Juan Introducción
Introducción
Jaꞌ an libro Juan tiꞌ, jix tzꞌibꞌelecan an yet abꞌil 80-90 d.C. Jaꞌ naj Juan, cuywom Jesús jix tzꞌibꞌen yet eyecꞌ naj bꞌey Palestina.
Jaꞌ jun libro tiꞌ, tzunan xa jix tzꞌibꞌele an yintaj wanxa libro. Chi yalaꞌ tol jaꞌ Jesús; Skꞌane Dios ton sbꞌi. Jaꞌ jun tuꞌ, jaꞌton Scꞌaal Dios, yanaj oc sbꞌa animail. Julnaj ecꞌ bꞌey yul yibꞌankꞌinal tiꞌ junoj tiempoal.
Jaꞌ bꞌey capítulo 3, jatuꞌ chi yalaꞌ tol sowalil chi kaoc cu cꞌul yin Jesús, yutol Scꞌaal Dios, jaꞌ chi akꞌon cu kꞌinal yin junelne. Caw ecꞌal tzet qꞌueyubꞌtaj jix xꞌox yil ebꞌ ánima, jix steelen sbꞌa yetoj ebꞌ, chi yaloni tzet chi yal yeloc apnoj wan milagro jix xꞌoxoꞌ. Chi yalon jun libro tiꞌ tzet cꞌal jix yun yaon oc scꞌul ebꞌ ánima yin Jesús, yetoj cꞌal pax ebꞌ chi jowi oc yin Jesús.
Jaꞌ bꞌey capítulo 13 chi apni bꞌey 17, chi yaltej tzet jix yun Jesús yetoj ebꞌ scuywom yet slawubꞌ akꞌbꞌal. Jaꞌ yet tuꞌ jix akꞌle smimanil scꞌul ebꞌ yu Jesús, yutol yotaj tol tuxa oj ale oc camich yibꞌan. Jaxa wanxa slawubꞌ capítulo, jaꞌ chi aloni tzet jix yun smichꞌcha Jesús, jix naꞌle oc yin, jix ale oc yin culus, jix mujlei. Jaꞌ yet tuꞌ jix pitzcꞌu pax aoj, jix xꞌoxa sbꞌa tet ebꞌ scuywom tuꞌ.
Jaꞌ jun libro tiꞌ chi alontej tol caw miman saꞌbꞌeal Dios chi yakꞌ tet mac chi yaoc scꞌul yin Jesús, jaꞌton kꞌinale tol ey cꞌal yin junelne.
Currently Selected:
Juan Introducción: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.