Lucas 3
3
João Batista ti
(Mt 3.1-12; Mc 1.1-8; Jo 1.19-28)
1Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.
2Ẽn kã Caifás vỹ tỹ Topẽ tũ ki rĩr tĩ ag pã'i mág nĩ, Anás mré. Kỹ vãhã Topẽ vỹ Zacarias kósin tỹ João mỹ: “ha Israel ag mỹ vẽnh ven tĩg,” he mũ, ti tỹ ẽmã tũ ja tá nĩn kỹ. 3Kỹ tóg tĩ mũ sir, goj tỹ Jordão jagma. Tĩg kỹ tóg vẽnh kar jyvẽn mũ. Ag mỹ tóg: “ã kype jé sóg ke mũ, ã tỹ ã jykre kórég tovãnh kỹ. Kỹ Topẽ tóg ã tỹ ti vĩ mranh ja tỹ ã mỹ vẽnh pãte fón mũ,” he mũ.
4Vãsỹ tóg rán kỹ nĩ. Topẽ vĩ tó tĩ tỹ Isaías vỹ: “ẽmã tũ ja tá tóg jẽnh ke mũ, ga kórég tá,” he ja nĩ. “Tá tóg ag mỹ: “ẽg Senhor kãtĩg ke jo vẽnh jãnhkrikrig nĩ,” henh ke mũ. “Ẽpry kurég ãjag tóg tĩ, ãjag pã'i mág jun ken kỹ. 5Ti kãgnó tỹ ãjag tóg kyjer' he tĩ. Kar kỹ ãjag tóg ẽpry sór kar kũm tĩ gé. Ti jonjor kugrynh kãn ãjag tóg tĩ. Ti sunsór vãvãm kãn ãjag tóg tĩ gé, ãjag tỹ ẽmĩn han kỹ. Kỹ tag ri ke han nĩ, ãjag jykre kórég tỹ. 6Hã kỹ ẽprã ke kar vỹ Topẽ tỹ ẽg krenkren han ke ti venh ke mũ,” he ja tóg nĩ.
7Gen kỹ tóg ag jyvẽn mũ, ag tỹ ti to kãmũn kỹ, ti tỹ ag kygpe jé. E tãvĩ ag nỹtĩ. Ag jyvẽn kỹ tóg ag mỹ: “pỹn ri ke ãjag tóg nỹtĩ, ãjag jykre pãno tãvĩ nỹtĩn kỹ,” he mũ. “Ũ nỹ ãjag mỹ: “Topẽ jũ venh ke tũ ãjag nĩ,” he tĩ'? 8Ãjag jykre pãno tugvãnh ra, ãjag tỹ ti jũ ve jãvãnh tĩn kỹ. Vẽjykre há han ra, ẽg tỹ ãjag jykre tãg ve jé. Hã ra ãjag tóg jagnẽ mỹ: “Abraão krẽ vỹ tỹ ẽg nỹtĩ, kỹ Topẽ hỹn ẽg to jũnh ke tũ nĩ,” he tĩ. Hã tũ vẽ hã ra. Ãjag jykre pãno ẽn to ãjag tóg jagtar ke mũ, ha vem nĩ. Topẽ vỹ pó tag tỹ Abraão krẽ'krẽ hynhan ki kanhró nĩ, ãjag jẽgja kã. 9Ãjag tỹ tóg tũ' henh ke mũ, ãjag tỹ ãjag jykre pãno tovãnh tũ nĩn kỹ,” he tóg,
“Ẽg tỹ ka gỹn ri ke tóg nĩ. Ti kanẽn vãnh jẽn kỹ ẽg tóg tỹ pĩ han tĩ. Tag ri ke han jé tóg ke mũ, ãjag tỹ vẽjykre há han tũ nĩn kỹ,” he tóg ag mỹ.
10Kỹ ũn e ag tóg ti mỹ: “kỹ ẽg hỹn hẽ ri kenh mũ, ẽg tỹ Topẽ jykre han jé?” he mũ. 11Kỹ tóg ag mỹ: “ã kur régre nĩn kỹ ũn kur tũ ẽn mỹ ũ nĩm nĩ,” he mũ. “Ã vẽjẽn tỹ ũn kókĩr ẽn mỹ vẽnh kãpãm nĩ gé,” he tóg.
12Kỹ ũ tỹ governo mỹ imposto kaja mãg tĩ ag vỹ João to kãmũ mũ gé. Kỹ ag tóg ti mỹ: “ẽg kanhrãn tĩ', ẽg hỹn hẽ ri kenh mũ?” he mũ gé. 13Kỹ tóg ag mỹ: “pã'i mág tỹ jãnkamy to ãjag mỹ nén tó mũ ẽn hã ri ke mãn nĩ,” he mũ. “Ker kãfãn kỹ mãn sór hẽ',” he tóg ag mỹ.
14Kỹ porisa ag vỹ: “kỹ ẽg hỹn hẽ ri kenh mũ?” he mũ gé sir. Kỹ tóg ag mỹ: “ũ tũ mãn sór tũg nĩ,” he mũ. “Ũ to vãsãn tũg nĩ. Ũ to ón tũg nĩ. Ag jãnkamy mãn tũg nĩ. Ãjag rãnhrãj to ãjag tóg jãnkamy vég tĩ. Kỹ ti kãfór mãn sór tũg nĩ,” he tóg.
15Kỹ vẽnh kar ag tóg João to: “ti mỹ tỹ Cristo tũ nĩ vỹ?” he mũ. 16Kỹ tóg ag mỹ: “inh pijé tỹ Cristo nĩ',” he mũ. “Goj hã tỹ sóg ãjag kygpég tĩ. Cristo vỹ Inh nón kãtĩg mũ, ha mẽ. Inh kãfór ti nĩ. Sỹ tỹ ti mỹ rãnhrãj tĩ nĩnh ke vẽ vẽ, sỹ ti pẽn né kunũnh jé. Hã ra sóg tỹ ti krẽm ke pẽ jẽ. Topẽ kuprĩg tỹ tóg ãjag jagrẽ han ke mũ, kỹ tóg pĩ ri ke nĩ,” he tóg.
17“Ti kãtĩg vỹ tỹ ẽg tỹ rãgró rẽn ri ke nĩ. Ti rẽn kar kỹ ẽg tóg ti fár pũn tĩ, kar kỹ ẽg tóg pãjó krẽm ti kanẽ vin han tĩ. Cristo kãtĩg kỹ tóg ri ke nĩ. Ũ tỹ ti to há ag mỹ tóg: “ha kãmũ jẽg,” henh ke mũ. Ũ tỹ ti to kórég ag vãm jé tóg ke mũ, pĩ ki, hã ra tóg nhyn kenh ke tũ pẽ nĩ,” he tóg. 18Hã kỹ João tóg vẽnh kar mỹ Topẽ vĩ sér tó mũ, ag jyvẽn kỹ.
19Kỹ tóg pã'i mág tỹ Herodes jyvẽn mũ gé, ti prũ fi to, hã vỹ: Herodias fi, he mũ. Ti jãvy prũ ja fi vẽ, hã ra tóg fi péju kỹ fi tỹ prũg mũ. Nén ũ vẽnh mỹ e han tóg tĩ, hã kỹ tóg ti jyvẽn mũ. 20Kar kỹ tóg nén ũ vẽnh mỹ ũ han mãn mũ gé sir. João ség tóg mũ, ti tỹ ti jyvẽn tugrĩn.
João tỹ Jesus kype
(Mt 3.13-17; Mc 1.9-11)
21Ti tỹ ver se kỹ jẽ tũ nĩn kỹ tóg ag kygpe kãn mũ. Kỹ tóg kejẽn Jesus kypég mũ gé. Kỹ Jesus tóg Topẽ mré vĩ mũ, ti tỹ ti kype kar kỹ. Kỹ vãhã kanhkã tóg nor' he mũ. 22Kỹ Topẽ kuprĩg vỹ kanhkã tá kãtére mũ, ti kri. Tỹ tóg sórãg ve nĩ. Kỹ kanhkã tá vẽnh vĩ tóg mẽ há tĩ. Kỹ tóg: “tỹ ã inh kósin pir jẽ, tỹ ã tóg inh fe pẽ jẽgtĩ,” he mũ.
Jesus jógjóg ve ag
(Mt 1.1-17)
23 Jesus vỹ 30 anos han mũ, ti tỹ vẽnh kar mỹ Topẽ kãmén ve ki. “José kósin vẽ,” he ag tóg tĩ ti to, hã ra tóg tỹ ti kósin tũ nĩgtĩ. Eli kósin vẽ, Jesus ti, kỹ Eli ẽn vỹ tỹ ti vovô nĩ.
Ti jo ke ag jigjin hã vẽ, hã vỹ: Eli, 24Matate, Levi, Melqui, Janai, José, 25Matatias, Amós, Naum, Esli, Nagai, 26Maate, Matatias, Semei, José, Jodá, 27Joanã, Resa, Zorobabel, Salatiel, Neri, 28Melqui, Adi, Cosã, Elmadã, Er, 29Josué, Eliézer, Jorim, Matate, Levi, 30Simeão, Judá, José, Jonã, Eliaquim, 31Meleá, Mena, Matatá, Natã, Davi 32Jessé, Obede, Boaz, Sala, Nassom, 33Aminadabe, Admim, Arni, Esrom, Peres, Judá, 34Jacó, Isaque, Abraão, Tera, Naor, 35Serugue, Reú, Pelegue, Éber, Selá, 36Cainã, Arpaxade, Sem, Noé, Lameque, 37Matusalém, Enoque, Jarede, Malalel, Cainã, 38Enos, Sete, Adão. Adão vỹ tỹ Topẽ tỹ há nĩ. Jesus jóg’jóg ve ag hã vẽ.
Currently Selected:
Lucas 3: kgp
Highlight
Share
Copy
Want to have your highlights saved across all your devices? Sign up or sign in
© 2005, Wycliffe Bible Translators, Inc. in partnership with Sociedade Bíblica do Brasil and Missão de Cristianismo Decidido
Lucas 3
3
João Batista ti
(Mt 3.1-12; Mc 1.1-8; Jo 1.19-28)
1Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.
2Ẽn kã Caifás vỹ tỹ Topẽ tũ ki rĩr tĩ ag pã'i mág nĩ, Anás mré. Kỹ vãhã Topẽ vỹ Zacarias kósin tỹ João mỹ: “ha Israel ag mỹ vẽnh ven tĩg,” he mũ, ti tỹ ẽmã tũ ja tá nĩn kỹ. 3Kỹ tóg tĩ mũ sir, goj tỹ Jordão jagma. Tĩg kỹ tóg vẽnh kar jyvẽn mũ. Ag mỹ tóg: “ã kype jé sóg ke mũ, ã tỹ ã jykre kórég tovãnh kỹ. Kỹ Topẽ tóg ã tỹ ti vĩ mranh ja tỹ ã mỹ vẽnh pãte fón mũ,” he mũ.
4Vãsỹ tóg rán kỹ nĩ. Topẽ vĩ tó tĩ tỹ Isaías vỹ: “ẽmã tũ ja tá tóg jẽnh ke mũ, ga kórég tá,” he ja nĩ. “Tá tóg ag mỹ: “ẽg Senhor kãtĩg ke jo vẽnh jãnhkrikrig nĩ,” henh ke mũ. “Ẽpry kurég ãjag tóg tĩ, ãjag pã'i mág jun ken kỹ. 5Ti kãgnó tỹ ãjag tóg kyjer' he tĩ. Kar kỹ ãjag tóg ẽpry sór kar kũm tĩ gé. Ti jonjor kugrynh kãn ãjag tóg tĩ. Ti sunsór vãvãm kãn ãjag tóg tĩ gé, ãjag tỹ ẽmĩn han kỹ. Kỹ tag ri ke han nĩ, ãjag jykre kórég tỹ. 6Hã kỹ ẽprã ke kar vỹ Topẽ tỹ ẽg krenkren han ke ti venh ke mũ,” he ja tóg nĩ.
7Gen kỹ tóg ag jyvẽn mũ, ag tỹ ti to kãmũn kỹ, ti tỹ ag kygpe jé. E tãvĩ ag nỹtĩ. Ag jyvẽn kỹ tóg ag mỹ: “pỹn ri ke ãjag tóg nỹtĩ, ãjag jykre pãno tãvĩ nỹtĩn kỹ,” he mũ. “Ũ nỹ ãjag mỹ: “Topẽ jũ venh ke tũ ãjag nĩ,” he tĩ'? 8Ãjag jykre pãno tugvãnh ra, ãjag tỹ ti jũ ve jãvãnh tĩn kỹ. Vẽjykre há han ra, ẽg tỹ ãjag jykre tãg ve jé. Hã ra ãjag tóg jagnẽ mỹ: “Abraão krẽ vỹ tỹ ẽg nỹtĩ, kỹ Topẽ hỹn ẽg to jũnh ke tũ nĩ,” he tĩ. Hã tũ vẽ hã ra. Ãjag jykre pãno ẽn to ãjag tóg jagtar ke mũ, ha vem nĩ. Topẽ vỹ pó tag tỹ Abraão krẽ'krẽ hynhan ki kanhró nĩ, ãjag jẽgja kã. 9Ãjag tỹ tóg tũ' henh ke mũ, ãjag tỹ ãjag jykre pãno tovãnh tũ nĩn kỹ,” he tóg,
“Ẽg tỹ ka gỹn ri ke tóg nĩ. Ti kanẽn vãnh jẽn kỹ ẽg tóg tỹ pĩ han tĩ. Tag ri ke han jé tóg ke mũ, ãjag tỹ vẽjykre há han tũ nĩn kỹ,” he tóg ag mỹ.
10Kỹ ũn e ag tóg ti mỹ: “kỹ ẽg hỹn hẽ ri kenh mũ, ẽg tỹ Topẽ jykre han jé?” he mũ. 11Kỹ tóg ag mỹ: “ã kur régre nĩn kỹ ũn kur tũ ẽn mỹ ũ nĩm nĩ,” he mũ. “Ã vẽjẽn tỹ ũn kókĩr ẽn mỹ vẽnh kãpãm nĩ gé,” he tóg.
12Kỹ ũ tỹ governo mỹ imposto kaja mãg tĩ ag vỹ João to kãmũ mũ gé. Kỹ ag tóg ti mỹ: “ẽg kanhrãn tĩ', ẽg hỹn hẽ ri kenh mũ?” he mũ gé. 13Kỹ tóg ag mỹ: “pã'i mág tỹ jãnkamy to ãjag mỹ nén tó mũ ẽn hã ri ke mãn nĩ,” he mũ. “Ker kãfãn kỹ mãn sór hẽ',” he tóg ag mỹ.
14Kỹ porisa ag vỹ: “kỹ ẽg hỹn hẽ ri kenh mũ?” he mũ gé sir. Kỹ tóg ag mỹ: “ũ tũ mãn sór tũg nĩ,” he mũ. “Ũ to vãsãn tũg nĩ. Ũ to ón tũg nĩ. Ag jãnkamy mãn tũg nĩ. Ãjag rãnhrãj to ãjag tóg jãnkamy vég tĩ. Kỹ ti kãfór mãn sór tũg nĩ,” he tóg.
15Kỹ vẽnh kar ag tóg João to: “ti mỹ tỹ Cristo tũ nĩ vỹ?” he mũ. 16Kỹ tóg ag mỹ: “inh pijé tỹ Cristo nĩ',” he mũ. “Goj hã tỹ sóg ãjag kygpég tĩ. Cristo vỹ Inh nón kãtĩg mũ, ha mẽ. Inh kãfór ti nĩ. Sỹ tỹ ti mỹ rãnhrãj tĩ nĩnh ke vẽ vẽ, sỹ ti pẽn né kunũnh jé. Hã ra sóg tỹ ti krẽm ke pẽ jẽ. Topẽ kuprĩg tỹ tóg ãjag jagrẽ han ke mũ, kỹ tóg pĩ ri ke nĩ,” he tóg.
17“Ti kãtĩg vỹ tỹ ẽg tỹ rãgró rẽn ri ke nĩ. Ti rẽn kar kỹ ẽg tóg ti fár pũn tĩ, kar kỹ ẽg tóg pãjó krẽm ti kanẽ vin han tĩ. Cristo kãtĩg kỹ tóg ri ke nĩ. Ũ tỹ ti to há ag mỹ tóg: “ha kãmũ jẽg,” henh ke mũ. Ũ tỹ ti to kórég ag vãm jé tóg ke mũ, pĩ ki, hã ra tóg nhyn kenh ke tũ pẽ nĩ,” he tóg. 18Hã kỹ João tóg vẽnh kar mỹ Topẽ vĩ sér tó mũ, ag jyvẽn kỹ.
19Kỹ tóg pã'i mág tỹ Herodes jyvẽn mũ gé, ti prũ fi to, hã vỹ: Herodias fi, he mũ. Ti jãvy prũ ja fi vẽ, hã ra tóg fi péju kỹ fi tỹ prũg mũ. Nén ũ vẽnh mỹ e han tóg tĩ, hã kỹ tóg ti jyvẽn mũ. 20Kar kỹ tóg nén ũ vẽnh mỹ ũ han mãn mũ gé sir. João ség tóg mũ, ti tỹ ti jyvẽn tugrĩn.
João tỹ Jesus kype
(Mt 3.13-17; Mc 1.9-11)
21Ti tỹ ver se kỹ jẽ tũ nĩn kỹ tóg ag kygpe kãn mũ. Kỹ tóg kejẽn Jesus kypég mũ gé. Kỹ Jesus tóg Topẽ mré vĩ mũ, ti tỹ ti kype kar kỹ. Kỹ vãhã kanhkã tóg nor' he mũ. 22Kỹ Topẽ kuprĩg vỹ kanhkã tá kãtére mũ, ti kri. Tỹ tóg sórãg ve nĩ. Kỹ kanhkã tá vẽnh vĩ tóg mẽ há tĩ. Kỹ tóg: “tỹ ã inh kósin pir jẽ, tỹ ã tóg inh fe pẽ jẽgtĩ,” he mũ.
Jesus jógjóg ve ag
(Mt 1.1-17)
23 Jesus vỹ 30 anos han mũ, ti tỹ vẽnh kar mỹ Topẽ kãmén ve ki. “José kósin vẽ,” he ag tóg tĩ ti to, hã ra tóg tỹ ti kósin tũ nĩgtĩ. Eli kósin vẽ, Jesus ti, kỹ Eli ẽn vỹ tỹ ti vovô nĩ.
Ti jo ke ag jigjin hã vẽ, hã vỹ: Eli, 24Matate, Levi, Melqui, Janai, José, 25Matatias, Amós, Naum, Esli, Nagai, 26Maate, Matatias, Semei, José, Jodá, 27Joanã, Resa, Zorobabel, Salatiel, Neri, 28Melqui, Adi, Cosã, Elmadã, Er, 29Josué, Eliézer, Jorim, Matate, Levi, 30Simeão, Judá, José, Jonã, Eliaquim, 31Meleá, Mena, Matatá, Natã, Davi 32Jessé, Obede, Boaz, Sala, Nassom, 33Aminadabe, Admim, Arni, Esrom, Peres, Judá, 34Jacó, Isaque, Abraão, Tera, Naor, 35Serugue, Reú, Pelegue, Éber, Selá, 36Cainã, Arpaxade, Sem, Noé, Lameque, 37Matusalém, Enoque, Jarede, Malalel, Cainã, 38Enos, Sete, Adão. Adão vỹ tỹ Topẽ tỹ há nĩ. Jesus jóg’jóg ve ag hã vẽ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2005, Wycliffe Bible Translators, Inc. in partnership with Sociedade Bíblica do Brasil and Missão de Cristianismo Decidido