2 Juan 1
1
Apóstol Juan napakunqan
1Teyta Dios akrashqan warmi y wawankuna:#1.1 Teyta Dios akrashqan warmi nirqa juk markachö iglesiapaqmi nikan. Wawankuna nirqa tsë iglesiachö ëllukaq wawqikuna y panikunapaqmi nikan.
Anciänu karmi kë cartata qamkunaman cartakamü. Llapan shonqüwanmi qamkunata kuyayaq. Manam noqallatsu kuyayaq, sinöqa Teyta Diospa willakïninta llapan chaskikuqkunapis kuyayäshunkim. 2Qamkunata kuyayaq Teyta Diospa willakïninta noqakunanö chaskishqa kayaptikim. Pëpa willakïnintaqa manam imëpis qonqashuntsu. 3Teyta Dios y Tsurin Jesucristo ankupäyäshurniki alli kawayänëkipaq yanapëkulläyäshï. Tsënöpis alli willakïnin ninqannö kawar kuyanakuyänëkipaq yanapëkuyäshï.
Kuyanakur kawanantsikpaq ninqan
4Wakin wamrëkikuna Teyta Diospa mandamientun nishqannö kawëkäyashqanta tarirmi alläpa kushikurqü.#1Juan 3.23; 3Juan 3. 5Y kananmi niq, kuyë warmi: jukniki juknikipis kuyanakuyë. Kë mandamientu manam mushuqtsu, sinöqa unëpitanam musyarquntsik.#Juan 13.34; 15.12, 17. 6Rasunpa kuyakuq karqa Teyta Diospa mandamientunkunata cäsukushun. Pëpa mandamientunmi kuyanakunantsikpaq nimantsik. Kuyanakunantsikpaq kanqantaqa unëpitanam musyashqantsik.#Juan 14.15, 23-24; 1Juan 5.3.
Llutan yachatsikuqkuna purikäyanqan
7Kë patsachö atskaqmi llutan yachatsikuqkuna purikäyan. Pëkunam niyan: <<Jesucristuqa manam rasunpa nunatsu>>. Nunakunata tsënö creyitsirmi anticristo kayan.#1Juan 2.18; 4.1-3. 8Paqtam tsë nunakuna qamkunatapis creyitsiyäshunkiman. Creyitsiyäshuptikiqa Jesucristupa willakïninta chaskikuyashqëkipis manakaqpaqmi kanqa. Pëkunata mana chaskiparqa gloriachö premiutam chaskiyanki.
9Pipis Jesucristupa willakïninta qonqëkur llutan yachatsikïta chaskirqa manam rasunpatsu Teyta Diosta chaskishqa. Jesucristupa willakïninta mana jaqiqkunaqa Jesucristutapis y Teyta Diostapis rasunpam chaskiyashqa.#1Juan 2.22-23.
10Tsëmi llutan yachatsikuqkuna chäyämuptin ama chaskiyëtsu ni wayikikunamanpis posadakatsiyëtsu. 11Llutan yachatsikuqkunata chaskiqkunaqa pëkunanö llutantam rurëkäyan.
Cartapa ushanan
12Maspis kanran käyitsiyänaqpaq. Tsënö kaptinpis cartallachöqa manachi llapanta qellqamümantsu. Kikï shamurnam mastaqa käyitsiyashqëki.#3Juan 13-14. Tsëmi shumaq kushikushun.
13Teyta Dios akrashqan nanëkipa wawankunapis#1.13 Teyta Dios akrashqan nanëki nirqa juk markachö iglesiapaqmi nikan. Wawankuna nirqa tsë iglesiachö ëllukaq wawqikuna y panikunapaqmi nikan. napayäshunkim. [Tsënö katsun.]
Currently Selected:
2 Juan 1: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.