JOPE 2
2
Vakatovolei Tale o Jope
1Ni yaco mai na siga me ra rairai tale yani kina na agilosi ki na mata i Jiova, a sa tiko talega kei ira o Setani. 2A qai tarogi koya ko Jiova, ka kaya, O a tu mai vei, Setani?
A sauma o Setani, ka kaya, Au a veilakoyaki tu ga, ka'u vakalakova kece sara na veiyasa i vuravura.
3A qai taroga ko Jiova, ka kaya, O sa bau kilai Jope tiko li na noqu tamata, se sega? E sega sara ni dua na tamata yalo dina ka vinaka sa tiko e vuravura me tautauvata kei koya. Sa qaravi au tiko o koya, ka sa dau qarauna vakavinaka sara me kakua ni cakava e dua na ka ca. A dei tu na nona vakabauta, e dina ga ni'u a vakadonuya na nomu sasaga mo la'ki vakacacani koya ka sega na vuna.
4A sauma o Setani, ka kaya, A i sau ni kuli na kuli, e sega ni dua na ka vua na tamata me vakayalia kece na veika kece e tu vua ena nona qara bula. 5Ia kevaka o ni vakatauvimatetaki koya, ena sega ni vakataratutu ni na rukaki kemuni dina.
6A qai kaya vei Setani ko Jiova, Sa vinaka, ia mo cakava sara vua na ka ga o vinakata; ia mo kakua ga ni vakamatei koya.
7A qai lako tani o Setani mai na mata i Jiova, ka la'ki vakatauva vei Jope na vidikoso me robota kece sara ga na yagona, mai na qeteqete ni yavana ki buradelana. 8A qai la'ki dabe tiko o Jope ena dravusa, ka taura e dua na i vorovoro ni bilo me karilaka kina na nona vidikoso. 9A qai kaya vei Jope o watina, O sa vakabauta tikoga na Kalou? Rukaki koya mada ga mo qai mate!
10A qai sauma o Jope, ka kaya, Kakua ni dau vosa vakalialia! Ni solia mai vei keda na Kalou e dua na ka vinaka, eda ciqoma sara ena marau. Ia na cava beka ga me da qai rarawa kina ni vakayacora vei keda na leqa? Ena vakararawataki taucoko oqo nei Jope, e a segasega sara ga ni bau tukuna o koya ni ca na Kalou.
Tadu Mai na i Tokani i Jope
11E lewe tolu vei ira na i tokani i Jope, na yacadratou o Elifasi mai na koro levu o Temani mai Itomi, o Pilitati mai na vanua o Sua, kei Sofa mai na vanua o Neama. Ni ratou rogoca na levu ni ka rarawa a yaco tiko vei Jope, e ratou a qai lokuca vata me ratou bau la'ki sikovi koya ka vakaceguya. 12Ni ratou toso tiko yani, a vovoleka me ratou sega ni kilai Jope rawa, ka ni sa veisau sara ga vakalevu na kena i rairai. Ia ni ratou qai kilai koya sa ka levu dina na nodratou rarawa, ratou tagi vakadomoilevu, dresulaka na nodratou i sulu, kaburaka cake na kuvu ni qele ka ubia talega kina na uludratou. 13E ratou a qai dabe ena vanua a dabe toka kina o Jope, me siga vitu ka sega ni veivosaki, baleta ni ratou a qai raica na levu ni rarawa a yacovi koya tiko.
Currently Selected:
JOPE 2: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
JOPE 2
2
Vakatovolei Tale o Jope
1Ni yaco mai na siga me ra rairai tale yani kina na agilosi ki na mata i Jiova, a sa tiko talega kei ira o Setani. 2A qai tarogi koya ko Jiova, ka kaya, O a tu mai vei, Setani?
A sauma o Setani, ka kaya, Au a veilakoyaki tu ga, ka'u vakalakova kece sara na veiyasa i vuravura.
3A qai taroga ko Jiova, ka kaya, O sa bau kilai Jope tiko li na noqu tamata, se sega? E sega sara ni dua na tamata yalo dina ka vinaka sa tiko e vuravura me tautauvata kei koya. Sa qaravi au tiko o koya, ka sa dau qarauna vakavinaka sara me kakua ni cakava e dua na ka ca. A dei tu na nona vakabauta, e dina ga ni'u a vakadonuya na nomu sasaga mo la'ki vakacacani koya ka sega na vuna.
4A sauma o Setani, ka kaya, A i sau ni kuli na kuli, e sega ni dua na ka vua na tamata me vakayalia kece na veika kece e tu vua ena nona qara bula. 5Ia kevaka o ni vakatauvimatetaki koya, ena sega ni vakataratutu ni na rukaki kemuni dina.
6A qai kaya vei Setani ko Jiova, Sa vinaka, ia mo cakava sara vua na ka ga o vinakata; ia mo kakua ga ni vakamatei koya.
7A qai lako tani o Setani mai na mata i Jiova, ka la'ki vakatauva vei Jope na vidikoso me robota kece sara ga na yagona, mai na qeteqete ni yavana ki buradelana. 8A qai la'ki dabe tiko o Jope ena dravusa, ka taura e dua na i vorovoro ni bilo me karilaka kina na nona vidikoso. 9A qai kaya vei Jope o watina, O sa vakabauta tikoga na Kalou? Rukaki koya mada ga mo qai mate!
10A qai sauma o Jope, ka kaya, Kakua ni dau vosa vakalialia! Ni solia mai vei keda na Kalou e dua na ka vinaka, eda ciqoma sara ena marau. Ia na cava beka ga me da qai rarawa kina ni vakayacora vei keda na leqa? Ena vakararawataki taucoko oqo nei Jope, e a segasega sara ga ni bau tukuna o koya ni ca na Kalou.
Tadu Mai na i Tokani i Jope
11E lewe tolu vei ira na i tokani i Jope, na yacadratou o Elifasi mai na koro levu o Temani mai Itomi, o Pilitati mai na vanua o Sua, kei Sofa mai na vanua o Neama. Ni ratou rogoca na levu ni ka rarawa a yaco tiko vei Jope, e ratou a qai lokuca vata me ratou bau la'ki sikovi koya ka vakaceguya. 12Ni ratou toso tiko yani, a vovoleka me ratou sega ni kilai Jope rawa, ka ni sa veisau sara ga vakalevu na kena i rairai. Ia ni ratou qai kilai koya sa ka levu dina na nodratou rarawa, ratou tagi vakadomoilevu, dresulaka na nodratou i sulu, kaburaka cake na kuvu ni qele ka ubia talega kina na uludratou. 13E ratou a qai dabe ena vanua a dabe toka kina o Jope, me siga vitu ka sega ni veivosaki, baleta ni ratou a qai raica na levu ni rarawa a yacovi koya tiko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.