Ducas 3
3
II. ESUSËN TAUAMBUEN NABANAID
(3.1—4.13)
1. Shubu nibëdacnoshon Uan acten mentoanquidën Chuibanaid
(3.1-20)
Acten mentoanquid Uanën Esus chote chiaid
(Mat. 3.1-12; Madc. 1.1-8; Uan 1.19-28)
1Adashic seta 15ted matanmec Tibedio Sesad cuëmëdquid Doma yacnocquidon chuiquid tapa empedadod caid icpanëdash. Ponsio Pidato cuëmëdquid nidaid cuëshë Udea yacnocquidon chuiquid cobednadod icpanëdash. Edodes Antipas cuëmëdquid nidaid cuëshë Cadidea yacnocquidon chuiquid tapa icpanëdash. Edodesën utsi Uedipo cuëmëdquid nidaid Itudeya caid yacnocquidobëtan nidaid Tadaconitide yacnocquidon chuiquid cobednadod icpanëdash. Disanias cuëmëdquid nidaid Abidene yacnocquidon chuiquid icpanëdash. 2Chuiquid aidtedi icnubien Anasbëd Caipas nëish iua cuessunneshun pichicaquidon chuiquid tapabo icpanëdash. Aid daëdi icnubien Uan Sacadiasën mado shubu nibëdacno capucuenneshobi Nuquin Papan: Umbi chiaid chuibenneta, capanëdash. 3Adoac acte Odan caid cuëman capuquimbi naden chuibampanëdash: Mimbi icsambuen naid ënshun Nuquin Papa tantiabenquin acten mentometa. Adosho isash mimbi icsambuen naid tantienquio yec Nuquin Papa bëshunendac, quequin chochoquido Uanën chuibampanëdash.
4Ëndenquimboshë Nuquin Papan Uanën nate chuiquin ambi oncamiaid Isayas naden dada uamepampic:
Shubu nibëdacno capuquin cumapenen cuënac
matses chochosho:
Chuiquid tapambo choec, queshun podquied cuembocnoc nacnenacbimbuen:
Nuquin Icbombo choeque.
Mimbi icsambuen nabanaid ënash bëdambuec tabadta, quequin chuibanendac, quepampic.
5Macuësh nacman bëdambuen nacnentanquin
macuësh tapa nidaid nua chicbanquin pada uaquin
cuembocnoc nacnenquin podquied uashun cainacbimbuen:
Nuquin Icbombo choeque.
Mimbi icsambuen nabanaid ënash bëdambuec tabadta, quendac.
6Aden Nuquin Papan abi matses bëdambuen ismequid chomiacsho matses abitedishun isbededendac, quequin Isayasën chuipampic.#3.4-6 Isa. 40.3-5 tantiaquin nëid trested dada uapanëdash.
7Abi acten mentomete bunec matses dadpen chochoaido icsho Uanën nadopanëdash: Nisibimbuecquido mibitedi nec. Adquid icsho issun ¿tsuntsin: Nuquin Papan cuidte anuenaneque. Tantiatan, quequin chiac chocho? 8Mentomete bunec Nuquin Papan Chiaid niac niacbuedi ënash Nuquin Papa tantiec bëdambuec tabadta. Ubipadquid Abadauanën tsiuecquidouidtsëqui icsho Nuquin Papan bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënote dadpen icquidi matses uashun Nuquin Papan Abadauanën bacuëbopadquid icmetsiashe. Nuquin Papambo tantiata, quepanëdash. 9Aden chiashic: Cute bacuëesa icsho dëdshun cuidi mëtequin tsindoshon icbon nëdëncaic. Aden nëdëncacbimbuen icsambuen nabanquido chian annëdënquequid Nuquin Papan nësecaindac, quepanëdash Uan.
10Adoaquien: Nuquin Papan aden cuidnushe, queshun ¿atotsimbi napatsia? capanëdash iccuededquidon.
11Adoaquien: Mibi dasiuidaid dashcute daëd icsho aton dashcute nibëdquid abentsëc meneta. Adembidi pete dadpen icquin aton pete nibëdquid icsho meneta, capanëdash Uanën.
12Adecbidi Doma yacnocquidon chuiquid tapan: Min matsesën piucquid nëidted bedshun ubi meneta, caidotsen acten mentomenuec chochopanëdash. Chochoshon Uanën chuibansho tantiash: Chian annëdënquequid nësecadte bunenquio icquin ¿atotsimbi napatsia? capanëdash.
13Adoaquien: Chuiquid tapan chiactedtsëqui bedshunta. Muaquin cuna daëd uanu quequin bedshunenda, capanëdash Uanën.
14Adembidi sondado chochoshon: ¿Atotsimbi napatsia? capanëdash Uan chuiquin.
Adoaquien: Min piucquid bunquin utsibo bedshunenda. Utsibo chuiquin: Mitsana bec cho. Cueschitomane, cainda. Utsin bedaid tantiashun mua uaquin chienda. Min chuiquidën piucquid meniac: Daëdpactsëc iqueque. Utsibo bedshunnu, quenda, capanëdash Uanën sondado chuiquin.
15Aden chuibansho tantiashien: ¿Tsutsi nepec? ¿Nuquin Papan Chomiaid Quidistu Mesias caidta Uan nepec? quecuededpanëdash chochoquido.
16Adsho tantiashun Uanën naden chuipanëdash: Mibi acten mentoquiduidtsëqui nebi. Ubi adquid icnubi cun tsiuec ubi udictsëcqiocquid utsi choshon nadatiambocquin nabanquin chuibanendac. Adquid icsho ubi icsaquid icquin aidën tapucudte chicnuec dacuëdquin chictiapimbo iquebi. Aidëmbi cute nëdënquequidbimbuecquid ismequin aton Mayan Bëda abi tantiaquido menendac. 17Aden chuibanshumbic naden chuipanëdash: Adosbiecquid tidico caid ëshë uashun icbon dayunuaic. Adoshombic bitsi tsindotanquin nëdëncaic. Adoacbimbuen abi tantiesabo ënëdenquio yec chian annëdënquequid yacno nësecaindac. Adoshombic abi tantiaquidtedi abi yacno puduedmendac. 18Aden Chiaid Bëda Esusën naid chuibanquin: Adombuen tantiaquin nabanta, capanëdash Uan acten mentoanquidën.
19Adshumbic Uanën chuiquid tapa Edodes Antipas ambi icsambuen naid naden chuishumpanëdash: Min utsi Uedipon chidobi Edodias bedquin mimbi icsambuen naidbëta mimbi icsambuen naid utsitedi ënta, capanëdash. 20Aden ambi icsambuen naid chuibansho tantiashun padpiden udictsëcquio icsambuen naquin Edodes Antipasën Uan acten mentoanquid bedmeshun quënën tsadunmepanëdash.
2. Esusën chuibennenun naid
(3.21—4.13)
Esus acten mentoaid
(Mat. 3.13-17; Madc. 1.9-11)
21Quënën tsadunabicquin Uanën matses dadpen acten mentobampanëdash. Aden mentobannubien Esus chosho aidtsen mentopanëdash. Aden mentoac Esus Nuquin Papa chiec onquenubien abu shëcuë nibëdbuedi shëcuë yannuc 22oshpodcobimbuecquid budec Nuquin Papan Mayan Bëda Esusbëd icnuec budsho ispanëdash. Adnubien abucuësh nadec onquiampanëdash: Mibiuidtsëqui cun Madombo icsho umbi bëdambuen isquin tantiaidquio mibi nec, quepanëdash Esus caic.#3.22 Aden aton Pan aton mado Esus chuite Dabid Cuëd. 2.7bëta Isa. 42.1 isbanta.
Esuquidistun tsusedpabotedi chiaid
(Mat. 1.1-17)
23Adshumbic abi tishaid seta 30ted icquin Nuquin Papan chiacpaden naquin Esusën bedampanëdash. Aden tauaquin chuibansho tantiash aton matses: Nuquin Papan Mado nec, quenquio yec: Osen mado nec, quepanëdash. Esusën tsusedpabo nëidtedi icpanëdash. Osen papa Edi icpanëdash. 24Aidën papabic Matad. Aidën papabic Debi. Aidën papabic Medqui. Aidën papabic Anai. Aidën papabic Ose. 25Aidën papabic Matatias. Aidën papabic Amos. Aidën papabic Naun. Aidën papabic Esdi. Aidën papabic Nacai. 26Aidën papabic Mad. Aidën papabic Matatias. Aidën papabic Semei. Aidën papabic Osec. Aidën papabic Oyada. 27Aidën papabic Oanan. Aidën papabic Desa. Aidën papabic Sodobabed. Aidën papabic Sadatied. Aidën papabic Nedi. 28Aidën papabic Medqui. Aidën papabic Adi. Aidën papabic Cosan. Aidën papabic Edmadan. Aidën papabic Ed. 29Aidën papabic Osue. Aidën papabic Ediesed. Aidën papabic Odin. Aidën papabic Matad. 30Aidën papabic Debi. Aidën papabic Simeon. Aidën papabic Uda. Aidën papabic Ose. Aidën papabic Onan. Aidën papabic Ediaquin. 31Aidën papabic Medea. Aidën papabic Mainan. Aidën papabic Matata. Aidën papabic Natan. 32Aidën papabic Dabid. Aidën papabic Ese. Aidën papabic Obed. Aidën papabic Bos. Aidën papabic Seda. Aidën papabic Nason. 33Aidën papabic Aminadad. Aidën papabic Admin. Aidën papabic Adni. Aidën papabic Esdon. Aidën papabic Pades. Aidën papabic Uda. 34Aidën papabic Acobo. Aidën papabic Isac. Aidën papabic Abadauan. Aidën papabic Teda. Aidën papabic Naod. 35Aidën papabic Seduc. Aidën papabic Dacau. Aidën papabic Pedec. Aidën papabic Ebed. Aidën papabic Sheda. 36Aidën papabic Cainan. Aidën papabic Adpasad. Aidën papabic Sen. Aidën papabic Noe. Aidën papabic Damec. 37Aidën papabic Matusaden. Aidën papabic Enoc. Aidën papabic Eded. Aidën papabic Macadaded. Aidën papabic Cainan. 38Aidën papabic Enos. Aidën papabic Sed. Aidën papabic Adan. Aidën papambo Nuquin Papa nec. Aidtedi Esusën tsusedpabo nepanëdash.
Currently Selected:
Ducas 3: mcfNT
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Ducas 3
3
II. ESUSËN TAUAMBUEN NABANAID
(3.1—4.13)
1. Shubu nibëdacnoshon Uan acten mentoanquidën Chuibanaid
(3.1-20)
Acten mentoanquid Uanën Esus chote chiaid
(Mat. 3.1-12; Madc. 1.1-8; Uan 1.19-28)
1Adashic seta 15ted matanmec Tibedio Sesad cuëmëdquid Doma yacnocquidon chuiquid tapa empedadod caid icpanëdash. Ponsio Pidato cuëmëdquid nidaid cuëshë Udea yacnocquidon chuiquid cobednadod icpanëdash. Edodes Antipas cuëmëdquid nidaid cuëshë Cadidea yacnocquidon chuiquid tapa icpanëdash. Edodesën utsi Uedipo cuëmëdquid nidaid Itudeya caid yacnocquidobëtan nidaid Tadaconitide yacnocquidon chuiquid cobednadod icpanëdash. Disanias cuëmëdquid nidaid Abidene yacnocquidon chuiquid icpanëdash. 2Chuiquid aidtedi icnubien Anasbëd Caipas nëish iua cuessunneshun pichicaquidon chuiquid tapabo icpanëdash. Aid daëdi icnubien Uan Sacadiasën mado shubu nibëdacno capucuenneshobi Nuquin Papan: Umbi chiaid chuibenneta, capanëdash. 3Adoac acte Odan caid cuëman capuquimbi naden chuibampanëdash: Mimbi icsambuen naid ënshun Nuquin Papa tantiabenquin acten mentometa. Adosho isash mimbi icsambuen naid tantienquio yec Nuquin Papa bëshunendac, quequin chochoquido Uanën chuibampanëdash.
4Ëndenquimboshë Nuquin Papan Uanën nate chuiquin ambi oncamiaid Isayas naden dada uamepampic:
Shubu nibëdacno capuquin cumapenen cuënac
matses chochosho:
Chuiquid tapambo choec, queshun podquied cuembocnoc nacnenacbimbuen:
Nuquin Icbombo choeque.
Mimbi icsambuen nabanaid ënash bëdambuec tabadta, quequin chuibanendac, quepampic.
5Macuësh nacman bëdambuen nacnentanquin
macuësh tapa nidaid nua chicbanquin pada uaquin
cuembocnoc nacnenquin podquied uashun cainacbimbuen:
Nuquin Icbombo choeque.
Mimbi icsambuen nabanaid ënash bëdambuec tabadta, quendac.
6Aden Nuquin Papan abi matses bëdambuen ismequid chomiacsho matses abitedishun isbededendac, quequin Isayasën chuipampic.#3.4-6 Isa. 40.3-5 tantiaquin nëid trested dada uapanëdash.
7Abi acten mentomete bunec matses dadpen chochoaido icsho Uanën nadopanëdash: Nisibimbuecquido mibitedi nec. Adquid icsho issun ¿tsuntsin: Nuquin Papan cuidte anuenaneque. Tantiatan, quequin chiac chocho? 8Mentomete bunec Nuquin Papan Chiaid niac niacbuedi ënash Nuquin Papa tantiec bëdambuec tabadta. Ubipadquid Abadauanën tsiuecquidouidtsëqui icsho Nuquin Papan bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënote dadpen icquidi matses uashun Nuquin Papan Abadauanën bacuëbopadquid icmetsiashe. Nuquin Papambo tantiata, quepanëdash. 9Aden chiashic: Cute bacuëesa icsho dëdshun cuidi mëtequin tsindoshon icbon nëdëncaic. Aden nëdëncacbimbuen icsambuen nabanquido chian annëdënquequid Nuquin Papan nësecaindac, quepanëdash Uan.
10Adoaquien: Nuquin Papan aden cuidnushe, queshun ¿atotsimbi napatsia? capanëdash iccuededquidon.
11Adoaquien: Mibi dasiuidaid dashcute daëd icsho aton dashcute nibëdquid abentsëc meneta. Adembidi pete dadpen icquin aton pete nibëdquid icsho meneta, capanëdash Uanën.
12Adecbidi Doma yacnocquidon chuiquid tapan: Min matsesën piucquid nëidted bedshun ubi meneta, caidotsen acten mentomenuec chochopanëdash. Chochoshon Uanën chuibansho tantiash: Chian annëdënquequid nësecadte bunenquio icquin ¿atotsimbi napatsia? capanëdash.
13Adoaquien: Chuiquid tapan chiactedtsëqui bedshunta. Muaquin cuna daëd uanu quequin bedshunenda, capanëdash Uanën.
14Adembidi sondado chochoshon: ¿Atotsimbi napatsia? capanëdash Uan chuiquin.
Adoaquien: Min piucquid bunquin utsibo bedshunenda. Utsibo chuiquin: Mitsana bec cho. Cueschitomane, cainda. Utsin bedaid tantiashun mua uaquin chienda. Min chuiquidën piucquid meniac: Daëdpactsëc iqueque. Utsibo bedshunnu, quenda, capanëdash Uanën sondado chuiquin.
15Aden chuibansho tantiashien: ¿Tsutsi nepec? ¿Nuquin Papan Chomiaid Quidistu Mesias caidta Uan nepec? quecuededpanëdash chochoquido.
16Adsho tantiashun Uanën naden chuipanëdash: Mibi acten mentoquiduidtsëqui nebi. Ubi adquid icnubi cun tsiuec ubi udictsëcqiocquid utsi choshon nadatiambocquin nabanquin chuibanendac. Adquid icsho ubi icsaquid icquin aidën tapucudte chicnuec dacuëdquin chictiapimbo iquebi. Aidëmbi cute nëdënquequidbimbuecquid ismequin aton Mayan Bëda abi tantiaquido menendac. 17Aden chuibanshumbic naden chuipanëdash: Adosbiecquid tidico caid ëshë uashun icbon dayunuaic. Adoshombic bitsi tsindotanquin nëdëncaic. Adoacbimbuen abi tantiesabo ënëdenquio yec chian annëdënquequid yacno nësecaindac. Adoshombic abi tantiaquidtedi abi yacno puduedmendac. 18Aden Chiaid Bëda Esusën naid chuibanquin: Adombuen tantiaquin nabanta, capanëdash Uan acten mentoanquidën.
19Adshumbic Uanën chuiquid tapa Edodes Antipas ambi icsambuen naid naden chuishumpanëdash: Min utsi Uedipon chidobi Edodias bedquin mimbi icsambuen naidbëta mimbi icsambuen naid utsitedi ënta, capanëdash. 20Aden ambi icsambuen naid chuibansho tantiashun padpiden udictsëcquio icsambuen naquin Edodes Antipasën Uan acten mentoanquid bedmeshun quënën tsadunmepanëdash.
2. Esusën chuibennenun naid
(3.21—4.13)
Esus acten mentoaid
(Mat. 3.13-17; Madc. 1.9-11)
21Quënën tsadunabicquin Uanën matses dadpen acten mentobampanëdash. Aden mentobannubien Esus chosho aidtsen mentopanëdash. Aden mentoac Esus Nuquin Papa chiec onquenubien abu shëcuë nibëdbuedi shëcuë yannuc 22oshpodcobimbuecquid budec Nuquin Papan Mayan Bëda Esusbëd icnuec budsho ispanëdash. Adnubien abucuësh nadec onquiampanëdash: Mibiuidtsëqui cun Madombo icsho umbi bëdambuen isquin tantiaidquio mibi nec, quepanëdash Esus caic.#3.22 Aden aton Pan aton mado Esus chuite Dabid Cuëd. 2.7bëta Isa. 42.1 isbanta.
Esuquidistun tsusedpabotedi chiaid
(Mat. 1.1-17)
23Adshumbic abi tishaid seta 30ted icquin Nuquin Papan chiacpaden naquin Esusën bedampanëdash. Aden tauaquin chuibansho tantiash aton matses: Nuquin Papan Mado nec, quenquio yec: Osen mado nec, quepanëdash. Esusën tsusedpabo nëidtedi icpanëdash. Osen papa Edi icpanëdash. 24Aidën papabic Matad. Aidën papabic Debi. Aidën papabic Medqui. Aidën papabic Anai. Aidën papabic Ose. 25Aidën papabic Matatias. Aidën papabic Amos. Aidën papabic Naun. Aidën papabic Esdi. Aidën papabic Nacai. 26Aidën papabic Mad. Aidën papabic Matatias. Aidën papabic Semei. Aidën papabic Osec. Aidën papabic Oyada. 27Aidën papabic Oanan. Aidën papabic Desa. Aidën papabic Sodobabed. Aidën papabic Sadatied. Aidën papabic Nedi. 28Aidën papabic Medqui. Aidën papabic Adi. Aidën papabic Cosan. Aidën papabic Edmadan. Aidën papabic Ed. 29Aidën papabic Osue. Aidën papabic Ediesed. Aidën papabic Odin. Aidën papabic Matad. 30Aidën papabic Debi. Aidën papabic Simeon. Aidën papabic Uda. Aidën papabic Ose. Aidën papabic Onan. Aidën papabic Ediaquin. 31Aidën papabic Medea. Aidën papabic Mainan. Aidën papabic Matata. Aidën papabic Natan. 32Aidën papabic Dabid. Aidën papabic Ese. Aidën papabic Obed. Aidën papabic Bos. Aidën papabic Seda. Aidën papabic Nason. 33Aidën papabic Aminadad. Aidën papabic Admin. Aidën papabic Adni. Aidën papabic Esdon. Aidën papabic Pades. Aidën papabic Uda. 34Aidën papabic Acobo. Aidën papabic Isac. Aidën papabic Abadauan. Aidën papabic Teda. Aidën papabic Naod. 35Aidën papabic Seduc. Aidën papabic Dacau. Aidën papabic Pedec. Aidën papabic Ebed. Aidën papabic Sheda. 36Aidën papabic Cainan. Aidën papabic Adpasad. Aidën papabic Sen. Aidën papabic Noe. Aidën papabic Damec. 37Aidën papabic Matusaden. Aidën papabic Enoc. Aidën papabic Eded. Aidën papabic Macadaded. Aidën papabic Cainan. 38Aidën papabic Enos. Aidën papabic Sed. Aidën papabic Adan. Aidën papambo Nuquin Papa nec. Aidtedi Esusën tsusedpabo nepanëdash.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.