Romanos 3
3
1¿Cꞌaꞌru rusil li cua̱nc chokꞌ aj judío? Ut, ¿cꞌaꞌru rajbal xcꞌulbal li circuncisión? 2Li cua̱nc chokꞌ aj judío, aꞌan aꞌin li rusil: nak li Dios quixqꞌue li ra̱tin reheb xbe̱n cua. 3Cuanqueb laj judío incꞌaꞌ queꞌxba̱nu li quixye li Dios. ¿Ma yal saꞌ xma̱queb ta biꞌ aꞌan nak li Dios incꞌaꞌ tixqꞌue li quixyechiꞌi? 4¡Ma̱ jokꞌe biꞌan! Li Dios ya̱l naa̱tinac usta chixjunileb li cristian aj ticꞌtiꞌeb. Joꞌ tzꞌi̱banbil saꞌ li Santil Hu li quixye laj David re li Dios. Quixye chi joꞌcaꞌin:
Junelic ya̱l nacat-a̱tinac. Usta nacateꞌxkꞌaba, aban ma̱cꞌaꞌ a̱ma̱c.
5Cuanqueb nequeꞌyehoc nak riqꞌuin li ma̱usilal nacꞌutun chi us li rusilal li Dios. Joꞌcan nak us xba̱nunquil li ma̱usilal re nak ta̱cꞌutu̱nk xcha̱bilal li Dios. Incꞌaꞌ us cui li Dios nocoxqꞌue chi xtojbal li kama̱c, chanqueb. Aban ma̱cuaꞌ aꞌan li naxye li Dios. Incꞌaꞌ naru nakaye nak incꞌaꞌ toxqꞌue chixtojbal li kama̱c xban nak nakanau nak ti̱c xchꞌo̱l li Dios. Joꞌcan nak tixqꞌue chixtojbal xma̱c laj ma̱c. 6Relic chi ya̱l nak ti̱c xchꞌo̱l li Dios. Cui ta incꞌaꞌ, ¿chan raj ru nak tixrak a̱tin saꞌ xbe̱neb li cuanqueb saꞌ ruchichꞌochꞌ? 7Ut cuanqueb ajcuiꞌ li nequeꞌyehoc nak riqꞌuin li ticꞌtiꞌic nequeꞌxba̱nu, ta̱qꞌuehekꞌ xcuanquil li ya̱l li naxye li Dios ut kꞌaxal cuiꞌchic ta̱lokꞌoni̱k ru li Dios. Ut cui riqꞌuin li katicꞌtiꞌ nalokꞌoni̱c ru li Dios, ¿cꞌaꞌut nak naxye nak la̱o aj ma̱c chi joꞌcanan? 8Us cui nakaba̱nu li ma̱usilal re nak ta̱nima̱k xlokꞌal li Dios, chanqueb. ¿Cꞌaꞌru nequeye la̱ex? ¿Ma takaba̱nu li incꞌaꞌ us re nak ta̱nima̱k xlokꞌal li Dios? Ma̱ jaruj ta̱ru̱k ta̱qꞌuema̱nk xlokꞌal li Dios riqꞌuin li kama̱usilal. Cuan li nequeꞌyehoc nak aꞌan aꞌin li tijleb ninchꞌolob xya̱lal, abanan moco joꞌcan ta li yo̱quin chixyebal. Li nequeꞌyehoc re aꞌan xcꞌulubeb nak teꞌxtoj rix lix ma̱queb.
Ma̱ ani ti̱c xchꞌo̱l
9¿Cꞌaꞌru takaye chirix aꞌin? ¿Ma kꞌaxal cha̱bilo ta biꞌ la̱o aj judío chiruheb li ma̱cuaꞌeb aj judío? Relic chi ya̱l nak incꞌaꞌ. Chikajunilo ban la̱o aj ma̱co, la̱o aj judío joꞌqueb ajcuiꞌ li ma̱cuaꞌeb aj judío. 10Joꞌ tzꞌi̱banbil saꞌ li Santil Hu:
Ma̱ ani ti̱c xchꞌo̱l chiru li Dios. Yal ta jun.
11Ma̱ ani nataꞌoc ru lix ya̱lal. Ma̱ ani naraj xsicꞌbal li Dios. (Sal. 14:2)
12Chixjunileb xeꞌxtzꞌekta̱na li Dios, ut jun xiquiqueb nak xeꞌxba̱nu li ma̱usilal. Joꞌcan nak ma̱ jun naba̱nun re li us. Yal ta jun.
13Cꞌajoꞌ xyibal ru nequeꞌa̱tinac. Chanchan xchuhil li camenak saꞌ li mukleba̱l. Ut junes balakꞌi̱nc nequeꞌxba̱nu. Li cꞌaꞌak re ru nequeꞌxye chanchan xmay cꞌantiꞌ li nacamsin. (Sal. 5:9; 140:3)
14Riqꞌuin xtzꞌu̱maleb re nequeꞌmajecuan ut junes xicꞌ aj a̱tin na-el saꞌ reheb. (Sal. 10:7)
15Saꞌ junpa̱t nequeꞌchal xjoskꞌil. Nequeꞌxrahobtesi ut nequeꞌxcamsi li ras ri̱tzꞌin.
16Yalak bar nequeꞌxic junes raylal ut ra xi̱cꞌ nequeꞌxba̱nu chak reheb li ras ri̱tzꞌin.
17Ut incꞌaꞌ nequeꞌcuan saꞌ usilal. Junes pletic nequeꞌxba̱nu. (Isa. 59:7-8)
18Incꞌaꞌ nequeꞌxxucua ru li Dios chi moco nequeꞌx-oxlokꞌi. (Sal. 36:1)
19Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb. 20Ma̱ jun ti̱c xchꞌo̱l chiru li Dios yal riqꞌuin xba̱nunquil li cꞌaꞌru naxye li chakꞌrab. Li chakꞌrab nacꞌanjelac re xcꞌutbal chiku nak la̱o aj ma̱c.
Riqꞌuin li kapa̱ba̱l nati̱coꞌ li kachꞌo̱l
21Li Dios quixcꞌutbesi chiku chanru nak ta̱ru̱k ta̱ti̱cokꞌ li kachꞌo̱l. Moco riqꞌuin ta xba̱nunquil li cꞌaꞌru naxye li chakꞌrab. Chꞌolobanbil lix ya̱lal xban li chakꞌrab ut xbaneb ajcuiꞌ li profeta nak ma̱cuaꞌ riqꞌuin xba̱nunquil li cꞌaꞌru naxye li chakꞌrab ta̱ti̱cokꞌ li kachꞌo̱l chiru li Dios. 22Ta̱ti̱cobresi̱k ban li kachꞌo̱l chiru li Dios riqꞌuin xpa̱banquil li Ka̱cuaꞌ Jesucristo. Chixjunileb li teꞌpa̱ba̱nk re, li Dios tixti̱cobresi lix chꞌo̱leb. Moco jalan ta li junju̱nk chiru li Dios. 23Chixjunileb xeꞌma̱cob ut incꞌaꞌ nequeꞌxcꞌul li lokꞌal li naxqꞌue li Dios. 24Ut xban li rusilal li Dios, chixjunileb li nequeꞌpa̱ban, nequeꞌxma̱tani xti̱quilal xchꞌo̱leb saꞌ xcꞌabaꞌ li Ka̱cuaꞌ Jesucristo laj Colonel. 25Li Dios quixtakla chak li Ka̱cuaꞌ Jesucristo chi ca̱mc re xcuybal xma̱queb li teꞌpa̱ba̱nk re. Riqꞌuin li quixba̱nu quicꞌutun lix ti̱quilal xchꞌo̱l li Dios. Xban lix nimal xcuyum, incꞌaꞌ quixqꞌue saꞌ xchꞌo̱l lix ma̱queb li tenamit li queꞌma̱cob chak junxil. 26Ut anakcuan saꞌ eb li cutan aꞌin, nacꞌutun lix ti̱quilal xchꞌo̱l li Dios riqꞌuin nak naxti̱cobresi xchꞌo̱l li ani napa̱ban saꞌ xcꞌabaꞌ li Jesucristo. 27¿Cꞌaꞌru takanimobresi cuiꞌ kib? Ma̱cꞌaꞌ. Incꞌaꞌ naru takanimobresi kib xban nak ma̱cuaꞌ riqꞌuin xba̱nunquil li naxye li chakꞌrab nati̱coꞌ li kachꞌo̱l. Nati̱coꞌ ban li kachꞌo̱l riqꞌuin xpa̱banquil li Cristo. 28Nakanau nak ta̱ti̱cokꞌ li kachꞌo̱l riqꞌuin xpa̱banquil li Cristo. Ma̱cuaꞌ riqꞌuin xba̱nunquil li naxye li chakꞌrab. 29¿Ma caꞌaj cuiꞌ eb laj judío teꞌcolekꞌ xban li Dios? Incꞌaꞌ. Li Dios tixcoleb ajcuiꞌ li ma̱cuaꞌeb aj judío. 30Nakanau nak jun ajcuiꞌ li Dios. Ut aꞌan naxti̱cobresi xchꞌo̱leb laj judío xban lix pa̱ba̱leb joꞌ ajcuiꞌ li ma̱cuaꞌeb aj judío. 31¿Ma nakasach xcuanquil li chakꞌrab xban xpa̱banquil li Cristo? Incꞌaꞌ. Riqꞌuin ban xpa̱banquil li Cristo yo̱co chixqꞌuebal xcuanquil li chakꞌrab.
Currently Selected:
Romanos 3: kek
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Romanos 3
3
1¿Cꞌaꞌru rusil li cua̱nc chokꞌ aj judío? Ut, ¿cꞌaꞌru rajbal xcꞌulbal li circuncisión? 2Li cua̱nc chokꞌ aj judío, aꞌan aꞌin li rusil: nak li Dios quixqꞌue li ra̱tin reheb xbe̱n cua. 3Cuanqueb laj judío incꞌaꞌ queꞌxba̱nu li quixye li Dios. ¿Ma yal saꞌ xma̱queb ta biꞌ aꞌan nak li Dios incꞌaꞌ tixqꞌue li quixyechiꞌi? 4¡Ma̱ jokꞌe biꞌan! Li Dios ya̱l naa̱tinac usta chixjunileb li cristian aj ticꞌtiꞌeb. Joꞌ tzꞌi̱banbil saꞌ li Santil Hu li quixye laj David re li Dios. Quixye chi joꞌcaꞌin:
Junelic ya̱l nacat-a̱tinac. Usta nacateꞌxkꞌaba, aban ma̱cꞌaꞌ a̱ma̱c.
5Cuanqueb nequeꞌyehoc nak riqꞌuin li ma̱usilal nacꞌutun chi us li rusilal li Dios. Joꞌcan nak us xba̱nunquil li ma̱usilal re nak ta̱cꞌutu̱nk xcha̱bilal li Dios. Incꞌaꞌ us cui li Dios nocoxqꞌue chi xtojbal li kama̱c, chanqueb. Aban ma̱cuaꞌ aꞌan li naxye li Dios. Incꞌaꞌ naru nakaye nak incꞌaꞌ toxqꞌue chixtojbal li kama̱c xban nak nakanau nak ti̱c xchꞌo̱l li Dios. Joꞌcan nak tixqꞌue chixtojbal xma̱c laj ma̱c. 6Relic chi ya̱l nak ti̱c xchꞌo̱l li Dios. Cui ta incꞌaꞌ, ¿chan raj ru nak tixrak a̱tin saꞌ xbe̱neb li cuanqueb saꞌ ruchichꞌochꞌ? 7Ut cuanqueb ajcuiꞌ li nequeꞌyehoc nak riqꞌuin li ticꞌtiꞌic nequeꞌxba̱nu, ta̱qꞌuehekꞌ xcuanquil li ya̱l li naxye li Dios ut kꞌaxal cuiꞌchic ta̱lokꞌoni̱k ru li Dios. Ut cui riqꞌuin li katicꞌtiꞌ nalokꞌoni̱c ru li Dios, ¿cꞌaꞌut nak naxye nak la̱o aj ma̱c chi joꞌcanan? 8Us cui nakaba̱nu li ma̱usilal re nak ta̱nima̱k xlokꞌal li Dios, chanqueb. ¿Cꞌaꞌru nequeye la̱ex? ¿Ma takaba̱nu li incꞌaꞌ us re nak ta̱nima̱k xlokꞌal li Dios? Ma̱ jaruj ta̱ru̱k ta̱qꞌuema̱nk xlokꞌal li Dios riqꞌuin li kama̱usilal. Cuan li nequeꞌyehoc nak aꞌan aꞌin li tijleb ninchꞌolob xya̱lal, abanan moco joꞌcan ta li yo̱quin chixyebal. Li nequeꞌyehoc re aꞌan xcꞌulubeb nak teꞌxtoj rix lix ma̱queb.
Ma̱ ani ti̱c xchꞌo̱l
9¿Cꞌaꞌru takaye chirix aꞌin? ¿Ma kꞌaxal cha̱bilo ta biꞌ la̱o aj judío chiruheb li ma̱cuaꞌeb aj judío? Relic chi ya̱l nak incꞌaꞌ. Chikajunilo ban la̱o aj ma̱co, la̱o aj judío joꞌqueb ajcuiꞌ li ma̱cuaꞌeb aj judío. 10Joꞌ tzꞌi̱banbil saꞌ li Santil Hu:
Ma̱ ani ti̱c xchꞌo̱l chiru li Dios. Yal ta jun.
11Ma̱ ani nataꞌoc ru lix ya̱lal. Ma̱ ani naraj xsicꞌbal li Dios. (Sal. 14:2)
12Chixjunileb xeꞌxtzꞌekta̱na li Dios, ut jun xiquiqueb nak xeꞌxba̱nu li ma̱usilal. Joꞌcan nak ma̱ jun naba̱nun re li us. Yal ta jun.
13Cꞌajoꞌ xyibal ru nequeꞌa̱tinac. Chanchan xchuhil li camenak saꞌ li mukleba̱l. Ut junes balakꞌi̱nc nequeꞌxba̱nu. Li cꞌaꞌak re ru nequeꞌxye chanchan xmay cꞌantiꞌ li nacamsin. (Sal. 5:9; 140:3)
14Riqꞌuin xtzꞌu̱maleb re nequeꞌmajecuan ut junes xicꞌ aj a̱tin na-el saꞌ reheb. (Sal. 10:7)
15Saꞌ junpa̱t nequeꞌchal xjoskꞌil. Nequeꞌxrahobtesi ut nequeꞌxcamsi li ras ri̱tzꞌin.
16Yalak bar nequeꞌxic junes raylal ut ra xi̱cꞌ nequeꞌxba̱nu chak reheb li ras ri̱tzꞌin.
17Ut incꞌaꞌ nequeꞌcuan saꞌ usilal. Junes pletic nequeꞌxba̱nu. (Isa. 59:7-8)
18Incꞌaꞌ nequeꞌxxucua ru li Dios chi moco nequeꞌx-oxlokꞌi. (Sal. 36:1)
19Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb. 20Ma̱ jun ti̱c xchꞌo̱l chiru li Dios yal riqꞌuin xba̱nunquil li cꞌaꞌru naxye li chakꞌrab. Li chakꞌrab nacꞌanjelac re xcꞌutbal chiku nak la̱o aj ma̱c.
Riqꞌuin li kapa̱ba̱l nati̱coꞌ li kachꞌo̱l
21Li Dios quixcꞌutbesi chiku chanru nak ta̱ru̱k ta̱ti̱cokꞌ li kachꞌo̱l. Moco riqꞌuin ta xba̱nunquil li cꞌaꞌru naxye li chakꞌrab. Chꞌolobanbil lix ya̱lal xban li chakꞌrab ut xbaneb ajcuiꞌ li profeta nak ma̱cuaꞌ riqꞌuin xba̱nunquil li cꞌaꞌru naxye li chakꞌrab ta̱ti̱cokꞌ li kachꞌo̱l chiru li Dios. 22Ta̱ti̱cobresi̱k ban li kachꞌo̱l chiru li Dios riqꞌuin xpa̱banquil li Ka̱cuaꞌ Jesucristo. Chixjunileb li teꞌpa̱ba̱nk re, li Dios tixti̱cobresi lix chꞌo̱leb. Moco jalan ta li junju̱nk chiru li Dios. 23Chixjunileb xeꞌma̱cob ut incꞌaꞌ nequeꞌxcꞌul li lokꞌal li naxqꞌue li Dios. 24Ut xban li rusilal li Dios, chixjunileb li nequeꞌpa̱ban, nequeꞌxma̱tani xti̱quilal xchꞌo̱leb saꞌ xcꞌabaꞌ li Ka̱cuaꞌ Jesucristo laj Colonel. 25Li Dios quixtakla chak li Ka̱cuaꞌ Jesucristo chi ca̱mc re xcuybal xma̱queb li teꞌpa̱ba̱nk re. Riqꞌuin li quixba̱nu quicꞌutun lix ti̱quilal xchꞌo̱l li Dios. Xban lix nimal xcuyum, incꞌaꞌ quixqꞌue saꞌ xchꞌo̱l lix ma̱queb li tenamit li queꞌma̱cob chak junxil. 26Ut anakcuan saꞌ eb li cutan aꞌin, nacꞌutun lix ti̱quilal xchꞌo̱l li Dios riqꞌuin nak naxti̱cobresi xchꞌo̱l li ani napa̱ban saꞌ xcꞌabaꞌ li Jesucristo. 27¿Cꞌaꞌru takanimobresi cuiꞌ kib? Ma̱cꞌaꞌ. Incꞌaꞌ naru takanimobresi kib xban nak ma̱cuaꞌ riqꞌuin xba̱nunquil li naxye li chakꞌrab nati̱coꞌ li kachꞌo̱l. Nati̱coꞌ ban li kachꞌo̱l riqꞌuin xpa̱banquil li Cristo. 28Nakanau nak ta̱ti̱cokꞌ li kachꞌo̱l riqꞌuin xpa̱banquil li Cristo. Ma̱cuaꞌ riqꞌuin xba̱nunquil li naxye li chakꞌrab. 29¿Ma caꞌaj cuiꞌ eb laj judío teꞌcolekꞌ xban li Dios? Incꞌaꞌ. Li Dios tixcoleb ajcuiꞌ li ma̱cuaꞌeb aj judío. 30Nakanau nak jun ajcuiꞌ li Dios. Ut aꞌan naxti̱cobresi xchꞌo̱leb laj judío xban lix pa̱ba̱leb joꞌ ajcuiꞌ li ma̱cuaꞌeb aj judío. 31¿Ma nakasach xcuanquil li chakꞌrab xban xpa̱banquil li Cristo? Incꞌaꞌ. Riqꞌuin ban xpa̱banquil li Cristo yo̱co chixqꞌuebal xcuanquil li chakꞌrab.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.