3 JONI 1
1
1 #
Caka 19.29; Roma 16.23; 1Kori 1.14 Mai vei koya na Qase ni Lotu —
Kivei Keio, o koya ka'u sa lomana vakaidina.
2I noqu i tokani lomani, sa noqu masu ni na lako vakavinaka sara na veika kece me baleti iko, ka o na bulabula vinaka ka sega ni tauvimate — ni'u sa kila ni o sa bulabula vinaka tiko vakayalo. 3Au sa marau vakalevu sara ni ra yaco mai eso na wekada ka ra mai tukuna na nomu sa dau yalodina ki na i tukutuku dina, me vaka ni o sa dau bulataka ga na dina. 4Sa sega tale ni dua na ka sa kauta vakalevu mai vei au na marau, ia na i tukutuku ga me baleti ira na luvequ ni ra sa daumuria tiko na dina.
Sa Vakacaucautaki o Keio
5I noqu i tokani lomani, o sa dau yalodina sara ena nomu i tavi ni veiqaravi vei ira na wekamu lotu Vakarisito, ka veitalia ga kevaka era sa vulagi. 6Era sa mai vakadinadinataka na nomu dauloloma kivei ira na lewe ni soqosoqo lotu eke. Au sa kerea mo qai vukei ira me ra tomana tikoga na nodra i lakolako ena sala sa vinaka vua na Kalou. 7Ni ra sa dau vakanamata ga ki na veiqaravi vei Karisito ena nodra i lakolako, ka sega ni ciqoma e dua na veivuke mai vei ira na tawa vakabauta. 8Sa dodonu kina vei keda na lewenilotu Vakarisito me da vukei ira oqo, ka me da wasea vata kina na nodra cakacaka ena vuku ni dina.
O Tiotirifi kei Timitirio
9Au a volavola ki na i soqosoqo lotu; ia o Tiotirifi, o koya sa dau viavia nodra i liuliu, sa sega sara ga ni via kauwaitaka na veika ka'u sa kaya. 10O koya oqo, ena gauna au sa lako yani kina, au na qai tukuna na veika kece sa cakava o koya kei na veitukutuku lasu sa tukuna me baleti keda. Ia sa sega ga ni yaco e kea, a sa sega talega ni ciqomi ira na wekada Vakarisito o koya ni ra sa lako yani, ka sa dau tarovi ira talega era sa via veiciqomi, ka tovolea me biuti ira tani mai na i soqosoqo lotu.
11I noqu i tokani lomani, kakua ni vakadamurimuria na veika ca, vakadamurimuria ga na veika vinaka. O koya sa caka vinaka sa mai vua na Kalou; o koya sa caka ca sa sega ni raica na Kalou.
12Na tamata kecega sa tukuna na veika rogorogo vinaka me baleti Timitirio, mai na dina talega. Keitou sa vakadinadinataki koya vakakina, ka dou sa kila ni sa dina na neitou i tukutuku.
Otioti ni Vakanuinui Vinaka
13Sa levu sara na ka au sa via tukuna, ia ka'u sa sega ga ni via vola yani vei iko. 14Au sa nuitaka ga ni daru na sota totolo ena dua na gauna lekaleka mai oqo, me daru na qai veitalanoa kina ena matanavotu.
15Me tikoga vei iko na vakacegu!
Era sa loloma kece yani o ira na nomu i tokani. Na noqu i loloma levu vei ira yadudua sara na i tokani.
Currently Selected:
3 JONI 1: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.