VUNAU NI SORO 27
27
Lawa ni Soli-ka vei Jiova
1A sa vosa ko Jiova vei Mosese, ka kaya, 2Mo vosa vei ira na Isireli ka vaka: Kevaka e dua na tamata sa cakava e dua na bubului vei Jiova me baleta na i sau ni dua na tamata, 3na kena i sau e dua na tagane ena maliwa ni yabaki ruasagavulu ki na onosagavulu, me na limasagavulu na tiki ni siliva, me vaka na kena i vakarau sa vakadonui vakalawa. 4Ia kevaka sa yalewa, me na tolusagavulu na tiki ni siliva na kena i sau. 5Kevaka e tiko na nona yabaki ni bula ena maliwa ni yabaki lima ki na ruasagavulu, me kena i sau na tagane e ruasagavulu na tiki ni siliva ka me kena i sau na yalewa e tini na tiki ni siliva. 6Kevaka e tiko na nona yabaki ni bula ena maliwa ni vula dua ki na yabaki lima, me kena i sau na tagane e lima na tiki ni siliva ka kena i sau na yalewa e tolu na tiki ni siliva. 7Kevaka e tiko na nona yabaki ni bula ena onosagavulu se sivia, me qai kena i sau na tagane e tinikalima na tiki ni siliva, ka me kena i sau na yalewa e tini na tiki ni siliva. 8Kevaka e dua ka bubului e sa rui dravudravua vakalevu sara ka sa sega ni rawa vua me sauma na i lavo sa vakaturi, me qai kau na tamata o ya vua na bete, me na qai lewa na kena i sau me vaka na nona rawa-ka vakailavo.
9Kevaka na bubului o ya e baleta e dua na manumanu me cabori me i madrali vei Jiova, ia me sa ka tabu na veika kece vaka o ya sa cabori vei Jiova. 10Me kakua ni veisautaka o koya, se vakaisosomitaka na ka vinaka me i sosomi ni ka ca, se na ka ca me i sosomi ni ka vinaka; ia kevaka sa vakaisosomitaki na manumanu ena dua tale na manumanu, e rau na okati ruarua me ka tabu vei Jiova na manumanu o ya. 11Ia kevaka e sega ni savasava na manumanu o ya me vaka na kena ka sega ni dau kau mai me i madrali vei Jiova, me qai kauta na tamata o ya na manumanu ka vakaraitaka vua na bete, 12ia, me qai lewa na kena vinaka, se na kena ca o koya na bete. Sa na vakayacori ga na nona lewa na bete. 13Kevaka sa via volia tale o koya na kena i taukei, ia me sauma na kena i sau ka vakaikuritaka tale ena ruasagavulu na pasede. 14Kevaka sa vakatabuya na nona vale e dua na tamata, ia me qai vakatulewataka na kena i sau o koya na bete, se sa vinaka se ca: ia na ka ga sa lewa na bete me na vakabau. 15Kevaka sa via volia lesu tale na nona vale o koya ka vakatabuya, ka me nona tikoga, ia me sauma na kena i voli ka vakaikuritaka tale ena ruasagavulu na pasede.
16Kevaka e dua na tamata sa vakatabuya me nei Jiova e dua na tiki ni vanua mai na i votavota ni nona vuvale, ia na kena i sau me na vakatautaki ga mai na i vakarau ni itei ni qele ena gadrevi me robota na vanua oqori, ka saumi ena tini na tiki ni siliva ena veiyaruasagavulu na kilokaramu na barile. 17Kevaka sa vakatabuya na nona tiki ni vanua ena Yabaki ni Veivakalesui, na kena i sau ena sega ni vakalailaitaki. 18Kevaka sa vakatabuya ni sa oti na Yabaki ni Veivakalesui, me qai cakacakataka vakailavo o koya na bete mai na yabaki sa vo me yacova na Yabaki ni Veivakalesui, ka lewa e dua na kena i sau e lailai sobu. 19Kevaka sa via volia lesu tale na vanua o ya o koya ka a vakatabuya taumada, ia me qai sauma na kena i sau ka vakaikuritaka tale ena ruasagavulu na pasede. 20Kevaka sa volitaki tale na tiki ni vanua ki vua e dua tale na tamata ni bera na kena voli lesu tale mai vei Jiova, sa sega tale ni qai rawa tale me volitaki lesu. 21Ia ena Yabaki ni Veivakalesui ka tarava, sa na nona vakadua ko Jiova na tiki ni vanua sa vakatabui; ka soli me ra taukena na bete. 22Kevaka e dua na tamata sa vakatabuya me nei Jiova e dua na vanua sa volia o koya, ka sega ni tiki ni nona qele vakavuvale, 23ena qai cakacakataka vakailavo na bete na kena i sau mai na i wiliwili ni yabaki e sa vo me yacova yani na Yabaki ni Veivakalesui, ia me solia na kena i sau na tamata o ya ena siga vata ga o ya, ni sai solisoli tabu vei Jiova. 24Ni yacovi yani na Yabaki ni Veivakalesui, ena vakasukai lesu tale na tiki ni vanua vua a volitaka taumada se vei ira na wekana. 25Ia na i sau ni veika kece sa lewai me saumi ga mai na kena i vakarau sa vakadonui vakalawa.
26Na ulumatua ni veimanumanu e sa nei Jiova, ka me kakua ni dua na tamata me vakatabuya me nona. Na bulumakau se na sipi e sa nona ga ko Jiova. 27Ia kevaka e manumanu sa sega ni savasava, me qai volia lesu tale o koya me vaka na kena i voli sa virikotori ka vakaikuritaka cake tale ena ruasagavulu na pasede. Kevaka sa sega ni voli lesu, e sa na rawa me volitaki ki vua tale e dua ena kena i sau tudei.
28Me kakua ni dua na tamata me na volitaka se me volia lesu tale na ka sa vakatabuya oti me nei Jiova, ke mani tamata se manumanu, se tiki ni qele vakavuvale; sa tabu dredre sara vei Jiova na veika kecega sa vakatabui vua.#Tiko 18.14 29Me kakua ni qai la'ki voli lesu tale mai e dua na tamata sa vakatabui me vakarusai vakadua; ia me na vakamatei vakaidina ga.
30Na i katini ni vua ni qele kecega ni vanua, se ra itei ni sila se kau vuata, era sa nona kecega ko Jiova.#Tiko 18.21; Vrua 14.22-29 31Kevaka e dua na tamata sa via volia lesu tale na i katini ni veika e tamusuka, ia me volia ena kena i sau tudei ka vakaikuritaka tale ena ruasagavulu na pasede. 32Na i katini kece sara ni qele ni bulumakau se na qele ni sipi e sa nei Jiova. Ni vakawiliki na levu ni manumanu, e okati me nei Jiova na i katini kece sara ni manumanu. 33Ena sega beka ni vakarautaka na i taukei ni manumanu na nona i katini me manumanu ca, ka sega ni rawa kina vua me vakaisosomitaka. Ia kevaka e vakaisosomitaka rawa na manumanu oqori ena dua tale na manumanu, e rau sa na nei Jiova na manumanu ruarua ka sega ni rawa me rau na voli lesu tale.
34Oqo na i vakaro sa vakarota ko Jiova vei Mosese mai na Ulunivanua o Saineai me tukuna vei ira na Isireli.
Currently Selected:
VUNAU NI SORO 27: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
VUNAU NI SORO 27
27
Lawa ni Soli-ka vei Jiova
1A sa vosa ko Jiova vei Mosese, ka kaya, 2Mo vosa vei ira na Isireli ka vaka: Kevaka e dua na tamata sa cakava e dua na bubului vei Jiova me baleta na i sau ni dua na tamata, 3na kena i sau e dua na tagane ena maliwa ni yabaki ruasagavulu ki na onosagavulu, me na limasagavulu na tiki ni siliva, me vaka na kena i vakarau sa vakadonui vakalawa. 4Ia kevaka sa yalewa, me na tolusagavulu na tiki ni siliva na kena i sau. 5Kevaka e tiko na nona yabaki ni bula ena maliwa ni yabaki lima ki na ruasagavulu, me kena i sau na tagane e ruasagavulu na tiki ni siliva ka me kena i sau na yalewa e tini na tiki ni siliva. 6Kevaka e tiko na nona yabaki ni bula ena maliwa ni vula dua ki na yabaki lima, me kena i sau na tagane e lima na tiki ni siliva ka kena i sau na yalewa e tolu na tiki ni siliva. 7Kevaka e tiko na nona yabaki ni bula ena onosagavulu se sivia, me qai kena i sau na tagane e tinikalima na tiki ni siliva, ka me kena i sau na yalewa e tini na tiki ni siliva. 8Kevaka e dua ka bubului e sa rui dravudravua vakalevu sara ka sa sega ni rawa vua me sauma na i lavo sa vakaturi, me qai kau na tamata o ya vua na bete, me na qai lewa na kena i sau me vaka na nona rawa-ka vakailavo.
9Kevaka na bubului o ya e baleta e dua na manumanu me cabori me i madrali vei Jiova, ia me sa ka tabu na veika kece vaka o ya sa cabori vei Jiova. 10Me kakua ni veisautaka o koya, se vakaisosomitaka na ka vinaka me i sosomi ni ka ca, se na ka ca me i sosomi ni ka vinaka; ia kevaka sa vakaisosomitaki na manumanu ena dua tale na manumanu, e rau na okati ruarua me ka tabu vei Jiova na manumanu o ya. 11Ia kevaka e sega ni savasava na manumanu o ya me vaka na kena ka sega ni dau kau mai me i madrali vei Jiova, me qai kauta na tamata o ya na manumanu ka vakaraitaka vua na bete, 12ia, me qai lewa na kena vinaka, se na kena ca o koya na bete. Sa na vakayacori ga na nona lewa na bete. 13Kevaka sa via volia tale o koya na kena i taukei, ia me sauma na kena i sau ka vakaikuritaka tale ena ruasagavulu na pasede. 14Kevaka sa vakatabuya na nona vale e dua na tamata, ia me qai vakatulewataka na kena i sau o koya na bete, se sa vinaka se ca: ia na ka ga sa lewa na bete me na vakabau. 15Kevaka sa via volia lesu tale na nona vale o koya ka vakatabuya, ka me nona tikoga, ia me sauma na kena i voli ka vakaikuritaka tale ena ruasagavulu na pasede.
16Kevaka e dua na tamata sa vakatabuya me nei Jiova e dua na tiki ni vanua mai na i votavota ni nona vuvale, ia na kena i sau me na vakatautaki ga mai na i vakarau ni itei ni qele ena gadrevi me robota na vanua oqori, ka saumi ena tini na tiki ni siliva ena veiyaruasagavulu na kilokaramu na barile. 17Kevaka sa vakatabuya na nona tiki ni vanua ena Yabaki ni Veivakalesui, na kena i sau ena sega ni vakalailaitaki. 18Kevaka sa vakatabuya ni sa oti na Yabaki ni Veivakalesui, me qai cakacakataka vakailavo o koya na bete mai na yabaki sa vo me yacova na Yabaki ni Veivakalesui, ka lewa e dua na kena i sau e lailai sobu. 19Kevaka sa via volia lesu tale na vanua o ya o koya ka a vakatabuya taumada, ia me qai sauma na kena i sau ka vakaikuritaka tale ena ruasagavulu na pasede. 20Kevaka sa volitaki tale na tiki ni vanua ki vua e dua tale na tamata ni bera na kena voli lesu tale mai vei Jiova, sa sega tale ni qai rawa tale me volitaki lesu. 21Ia ena Yabaki ni Veivakalesui ka tarava, sa na nona vakadua ko Jiova na tiki ni vanua sa vakatabui; ka soli me ra taukena na bete. 22Kevaka e dua na tamata sa vakatabuya me nei Jiova e dua na vanua sa volia o koya, ka sega ni tiki ni nona qele vakavuvale, 23ena qai cakacakataka vakailavo na bete na kena i sau mai na i wiliwili ni yabaki e sa vo me yacova yani na Yabaki ni Veivakalesui, ia me solia na kena i sau na tamata o ya ena siga vata ga o ya, ni sai solisoli tabu vei Jiova. 24Ni yacovi yani na Yabaki ni Veivakalesui, ena vakasukai lesu tale na tiki ni vanua vua a volitaka taumada se vei ira na wekana. 25Ia na i sau ni veika kece sa lewai me saumi ga mai na kena i vakarau sa vakadonui vakalawa.
26Na ulumatua ni veimanumanu e sa nei Jiova, ka me kakua ni dua na tamata me vakatabuya me nona. Na bulumakau se na sipi e sa nona ga ko Jiova. 27Ia kevaka e manumanu sa sega ni savasava, me qai volia lesu tale o koya me vaka na kena i voli sa virikotori ka vakaikuritaka cake tale ena ruasagavulu na pasede. Kevaka sa sega ni voli lesu, e sa na rawa me volitaki ki vua tale e dua ena kena i sau tudei.
28Me kakua ni dua na tamata me na volitaka se me volia lesu tale na ka sa vakatabuya oti me nei Jiova, ke mani tamata se manumanu, se tiki ni qele vakavuvale; sa tabu dredre sara vei Jiova na veika kecega sa vakatabui vua.#Tiko 18.14 29Me kakua ni qai la'ki voli lesu tale mai e dua na tamata sa vakatabui me vakarusai vakadua; ia me na vakamatei vakaidina ga.
30Na i katini ni vua ni qele kecega ni vanua, se ra itei ni sila se kau vuata, era sa nona kecega ko Jiova.#Tiko 18.21; Vrua 14.22-29 31Kevaka e dua na tamata sa via volia lesu tale na i katini ni veika e tamusuka, ia me volia ena kena i sau tudei ka vakaikuritaka tale ena ruasagavulu na pasede. 32Na i katini kece sara ni qele ni bulumakau se na qele ni sipi e sa nei Jiova. Ni vakawiliki na levu ni manumanu, e okati me nei Jiova na i katini kece sara ni manumanu. 33Ena sega beka ni vakarautaka na i taukei ni manumanu na nona i katini me manumanu ca, ka sega ni rawa kina vua me vakaisosomitaka. Ia kevaka e vakaisosomitaka rawa na manumanu oqori ena dua tale na manumanu, e rau sa na nei Jiova na manumanu ruarua ka sega ni rawa me rau na voli lesu tale.
34Oqo na i vakaro sa vakarota ko Jiova vei Mosese mai na Ulunivanua o Saineai me tukuna vei ira na Isireli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.