Mika 1
1
1 #
2 Vim 15:32—16:20; 18:1—20:21; 2 Miz 27:1-7; 28:1—32:33 A matangwa akushwana kwa Yotame, na Ahaze, na Hezekiya#1:1 YOTAME, AHAZE, HEZEKIYA: Yotame, muna Uziya, washwanene mu Yunda kutunda mu 740 BC, kweta mu 736 BC, Ahaze, muna Yotame, washwanene kutunda mu 736 BC, kweta mu 716 BC, Hezekiya, muna Ahaze, washwanene kutunda mu 716 BC, kweta mu 687 BC. vimyene va mu Yunda, Shukulu Kalunga wendekele kuli Mika, uje watundile ku nganda ya Moleshete. Shukulu Kalunga washolwele vyuma vyoshe evi kuli Mika, vyuma vyoshe vije vikalingiwa a Samaliya na Yelusalema.
Cihiso a Samaliya na a Yelusalema
2Tolilileni yeni miyati yoshe ya vanu,
zivisiseni yeni voshe mwakala ano asi!
Shukulu Kalunga wa Akamwa ya Vyoshe
akambulula vukaleo ali yeni.
Tolilileni! Alinakwendeka kutundilila mu Njuvo yendi ya mwilu.
3Shukulu Kalunga akaija kutundilila
mu mutambela wendi wakujela,
akashuluka asi nakwendangana
akamwa ya minkinda.
4Asinoni minkinda ikasangunuka mwisi yendi
ngwe vulongo vuli mu liko,
iketikila mu vimbongo ngwe mema
alinakwitikila asi kutunda ku lilundu.
5Evi vyoshe vikalingiwa omwo vanu va mu Isalele vanalingi vuvi na kutengulukila Njambi. Iyajo ivavayesa akutengulukila kwa Isalele? Kuma kesi Samaliya ndi? Iyajo uje ali na mulonga wa vukwizi mu Yunda? Kuma kesi Yelusalema ndi? 6Ngecivene, Shukulu Kalunga alinakwendeka ngwendi, “Samaliya njikaipwisa mambo ya mamanya, mutambela wakukuna mikolovozi ya vushuka vwa vinyu. Njiketila mamanya akutungisa nganda mu cimbongo, nakuseza luvula lwa nganda lwangoco. 7Vinjambi vavo va seo vakavasanyozola vimbazuvwila-mbazuvwila. Fweto yayo yoshe akupwa cikwizi vakayenyeka, na tumponya twayo twoshe tukemuka numbo ya mamanya, co vaka-Samaliya vakakungulula fweto yavo akupwa cikwizi. Co vije vimbongo lalo vakavifweta vikwizi kweka.”
8Asinoni Mika wendekele ngwendi, “Omo a evi, njikalila nakulinyenga. Mukumwesa vusiwa vwange, co njikenda mendi-mendi na mutotototo. Njikalila ngwe mbanje, co njikasikoka ngwe nkumbwa. 9Vimbandu vya vaka-Samaliya kuvasa kuvisaka. Yunda na ikeye ashaka kuvinja vimbandu vyakulifwa, tuyando tunete laja mu vikolo vya Yelusalema, kuje kuvakala vanu vange.”
Citozi ashwenya ku Yelusalema
10Kesi muleke vitozi vetu mu Ngate akuhyana kwetu, kesi muvatavese kumimona mumulila kutendeka. Vanu va Mbete Leyafela mweseni kukulaela akulyalanga mu likungu. 11Yeni vanu va Shafi, yeni mu vunzinda mutotototo na shwamwa. Vaje vakala mu Zanane kesi vatunde mu nganda yavo. Omo muziva vanu va Mbetezele valila, mukazivuka ngeci kukwesi muka-kwija kuje wai. 12Vandameneni vuvwa yeni vanu va Malote, omwo tuyando twakama tunatundu kuli Shukulu Kalunga, tunete na ku cikolo ca Yelusalema. 13Yeni mwakala mu Lakishe, kutileni vimulu vyeni ku matemba. Mwatembunwinine vuvi vwa Isalele, co ngeci mwakokelele Yelusalema mu vuvi. 14Co ololo, vanu va mu Yunda, vasalesa ngwavo saleniho vaka-nganda ya Moleshete Ngate. Vimyene va mu Isalele kuvakatambula vukwasi kuli vaka-nganda ya Akizimbu.
15Vanu va Malesha, Shukulu Kalunga akamyana ku mavoko a citozi, uje akafungulula nganda yeni. Vantwama va Isalele vakaya nakulishweka mu linzenzengoma ku Andulame. 16Vanu va ku Yunda, teuleni vin̄ambu vyeni a simbu ya vusiwa a vanike vamwazema. Liteuleni mandya ngwe makuvi, omwo vana veni vakavatundisa kuli yeni nakuvatwala mu vunzinda.
Currently Selected:
Mika 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006