ nu naa Satanás ji'na; cua jlo tsa ti' na cha' tajua' tsa nu xña'a̱ bi'.
Ngulacua tsa ti' Pablo nga'a̱ yu ca quichi̱ Troas
12Ndya'a̱ na' ca quichi̱ Troas tya tsubi' la, ndyaa cacha' na' cha' ji'i̱ Jesús ji'i̱ ngu' quichi̱ bi'. Lo'o jua'a̱ ngua li', cha' tso'o tsa ndyuna ngu' quichi̱ bi' cha' ji'i̱ ycui' Ndyosi, xqui'ya cha' cua nda ycui' nu Xu'na na chacuayá' 'na cha' cua'ni na' cña ji'i̱ Ni ca ndacua. 13Pana ná ndalo na' ca bi', cha' ngulacua tsa ti' na' ni cha' laca bilya tyalaa Tito tya'a ndya'a̱ ya cña slo na'; bi' cha' yala ti ngusalya' na' lo'o ngu' quichi̱ bi'. Li' tya ndyaa la na' nde loyuu su cuentya Macedonia.
Ntiji̱loo na ji'i̱ nu cuxi xqui'ya Cristo
14-15Ndya tsa na' xlya'be ji'i̱ ycui' Ndyosi cha' stu'ba cha' ji'na lo'o Cristo. Laca cha' ñi'ya̱ si ndya'a̱ lo'o ycui' Ndyosi ji'na ndya'a̱ qui'i ti na calle, cha' ndyu'ni chi̱ Ni loo Jesucristo cha' cua ntiji̱loo yu ji'i̱ nu cuxi. Jua'a̱ ji'na ta Ni su tya'a̱ na laja ñati̱ bi', cha' lo'o na nsañi na cha' ji'i̱ ycui' Cristo ca slo lcaa ñati̱; ndacha' na cha' ji'i̱ ycui' Ndyosi ca slo ñati̱, masi nchcui' na lo'o ñati̱ nu nti' clyaá ji'i̱ nu cuxi, masi nchcui' na lo'o xa' ñati̱ nu ná nti' cuna cha' tso'o bi'. Pana ñi'ya̱ laca sca na tyixi xtyi'i nu nda xtyi'i ntyucua lcaa se'i̱, jua'a̱ laca cña nu ndu'ni na cuentya ji'i̱ ycui' Ndyosi. Ndiya tsa ti' ycui' Ndyosi ji'i̱, la cui' jua'a̱ ndiya ti' Ni cña nu ndyu'ni Cristo nde chalyuu xqui'ya na. 16Ñati̱ nu chiya'a̱ tsa ndu'ni ni, ná ndiya' ti' ngu' cha' nu nchcui' na tsiya' ti; na ndacane la cha' bi' ji'i̱ ngu' cha' cua chcuna' ti chalyuu ji'i̱ ngu' xqui'ya cha' cuxi nu ndyu'ni ngu'. Pana ñati̱ nu nti' clyaá ji'i̱ nu cuxi ni, xa' ña'a̱ ndu'ni ngu' bi'; cua jlo ti' ngu' cha' ntsu'u chaca chalyuu tso'o la nu caja ji'i̱ ngu'. Ntsu'u tsa ñati̱ nu ná caca cua'ni cña bi'; pana cuare ni, taca cua'ni ya ji'i̱ chacuayá' ji'i̱ ycui' Ndyosi. 17Si'i ngana ndyu'ni ya lo'o cha' ji'i̱ ycui' Ndyosi bi', si'i na nchcutsa'a̱ ya ji'i̱ lo'o xa' la cha'; tyucui ti' tyiquee ya nchcui' ya lo'o ñati̱ ñi'ya̱ laca si na ndi'i̱ ycui' Ndyosi slo ya, xqui'ya cha' ycui' Ndyosi laca nu ngua'a̱ loo ji'i̱ ya cha' cua'ni ya cña bi' cuentya ji'i̱ Cristo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.