2 Tesalonicenses 1
1
Apóstol Pablo napakunqan
1Tesalónica markachö#Hech. 17.1; 1Tes. 1.1. markäkuqkuna:
Noqa Pablum, wawqintsik Silvanum#1.1 Silvanupa juk kaq shutinmi Silas (Hech. 15.22, 40). y Timoteum kë cartata apëkätsiyämü. Qamkunaqa Yayantsik Teyta Diospa y Señornintsik Jesucristupa makinchömi këkäyanki. 2Yayantsik Teyta Dios y Señornintsik Jesucristo ankupäyäshurniki alli kawayänëkipaq yanapëkulläyäshï.
Teyta Diosta payllä nir mañakunqan
3Wawqikuna y panikuna, Jesucristuman waran waran mas markäkuyashqëkita y nuna mayikikunata kuyayashqëkita musyarirmi Teyta Diosta imëpis payllä nikäyä. 4Tsëmi juk lädu markakunamanpis chärir tsëchö wawqikunata y panikunata willayä nunakuna chikir jipatsiyäshuptikipis Jesucristuman markäkïkäyashqëkita. 5Mana ajayashpa Jesucristuman tsënö markäkuyaptikim käyiyä alli juzgakuq Teyta Diospa mandakïninman yëkuyänëkipaq kashqanta.
Jutsa ruraqkunata Teyta Dios juzgananpaq kanqan
6Teyta Diosqa alli juzgakuq karmi contrëki shäriqkunata castiganqa 7y qamkunatana noqakunatawan manana jipanantsikpaq ëllukarkamäshun. Tsënöqa kanqa Señor Jesucristo puëdiq angelninkunawan ciëlupita kutimuptinmi. 8Teyta Diosta mana cäsur Señornintsik Jesucristupa alli willakïninta mana chaskikuqkunataqa rawrëkaq ninachö shamurmi castiganqa. 9Pëkunaqa puëdiq Teyta Diospa nöpanman chäyänanpa rantinmi infiernuchö imëyaqpis jipayanqa. 10Tsënö kanqa Señornintsik Jesucristo kë patsaman kutimuptinmi. Tsë junaqmi pëman markäkuqkunaqa alläpa kushikur alabayanqa. Tsëchömi qamkunapis Jesucristupa alli willakïnin willakuyashqäta cäsukuyashqëkipita kushishqa alabayanki.
11Tsëmi Teyta Diosnintsikta imëpis mañakuyä pë munashqannö kawakuyänëkipaq. Tsënö kawayänëkipaqmi qayayäshurqunki. Poderninwan yanapëkulläyäshï pëman markäkur allikunata imëpis rurayänëkipaq. 12Tsënö kawakuyaptikim Señornintsik Jesucristupa shutinchö alabayanqa y qamkunapis Jesucristo kashqannö kayanki. Tsënö kanqa Teyta Diosnintsik y Señornintsik Jesucristo kuyayäshurniki yanapayäshuptikim.
Currently Selected:
2 Tesalonicenses 1: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.