2 Tesalonicenses 2
2
Jesucristo kutimunanpaq kanqan
1Wawqikuna y panikuna, Señornintsik Jesucristo kutimur ëllumänantsikpaq kashqanta shumaq käyikuyänëkitam munayä.#1Tes. 4.15-17. 2Ama cäsuyëtsu <<Jesucristo kutimunanpaq kaq tiempu chämushqanam>> nir pipis yachatsiyäshuptiki. Jina ama creyiyëtsu <<Espíritu Santum revelamashqa>> nir yachatsiyäshuptiki. Jina ama creyiyëtsu <<kikin Pablum nishqa>> y <<Pablo apatsimushqan cartachöpis tsënömi nikan>> nir yachatsiyäshuptikipis. 3Imata niyäshuptikipis ama chaskipäyëtsu. Jesucristo kutimunanpaqqa Teyta Diospa contranran puntata shäriyanqa. Jina anticristuran yurimunqa. Pëtam Teyta Dios infiernuman jitëkunqa.
4Anticristo shamurqa manam munanqatsu Teyta Diosta ni imata adorayänanta, sinöqa pëllatana adorayänantam munanqa. Tsëmi adorayänanpaq Dios tukur Teyta Diospa templunman yëkïkur tärinqa.#Dan. 11.36; Eze. 28.2. 5¿Manaku yarpäyanki tsënö kananpaq kashqanta willayashqaqta?
6Anticristo manaraq yurimunanpaq imallana tsaparëkashqantapis qamkuna musyayankim. Tsënö tsaparanqa tiempu cumplishqanyaqmi. 7Manaraq yurimuptinpis Teyta Diosta nunakuna mana cäsukuyänanpaqmi Satanásqa mana mäkatsikïllapa engañakïkanna. Tsaparëkashqanta Teyta Dios jorqariptinqa anticristo yurirkamunqam. 8Pëtam Señornintsik Jesucristo chipapëkar kutimur ushakaqpaq pükarinqa.
9Jesucristo manaraq kutimuptinmi anticristuqa Satanáspa poderninwan tukïläya milagrukunata ruranqa.#Mat. 24.24. 10Tsënöpam infiernuman jitashqa kayänanpaq destinashqa kaqkunata engañanqa. Pëkunaqa Jesucristupa willakïninta mana chaskirmi salvakuyanqatsu. 11Mana chaskiyashqanpitam Teyta Dios permitinqa pëkuna pantakur anticristuta chaskiyänanpaq. 12Tsënöpam Teyta Diosta mana cäsukur jutsa ruraqkuna llapanpis infiernuchö jipayanqa.
Salvashqa kanantsikpaq Teyta Dios akramanqantsik
13Wawqikuna y panikuna, qamkunataqa Teyta Diosmi kuyayäshurniki salvayäshunëkipaq qallananpita akrayäshurqunki. Kananqa Jesucristupa willakïninta chaskikur pëman markäkuyaptiki y Diospa munëninchö kawayänëkipaq Espíritu Santu yanapayäshuptikim salvayäshurqunki. Tsënö salvayäshushqëkipitam Teyta Diosta imëpis payllä niyä. 14Salvashqa kayänëkipaqmi pëpa alli willakïninta willapäyaptiq qayayäshurqunki. Tsëmi Señornintsik Jesucristo chipapëkar kutimur pushakuyäshuptiki qamkunapis pëpa nöpanchö kushishqa kawayanki.
15Wawqikuna y panikuna, tsënö kananpaq këkaptinqa Teyta Diosman shumaq markäkur ama qonqayëtsu cartapapis y shimipapis käyitsiyashqaqkunata.#1Cor. 11.2. 16Señornintsik Jesucristo y kuyamaqnintsik, imëpis kallpatsamaqnintsik y nöpanman pushamaqnintsik Yayantsik Teyta Dios 17yanapëkulläyäshï mana llakikuyänëkipaq, pïmëtapis alli shimikillapa parlapäyänëkipaq y allikunata rurar kawayänëkipaqpis.
Currently Selected:
2 Tesalonicenses 2: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Tesalonicenses 2
2
Jesucristo kutimunanpaq kanqan
1Wawqikuna y panikuna, Señornintsik Jesucristo kutimur ëllumänantsikpaq kashqanta shumaq käyikuyänëkitam munayä.#1Tes. 4.15-17. 2Ama cäsuyëtsu <<Jesucristo kutimunanpaq kaq tiempu chämushqanam>> nir pipis yachatsiyäshuptiki. Jina ama creyiyëtsu <<Espíritu Santum revelamashqa>> nir yachatsiyäshuptiki. Jina ama creyiyëtsu <<kikin Pablum nishqa>> y <<Pablo apatsimushqan cartachöpis tsënömi nikan>> nir yachatsiyäshuptikipis. 3Imata niyäshuptikipis ama chaskipäyëtsu. Jesucristo kutimunanpaqqa Teyta Diospa contranran puntata shäriyanqa. Jina anticristuran yurimunqa. Pëtam Teyta Dios infiernuman jitëkunqa.
4Anticristo shamurqa manam munanqatsu Teyta Diosta ni imata adorayänanta, sinöqa pëllatana adorayänantam munanqa. Tsëmi adorayänanpaq Dios tukur Teyta Diospa templunman yëkïkur tärinqa.#Dan. 11.36; Eze. 28.2. 5¿Manaku yarpäyanki tsënö kananpaq kashqanta willayashqaqta?
6Anticristo manaraq yurimunanpaq imallana tsaparëkashqantapis qamkuna musyayankim. Tsënö tsaparanqa tiempu cumplishqanyaqmi. 7Manaraq yurimuptinpis Teyta Diosta nunakuna mana cäsukuyänanpaqmi Satanásqa mana mäkatsikïllapa engañakïkanna. Tsaparëkashqanta Teyta Dios jorqariptinqa anticristo yurirkamunqam. 8Pëtam Señornintsik Jesucristo chipapëkar kutimur ushakaqpaq pükarinqa.
9Jesucristo manaraq kutimuptinmi anticristuqa Satanáspa poderninwan tukïläya milagrukunata ruranqa.#Mat. 24.24. 10Tsënöpam infiernuman jitashqa kayänanpaq destinashqa kaqkunata engañanqa. Pëkunaqa Jesucristupa willakïninta mana chaskirmi salvakuyanqatsu. 11Mana chaskiyashqanpitam Teyta Dios permitinqa pëkuna pantakur anticristuta chaskiyänanpaq. 12Tsënöpam Teyta Diosta mana cäsukur jutsa ruraqkuna llapanpis infiernuchö jipayanqa.
Salvashqa kanantsikpaq Teyta Dios akramanqantsik
13Wawqikuna y panikuna, qamkunataqa Teyta Diosmi kuyayäshurniki salvayäshunëkipaq qallananpita akrayäshurqunki. Kananqa Jesucristupa willakïninta chaskikur pëman markäkuyaptiki y Diospa munëninchö kawayänëkipaq Espíritu Santu yanapayäshuptikim salvayäshurqunki. Tsënö salvayäshushqëkipitam Teyta Diosta imëpis payllä niyä. 14Salvashqa kayänëkipaqmi pëpa alli willakïninta willapäyaptiq qayayäshurqunki. Tsëmi Señornintsik Jesucristo chipapëkar kutimur pushakuyäshuptiki qamkunapis pëpa nöpanchö kushishqa kawayanki.
15Wawqikuna y panikuna, tsënö kananpaq këkaptinqa Teyta Diosman shumaq markäkur ama qonqayëtsu cartapapis y shimipapis käyitsiyashqaqkunata.#1Cor. 11.2. 16Señornintsik Jesucristo y kuyamaqnintsik, imëpis kallpatsamaqnintsik y nöpanman pushamaqnintsik Yayantsik Teyta Dios 17yanapëkulläyäshï mana llakikuyänëkipaq, pïmëtapis alli shimikillapa parlapäyänëkipaq y allikunata rurar kawayänëkipaqpis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.