Isaías 31
31
Upe he'íva umi ohekáva rehe pytyvõ Egíptope
1Cháke,
umi Egíptope ohóva
pytyvõ rekávo,#Is 30.1-5.
ojeroviáva kárro,
kavaju heta ha hi'ariguáre.
Ha noma'ẽi
Imarangatúva Israel guáre,
ndohekái Ñandejárape!#Pr 21.31; Is 30.16; Os 1.7.
2Ha'éko ikatupyry hína
ha ogueru kuaa ivaíva,
ha he'i rire iñe'ẽ,
ojapo katuete.
Ha'e oñeñandukáta
heko añáva
ha umíva ykére guápe.
3Umi Egiptogua,
yvypórante,
ndaha'éi tupã,
ikavaju kuéra to'o rei
ndaha'éi espíritu.
Ñandejára oipysóta ipo
ombyepoti haguã chupe kuéra,
ho'áta pe mo'ãhára
ha umi oñemo'ãva;
peteĩcha omanombáta.
4Ñandejára he'i chéve:
“Jaguarete ojuka ramo ovecha
ndokyhyjéi herekua kuéragui,
oñembyatypa ramo jepe
omondýi haguã chupe isapukáipe;
upéicha oúta yvyty Siónpe
Ñandejára ipu'akapáva,
omo'ã haguã hetã guápe.
5Haity omo'ãháicha
guyra hi'ári ovevévo,
péicha omo'ãta Jerusalén
Ñandejára ipu'akapáva.
Hese oñangarekóta,
ivaívagui oipe'áta.
Omo'ãta ha oipe'áta
jejopy vaígui.”
6Israel ra'y kuéra,
peju jeýke
upe peapo'i ete vaekue
rendápe.
7Opavave peẽ pemboykeha ára
tupã gua'u óro ha pláta,
pende po ahẽme pejapo vaekue,
8Asiria
kyse puku rupi ho'áta,
ha ndaha'e mo'ãi
yvypóra rembiapokue.
Oguevíta kyse puku
renondépe
ha imitã rusu kuéragui
oikóta tembiguái;
9Kyhyjégui huvicha guasu
opoíta pýgui
ha mburuvicha kuéra
chupe oheja reíta.
Kóicha he'i Ñandejára,
hata rendy oguerekóva
Jerusalénpe
ha hatakua Siónpe.
Currently Selected:
Isaías 31: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.