Tobita 1
1
1Na ivola kei Tobita na luve i Toviele, luve i Ananiele, luve i Atuele, luve i Qavaele e na kawa i Asaele, mataqali i Navitalai. 2O koya a tauri vakavesu e na gauna i Salamanesa na tui Asiria, mai Cisevē e na ceva kei Katesi mai Navitalai e Kaleli e na vualiku kei Asori.#2Tui 17.3; 18.9
Yalodina o Tobita i na nona lotu
3O yau o Tobita, au a dau muria na sala ni dina kei na yalododonu e na veisiga kece ni noqu bula. Au a dodo liga vakalevu vei ira na wekaqu kei na kainoqu keimami a veitomani i Ninive e nodra vanua na kai Asiria. 4Au se cauravou tiko mai Isireli na noqu vanua, na mataqali taucoko nei Navitalai na tukaqu sa vakanadakuya na kawa i Tevita kei Jerusalemi. Qo na koro a digitaki e Isireli taucoko mera dau vakacabo isoro kina na veimataqali, me tauyavu, qai vakatabui kina na valenisoro, na itikotiko nei koya na Cecere Sara, e na veitabatamata me tawamudu. 5#1Tui 12.28,29Ia na mataqali kece era sa yapositata, wili kina na kawa nei tukaqu o Navitalai, era dau lako i na korolevu o Dani i na veiulunivanua e na vualiku kei Kaleli, mera dau soro vei Peali na luvenibulumakau koula a vakaduria kina o Jerovoami na tui Isireli.
6 #
Vrua 16.16
O yau duadua au dau lai sokalou i Jerusalemi, me vaka na ivakaro tudei vei keimami kece na Isireli. Au dau kusa yani i Jerusalemi meu kauta na isevu ni qele, na isevu ni luve ni manumanu, na ikatini ni noqu bulumakau, kei na vutinisipi se qai koti vou. Au qai dau tu e mata ni yaletare ni valenisoro meu solia vei iratou na bete, na kawa i Eroni. 7Au dau solia na ikatini ni noqu covuata, waini, waiwai ni olive, pomekaraneti, lolo, kei na vuata tale e so vei ira na luve i Livai era veiqaravi tu e Jerusalemi. E na veiyabaki, vakavo ga na kena ikavitu, ni voavoa tu na vanua, au dau volitaka tale e dua na ikatini ni noqu iyau, qai volia kina na magiti ni solevu mai Jerusalemi. 8E na veiyabaki tolu au dau volitaka tale e dua na ikatini, na kena ilavo au qai dau solia vei ira na yada, na luveniyali, kei na vulagi era mai maliwai keimami tu. Noqu itovo qo au doka tiko kina na lawa i Mosese, me vaka na veivakavulici nei buqu o Tepora, niu sa mai luveniyali e na mate nei tamaqu.
Kabita matua nona vakabauta o Tobita e na nona tu tani
9Niu sa tamata bula, au sa tauri Ana na lewe ni neitou mataqali me watiqu, mani sucu kina na luve i keirau o Tobia. 10Niu sa kau vakavesu i Ninive, era sa kania na kedra kakana na tani o ira kece na wekaqu kei na kainoqu; 11ia au bese ni kania, 12niu nanuma dei tiko na Kalou e na yaloqu taucoko. 13Sa qai lomani yau na Cecere Sara meu donu e na mata i Salamenesa, meu nona dauvolivoli. 14Au dau lako kina i Mitia. E dua gona na gauna mai Rajesi e Mitia, au a tataunaka tiko kina vei Qavaele na taci i Qaviriasi e tini na taledi siliva. 15Ia ni sa mate o Salamanesa, sa sosomitaki koya na luvena o Senakerivi, sa qai vakarerevaki kina na lako e gaunisala, sa mani mudu kina na noqu lako i Mitia.
E veibulu o Tobita
16E na gauna nei Salamanesa, au a dau dodo liga vakalevu vei ira na wekaqu. 17#Jope 31.16-20Au dau soli kedra na dravudravua, nodra isulu na luvawale; niu raica e dua na kainoqu e kolotaki matemate tu e daku ni bai kei Ninive, au dau buluti koya. 18Dua na siga a vosacataka o Senakerivi na Kalou, na Tui lomalagi, qai sauma vua na Kalou, mani suka voraki mai Juta. Se lesu tale tiko i Mitia, na levu ni nona cudru a lewa kina mera mate e le levu na kai Isireli. Au qai dau kauta tani na yagodra meu buluti ira. Ni dau vaqara na yagodra, era sa yali. 19Sa qai dua na kai Ninive e lai tukuna vua noqu dau veibulu, au sa mani vuni. Niu sa kila niu sa vaqarai tiko meu vakamatei, au a biuta noqu vale e na rere. 20Sa qai vesu kece na noqu iyau, sega ni dua na ka e vo, o Ana ga na watiqu kei Tobia na luvequ.
Vukei Tobita o Ahikari
21Se bera ni bogi vasagavulu, erau sa mokuti Senakerivi e rua na luvena, rau qai dro i dela i Ararata. Sa qai sosomitaki koya na luvena o Esaretoni; a lesi Ahikari na luve i Anaele na taciqu me dauniyau, me iliuliu sara tale ga ni matanitu. 22E na kerekere gona nei Ahikari, au sa mani lesu tale i Ninive. O Ahikari sa dau tutaka na mena na tui, ivakatawa ni sitaba vakatui, nona dauniyau, ni sa lesi koya o Esaretoni me taravi koya sara ga. Keirau veiluveni.
Currently Selected:
Tobita 1: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.