1 Tesalonicenses 5
5
1Wawqikuna y panikuna, Señornintsik Jesucristo imë höra o imë junaq kutimunanpaq kanqanta mana musyarmi tsëpaqqa qellqamütsu. 2Qamkunaqa musyayankim paqaspa mana mäkïllapa suwa shamuqnö pëpis kutimunanpaq kashqanta.#Mat. 24.43; Luc. 12.39; 2Ped. 3.10. 3Imapis mana pasananpaq kashqanta nunakuna niyaptinpis qeshyaq warmita qeshpikunan nanë juklla tsarishqannömi Teyta Diospa castïgunpis pëkunapaq juklla chämunqa.#Isa. 13.8. Tsë castïgupita manam safayanqatsu.
4-5Wawqikuna y panikuna, qamkunaqa manam tutapëchönötsu kawëkäyanki Jesucristo suwanö mana mäkïllapa kutimur mana alistakushqata tariyäshunëkipaq. Sinöqa llapëkim aktsichönöna kawëkäyanki. 6Tsënö këkaptinqa wakin nunakuna punukashqa kayashqannöqa ama kashuntsu, sinöqa mäkuq mäkuqlla Jesucristuta shuyakïkäshun.
7Tutapëchönö kaqkunaqa punukashqanö y machashqanö karmi Jesucristo kutimunanpaq kashqanta käyikuyantsu. 8Noqantsikqa atsikyëchöna kar shumaq käyikushun, Teyta Diosman markäkushun y piwanpis kuyanakushun. Tsënö kawarqa chalëcuntsik yakashqanömi këkantsik. Teyta Dios salvamashqantsikta shumaq käyirqa cascuntsik yakashqanömi këkantsik.#Isa. 59.17; Rom. 13.12; Efe. 6.13-17.
9Manam castigashqa kanantsikpaqtsu Teyta Dios akramarquntsik, sinöqa Jesucristuman markäkur salvashqa kanantsikpaqmi. 10Jesucristum noqantsik rëkur wanurqan kawëkarpis o wanurpis pëwan juntu kawanantsikpaq. 11Tsëmi kallpata imëpis qonakuyashqëkinölla jukniki juknikipis käyitsinakur kallpatsanakuyë.
Wawqikuna y panikuna imanöpis kawayänanpaq käyitsinqan
12Wawqikuna y panikuna, Señornintsik Jesucristupa alli willakïninta yachatsishuqnikikunata alli rikäyë. Pëkunam shumaq pushayäshunki y kallpatsayäshunki Teyta Dios munashqannö kawayänëkipaq. 13Tsënö yachatsiyäshunqëkipita pëkunata respetar shumaq kuyayë. Y mana chikinakushpa shumaq kawakuyë.
14Wawqikuna y panikuna, uryakïta mana munaqkunata uryakuyänanpaq käyitsiyë. Llakishqa këkaqkunata kushikuyänanpaq kallpatsayë. Yanapëpaq kaqkunata imallawanpis yanapayë. Pïmëpaqpis pacienciëkikuna katsun. 15Chikiyäshuptikipis qamkunaqa ama chikiyëtsu. Tsëpa rantinqa markäkuq mayikikunawanpis y pïmëwanpis shumaq kawakuyë.
16Imëpis kushishqa kawakuyë.#Fil. 4.4. 17Imëpis Teyta Diosta mañakuyë. 18Imapitapis Teyta Diosta payllä nikuyë. Jesucristupa makinchö kayaptikim tsënö kawakuyänëkita Teyta Dios munan.#Fil. 4.6; Col. 4.2-7.
19Espíritu Santuta cäsukuyanki. 20Y Espíritu Santu käyitsinqanta pipis willakuptin ama manakaqpaq churayankitsu. 21Tsënö kaptinpis alliqraq käyikuyanki Espíritu Santupita kashqanta o mana kashqantapis.#Hech. 17.11; 1Juan 4.1-3; Gál. 1.6-9; Mat. 7.15-20. Pëpita kaptinqa chaskikuyanki. 22Imatapis ama llutankunataqa rurayankitsu.
23Alli kawëta qomaqnintsik Teyta Dios yanapëkulläyäshï pë munashqannö imëpis kawakuyänëkipaq. Tsënölla cuerpïkikunata, almëkikunata y espïritïkikunatapis alli rikëkullätsun Jesucristo kutimur mana jutsayuqta tariyäshunëkipaq. 24Qayayäshuqniki Teyta Diosqa änikushqankunata imëpis cumplinmi. Tsëmi mana jutsayuqta tariyäshunëkipaq imëpis yanapayäshunki.
Cartapa ushanan
25Wawqikuna y panikuna, noqakunapaqpis Teyta Diosta mañakuyë. 26Wawqintsikkunata y panintsikkunata qaqllankunachö mutsar napëkulläyë. 27Señornintsik Jesucristupa shutinchömi niyaq wawqikunata y panikunata kë cartata leyipäyänëkipaq.
28Señornintsik Jesucristo ankupäyäshurniki imëpis yanapëkulläyäshï. [Tsënö katsun.]
Currently Selected:
1 Tesalonicenses 5: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
1 Tesalonicenses 5
5
1Wawqikuna y panikuna, Señornintsik Jesucristo imë höra o imë junaq kutimunanpaq kanqanta mana musyarmi tsëpaqqa qellqamütsu. 2Qamkunaqa musyayankim paqaspa mana mäkïllapa suwa shamuqnö pëpis kutimunanpaq kashqanta.#Mat. 24.43; Luc. 12.39; 2Ped. 3.10. 3Imapis mana pasananpaq kashqanta nunakuna niyaptinpis qeshyaq warmita qeshpikunan nanë juklla tsarishqannömi Teyta Diospa castïgunpis pëkunapaq juklla chämunqa.#Isa. 13.8. Tsë castïgupita manam safayanqatsu.
4-5Wawqikuna y panikuna, qamkunaqa manam tutapëchönötsu kawëkäyanki Jesucristo suwanö mana mäkïllapa kutimur mana alistakushqata tariyäshunëkipaq. Sinöqa llapëkim aktsichönöna kawëkäyanki. 6Tsënö këkaptinqa wakin nunakuna punukashqa kayashqannöqa ama kashuntsu, sinöqa mäkuq mäkuqlla Jesucristuta shuyakïkäshun.
7Tutapëchönö kaqkunaqa punukashqanö y machashqanö karmi Jesucristo kutimunanpaq kashqanta käyikuyantsu. 8Noqantsikqa atsikyëchöna kar shumaq käyikushun, Teyta Diosman markäkushun y piwanpis kuyanakushun. Tsënö kawarqa chalëcuntsik yakashqanömi këkantsik. Teyta Dios salvamashqantsikta shumaq käyirqa cascuntsik yakashqanömi këkantsik.#Isa. 59.17; Rom. 13.12; Efe. 6.13-17.
9Manam castigashqa kanantsikpaqtsu Teyta Dios akramarquntsik, sinöqa Jesucristuman markäkur salvashqa kanantsikpaqmi. 10Jesucristum noqantsik rëkur wanurqan kawëkarpis o wanurpis pëwan juntu kawanantsikpaq. 11Tsëmi kallpata imëpis qonakuyashqëkinölla jukniki juknikipis käyitsinakur kallpatsanakuyë.
Wawqikuna y panikuna imanöpis kawayänanpaq käyitsinqan
12Wawqikuna y panikuna, Señornintsik Jesucristupa alli willakïninta yachatsishuqnikikunata alli rikäyë. Pëkunam shumaq pushayäshunki y kallpatsayäshunki Teyta Dios munashqannö kawayänëkipaq. 13Tsënö yachatsiyäshunqëkipita pëkunata respetar shumaq kuyayë. Y mana chikinakushpa shumaq kawakuyë.
14Wawqikuna y panikuna, uryakïta mana munaqkunata uryakuyänanpaq käyitsiyë. Llakishqa këkaqkunata kushikuyänanpaq kallpatsayë. Yanapëpaq kaqkunata imallawanpis yanapayë. Pïmëpaqpis pacienciëkikuna katsun. 15Chikiyäshuptikipis qamkunaqa ama chikiyëtsu. Tsëpa rantinqa markäkuq mayikikunawanpis y pïmëwanpis shumaq kawakuyë.
16Imëpis kushishqa kawakuyë.#Fil. 4.4. 17Imëpis Teyta Diosta mañakuyë. 18Imapitapis Teyta Diosta payllä nikuyë. Jesucristupa makinchö kayaptikim tsënö kawakuyänëkita Teyta Dios munan.#Fil. 4.6; Col. 4.2-7.
19Espíritu Santuta cäsukuyanki. 20Y Espíritu Santu käyitsinqanta pipis willakuptin ama manakaqpaq churayankitsu. 21Tsënö kaptinpis alliqraq käyikuyanki Espíritu Santupita kashqanta o mana kashqantapis.#Hech. 17.11; 1Juan 4.1-3; Gál. 1.6-9; Mat. 7.15-20. Pëpita kaptinqa chaskikuyanki. 22Imatapis ama llutankunataqa rurayankitsu.
23Alli kawëta qomaqnintsik Teyta Dios yanapëkulläyäshï pë munashqannö imëpis kawakuyänëkipaq. Tsënölla cuerpïkikunata, almëkikunata y espïritïkikunatapis alli rikëkullätsun Jesucristo kutimur mana jutsayuqta tariyäshunëkipaq. 24Qayayäshuqniki Teyta Diosqa änikushqankunata imëpis cumplinmi. Tsëmi mana jutsayuqta tariyäshunëkipaq imëpis yanapayäshunki.
Cartapa ushanan
25Wawqikuna y panikuna, noqakunapaqpis Teyta Diosta mañakuyë. 26Wawqintsikkunata y panintsikkunata qaqllankunachö mutsar napëkulläyë. 27Señornintsik Jesucristupa shutinchömi niyaq wawqikunata y panikunata kë cartata leyipäyänëkipaq.
28Señornintsik Jesucristo ankupäyäshurniki imëpis yanapëkulläyäshï. [Tsënö katsun.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.