Tito 2
2
Vilongesa vya vushunga
1Oloni yove longesa vyuma vije vinalizivasana na vilongesa vya vushunga. 2Longesa vakulunu ngeci vapwe vaka-kulikongomeka, vaka-mana, vaka-kulinyunga vakevo vavenya, vaka-kushungama mukukulaela kwavo, mu cizemo, na mu lukakateya. 3Na kuli vakulunu va vanakazi ngoco lalo vanapande kupwa vaka-kulisingimika ngwe muvakalingi vanakazi vaje vayoya yoyesi yakujela. Kuvapandele kupwa vaka-lufwe nambe vapwe vindungo va vinyu. Vanapande kulongesa vyavivwa 4ngeci valongese vambanda kuzema vanalume vavo, na vana vavo, 5vapwe vaka-kulinyunga, vajele, co vapwe vaka-kunyunga vinjuvo vyavo, vapwe vaka-kwononoka vanalume vavo, ngeci lijwi lya Njambi kesi valishaule kuli munu umo embwe.
6Mu ngila eyi vene, sindiya vakwenje lalo ngeci valinyunge vakevo vavenya. 7Mu vyuma vyoshe yove vavenya unapande kupwa cimweso mu vipangi vyavivwa. Mu kulongesa kwove mwesa kulikongomeka nakuyongola mwamuvwa. 8Pangesa majwi akushungama aje kuwesi na kapenga, ngeci vitozi vove vakale na shwamwa,co vonwe kwendeka vyavivi ali yetu.
9Vindungo vanapande kwononoka kuli vashukulu vavo nakuvavwaelelesa mu vyuma vyoshe. Kuvapandele kukumbulula na kaleulwizi, 10nambe kuvevila embwe. Oloni vanapande kumwesa ngeci simbu yoshe vakevo vapwa vavavwa va kulongwa, ngeci vamwese vuvwa vwa vilongesa vya Njambi Muyoyesi wetu mu vyuma vyoshe vije valinakulinga.
11Omwo Njambi nasholola kutetela kwendi mukwamena vanu voshe. 12Kutetela oku kulinakutulongesa kuvyana yoyesi yakujeneka kulemesa Njambi na mashungu amavi, nakuyoya yoyesi yakulemesa Njambi ano a kaye mukulinyunga na mukushungama, 13ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu#2:13 NJAMBI YETU WAKAMA NA MUYOYESI YESU KILISTU: Nambe, Njambi wakama na Muyoyesi wetu Yesu Kilistu. vukasholoka. 14#Mya 130:8; Kut 19:5; Kwi 4:20; 7:6; 14:2; 1 Pet 2:9 Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.
15Longesa vyuma evi, co pangesa moko yove omo utakamesa nakuvindika vaje vakakukutolilila. Kesi utave umo wavo akuyelwise.
Currently Selected:
Tito 2: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Tito 2
2
Vilongesa vya vushunga
1Oloni yove longesa vyuma vije vinalizivasana na vilongesa vya vushunga. 2Longesa vakulunu ngeci vapwe vaka-kulikongomeka, vaka-mana, vaka-kulinyunga vakevo vavenya, vaka-kushungama mukukulaela kwavo, mu cizemo, na mu lukakateya. 3Na kuli vakulunu va vanakazi ngoco lalo vanapande kupwa vaka-kulisingimika ngwe muvakalingi vanakazi vaje vayoya yoyesi yakujela. Kuvapandele kupwa vaka-lufwe nambe vapwe vindungo va vinyu. Vanapande kulongesa vyavivwa 4ngeci valongese vambanda kuzema vanalume vavo, na vana vavo, 5vapwe vaka-kulinyunga, vajele, co vapwe vaka-kunyunga vinjuvo vyavo, vapwe vaka-kwononoka vanalume vavo, ngeci lijwi lya Njambi kesi valishaule kuli munu umo embwe.
6Mu ngila eyi vene, sindiya vakwenje lalo ngeci valinyunge vakevo vavenya. 7Mu vyuma vyoshe yove vavenya unapande kupwa cimweso mu vipangi vyavivwa. Mu kulongesa kwove mwesa kulikongomeka nakuyongola mwamuvwa. 8Pangesa majwi akushungama aje kuwesi na kapenga, ngeci vitozi vove vakale na shwamwa,co vonwe kwendeka vyavivi ali yetu.
9Vindungo vanapande kwononoka kuli vashukulu vavo nakuvavwaelelesa mu vyuma vyoshe. Kuvapandele kukumbulula na kaleulwizi, 10nambe kuvevila embwe. Oloni vanapande kumwesa ngeci simbu yoshe vakevo vapwa vavavwa va kulongwa, ngeci vamwese vuvwa vwa vilongesa vya Njambi Muyoyesi wetu mu vyuma vyoshe vije valinakulinga.
11Omwo Njambi nasholola kutetela kwendi mukwamena vanu voshe. 12Kutetela oku kulinakutulongesa kuvyana yoyesi yakujeneka kulemesa Njambi na mashungu amavi, nakuyoya yoyesi yakulemesa Njambi ano a kaye mukulinyunga na mukushungama, 13ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu#2:13 NJAMBI YETU WAKAMA NA MUYOYESI YESU KILISTU: Nambe, Njambi wakama na Muyoyesi wetu Yesu Kilistu. vukasholoka. 14#Mya 130:8; Kut 19:5; Kwi 4:20; 7:6; 14:2; 1 Pet 2:9 Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.
15Longesa vyuma evi, co pangesa moko yove omo utakamesa nakuvindika vaje vakakukutolilila. Kesi utave umo wavo akuyelwise.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006