Uan 2 1
1
Mibi tantiembi, quequin chiaid
1Esus tantiaquido chuibanquid Nuquin Papan icmiondaid nebi. Nuquin Papan mibitsen icmiac Esus tantiaquidobëta chuibanquid icsho mibitedi tantiaquiembi. Adembidi Nuquin Papan Chiaid abimbo iquec, quequin tantiaquidtedishun mibitedi tantiaquiec. 2Nuquin Papan Chiaid abimbo iquec, quequin ënenquio icquin tantiaquido icquin ubitedi tantiasho mibitedi tantiaquiembi.
3Mibitedi tantiaquin Nuquin Papabëtan aton Madombo Esuquidistun ma mibitedi bëdambuen ispanuna. Adembidi icsambuen naquido icshobi cuidte bunenquio icquin bëdambuen isquin bëdambuec tabadmequin abimbo tantiec tantiananmeta, quequin Nuquin Papa chiannembi.
Esus tantiaquid utsibobëd tantianante chiaid
4Mibitedi caic: Utsi utsiec Nuquin Papan chiacpadombuen nabanec tabadosh, quesho tantiash cuishonquec bëdambo iquebi. 5Tantia, cun utsibo. Nëbi Esuquidistu tantiaquido yec tantianannuna, quequin ënden Esusën chiondaid chuibanac mimbi tantiondaidbidi nec. 6Esuquidistu tantiaquid yec utsibobëd tantiananquin Nuquin Papan chiacpadombuen nabanquido nuquitedi nec. Ubi tantiaquidobëd tantiananta, quequin Nuquin Papan chuinëdaid mimbi tauambuen chuisho tantiondaidbidi nec. Aden Nuquin Papan chiacpaden naic ënëdenquio yec utsibobëd tantiananec bëdambuec tabadnuna.
Muaquidon chuibansho tantienda, quequin abimbo chiaid
7Muaquin chuibanquido dadpen choac. Aidon: Esuquidistu Nuquin Papan Chomiaid yec matsespenquio nepanëdash, quequin muaquin chuibanendac. Aido Esuquidistu chieshënquidombo nec. 8Ista. Adquidën chuibansho tantienda. Bëdambuen nasho Nuquin Papan nuqui bëdambuen nashunendac, quequin umbi mibitedi chuibambued tantienquio yannushe, queshun aden aidon chuibansho tantienquio icquin: Nuquin Papan abëd tabadmequin ubi bëdamboshëcquid menetequid iquendac, quequin tantiata. 9Ambibi tantiaid natsusuaquin Esuquidistun chuibanondaidquio chienquiocquid Nuquin Papa tantiesabo nec. Padnuen Esuquidistun chiaidquio chuibansho tantiashun ënenquio icquin tantiaquid Nuquin Papabëta aton Mado Esus tantiaquidquio nendac. 10Mibi yacno nidshun Esusën chiaidpenquio chuibanquid icsho tantiashun min shubun iuedenda. Mibi yacno chosho isash bëdambo iquebi, cainda. 11Utsibombien: Mibi chosho isash bëdambo iquebi, quequin chuiquid aidën icsambuen nacpadombuembidi icsambuen naindac.
Ënquin chiaid
12Mibi dadpenquio chuitiadquio icquimbi dada uaquinuidtsëqui chuite bunenquio iquebi. Mibi yacno nidshun mibitedi bëisquioquimbi chuibanec onquec: Aidobëd cuishonquebi, quiash mibitedi isec nidte bunebi.
13Mibitedi tantiec tabadebi, quequin chuita, quiosh nëmbocquido Nuquin Papan Esus tantiamiaido.
Aidted chuiquin dada uaombi.
Currently Selected:
Uan 2 1: mcfNT
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.