Filimoni 1
1
1Mai vei Paula, na kaivesu ena vuku i Karisito Jisu, vata kei Timoci na wekada.
Kivei Filimoni na weka i keirau, ka neirau i tokani ena cakacaka, 2#Kolo 4.17kei na i soqosoqo lotu sa dau soqoni tiko ena nomu vale, vata kei rau talega o Afia na ganeda kei Akipa na noda i tokani ena i valu oqo.
3Me nomuni na vakacegu mai vua na Kalou o Tamada kei na Turaga o Jisu Karisito.
Na Loloma kei na Vakabauta nei Filimoni
4Au sa dau vakavinavinaka tikoga vua na Kalou ena gauna au dau cavuti iko kina ena noqu masu 5ni'u sa mai rogoca tiko na nomu lomani ira kecega na tamata ni Kalou kei na nomu vakabauta na Turaga o Jisu. 6Au sa masulaka ni na vakatitobutaki na noda kila na veika vinaka eda sa taukena ena noda tu vata kei Karisito mai na noda veitokani ena vakabauta. 7Ni sa ka levu na noqu reki kei na vakacegu ena vuku ni nomu loloma, na wekaqu, ka ni sa vakabulabulataki na lomadra na tamata ni Kalou ena vukumu.
Na Vakamamasu me Baleti Onisimo
8Me vaka ni'u sa wekamu ena vuku i Karisito, sa rawa me'u doudou kina me'u vakarota vei iko na ka e dodonu mo vakayacora. 9Ia ena vuku ga ni noqu lomani iko, e vinaka cake kina vei au me'u vakamamasu ga vei iko, oi au o Paula na i talai i Karisito Jisu, ka'u sa vesu tu edaidai ena vukuna. 10#Kolo 4.9Au sa vakamasuti iko kina ena vuku i Onisimo, o koya na luvequ ena vuku i Karisito; ni'u sa yaco oi au me'u tamana vakayalo ena gauna ka'u sa vesu voli kina oqo. 11E a tamata tawayaga vei iko eliu o koya, ia sa qai tamata yaga sara vei iko oqo, ka vakakina vei au. 12Au sa talai koya lesu tale yani oqo vei iko, ka sa salavata yani kei koya na yaloqu. 13Au a via tauri koya me keirau sa tiko ga me kemu i sosomi, me qaravi au tikoga ena noqu tu vakavesu tu oqo ena vuku ni tukutuku vinaka. 14Ia, au sa sega ni via vakasaurarataki iko mo vukei au; ni ka'u sa vinakata mo vakayacora ga o iko ena yalo e galala. O koya oqo au sa sega kina ni cakava e dua na ka kevaka o se sega mada ni vakadonuya.
15De sai koya beka oqo na vuna e biuti iko kina vakalekaleka o Onisimo, o ya me na qai tiko vata tale kei iko ena vo ni nona gauna kece ni bula sa vo. 16Ni sa sega ni tamata bobula walega o koya, ia sa uasivi cake mai na bobula baleta ni sa tacida ena vuku i Karisito. Sa bibi dina vei au o koya! Ia ena yaga vakalevu cake sara vei iko o koya, ni sa nomu bobula ka tacimu ena vuku ni Turaga.
17Ia kevaka o sa okati au dina me'u nomu i tokani, mo qai ciqomi koya sara me vaka na nomu ciqomi au. 18Ia ke a cakava e dua na ka ca vei iko, se a dinautaka e dua na ka, mo qai vola vei au. 19Oi au o Paula, au sa vola vei iko na ka oqo ena ligaqu dina, au na sauma lesu vei iko. Ia e sega beka ni yaga me'u tukuna tale vei iko ni o dinautaka tu na nomu bula vakayalo vei au. 20O koya oqo, na wekaqu, mo yalovinaka ka vakayacora mada na noqu kerekere oqo ena vuku ni Turaga; me vaka ni o sa taciqu vakayalo ena vuku i Karisito — vakamarautaki au mada!
21Au sa nuidei kina, ena noqu sa volavola tiko yani oqo, ni o na vakayacora na noqu kerekere malumalumu — ka'u sa kila talega ni na uasivi cake sara na ka o na kitaka. 22Mo qai vakarautaka tale tikoga e dua na rumu me'u na tiko kina, baleta ni'u sa nuitaka ni'u na vakasukai tale yani vei kemuni ena vuku ni nomuni masu.
Tini ena Loloma
23 #
Kolo 1.7; 4.12 Sa loloma tu yani vei iko o Epafiro, o koya keirau vesu vata tu ena vuku i Karisito Jisu, 24#Caka 12.12,25; 13.13; 15.37-39; Kolo 4.10; Caka 19.29; 27.2; Kolo 4.10; Kolo 4.14; 2Timo 4.10; Kolo 4.14; 2Timo 4.11kei iratou na noqu i tokani ena cakacaka o Marika, Arisitako, Timasa, kei Luke.
25Me tikoga kei kemuni kece na loloma-savu ni Turaga o Jisu Karisito.
Currently Selected:
Filimoni 1: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.