Esusën Uan ismiaid 2
2
Epeso yacnocquido Esusën chiaid
1Naden chuiposhi: Epeso yacnoshon ubi chuibanquidën iste chuinu. Dada uata. Ubi uispa 7ted icquid cun mëdante abiucshun sananec tabote manitsintequid shocosh bëshpiu bëshpiucquid odo caid nacnenaid 7ted tabëcaid nënantanquio capuec nebique. Tantia, Epeso yacnocquido. Mibitedi chuinu. 2Mimbi naidtedi tantiembi. Dayacquio icquin umbi chiacpadombuen mimbi dadpen nabanoc. Utsibo chieshtonobi chieshtoenquio icquin mimbi ubi tantioc. Ubi tantiaquido icsho mibi icsambuen namenuen utsibon chiaqui mimbi tantiashunenquio iccoc. Aido: Esusën: Ubi chuibenneta, caid yec mibi chuinuec chopobi, queshun muaquin chuisho tantiashun: Muaquido nec, quequin tantiaquin aidon chiaid mimbi tantienquio iccoc. 3Adembidi utsibon chieshënquin natiamiaqui chieshtoenquio icquin Umbi Chiaidbëta Umbi naid mimbi chuibanoc.
4Aden chuibannuc mibitedishun icsambuen naid abentsëc icsho chuinu. Tauambuen mimbi ubi tantiaquiopondac. Adondaidëmbi pacuënnëdacbimbuen mimbi nëbi ubi bëdiactsëc tantiatsec. 5Aden umbi chuibued tantiash: Ai, abimbo caic. Aden icsambuen naiquini icsachitoc, queshun mimbi icsambuen naid ënshun tauambuen mimbi Nuquin Papabëta ubi tantiondacpadombuembidi ubi tantiabenuata. Adoenquio icshoembi mibi cuidquin tabote manitsintequid bedshunendac.#2.5 Naden chiec nec. Mibi yacnocquid ubi tantiaquidtedi mibi yacno puduedenquio ictsiandac, quequin tantiamec nec. 6Adquid icbuedombi nëbi mimbi naid utsitsen isash bëdambo iccobi. Mibi cuëdënacno puduedshun nicodaitabon mibi icsamenuen icsambuen chuisho tantiashun: Mibi icsamboshë iquec, mimbi aido caoc. Adembidi umbitsen aido icsamboshë iquec caimbi. 7Nëbi ubi tantiaquido utsibotsen chuinu. Umbi chuibocpadombuen cun Mayanën mibitsen tantiametsiashe. Bëdambuen tantiate bunquin Umbi Chiaid tantiata. Mayan Icsa Satanasën: Icsamenu, caqui chieshtoenquio icquin ubi tantiasho ubëdi tabadmendambi. Nuquin Papa bëdamboshëcquid yacno nitsinaid cute bacuë uënëstiapimbo icmetequid chemendambi, quequin umbi chuibued dada uata, quequin Esusën chuiposhi.#2.7 Aid cute chiaid istiadquio icquin Ene. 2.9bëta 3.22, 24 isbanta.
Esmidna yacnocquido Esusën chiaid
8Naden padpiden chuiuaposhi: Esmidna yacnoshon ma ubi chuibanquidën iste chuinu. Dada uata. Ëndenquimboshë nidaid uabi yec ictednedi nebi. Nëbi adquid iquequi nibëdantiapimbo icquidquio nebi. Adquid yec abitedishun Icbombo icshobi chieshëmënquidon uënës uacsho chococaqui uincuenondaid nebique. Tantia, Esmidna yacnocquido. Mibitedi chuinu. 9Ubi tantiaquido icsho utsibon chieshënaido yec mitsana nibëdquid mibi nec. Nëbi mitsana nibëdquid iquequi ubi tantiaquid yec dadpenquio dayun uaquidbimbuec mibi bëdambo iquendac. Chieshëmënquidon mibi icsambuen chuishumbuedtsen tantiembi. Mibi yacnoshon Mayan Icsa Satanasën tantiamiac: Isadaidbo nebi, quequin mibi icsambuen chuishunquido yec Mayan Icsa Satanasën iuabo nendac. 10Aidon ubi mëyantsiash, quec dacuëdec natienda. Mayan Icsa Satanasën: ¿Ada Esus tantiaquido chieshtoenquio ictsiashe? Tannu, quequin namiacpadombuen chieshëmënquidon mibitedi utsi utsien quënën tsadunendac. Adoac 9tedec ushec mibitedi natiec mëyadendac. Puduenabi yec chieshtoenda. Ubi tantiaquido icsho: Cuessunnenu, cac dacuëdenda. Aidon cuessunniacsho bëdamboshë icquid meniacbimbuen ubëdi tabadmendambi padpidec uënëstiapimbo icnuc. 11Nëbi ubi tantiaquido utsibotsen chuinu. Umbi chuibocpadombuen Cun Mayanën mibitsen tantiametsiashe. Bëdambuen tantiate bunquin umbi chuibued tantiata. Mayan Icsa Satanasën: Icsamenu, caqui chieshtoenquio icquin ubi tantiasho ubëdi tabadmenun mibi uënësso icsaido cuidacno mibi nësecainquio iquendambi, quequin umbi chuibued dada uata, quequin Esusën chuiposhi.
Pedcamo yacnocquido Esusën chiaid
12Naden padpiden chuiuaposhi: Pedcamo yacnoshon ubi chuibanquidën iste chuinu. Dada uata. Aton ana shëcuënuësh chështe aucbidaëdi cuënumboshë icquid cueshquebuedën naden chioshibique. Tantia, Pedcamo yacnocquido. Mibitedi chuinu:#2.12 Adembidi E.U.I. 1.16 chiaque. Isbanta. 13Mibi yacno Mayan Icsa Satanasën iuabo dadpen icnubi ubi tantiec mibi chieshtoenquio iquec. Ënden Mayan Icsa Satanasën namiac mibi yacnoshon chieshëmënquidon ubi chuibanquid Antipas caid cuessunnepondash. Aidën chieshtoenquio icquin umbi naid chuibansho cuessunniambi adembidi chieshtoenquio icquin mimbi ubi tantiaquiopec. Aden mimbi bëdambuen naid tantiembi.
14Adondaid tantiaquin mimbi icsambuen naidtsen chuinu: Mibi cuëdëncuededacno ubi tantiaquido icsambuen namequid utsi utsiec puduedposh. Aido nënëchoquid Badan campidbimbuecquido nec. Ëndenquimboshë matses utsibo chuiquid tapa Badac caidën: Isadaidbo icsamec cho, cac cumapenen tantiaquid Badan caidën: Isadaidbo Nuquin Papan Chiaid niacmenu, quequin chuitampampic. Adoac Badac caidën chiacpadombuen ambi papa caid nacnenaid ismequin dasambued nëish iua pichicaid isadaidbo pemepampic. Aton matsesën chidobombic isadaidbo dadpen chudmequin icsambuen namepampic. Aden Nuquin Papan Chiaid niac niacmec icsamianquido mibëd iquec.#2.14 Aid chiaid iste bunquin I.T. 22—24 isbanta. 15Adecbidi ubi tantiec tabadte shubun puduedash mibëd iccuededquido utsi utsiec nicodaitabo muaquin chiaiduidi tantiate bunquid icpec. 16Aidon chiaid tantienda. Umbi chiaid mimbi niac niactsiaque. Mimbi icsambuen naid ënshun padpiden Nuquin Papa tantiata. Mibi cuëdëncuededacno aido chomenda. Umbi chuibued niacbidansho issun mibi yacno choshon chështe cun ana shëcuën cuënumbo icquid cueshquebuedën cuesacbimbuen mibi aidobëta cuidtsiambique. Mimbi icsambuen naid ënta. 17Nëbi ubi tantiaquido utsibotsen chuinu. Umbi chuibocpadombuembidi cun Mayanën mibitsen tantiametsiashe. Bëdambuen tantiate bunquin umbi chuibued tantiata. Mayan Icsa Satanasën: Icsamenu, caqui chieshtoenquio icquin ubi tantiasho issun: Ma penu, queshun ompoampidi mana caid menendambi. Adoshombic cuënote ushumbocquidën abi cuëmëdquid icnubi cuëmëdquid chuca uaquin cuënquin aid cuënoten dada uatanquin menendambi. Ma umbi menebuedënuidtsëqui isnu, quequin adoendambi, quequin umbi chuibued dada uata, quequin Esusën chuiposhi.#2.17 Nuquin Papan mana caid meniaid chiaid istiadquio icquin Buan. 16.14-35 isbanta. Nuquin Papan isadaidbo mana caid pemedennequin dayun uampicpadombuen mibi bëdambuen tabadmendambi, quequin Esusën chuipanëdash.
Tiatida yacnocquido Esusën chiaid
18Naden padpiden Nuquin Papabëd icquidën chuiuaposhi: Tiatida yacnoshon ubi chuibanquidën iste chuinu. Dada uata. Nuquin Papan Madombo yec cute nëdënquequidbimbuec aton ëshë isquid isquidquio iquequi aton taë shocosh piumbocquidbimbuec nacnacquio icbuedën naden chioshibique. Tantia, Tiatida yacnocquido. Mibitedi chuinu. 19Mimbi naidtedi tantiembi. Ubi tantiaquin mimbi utsibotsen bëdambuen tantiec. Aton Papabëtan Esusën bëdambuen tantiametsiashi, queshun chieshtoenquio icquin mimbi ubi tantiec. Adquid icquin ubi tantiamenuen utsibo nashunquido mibi nec. Ubi tantiesabon: Chieshtomenu, caqui mimbi chieshtoenquio icquin ubi tantiec. Tauambuen ubi tantiaquin daëdpactsëc naondaidi nëbi ubi tantiabenquioshon umbi chiacpadombuen mimbi dadpen naic.
20Adec mibi bëdambo icnubi mibëd icsamianquid chido abi iquec. Aidi isadaidbo tsusedpan chido Esabed cuëmëdquidbimbuecquid cuenmenquio yec mibitedi icsaic. Aidi mibi iccuededacno chido icsamboshë icquid muaquin chuinuec puduedposh. Puduedshun: Nuquin Papan oncamiaid nebique. Tantia. Chuinu, quequin ambi tantiaidi chuibamposh. Adoac ubi tantiactsëcbuedi aidën chiacpaden naic icsacuededposh. Adash utsibon papa caid tantiabededacno puduedposh. Adshun aidon ambi papa canun nacnenaid ismequin dasambued nëish iua pichicaid tëshë pec tabadcuededquimbi aton chidopenquio chudbededposh.#2.20 Esabed isadaidbon chuiquid tapan chido nepampic. Icsamboshëcquid nepampic. Aid chiaid iste bunquin Ch.D.1. 16.31-33 isbanta. 21Adsho issun aid chido: Ma ambi icsambuen naid ënshun Nuquin Papa tantianu, queshun badedquio cuidenquio iccombi. Adoaqui ambi icsambuen naid ënte bunenquio yec abi piucquid bedec chudadposh. 22Aden ambi icsambuen naid ëntiapimbo icsho issumbimbi nëbi nëncuenmendac. Umbi adoac aton ueten uec mëyadquiendac. Adecbidi aid chudquidotsen cumapenec mëyadquiendac. Aidon ambi icsambuen naid ënshoembi mëyadmenquio ictsiandac. 23Aid chidon namiaidotsen cumapenec mëyadnuc uënësmendambi. Umbi adosho issun ubi tantiaquidtedishun naden tantiendac: Matsesën tantiaidbëta aidën nabanaidtedi tantiaquidquio icquin Esusën abi tantiesa cuidquimbi abi tantiaquin bëdambuen nabansho issun abi yacnombo tabadmendac.
24Tantia. Tiatida yacnocquidobëtabi ubi tantiaquidombotsen chuinu. Mayan Icsa Satanasën tantiamiac: Matsesën tantiatiapimbo yaid umbi tantiaid mimbi tantienquio iquec, quesho mimbi tantiashunenquio icpoc. Adshumbic aidën chuimiaidën chiacpadombuen mimbi nainquio icpoc. Aden bëdambuen nasho issun mimbi icsambuen naid utsi chienquio iquembi. 25Nëiduidtsëqui chuinu. Mimbi bëdambuen nabocpadombuen ubi choabi yacpadembi chieshtoenquio icquin ubi tantiata. 26Mayan Icsa Satanasën: Icsamenu, caqui chieshtoenquio icquin ubi ënenquio icquin tantiaquin umbi chiacpadombuen naquidombo icsho ubëta chuiquid tapa icmendambi. Adoac ubëtan matses utsibo abitedimbo namendac. 27Aden Cun Pan abitedishun Icbombo icmiondashi. Adoac umbi matses chuiquid tapa icmiac shocosh cueste sananquin namesho utsibon dëniacquin: Umbiquien namenu, catiapimbo iquendac. Adoacbimbuen: Esus dëniacquin umbiquien matses namenu, quesho tantiashun matsu nacnenquidën ambi nacnenaidi icsambo icsho issun posposacbimbuen cuidquiendac. 28Badiadte anoentsëc uispa dapa choded chodedacpadquiec ënëdenquio yec ubi tantiaquidobëd iquendabi. 29Nëbi ubi tantiaquido utsibotsen chuinu. Umbi chuibocpadombuen cun Mayanën mibitsen tantiametsiashe. Bëdambuen tantiate bunquin umbi chuibued tantiata, quequin Esusën chuiposhi.
Currently Selected:
Esusën Uan ismiaid 2: mcfNT
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Esusën Uan ismiaid 2
2
Epeso yacnocquido Esusën chiaid
1Naden chuiposhi: Epeso yacnoshon ubi chuibanquidën iste chuinu. Dada uata. Ubi uispa 7ted icquid cun mëdante abiucshun sananec tabote manitsintequid shocosh bëshpiu bëshpiucquid odo caid nacnenaid 7ted tabëcaid nënantanquio capuec nebique. Tantia, Epeso yacnocquido. Mibitedi chuinu. 2Mimbi naidtedi tantiembi. Dayacquio icquin umbi chiacpadombuen mimbi dadpen nabanoc. Utsibo chieshtonobi chieshtoenquio icquin mimbi ubi tantioc. Ubi tantiaquido icsho mibi icsambuen namenuen utsibon chiaqui mimbi tantiashunenquio iccoc. Aido: Esusën: Ubi chuibenneta, caid yec mibi chuinuec chopobi, queshun muaquin chuisho tantiashun: Muaquido nec, quequin tantiaquin aidon chiaid mimbi tantienquio iccoc. 3Adembidi utsibon chieshënquin natiamiaqui chieshtoenquio icquin Umbi Chiaidbëta Umbi naid mimbi chuibanoc.
4Aden chuibannuc mibitedishun icsambuen naid abentsëc icsho chuinu. Tauambuen mimbi ubi tantiaquiopondac. Adondaidëmbi pacuënnëdacbimbuen mimbi nëbi ubi bëdiactsëc tantiatsec. 5Aden umbi chuibued tantiash: Ai, abimbo caic. Aden icsambuen naiquini icsachitoc, queshun mimbi icsambuen naid ënshun tauambuen mimbi Nuquin Papabëta ubi tantiondacpadombuembidi ubi tantiabenuata. Adoenquio icshoembi mibi cuidquin tabote manitsintequid bedshunendac.#2.5 Naden chiec nec. Mibi yacnocquid ubi tantiaquidtedi mibi yacno puduedenquio ictsiandac, quequin tantiamec nec. 6Adquid icbuedombi nëbi mimbi naid utsitsen isash bëdambo iccobi. Mibi cuëdënacno puduedshun nicodaitabon mibi icsamenuen icsambuen chuisho tantiashun: Mibi icsamboshë iquec, mimbi aido caoc. Adembidi umbitsen aido icsamboshë iquec caimbi. 7Nëbi ubi tantiaquido utsibotsen chuinu. Umbi chuibocpadombuen cun Mayanën mibitsen tantiametsiashe. Bëdambuen tantiate bunquin Umbi Chiaid tantiata. Mayan Icsa Satanasën: Icsamenu, caqui chieshtoenquio icquin ubi tantiasho ubëdi tabadmendambi. Nuquin Papa bëdamboshëcquid yacno nitsinaid cute bacuë uënëstiapimbo icmetequid chemendambi, quequin umbi chuibued dada uata, quequin Esusën chuiposhi.#2.7 Aid cute chiaid istiadquio icquin Ene. 2.9bëta 3.22, 24 isbanta.
Esmidna yacnocquido Esusën chiaid
8Naden padpiden chuiuaposhi: Esmidna yacnoshon ma ubi chuibanquidën iste chuinu. Dada uata. Ëndenquimboshë nidaid uabi yec ictednedi nebi. Nëbi adquid iquequi nibëdantiapimbo icquidquio nebi. Adquid yec abitedishun Icbombo icshobi chieshëmënquidon uënës uacsho chococaqui uincuenondaid nebique. Tantia, Esmidna yacnocquido. Mibitedi chuinu. 9Ubi tantiaquido icsho utsibon chieshënaido yec mitsana nibëdquid mibi nec. Nëbi mitsana nibëdquid iquequi ubi tantiaquid yec dadpenquio dayun uaquidbimbuec mibi bëdambo iquendac. Chieshëmënquidon mibi icsambuen chuishumbuedtsen tantiembi. Mibi yacnoshon Mayan Icsa Satanasën tantiamiac: Isadaidbo nebi, quequin mibi icsambuen chuishunquido yec Mayan Icsa Satanasën iuabo nendac. 10Aidon ubi mëyantsiash, quec dacuëdec natienda. Mayan Icsa Satanasën: ¿Ada Esus tantiaquido chieshtoenquio ictsiashe? Tannu, quequin namiacpadombuen chieshëmënquidon mibitedi utsi utsien quënën tsadunendac. Adoac 9tedec ushec mibitedi natiec mëyadendac. Puduenabi yec chieshtoenda. Ubi tantiaquido icsho: Cuessunnenu, cac dacuëdenda. Aidon cuessunniacsho bëdamboshë icquid meniacbimbuen ubëdi tabadmendambi padpidec uënëstiapimbo icnuc. 11Nëbi ubi tantiaquido utsibotsen chuinu. Umbi chuibocpadombuen Cun Mayanën mibitsen tantiametsiashe. Bëdambuen tantiate bunquin umbi chuibued tantiata. Mayan Icsa Satanasën: Icsamenu, caqui chieshtoenquio icquin ubi tantiasho ubëdi tabadmenun mibi uënësso icsaido cuidacno mibi nësecainquio iquendambi, quequin umbi chuibued dada uata, quequin Esusën chuiposhi.
Pedcamo yacnocquido Esusën chiaid
12Naden padpiden chuiuaposhi: Pedcamo yacnoshon ubi chuibanquidën iste chuinu. Dada uata. Aton ana shëcuënuësh chështe aucbidaëdi cuënumboshë icquid cueshquebuedën naden chioshibique. Tantia, Pedcamo yacnocquido. Mibitedi chuinu:#2.12 Adembidi E.U.I. 1.16 chiaque. Isbanta. 13Mibi yacno Mayan Icsa Satanasën iuabo dadpen icnubi ubi tantiec mibi chieshtoenquio iquec. Ënden Mayan Icsa Satanasën namiac mibi yacnoshon chieshëmënquidon ubi chuibanquid Antipas caid cuessunnepondash. Aidën chieshtoenquio icquin umbi naid chuibansho cuessunniambi adembidi chieshtoenquio icquin mimbi ubi tantiaquiopec. Aden mimbi bëdambuen naid tantiembi.
14Adondaid tantiaquin mimbi icsambuen naidtsen chuinu: Mibi cuëdëncuededacno ubi tantiaquido icsambuen namequid utsi utsiec puduedposh. Aido nënëchoquid Badan campidbimbuecquido nec. Ëndenquimboshë matses utsibo chuiquid tapa Badac caidën: Isadaidbo icsamec cho, cac cumapenen tantiaquid Badan caidën: Isadaidbo Nuquin Papan Chiaid niacmenu, quequin chuitampampic. Adoac Badac caidën chiacpadombuen ambi papa caid nacnenaid ismequin dasambued nëish iua pichicaid isadaidbo pemepampic. Aton matsesën chidobombic isadaidbo dadpen chudmequin icsambuen namepampic. Aden Nuquin Papan Chiaid niac niacmec icsamianquido mibëd iquec.#2.14 Aid chiaid iste bunquin I.T. 22—24 isbanta. 15Adecbidi ubi tantiec tabadte shubun puduedash mibëd iccuededquido utsi utsiec nicodaitabo muaquin chiaiduidi tantiate bunquid icpec. 16Aidon chiaid tantienda. Umbi chiaid mimbi niac niactsiaque. Mimbi icsambuen naid ënshun padpiden Nuquin Papa tantiata. Mibi cuëdëncuededacno aido chomenda. Umbi chuibued niacbidansho issun mibi yacno choshon chështe cun ana shëcuën cuënumbo icquid cueshquebuedën cuesacbimbuen mibi aidobëta cuidtsiambique. Mimbi icsambuen naid ënta. 17Nëbi ubi tantiaquido utsibotsen chuinu. Umbi chuibocpadombuembidi cun Mayanën mibitsen tantiametsiashe. Bëdambuen tantiate bunquin umbi chuibued tantiata. Mayan Icsa Satanasën: Icsamenu, caqui chieshtoenquio icquin ubi tantiasho issun: Ma penu, queshun ompoampidi mana caid menendambi. Adoshombic cuënote ushumbocquidën abi cuëmëdquid icnubi cuëmëdquid chuca uaquin cuënquin aid cuënoten dada uatanquin menendambi. Ma umbi menebuedënuidtsëqui isnu, quequin adoendambi, quequin umbi chuibued dada uata, quequin Esusën chuiposhi.#2.17 Nuquin Papan mana caid meniaid chiaid istiadquio icquin Buan. 16.14-35 isbanta. Nuquin Papan isadaidbo mana caid pemedennequin dayun uampicpadombuen mibi bëdambuen tabadmendambi, quequin Esusën chuipanëdash.
Tiatida yacnocquido Esusën chiaid
18Naden padpiden Nuquin Papabëd icquidën chuiuaposhi: Tiatida yacnoshon ubi chuibanquidën iste chuinu. Dada uata. Nuquin Papan Madombo yec cute nëdënquequidbimbuec aton ëshë isquid isquidquio iquequi aton taë shocosh piumbocquidbimbuec nacnacquio icbuedën naden chioshibique. Tantia, Tiatida yacnocquido. Mibitedi chuinu. 19Mimbi naidtedi tantiembi. Ubi tantiaquin mimbi utsibotsen bëdambuen tantiec. Aton Papabëtan Esusën bëdambuen tantiametsiashi, queshun chieshtoenquio icquin mimbi ubi tantiec. Adquid icquin ubi tantiamenuen utsibo nashunquido mibi nec. Ubi tantiesabon: Chieshtomenu, caqui mimbi chieshtoenquio icquin ubi tantiec. Tauambuen ubi tantiaquin daëdpactsëc naondaidi nëbi ubi tantiabenquioshon umbi chiacpadombuen mimbi dadpen naic.
20Adec mibi bëdambo icnubi mibëd icsamianquid chido abi iquec. Aidi isadaidbo tsusedpan chido Esabed cuëmëdquidbimbuecquid cuenmenquio yec mibitedi icsaic. Aidi mibi iccuededacno chido icsamboshë icquid muaquin chuinuec puduedposh. Puduedshun: Nuquin Papan oncamiaid nebique. Tantia. Chuinu, quequin ambi tantiaidi chuibamposh. Adoac ubi tantiactsëcbuedi aidën chiacpaden naic icsacuededposh. Adash utsibon papa caid tantiabededacno puduedposh. Adshun aidon ambi papa canun nacnenaid ismequin dasambued nëish iua pichicaid tëshë pec tabadcuededquimbi aton chidopenquio chudbededposh.#2.20 Esabed isadaidbon chuiquid tapan chido nepampic. Icsamboshëcquid nepampic. Aid chiaid iste bunquin Ch.D.1. 16.31-33 isbanta. 21Adsho issun aid chido: Ma ambi icsambuen naid ënshun Nuquin Papa tantianu, queshun badedquio cuidenquio iccombi. Adoaqui ambi icsambuen naid ënte bunenquio yec abi piucquid bedec chudadposh. 22Aden ambi icsambuen naid ëntiapimbo icsho issumbimbi nëbi nëncuenmendac. Umbi adoac aton ueten uec mëyadquiendac. Adecbidi aid chudquidotsen cumapenec mëyadquiendac. Aidon ambi icsambuen naid ënshoembi mëyadmenquio ictsiandac. 23Aid chidon namiaidotsen cumapenec mëyadnuc uënësmendambi. Umbi adosho issun ubi tantiaquidtedishun naden tantiendac: Matsesën tantiaidbëta aidën nabanaidtedi tantiaquidquio icquin Esusën abi tantiesa cuidquimbi abi tantiaquin bëdambuen nabansho issun abi yacnombo tabadmendac.
24Tantia. Tiatida yacnocquidobëtabi ubi tantiaquidombotsen chuinu. Mayan Icsa Satanasën tantiamiac: Matsesën tantiatiapimbo yaid umbi tantiaid mimbi tantienquio iquec, quesho mimbi tantiashunenquio icpoc. Adshumbic aidën chuimiaidën chiacpadombuen mimbi nainquio icpoc. Aden bëdambuen nasho issun mimbi icsambuen naid utsi chienquio iquembi. 25Nëiduidtsëqui chuinu. Mimbi bëdambuen nabocpadombuen ubi choabi yacpadembi chieshtoenquio icquin ubi tantiata. 26Mayan Icsa Satanasën: Icsamenu, caqui chieshtoenquio icquin ubi ënenquio icquin tantiaquin umbi chiacpadombuen naquidombo icsho ubëta chuiquid tapa icmendambi. Adoac ubëtan matses utsibo abitedimbo namendac. 27Aden Cun Pan abitedishun Icbombo icmiondashi. Adoac umbi matses chuiquid tapa icmiac shocosh cueste sananquin namesho utsibon dëniacquin: Umbiquien namenu, catiapimbo iquendac. Adoacbimbuen: Esus dëniacquin umbiquien matses namenu, quesho tantiashun matsu nacnenquidën ambi nacnenaidi icsambo icsho issun posposacbimbuen cuidquiendac. 28Badiadte anoentsëc uispa dapa choded chodedacpadquiec ënëdenquio yec ubi tantiaquidobëd iquendabi. 29Nëbi ubi tantiaquido utsibotsen chuinu. Umbi chuibocpadombuen cun Mayanën mibitsen tantiametsiashe. Bëdambuen tantiate bunquin umbi chuibued tantiata, quequin Esusën chuiposhi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.