1 JUAN 5
5
Tí tinkáchónkini Dios la tsjachahya tí chjasintajni
1Kaín nkexro titekaon kíxin Jesús mé tí Cristo la jehe mé tsíkꞌaxrjeníxin Dios; a̱ ntá tí nkexro tjuèhe tí itꞌé tí xjan mé kja̱xin tsotjuèhe tí xje̱en tí nkexro a. 2A̱ ntá tí tjuèheni Dios la ko nchexiteyáni tí nkehe tꞌe̱to̱an chꞌán, a̱ ntá noheni kíxin kja̱xin tjuèheni tí sín tsíkꞌóna xje̱en Dios. 3Tí tjuèheni Dios la tꞌichjánxi̱n kíxin chrókuitekaonni tí nkehe kꞌue̱to̱an chꞌán, kíxin ti nkehe tꞌe̱to̱an chꞌán la jehya ijnko nkehe imá xra̱ 4kíxin kaín chojni tsíkꞌóna xje̱en Dios tsjacha, la ntá tí chjasintajni la náhí. A̱ ntá tí tinkáchónkini Ìnchéni la mé tsja̱cha̱xi̱nni la tsjachahya tí chjasintajni. 5A̱ ntá tí sín tinkáchónki kíxin Jesús mé tí Xje̱en Dios mé tsjachahya tí chjasintajni tsꞌe̱tue̱nhen sín.
Tí nkehe chrónkaxín nkexrí tjen tí Xje̱en Dios
6Tió kui Jesucristo la kjua̱ko̱xi̱n tí ìnta̱ la ko tí jni̱. La jehya kíxin jehó tí ìnta̱ kjua̱ko̱xi̱n chꞌán. Náhí. Kja̱xin ìnta̱ la ko ijni̱ kjua̱ko̱xi̱n chꞌán. A̱ ntá tí Ncha̱kuen Dios mé chrónkaxín tíha, kíxin tí Ncha̱kuen Dios la chaxín ntoá. 7Siín iní nkexro chrónkaxín nkaya nka̱jní: ijnko la Itꞌéni, la ijnko la tí Palabra, la ijnko la tí Ncha̱kuen chꞌán. Tíha mé iní, kjánchó jnkoko̱á nkexro tíha. 8A̱ ntá siín iní tí nkehe chrónkaxín ntihi chjasintajni, mé tí Ncha̱kuen Dios, la ko tí ìnta̱ la ko tí jni̱; a̱ ntá tí iní mé jnkokón chrónka. 9¿Á chrókuitekaonni tí nkehe chrónka chojni ó? A̱ ntá tí nkehe tsíchrónka Dios, a̱ntsí má tjetoan kíxin táha la Dios tsíchrónkaxín kíxin nkexrí tjen tí Xje̱en chꞌán. 10Tí nkexro titekaon tí Xje̱en Dios na mé a̱sén ó tónoexín tíha. A̱ ntá tí sín titekakonhya sín Dios, la ntáchro sín kíxin Dios la chꞌia chꞌán kíxin kuítekakonhya sin tí nkehe tsíntáchro Dios kíxin nkexrí tjen Xje̱en chꞌán. 11Tí nkehe tsíchrónka Dios mé tíhi kíxin tsjanjon chꞌán kjuachón jnkochríxín, a̱ ntá tí kjuachón mé chónta tí Xje̱en chꞌán. 12A̱ ntá tí nkexro chónta tí Xje̱en Dios mé kja̱xin chónta kjuachón; a̱ ntá tí nkexro chóntahya tí Xje̱en Dios la mé chóntahya kjuachón.
Chrónkaxín nkehe kuènte kjuachón
13Tí nkehe mé kjinni kíxin jahará ó títekáonrá tí Xje̱en Dios, kíxin mé tso̱noaxínrá kíxin chaxín chontará kjuachón jnkochríxín.
14Tíhi mé chóxixínni Dios kíxin noheni kíxin ichrén nkehe tsjancheheni chꞌán éxí tjinkaon chꞌán la jehe chꞌán la tsinhin chꞌán. 15A̱ ntá tí xi̱kaha ó noheni kíxin Dios tjetinhin tí nkehe nixje̱he̱ni chꞌán, a̱ ntá kja̱xin ó noheni kíxin ó chóntani tí nkehe kjuancheheni chꞌán.
16A̱ ntá jnkojínrá tsꞌikonrá ijnko kíchuárá tjasin jie̱, a̱ ntá tí jehya ijnko jie̱ chrókꞌuenxín chꞌán, la chrókjuanchehérá Dios kíxin chrókjuinchexraxinkaon chꞌán kíxin kjuasin chꞌán jie̱, a̱ ntá Dios chrókjuanjon chꞌán kjuachón, tí chaxín jehya ijnko jie̱ chrókꞌuenxín chojni. A̱ ntá tí jie̱ chrókꞌuenxín chojni la ntáxrja̱n kíxin íchá jína chrókjuanchehyará Dios kíxin chrókjuinki̱tsa tí chꞌín a. 17Kaín nkehe jínahya la ijie̱ tíha. Kjánchó siín jie̱ tsꞌenxínhya chojni.
18Ó noheni kíxin tí nkexro tinkáchónki Itꞌéni Dios tjasinhya sín jie̱, kíxin tí Xje̱en Dios tjinki̱tsa tí jehe sín, a̱ ntá tí Jínahya tsjachahya tsjachroe tí jehe sín.
19Ó noheni kíxin Dios tꞌayakonhen tí jeheni, a̱ ntá tí Jínahya chónta kjuachaxin tꞌe̱tue̱nhen kuenté chjasintajni.
20Ó noheni kja̱xin kíxin Xje̱en Dios kui, la ko kjuínki̱tsa chꞌán tí jeheni kíxin chrókónoheni nkexrí tjen Dios chaxín. A̱ ntá tjejókoni jnkoko̱á tí nkexro chaxín, tíha mé Jesucristo tí Xje̱en Dios. Tíha mé Dios chaxín, la tsochóntaxínni chꞌán kjuachón jnkochríxín. 21Éxí xja̱nna tꞌíkua̱n tí jahará, la ti̱to̱hérá tí dios tsíkjano̱ya. Amén. Ó tjen.
Currently Selected:
1 JUAN 5: poeNT
Highlight
Share
Copy
Want to have your highlights saved across all your devices? Sign up or sign in
© 1982, Wycliffe Bible Translators, Inc.
Learn more about Tí Nuevo Testamento cuènte Inchéni Jesucristo Cʼóna Nquìva1 JUAN 5
5
Tí tinkáchónkini Dios la tsjachahya tí chjasintajni
1Kaín nkexro titekaon kíxin Jesús mé tí Cristo la jehe mé tsíkꞌaxrjeníxin Dios; a̱ ntá tí nkexro tjuèhe tí itꞌé tí xjan mé kja̱xin tsotjuèhe tí xje̱en tí nkexro a. 2A̱ ntá tí tjuèheni Dios la ko nchexiteyáni tí nkehe tꞌe̱to̱an chꞌán, a̱ ntá noheni kíxin kja̱xin tjuèheni tí sín tsíkꞌóna xje̱en Dios. 3Tí tjuèheni Dios la tꞌichjánxi̱n kíxin chrókuitekaonni tí nkehe kꞌue̱to̱an chꞌán, kíxin ti nkehe tꞌe̱to̱an chꞌán la jehya ijnko nkehe imá xra̱ 4kíxin kaín chojni tsíkꞌóna xje̱en Dios tsjacha, la ntá tí chjasintajni la náhí. A̱ ntá tí tinkáchónkini Ìnchéni la mé tsja̱cha̱xi̱nni la tsjachahya tí chjasintajni. 5A̱ ntá tí sín tinkáchónki kíxin Jesús mé tí Xje̱en Dios mé tsjachahya tí chjasintajni tsꞌe̱tue̱nhen sín.
Tí nkehe chrónkaxín nkexrí tjen tí Xje̱en Dios
6Tió kui Jesucristo la kjua̱ko̱xi̱n tí ìnta̱ la ko tí jni̱. La jehya kíxin jehó tí ìnta̱ kjua̱ko̱xi̱n chꞌán. Náhí. Kja̱xin ìnta̱ la ko ijni̱ kjua̱ko̱xi̱n chꞌán. A̱ ntá tí Ncha̱kuen Dios mé chrónkaxín tíha, kíxin tí Ncha̱kuen Dios la chaxín ntoá. 7Siín iní nkexro chrónkaxín nkaya nka̱jní: ijnko la Itꞌéni, la ijnko la tí Palabra, la ijnko la tí Ncha̱kuen chꞌán. Tíha mé iní, kjánchó jnkoko̱á nkexro tíha. 8A̱ ntá siín iní tí nkehe chrónkaxín ntihi chjasintajni, mé tí Ncha̱kuen Dios, la ko tí ìnta̱ la ko tí jni̱; a̱ ntá tí iní mé jnkokón chrónka. 9¿Á chrókuitekaonni tí nkehe chrónka chojni ó? A̱ ntá tí nkehe tsíchrónka Dios, a̱ntsí má tjetoan kíxin táha la Dios tsíchrónkaxín kíxin nkexrí tjen tí Xje̱en chꞌán. 10Tí nkexro titekaon tí Xje̱en Dios na mé a̱sén ó tónoexín tíha. A̱ ntá tí sín titekakonhya sín Dios, la ntáchro sín kíxin Dios la chꞌia chꞌán kíxin kuítekakonhya sin tí nkehe tsíntáchro Dios kíxin nkexrí tjen Xje̱en chꞌán. 11Tí nkehe tsíchrónka Dios mé tíhi kíxin tsjanjon chꞌán kjuachón jnkochríxín, a̱ ntá tí kjuachón mé chónta tí Xje̱en chꞌán. 12A̱ ntá tí nkexro chónta tí Xje̱en Dios mé kja̱xin chónta kjuachón; a̱ ntá tí nkexro chóntahya tí Xje̱en Dios la mé chóntahya kjuachón.
Chrónkaxín nkehe kuènte kjuachón
13Tí nkehe mé kjinni kíxin jahará ó títekáonrá tí Xje̱en Dios, kíxin mé tso̱noaxínrá kíxin chaxín chontará kjuachón jnkochríxín.
14Tíhi mé chóxixínni Dios kíxin noheni kíxin ichrén nkehe tsjancheheni chꞌán éxí tjinkaon chꞌán la jehe chꞌán la tsinhin chꞌán. 15A̱ ntá tí xi̱kaha ó noheni kíxin Dios tjetinhin tí nkehe nixje̱he̱ni chꞌán, a̱ ntá kja̱xin ó noheni kíxin ó chóntani tí nkehe kjuancheheni chꞌán.
16A̱ ntá jnkojínrá tsꞌikonrá ijnko kíchuárá tjasin jie̱, a̱ ntá tí jehya ijnko jie̱ chrókꞌuenxín chꞌán, la chrókjuanchehérá Dios kíxin chrókjuinchexraxinkaon chꞌán kíxin kjuasin chꞌán jie̱, a̱ ntá Dios chrókjuanjon chꞌán kjuachón, tí chaxín jehya ijnko jie̱ chrókꞌuenxín chojni. A̱ ntá tí jie̱ chrókꞌuenxín chojni la ntáxrja̱n kíxin íchá jína chrókjuanchehyará Dios kíxin chrókjuinki̱tsa tí chꞌín a. 17Kaín nkehe jínahya la ijie̱ tíha. Kjánchó siín jie̱ tsꞌenxínhya chojni.
18Ó noheni kíxin tí nkexro tinkáchónki Itꞌéni Dios tjasinhya sín jie̱, kíxin tí Xje̱en Dios tjinki̱tsa tí jehe sín, a̱ ntá tí Jínahya tsjachahya tsjachroe tí jehe sín.
19Ó noheni kíxin Dios tꞌayakonhen tí jeheni, a̱ ntá tí Jínahya chónta kjuachaxin tꞌe̱tue̱nhen kuenté chjasintajni.
20Ó noheni kja̱xin kíxin Xje̱en Dios kui, la ko kjuínki̱tsa chꞌán tí jeheni kíxin chrókónoheni nkexrí tjen Dios chaxín. A̱ ntá tjejókoni jnkoko̱á tí nkexro chaxín, tíha mé Jesucristo tí Xje̱en Dios. Tíha mé Dios chaxín, la tsochóntaxínni chꞌán kjuachón jnkochríxín. 21Éxí xja̱nna tꞌíkua̱n tí jahará, la ti̱to̱hérá tí dios tsíkjano̱ya. Amén. Ó tjen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1982, Wycliffe Bible Translators, Inc.
Learn more about Tí Nuevo Testamento cuènte Inchéni Jesucristo Cʼóna Nquìva