Maku 13
13
Haga 13
Mateu 24.1-14; Iruka 21.5-19 Piat Ewy
1Miꞌi hawyi Iesui toto meiẽwat Tupana motypot yat koro pyi. Miꞌi hawyi wẽtup ok ipotmuꞌe tuwẽpowat Iesui kape -Woꞌomuꞌe hat e erahaꞌat ro meikowo e ikahu kahato rasig Tupana motypot hap yat nu wato kawiat e. 2Miꞌi pote Iesui tiwesat -Taꞌi iwato kahato nu kawiat ikahu kahato e. Maꞌato meiũran ti aru yt wẽtup i raꞌyn nu wato woꞌototiat totiat rakat topyhuꞌat e. Meiũran ti aru suraraꞌin tiꞌatuꞌaporokꞌe yne nu wato wuat Tupana motypot yat. Miꞌi hawyi yt kat i topyhuꞌat meiũpe e Iesui topotmuꞌe haria pe. 3Miꞌi hawyi tuwat raꞌyn Uriweiria ypia yityꞌok kape raꞌyn. Miꞌi hawyi teꞌeraꞌapyk yityꞌok apypeke raꞌyn. Itote pyi heremo yne Tupana motypot yat nu wato kawiat koꞌi. Miꞌi hawyi ipotpoꞌororia Peteru Iuwãu Tiaku Ãtere taꞌatuweran hawyi apo iꞌatuꞌe Iesui pe -Urumuꞌe hat karamuo aru meiẽwat Tupana motypot yat iꞌatuꞌaporokꞌe iꞌatuꞌe. Iꞌewyte kat som emimoherep mekewat eꞌat pe yt pya hin i enoi hamo iꞌatuꞌe. 4Iꞌewyte aikotã aikotã aru urutaꞌakasa yian Tupana motypot hap yat aporokꞌe hamo iꞌatuꞌe. Miꞌi hap uruikuap teran mesup yian mete karãpe topyhuꞌat eꞌe hap ewy iꞌatuꞌe. 5Miꞌi hawyi Iesui tiꞌatuwesat -Uiwyriaꞌin eiweꞌeg wo o katupono meiũran tuut aru eimaꞌat reran haria e. 6Taꞌi miꞌiria ti -Uito ti Tupana Mipoꞌoro Miitꞌin Porekuat nuat raꞌyn iꞌatuꞌe ti aru miitꞌin me maꞌato iꞌatueso. Teꞌeropotmaꞌat kahato ti aru mio tã iꞌatuꞌe e. 7Miꞌi hap upi ti aru toĩ wuꞌuka hap koꞌi wuatꞌi setama puo iꞌewyte ehetama puo iraniaꞌin etama puo wyti aru yne kaipyi wuꞌuka hap sehay eweikuap maꞌato o yt gytꞌeweiꞌe teiꞌo katupono ti aru yt ikahuro hap i te e. 8Iꞌewyte ti aru wẽtup ywania wẽtup ywania wywo ti aru toꞌoꞌatuuka atuuka iꞌewyte ti aru wẽtup setama wẽtup setama wywo toꞌoꞌatuuka atuuka yne mesuwat yi wato hap oktan e. Miꞌi hap ewy ti aru aikope aikope yi huruk hurukꞌe. Iꞌewyte iꞌatu rakaria hesyꞌat rakaria teꞌeropyhuꞌat yt kat i miꞌu mesuwat rotiat pote e. Meiũran topyhuꞌat aikotã haryporia mepyt wemoherep hap eꞌat katupono toineꞌen saꞌawyꞌi wuat haty hap wen maꞌato meiũran ti aru poꞌog poꞌog haty wo rakat tuut e. 9Eiwanetup kahato o katupono wyti aru ehum wanikaptia po pe raꞌyn eipe tuꞌisaria po pe raꞌyn eipe e. Miꞌi hawyi eiꞌahyk ahyk wyti aru Tupana motypot hawe e. Miꞌi hawyi ti aru iꞌatuporekuat po pe iꞌatuetuꞌisa po pe eweikupteꞌen hawyi ehenoi kuap uhetiat hamuat e. 10Mesuwat uhehay wakuap wyti aru wuatꞌi miitꞌin me yi wato oktan tuwemoherep ikahuro hap sese owakai te e. 11Miꞌi hawyi karãpe eipyhik ehehay kuap hamo miꞌi pote o yt eweikenꞌẽ teiꞌo miꞌi hap eꞌat pe are katupono mekewat eꞌat pe Tupana Paꞌãu ti aru eiwẽ pyi henoi kat som waku etiꞌatuwesat e. 12Miꞌi hawyi ti aru toꞌokuasa toꞌoꞌauka toykeꞌet toꞌywyt toinyt toty toꞌywot tomepytꞌin wywo yne yne wywo toꞌope toꞌope toꞌokuasa toꞌoꞌauka wyti aru e. 13Katupono ti uimohey haria ti eipe miꞌi pote ti aru wuatꞌi iꞌatupyꞌahak ehete e. Maꞌato uwe uwe taꞌatusatyꞌi satyꞌi pykai yt uiwaure i wuatꞌi eꞌat pe miꞌi hat ti aru Tupana miehakyeraꞌat topyhuꞌat wuatꞌi eꞌat pe e Iesui.
Hoꞌopot Sese Etiat
Mateu 24.15-41; Iruka 21.20-31 Piat Ewy
14Mio tã e Iesui -Pywo kahato uiwyriaꞌin karãpe ti aru eweiꞌakasa mekewat miit poꞌog poꞌog yt nakuat i rakat ahiag saꞌyru taꞌam -Uito ti Tupana e hat raꞌyn yt iwat i teiam me Tupana motypot yat wato pe hawyi eweikuap taꞌyn hawyi waku eikohyeput haty wo raꞌyn mekewat miit uhet ereꞌok saꞌag nakat pyi yityꞌok koꞌi kape eiwemig hamo. 15Eihyha wo ro eiwenoꞌẽ. Mekewat eꞌat pe ywaipe eiꞌyat pe eweikupteꞌen wen maꞌato yt eipotꞌapyk teiꞌo eiꞌyat sese kape ehekareꞌen sat hamo e. 16Eiko pe eweikupteꞌen eiko pe motpap nug turanuat putꞌok e pote yt eweiꞌaipok i raꞌyn o ehesokpe pag hamo eiꞌyat kape e. 17Mekewat eꞌat wyti aru yt naku i kahato mi u haria ete hupiꞌa rakaria ete e. 18Ewehẽtup to Tupana pe -Yt etipoꞌoro teiꞌo mekewat hoꞌopot hap eꞌat sese iꞌaman mot pe eweiꞌe ro e. Iꞌaman motpe turan pote poꞌog yt naku i katupono mekewat eꞌat pe yt naku i kahato poꞌog yne saꞌawyꞌi wuat hoꞌopot hat kai. Yt karãpe i saꞌawyꞌi wuat miꞌi hoꞌopot hap ewy iꞌewyte yt karãpe i wyti aru miꞌi hoꞌopot hap ewy e. 19Mekewat eꞌat ti aru poꞌog satek hap eꞌat wuatꞌi eꞌat kai Tupana piat yi nug hawyi te mesup te aheꞌat kape yt iraniaꞌin eꞌat piat ewy i raꞌyn poꞌog naꞌyn yt naku i e. 20Taꞌi miitꞌin topap topap kahato mekewat eꞌat pe e. Miꞌi tupono ti aru Tupana titek taꞌyn miꞌi hap eꞌat -Yt atikyꞌesat poꞌog hoꞌopot hap e aru tomiꞌairoria etiatno e. Yt pote miitꞌin topap yne mesuwat yi totiaria e. 21Miꞌi hawyi ti aru miitꞌin teꞌeroꞌe ehepe -Taꞌi aiporekuat Aipotypot Tupana Mipoꞌoro wyti putꞌok e raꞌyn iꞌatuꞌe ti aru. Toꞌiro eweiꞌakasa pyno iꞌatuꞌe ti aru ehepe. Maꞌato ti aru yt eweimohey teiꞌo -Eheso eweiꞌe ro iꞌatuepe e. 22Katupono ti aru iꞌatu kahato -Uito Tupana Mipoꞌoro Eiporekuat nuat e haria ewywuat saꞌag koꞌi teꞌeruwemoherep mesuwat yi totiat kape e. Tupana ehay henoi saꞌag haria neꞌi yt pywo pe i maꞌato teꞌeruwemotypot hanuaria e. Miꞌiria ti aru aikotã aikotã imoherep taꞌatuesaika hap iwato rakat iꞌatuminug koꞌi ti aru yt miit minug kuap i ewy taꞌatunug Tupana miꞌairoria sese maꞌat reran haype e. 23Taꞌi yian mete raꞌyn ti ahenoi ehepe yne miꞌi hoꞌopot hap eꞌat aikotã aru hap etiat e.
Miitꞌin Saꞌyru Aipok Hap Etiat
24Miꞌi hawyi mekewat hoꞌopot hap eꞌat tokosap hawyi ti aru yt hẽtyhot i sese i raꞌyn aat iꞌewyte waty iꞌypyryp raꞌyn e. 25Iꞌewyte ti aru waikiru koꞌi taꞌatueiam myi hewo hewo hawyi ti aru huruk hurukꞌe atipy e. 26Miꞌi hawyi ti aru Miitꞌin ykeꞌet Sese putꞌok e raꞌyn yi kape tesaika hap wo. Miꞌi hawyi wuatꞌi miitꞌin teꞌeraꞌakasa iꞌuut ywyhig puo hap turan. 27Miꞌi hawyi ti aru atipoꞌoro Tupana potpoꞌororia atipy piaria yne mesuwarotiat uimiꞌairoria uimohey haria atunug uhowawiat hamo mesuwat yi sasat kaipyi taꞌatuꞌatunug uhowowi e. Aat minꞌe hap kaipyi aat wẽtem hap kaipyi aat posak hap kaipyi yne kaipyi taꞌatuꞌatunug aru uhemiitꞌin sese e Iesui iꞌatuepe. 28Miꞌi hawyi Iesui toꞌe i temiitꞌin me -Pyno mesup ahenoi teran wẽtup sehay iãꞌãkap ehepe e -Wiku yp iꞌyhop kyt raꞌyn hawyi eweikuap taꞌyn meremo iꞌaman mot uut hamuat e. 29Karãpe miꞌi hap ewy taꞌatunug mesuwat uimienoi ewywuat miꞌi hawyi ti aru eweikuap taꞌyn yt pya hin i Eheykeꞌet uut hamuat hap e. 30Pywo pe ti taꞌatunug ni aru yne mesuwat uimienoi ewy. Miꞌi hawyi ti aru mesuwarotiaria uimohey haria ahaipepiaria tukupteꞌen ne mekewat eꞌat turan e. 31Taꞌi aat waikiru yi ti aru ikahuro yne maꞌato uimienoi koꞌi yne yt sake i ikahuro e Iesui. 32Yt uwe i mesuwarotiaria ikuap karamuo mekewat eꞌat putꞌok e hap e. Yt atipy piaria i wyti ikuap yt Haꞌyru i wyti ikuap. Maꞌato Uiꞌywot atipy piat yn wyti ikuap e. 33Miꞌi tupono eiwatetup we o eweikupteꞌen katupono yt uwe i ikuap karãpe mekewat eꞌat putꞌok e hap e Iesui temiitꞌin me.
34Miꞌi hap ewy mekewat eꞌat piat e. Wẽtup eꞌat pe so wẽtup ok netap kaꞌiwat koro toto tewyry hamo e. Miꞌi hawyi temiitꞌin sem toiꞌatukay kay tohenoi aikotã iꞌatupotpap nuat koꞌi mesuwiat tosaipe kawiatnuat turanuat hap koꞌi henoi iꞌatuepiat hamo e. Miꞌi hawyi toꞌe okenꞌypy wato apykok hat pe -Ewatetup we o e katupono yt eweikuap kat eꞌat uiꞌaipok hamuat hap e. 35Pyno uiwyriaꞌin waku eiperia eiwatetup o katupono yt eweikuap i kat eꞌat putꞌok e netap kaꞌiwat sio hunete sio wãtym hake turan sio waipaka ehay turan yt uwe ikuap i kat eꞌat hetap kaꞌiwat toꞌaipok iraꞌyn e. 36Yt naku i eiket kai eipuẽti taꞌaipok turan. 37Kat som mekewat eꞌat etiat ahenoi yne uhemiitꞌin kuap hamuat e. Waku eiwatetup o e.
Currently Selected:
Maku 13: mav
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Maku 13
13
Haga 13
Mateu 24.1-14; Iruka 21.5-19 Piat Ewy
1Miꞌi hawyi Iesui toto meiẽwat Tupana motypot yat koro pyi. Miꞌi hawyi wẽtup ok ipotmuꞌe tuwẽpowat Iesui kape -Woꞌomuꞌe hat e erahaꞌat ro meikowo e ikahu kahato rasig Tupana motypot hap yat nu wato kawiat e. 2Miꞌi pote Iesui tiwesat -Taꞌi iwato kahato nu kawiat ikahu kahato e. Maꞌato meiũran ti aru yt wẽtup i raꞌyn nu wato woꞌototiat totiat rakat topyhuꞌat e. Meiũran ti aru suraraꞌin tiꞌatuꞌaporokꞌe yne nu wato wuat Tupana motypot yat. Miꞌi hawyi yt kat i topyhuꞌat meiũpe e Iesui topotmuꞌe haria pe. 3Miꞌi hawyi tuwat raꞌyn Uriweiria ypia yityꞌok kape raꞌyn. Miꞌi hawyi teꞌeraꞌapyk yityꞌok apypeke raꞌyn. Itote pyi heremo yne Tupana motypot yat nu wato kawiat koꞌi. Miꞌi hawyi ipotpoꞌororia Peteru Iuwãu Tiaku Ãtere taꞌatuweran hawyi apo iꞌatuꞌe Iesui pe -Urumuꞌe hat karamuo aru meiẽwat Tupana motypot yat iꞌatuꞌaporokꞌe iꞌatuꞌe. Iꞌewyte kat som emimoherep mekewat eꞌat pe yt pya hin i enoi hamo iꞌatuꞌe. 4Iꞌewyte aikotã aikotã aru urutaꞌakasa yian Tupana motypot hap yat aporokꞌe hamo iꞌatuꞌe. Miꞌi hap uruikuap teran mesup yian mete karãpe topyhuꞌat eꞌe hap ewy iꞌatuꞌe. 5Miꞌi hawyi Iesui tiꞌatuwesat -Uiwyriaꞌin eiweꞌeg wo o katupono meiũran tuut aru eimaꞌat reran haria e. 6Taꞌi miꞌiria ti -Uito ti Tupana Mipoꞌoro Miitꞌin Porekuat nuat raꞌyn iꞌatuꞌe ti aru miitꞌin me maꞌato iꞌatueso. Teꞌeropotmaꞌat kahato ti aru mio tã iꞌatuꞌe e. 7Miꞌi hap upi ti aru toĩ wuꞌuka hap koꞌi wuatꞌi setama puo iꞌewyte ehetama puo iraniaꞌin etama puo wyti aru yne kaipyi wuꞌuka hap sehay eweikuap maꞌato o yt gytꞌeweiꞌe teiꞌo katupono ti aru yt ikahuro hap i te e. 8Iꞌewyte ti aru wẽtup ywania wẽtup ywania wywo ti aru toꞌoꞌatuuka atuuka iꞌewyte ti aru wẽtup setama wẽtup setama wywo toꞌoꞌatuuka atuuka yne mesuwat yi wato hap oktan e. Miꞌi hap ewy ti aru aikope aikope yi huruk hurukꞌe. Iꞌewyte iꞌatu rakaria hesyꞌat rakaria teꞌeropyhuꞌat yt kat i miꞌu mesuwat rotiat pote e. Meiũran topyhuꞌat aikotã haryporia mepyt wemoherep hap eꞌat katupono toineꞌen saꞌawyꞌi wuat haty hap wen maꞌato meiũran ti aru poꞌog poꞌog haty wo rakat tuut e. 9Eiwanetup kahato o katupono wyti aru ehum wanikaptia po pe raꞌyn eipe tuꞌisaria po pe raꞌyn eipe e. Miꞌi hawyi eiꞌahyk ahyk wyti aru Tupana motypot hawe e. Miꞌi hawyi ti aru iꞌatuporekuat po pe iꞌatuetuꞌisa po pe eweikupteꞌen hawyi ehenoi kuap uhetiat hamuat e. 10Mesuwat uhehay wakuap wyti aru wuatꞌi miitꞌin me yi wato oktan tuwemoherep ikahuro hap sese owakai te e. 11Miꞌi hawyi karãpe eipyhik ehehay kuap hamo miꞌi pote o yt eweikenꞌẽ teiꞌo miꞌi hap eꞌat pe are katupono mekewat eꞌat pe Tupana Paꞌãu ti aru eiwẽ pyi henoi kat som waku etiꞌatuwesat e. 12Miꞌi hawyi ti aru toꞌokuasa toꞌoꞌauka toykeꞌet toꞌywyt toinyt toty toꞌywot tomepytꞌin wywo yne yne wywo toꞌope toꞌope toꞌokuasa toꞌoꞌauka wyti aru e. 13Katupono ti uimohey haria ti eipe miꞌi pote ti aru wuatꞌi iꞌatupyꞌahak ehete e. Maꞌato uwe uwe taꞌatusatyꞌi satyꞌi pykai yt uiwaure i wuatꞌi eꞌat pe miꞌi hat ti aru Tupana miehakyeraꞌat topyhuꞌat wuatꞌi eꞌat pe e Iesui.
Hoꞌopot Sese Etiat
Mateu 24.15-41; Iruka 21.20-31 Piat Ewy
14Mio tã e Iesui -Pywo kahato uiwyriaꞌin karãpe ti aru eweiꞌakasa mekewat miit poꞌog poꞌog yt nakuat i rakat ahiag saꞌyru taꞌam -Uito ti Tupana e hat raꞌyn yt iwat i teiam me Tupana motypot yat wato pe hawyi eweikuap taꞌyn hawyi waku eikohyeput haty wo raꞌyn mekewat miit uhet ereꞌok saꞌag nakat pyi yityꞌok koꞌi kape eiwemig hamo. 15Eihyha wo ro eiwenoꞌẽ. Mekewat eꞌat pe ywaipe eiꞌyat pe eweikupteꞌen wen maꞌato yt eipotꞌapyk teiꞌo eiꞌyat sese kape ehekareꞌen sat hamo e. 16Eiko pe eweikupteꞌen eiko pe motpap nug turanuat putꞌok e pote yt eweiꞌaipok i raꞌyn o ehesokpe pag hamo eiꞌyat kape e. 17Mekewat eꞌat wyti aru yt naku i kahato mi u haria ete hupiꞌa rakaria ete e. 18Ewehẽtup to Tupana pe -Yt etipoꞌoro teiꞌo mekewat hoꞌopot hap eꞌat sese iꞌaman mot pe eweiꞌe ro e. Iꞌaman motpe turan pote poꞌog yt naku i katupono mekewat eꞌat pe yt naku i kahato poꞌog yne saꞌawyꞌi wuat hoꞌopot hat kai. Yt karãpe i saꞌawyꞌi wuat miꞌi hoꞌopot hap ewy iꞌewyte yt karãpe i wyti aru miꞌi hoꞌopot hap ewy e. 19Mekewat eꞌat ti aru poꞌog satek hap eꞌat wuatꞌi eꞌat kai Tupana piat yi nug hawyi te mesup te aheꞌat kape yt iraniaꞌin eꞌat piat ewy i raꞌyn poꞌog naꞌyn yt naku i e. 20Taꞌi miitꞌin topap topap kahato mekewat eꞌat pe e. Miꞌi tupono ti aru Tupana titek taꞌyn miꞌi hap eꞌat -Yt atikyꞌesat poꞌog hoꞌopot hap e aru tomiꞌairoria etiatno e. Yt pote miitꞌin topap yne mesuwat yi totiaria e. 21Miꞌi hawyi ti aru miitꞌin teꞌeroꞌe ehepe -Taꞌi aiporekuat Aipotypot Tupana Mipoꞌoro wyti putꞌok e raꞌyn iꞌatuꞌe ti aru. Toꞌiro eweiꞌakasa pyno iꞌatuꞌe ti aru ehepe. Maꞌato ti aru yt eweimohey teiꞌo -Eheso eweiꞌe ro iꞌatuepe e. 22Katupono ti aru iꞌatu kahato -Uito Tupana Mipoꞌoro Eiporekuat nuat e haria ewywuat saꞌag koꞌi teꞌeruwemoherep mesuwat yi totiat kape e. Tupana ehay henoi saꞌag haria neꞌi yt pywo pe i maꞌato teꞌeruwemotypot hanuaria e. Miꞌiria ti aru aikotã aikotã imoherep taꞌatuesaika hap iwato rakat iꞌatuminug koꞌi ti aru yt miit minug kuap i ewy taꞌatunug Tupana miꞌairoria sese maꞌat reran haype e. 23Taꞌi yian mete raꞌyn ti ahenoi ehepe yne miꞌi hoꞌopot hap eꞌat aikotã aru hap etiat e.
Miitꞌin Saꞌyru Aipok Hap Etiat
24Miꞌi hawyi mekewat hoꞌopot hap eꞌat tokosap hawyi ti aru yt hẽtyhot i sese i raꞌyn aat iꞌewyte waty iꞌypyryp raꞌyn e. 25Iꞌewyte ti aru waikiru koꞌi taꞌatueiam myi hewo hewo hawyi ti aru huruk hurukꞌe atipy e. 26Miꞌi hawyi ti aru Miitꞌin ykeꞌet Sese putꞌok e raꞌyn yi kape tesaika hap wo. Miꞌi hawyi wuatꞌi miitꞌin teꞌeraꞌakasa iꞌuut ywyhig puo hap turan. 27Miꞌi hawyi ti aru atipoꞌoro Tupana potpoꞌororia atipy piaria yne mesuwarotiat uimiꞌairoria uimohey haria atunug uhowawiat hamo mesuwat yi sasat kaipyi taꞌatuꞌatunug uhowowi e. Aat minꞌe hap kaipyi aat wẽtem hap kaipyi aat posak hap kaipyi yne kaipyi taꞌatuꞌatunug aru uhemiitꞌin sese e Iesui iꞌatuepe. 28Miꞌi hawyi Iesui toꞌe i temiitꞌin me -Pyno mesup ahenoi teran wẽtup sehay iãꞌãkap ehepe e -Wiku yp iꞌyhop kyt raꞌyn hawyi eweikuap taꞌyn meremo iꞌaman mot uut hamuat e. 29Karãpe miꞌi hap ewy taꞌatunug mesuwat uimienoi ewywuat miꞌi hawyi ti aru eweikuap taꞌyn yt pya hin i Eheykeꞌet uut hamuat hap e. 30Pywo pe ti taꞌatunug ni aru yne mesuwat uimienoi ewy. Miꞌi hawyi ti aru mesuwarotiaria uimohey haria ahaipepiaria tukupteꞌen ne mekewat eꞌat turan e. 31Taꞌi aat waikiru yi ti aru ikahuro yne maꞌato uimienoi koꞌi yne yt sake i ikahuro e Iesui. 32Yt uwe i mesuwarotiaria ikuap karamuo mekewat eꞌat putꞌok e hap e. Yt atipy piaria i wyti ikuap yt Haꞌyru i wyti ikuap. Maꞌato Uiꞌywot atipy piat yn wyti ikuap e. 33Miꞌi tupono eiwatetup we o eweikupteꞌen katupono yt uwe i ikuap karãpe mekewat eꞌat putꞌok e hap e Iesui temiitꞌin me.
34Miꞌi hap ewy mekewat eꞌat piat e. Wẽtup eꞌat pe so wẽtup ok netap kaꞌiwat koro toto tewyry hamo e. Miꞌi hawyi temiitꞌin sem toiꞌatukay kay tohenoi aikotã iꞌatupotpap nuat koꞌi mesuwiat tosaipe kawiatnuat turanuat hap koꞌi henoi iꞌatuepiat hamo e. Miꞌi hawyi toꞌe okenꞌypy wato apykok hat pe -Ewatetup we o e katupono yt eweikuap kat eꞌat uiꞌaipok hamuat hap e. 35Pyno uiwyriaꞌin waku eiperia eiwatetup o katupono yt eweikuap i kat eꞌat putꞌok e netap kaꞌiwat sio hunete sio wãtym hake turan sio waipaka ehay turan yt uwe ikuap i kat eꞌat hetap kaꞌiwat toꞌaipok iraꞌyn e. 36Yt naku i eiket kai eipuẽti taꞌaipok turan. 37Kat som mekewat eꞌat etiat ahenoi yne uhemiitꞌin kuap hamuat e. Waku eiwatetup o e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.