TAITO 1
1
Na i Vakabula
1Mai vei Paula, na dauveiqaravi ni Kalou ka i apositolo i Jisu Karisito.
Au sa digitaki ka talai me'u vukea na kena tara cake na nodra vakabauta na tamata digitaki ni Kalou ka vakavulici ira ena i vakavuvuli dina ni noda lotu, 2ka sa yavutaki ena nuitaki ni bula tawamudu. A sa yalataka makawa sara tu na bula oqo na Kalou, o koya ka sa sega ni dau vosa lasu. 3Ia ni sa yaco mai na kena gauna dodonu, sa qai vakaraitaki kina o koya ena nona i tukutuku. A sa lesi vei au me'u vunautaka na ka oqo ena lewa ni Kalou na noda i Vakabula.
4 #
2Kori 8.23; Kala 2.3; 2Timo 4.10 Kivei Taito, na luvequ dina ena vuku ni vakabauta eda sa taukena vata.
Me nomu na lolomasavu, yalololoma kei na vakacegu mai vua na Kalou na Tamada kei Karisito Jisu na noda i vakabula.
Na Cakacaka i Taito Mai Kiriti
5Au a biuti iko yani mai Kiriti mo tuvana vakavinaka na veika ka ra sa vo tu, ka lesi ira eso na qase ena veikoro me vaka au a vakarota vei iko. 6#1Timo 3.2-7Na tamata me digitaki me sega ni dua na ka e vakamelei rawa vua, me dua ga na watina me ra tamata vakabauta Vakarisito na luvena, me ra i tovo vinaka ka kakua ni beitaki rawa ena dua na ka. 7Sa dodonu me kakua ni beitaki ena dua na ka o koya e veiliutaki ena lotu me vaka ni sa dauniyau ni Kalou, ka sa sega ni dodonu me qaciqacia se yalototolo se dau mateni se i tovo kaukauwa se kocokoco. 8Ia sa dodonu ga me tamata dau vakacegui ira na vulagi, me dau vinakata na ka kecega e vinaka, me yalomatua, me yalododonu, yalosavasava ka me dau lewai koya vakavinaka; 9me taura dei na i vakavuvuli dina sa vakatavulici kina ka me rawa kina ni vakatavuvulitaka na i vakavuvuli vinaka ka vakadrukai ira era via vakatanitaka.
Me Ra Saqati na i Vakavuvuli Vakailasu
10Ni ra sa lewe vuqa na tamata be era tiko e keri, vakauasivi ena kedra maliwa na Jiu era sa lotu. Era sa vagolea tani na nodra vakasama na tamata ena nodra vosa veivakacalai. 11Sa dodonu me ra vagalui ni ra sa vakacacani ira kece na veivuvale e vuqa ena nodra vakatavuvulitaka na veika e sega ni dodonu me rawa ga kina na i lavo. 12E dua sara mada ga vei ira na kai Kiriti, o koya era okata me dua na parofita, sa kaya vakaoqo: “Era tamata lasulasu na kai Kiriti, era sa vaka na manumanu ca, daukana ka vucesa.” 13E vosa dina o ya. Ia sa dodonu mo vunauci ira sara vakaukauwa me ra dei tiko kina ena vakabauta dina, 14ka kakua ni vakarogoca na nodra i tukuni walega na Jiu kei na nodra i vakavuvuli na tamata sa vakanadakuya na ka dina. 15Vei ira era yalosavasava sa savasava na ka kecega; ia vei ira sa dukadukali ka tawa vakabauta sa sega ni dua na ka e savasava; sa dukadukali ruarua na nodra vakasama kei na lomadra. 16Era kaya ni ra kila na Kalou, ia era sa cakitaki koya ena nodra i tovo. Era sa tamata vakasisila, dau talaidredre ka sega ni rawa me ra cakava rawa e dua na ka vinaka.
Currently Selected:
TAITO 1: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.