Yalomatua 1
1
Vaqara na dodonu
1 #
Ym 6.1-11
Moni guta na lewa dodonu na iliuliu kei vuravura, ni namata vua na Turaga e na yalododonu, ni qarai koya e na yalodina, 2nira na kunei koya na sega ni vakatovolei koya, e vakaraitaki koya vei ira na nuitaki koya. 3Na vakasama ca e tawasea na tamata mai vua na Kalou; na vakatovolea nona kaukaua, era seva kina na lialia, 4ni yalomatua e na bese ni curuma na yalo veidabui se me tiko e na yago sa bobula tu e na ivalavalaca. 5Na yalo e savasava e dei, e na drovaka na lasu, e na vakanadakuya na vakasama lialia, e na maduataka na toro mai ni lewa cala.
Na Kalou e kila kece na ka eda kaya
6Na yalomatua na yalo dauloloma, e na sega ga ni vosota e dua e vosacataka na Kalou, baleta ni Kalou e raica na vu ni yalona, e dikeva matua na lomana, e rogoca vinaka nona vosa. 7E roboti vuravura na Yalo ni Kalou, e cokota na veika kece, e rogoca kece na vosa. 8O koya gona e vosa vakatawadodonu, e na tobo; na kuita ni lewa dodonu, e na sega ni calati koya. 9E na vakadikevi na vere ni tamata tawalotu, e na vakasavui vua na Kalou nona vosa me vakacalai kina e na nona beca na lawa, 10ni daliga rogorogo ni Kalou e rogoca na ka kece, bau kina na kudrukudru lo. 11Me kua gona na kudrukudru i Ra Mo, me kua tale ga na kakase, ni vosa lo kece e veivakacacani, na lasulasu e vakamatea na yalo.
Na Kalou e sega ni bulia na mate
12Ni kua ni sureta na mate e na itovo ca se moni vakarusai kemuni e na cakacaka ni ligamuni, 13#Isi 18.32; 33.11; 2Es 3.7; 2Pita 3.9baleta ni Kalou a sega ni bulia na mate, se me cibitaka nodra mate na bula. 14A bulia ga na ka kece mera tu, era vinaka kece tu nona ibulibuli, e sega ni dua e bau gaga. E sega ni lewai vuravura o Etesi, 15ni bula tawamudu na lewa dodonu. 16#Vbale 8.36; Aisea 28.15; Sr 14.12Ia era sa sureti Ra Mate na tamata tawalotu e na nodra vosa kei na ivalavala. Era wilika me nodra itau dredre, era sa oca e na vukuna; era veiyalayalati kaya, sa rauta dina mera nona ito.
Currently Selected:
Yalomatua 1: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.