2 CESALONAIKA 2
2
O Koya na Daucaka Ca
1 #
1Cesa 4.15-17
Me baleta na lako tale mai ni noda Turaga ko Jisu Karisito kei na noda vakasoqoni vata yani vua me da tiko kaya, keitou sa vakamasuti kemuni kina na veiwekani, 2me kakua ni veilecayaki vakatotolo na nomuni vakasama se mo ni vakayavalati mai na nona kacivaka e dua ni sa yaco oti mai na Siga ni Turaga. De rairai a nanumi beka ni keitou a tukuna na ka oqo ena gauna keitou parofisai se vakatavuvuli tiko kina, se a volai vakaivola. 3Me kakua sara ni dua me vakacalai kemuni ena dua na ka. Ni na sega ni yaco mada na Siga o ya me yacova ni sa yaco oti na i otioti ni veiraravui ka sa rairai mai kina na daucaka ca, o koya ka sa nakiti tu me nona i votavota o eli. 4#Tani 11.36; Isi 28.2E na saqata o koya na veimataqali kalou kecega se na veika e dauqaravi, ka na vakacerecerei koya me uasiviti ira kecega. Ena lako talega yani ka la'ki dabe ena Valenisoro ni Kalou ka tukutukuni koya voli ni sa Kalou.
5O ni sa guilecava beka li oqo? Au sa tukuna oti vei kemuni na ka oqo ena gauna ka'u se tiko vata kina kei kemuni? 6Ia sa duabulu ga na ka e tarova tiko na kena yaco na ka oqo ena gauna sara ga oqo, ka o ni sa kila na ka o ya. 7Ni sa cakacaka tiko edaidai na kaukauwa vuni ni ca; ia ena sega taumada ni yaco na ka sa dodonu me yaco me yacova ni sa biu mada vakatikitiki tani o koya ga ka sa tarova tiko. 8#Aisea 11.4E na qai vakatakilai emuri na daucaka ca o ya, ia ena qai vakamatei koya na Turaga ko Jisu ena i cegu ni gusuna ka vakarusai koya ena kaukauwa ni nona i serau. 9#Maciu 24.24O koya na daucaka ca ena lako mai ena kaukauwa i Setani ka cakava na veimataqali i vakatakilakila lelevu kei na veika veivakurabuitaki vakailasu kecega, 10ka vakayagataka na i vadi ca kecega vei ira sa gole tiko ki na rusa, baleta ni ra sa cata me ra lomana na ka dina, me ra vakabulai kina. 11O koya oqo sa tala mai kina na Kalou na veivakacalai kaukauwa me cakacaka yaco vei ira me rawa ni ra vakabauta kina na veika lasu. 12Na kena i soqoni ga ni o ira vakayadua sa sega ni vakabauta na ka dina, ka ra sa marautaka ga na i valavala ca, era na vakarusai.
O ni sa Digitaki Mo ni Vakabulai
13Sa dodonu ga me keitou ia tikoga na vakavinavinaka vua na Kalou ena vukumuni na veiwekani, oi kemuni sa dau lomani kemuni na Turaga. Ni sa digitaki kemuni na Kalou mo ni i sevu ni nona veivakabulai ena vuku ni nomuni sa vakasavasavataki ena Yalo Tabu kei na nomuni sa vakabauta na ka dina. 14A sa kacivi kemuni na Kalou ki na ka oqo mai na i Tukutuku Vinaka keitou sa vunautaka vei kemuni; ka sa kacivi kemuni mo ni wasea vata kina na lagilagi ni noda Turaga ko Jisu Karisito. 15O koya oqo, kemuni na veiwekani, mo ni tudei ga kina ka taura matua na veivakavuvuli keitou sa vakavulici kemuni kina mai na neitou i vunau kei na i vola.
16Ia na noda Turaga ko Jisu Karisito kei na Kalou o Tamada, o koya sa daulomani keda ka solia vei keda na yalovakacegu ena vuku ni lolomasavu kei na i nuinui vinaka, 17me na qai vakayaloqaqataki kemuni ka vakaukauwataki kemuni mo ni dau talairawarawa ka tukuna na veika kecega sa vinaka.
Currently Selected:
2 CESALONAIKA 2: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
2 CESALONAIKA 2
2
O Koya na Daucaka Ca
1 #
1Cesa 4.15-17
Me baleta na lako tale mai ni noda Turaga ko Jisu Karisito kei na noda vakasoqoni vata yani vua me da tiko kaya, keitou sa vakamasuti kemuni kina na veiwekani, 2me kakua ni veilecayaki vakatotolo na nomuni vakasama se mo ni vakayavalati mai na nona kacivaka e dua ni sa yaco oti mai na Siga ni Turaga. De rairai a nanumi beka ni keitou a tukuna na ka oqo ena gauna keitou parofisai se vakatavuvuli tiko kina, se a volai vakaivola. 3Me kakua sara ni dua me vakacalai kemuni ena dua na ka. Ni na sega ni yaco mada na Siga o ya me yacova ni sa yaco oti na i otioti ni veiraravui ka sa rairai mai kina na daucaka ca, o koya ka sa nakiti tu me nona i votavota o eli. 4#Tani 11.36; Isi 28.2E na saqata o koya na veimataqali kalou kecega se na veika e dauqaravi, ka na vakacerecerei koya me uasiviti ira kecega. Ena lako talega yani ka la'ki dabe ena Valenisoro ni Kalou ka tukutukuni koya voli ni sa Kalou.
5O ni sa guilecava beka li oqo? Au sa tukuna oti vei kemuni na ka oqo ena gauna ka'u se tiko vata kina kei kemuni? 6Ia sa duabulu ga na ka e tarova tiko na kena yaco na ka oqo ena gauna sara ga oqo, ka o ni sa kila na ka o ya. 7Ni sa cakacaka tiko edaidai na kaukauwa vuni ni ca; ia ena sega taumada ni yaco na ka sa dodonu me yaco me yacova ni sa biu mada vakatikitiki tani o koya ga ka sa tarova tiko. 8#Aisea 11.4E na qai vakatakilai emuri na daucaka ca o ya, ia ena qai vakamatei koya na Turaga ko Jisu ena i cegu ni gusuna ka vakarusai koya ena kaukauwa ni nona i serau. 9#Maciu 24.24O koya na daucaka ca ena lako mai ena kaukauwa i Setani ka cakava na veimataqali i vakatakilakila lelevu kei na veika veivakurabuitaki vakailasu kecega, 10ka vakayagataka na i vadi ca kecega vei ira sa gole tiko ki na rusa, baleta ni ra sa cata me ra lomana na ka dina, me ra vakabulai kina. 11O koya oqo sa tala mai kina na Kalou na veivakacalai kaukauwa me cakacaka yaco vei ira me rawa ni ra vakabauta kina na veika lasu. 12Na kena i soqoni ga ni o ira vakayadua sa sega ni vakabauta na ka dina, ka ra sa marautaka ga na i valavala ca, era na vakarusai.
O ni sa Digitaki Mo ni Vakabulai
13Sa dodonu ga me keitou ia tikoga na vakavinavinaka vua na Kalou ena vukumuni na veiwekani, oi kemuni sa dau lomani kemuni na Turaga. Ni sa digitaki kemuni na Kalou mo ni i sevu ni nona veivakabulai ena vuku ni nomuni sa vakasavasavataki ena Yalo Tabu kei na nomuni sa vakabauta na ka dina. 14A sa kacivi kemuni na Kalou ki na ka oqo mai na i Tukutuku Vinaka keitou sa vunautaka vei kemuni; ka sa kacivi kemuni mo ni wasea vata kina na lagilagi ni noda Turaga ko Jisu Karisito. 15O koya oqo, kemuni na veiwekani, mo ni tudei ga kina ka taura matua na veivakavuvuli keitou sa vakavulici kemuni kina mai na neitou i vunau kei na i vola.
16Ia na noda Turaga ko Jisu Karisito kei na Kalou o Tamada, o koya sa daulomani keda ka solia vei keda na yalovakacegu ena vuku ni lolomasavu kei na i nuinui vinaka, 17me na qai vakayaloqaqataki kemuni ka vakaukauwataki kemuni mo ni dau talairawarawa ka tukuna na veika kecega sa vinaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.