Karasia 6
6
Haga 6
Aikotã Waku Watipowyro Miit Iminug Saꞌag Hawyi
1Uiwyriaꞌin Karãpe wẽtup ok yt naku i iꞌaparap hap inug miꞌi pote waku wẽtup ok toto Tupana Paꞌãu sehay wywo iꞌaparap hat napin perupꞌi wuat hamo. Miꞌi hat wyti waku kahato inug maꞌato waku miꞌi rakirẽ tuweꞌeg wo raꞌyn toineꞌen tepiat iꞌaparap hap pupi iraniaꞌin napin rakirẽ. 2Meiũran wẽtup ok i iꞌaparap miꞌi hawyi waku watipowyro imoesaika hamo. Miꞌi tã aiminug kaipyi ti Iesui e hap nug haria aito pote. 3Maꞌato uwe -Uito yt arepotpowyro teran i poꞌog uiwato e hat yt kan hamo hin i atimohey uito Iesui e. Mio tã e hat tuwemaꞌat kahato neꞌi. 4Waku watuwanetup kahato aiminug sio waku sio yt e hap kape. Waku pote aimowepiit hap toineꞌen. Maꞌato uito poꞌog atunug ikahu aiꞌe hap neꞌi ti aimowepiit hap akit hamo topyhuꞌat. 5Waku aiwoꞌoꞌewy ewy ipotpap takaria wo watoineꞌen.
6Waku ti aiwoꞌomuꞌe haria pe watimoꞌẽ ahekat. 7Yt naku i watuwemaꞌat. Yt watimaꞌat kuap hin i Tupana. Kat iãꞌỹi watikoi pote ti miꞌi ti raꞌyn imoẽtyt. 8Miꞌi hap ewy ti aimikyꞌesat yn nug mote yt nakuaria i wo watukupteꞌen Tupana pe. Miꞌi turan naꞌyn aikuꞌuro hawyi yt kat i aheineꞌen Tupana wywuat hap. Maꞌato Tupana Paꞌãu wo wepiit hamo watoineꞌen pote tutum tesaika hap aheineꞌen towywuat wuatꞌi eꞌat piat hamuat. 9Yt naku i eipo sero neꞌi wakuap nug hap ete katupono meiũran Tupana tum hamuat ipotpap kahato rakaria pe. Miꞌi turan aiwat ahepe tutum wy aikotã ipirik kahu raꞌyn hawyi aimowepiit raꞌyn hap ewy. Miꞌi hap ewy ti Tupana tum wakuap nug hap etiat yt ipo sero i rakaria i pe haꞌup tutum are. 10Pyno ti waku watikat aikotã iraniaꞌin powyro hamuat. Waku ti yne watunug wakuap torannia miitꞌin me. Maꞌato ti Iesui mohey haria ti waku poꞌog watiꞌatupowyro wakuap no. Uiwyriaꞌin ewehehaꞌat ro uipo wuat uimiwan iwatoꞌin kahato rakat kape.
Iesui Ikuꞌuro Ahetiatno Aimowepiit Hap Sese Topyhuꞌat
11Uimiwan mesuwe atunug uipo wo. Iwato kahato uimiwan katupono yt heremo kahato i yt uhehapytig i pote. 12Eimuꞌe haria ipakup takaria teꞌeruwemowato kahato itote -Uruto poꞌog woꞌomuꞌe haria torannia kai iꞌatuꞌe haria. Wemusin ãpy sokpe tek hap ti waku e haria aipiit etiat yn woꞌomuꞌe haria miꞌiria. Iro pote miitꞌin toꞌokyryꞌi kahato aimimohey ariaꞌyp posak etiat ahehakyeraꞌat hamo e hap ete. Miꞌi haype yt teꞌerepotmuꞌe i miꞌi ete. Yt taꞌatukyꞌesat i miitꞌin woꞌokyryꞌi taꞌatuetiat hap haype. 13Pyno Iuteuria woꞌonapin hap ewy watunug wemusin ãpy sokpe tek hap ahehakyeraꞌat iꞌatuꞌe yt taꞌatuhenoi yne hin i Iuteuria eko pykai. Taꞌatukyꞌesat taꞌatumikyꞌesat nug hanuaria wo yne eipe haype. 14Maꞌato Iesui ikuꞌuro ahetiatno are pote yt iꞌatuwese hin i. Yt taꞌatukyꞌe i Iesui haype. Miꞌiria yt ikyꞌesat hin i uheineꞌen hap ewy tukupteꞌen hap. Iꞌewyte uito yt atikyꞌesat i iꞌatuꞌewywuat areineꞌen hap wy katupono teꞌeruwemowato haype neꞌi pote. 15Mekewat hemusin ãpy sokpe sio yt rakaria kape sio Iuteuria eko nug yne haria sio yt hap kape teꞌeruwanetup. Miꞌi haria ti yt kat no i Iesui pe. Maꞌato ti tokaipywiat miit ipakup sio yt hap kape yn ni ihaꞌat Iesui. Imopakup hap toineꞌen sio yt hap kape yn tehaꞌat. Yt kat i imopakup hap toipuẽti pote toimopakup i. 16Miꞌi hap yn ahẽtup Tupana pe -Erehay moehakyꞌeꞌi ro Uiꞌywot iꞌatuehakyꞌeꞌi hap etiatno ipakup takaria upi inug hamo are. Etihep o iꞌatuehamanaꞌi hap are ehupiat pe. Iꞌewyte torannia Tupana emiitꞌin etiatno.
17Yt atikyꞌesat i poꞌog sehay aiwoꞌoꞌatuꞌuka hap wemusin ãpy sokpe tek hap ete katupono ipoityꞌi kahato uipekyt pekyt uipiit ete. Uito Iesui emiit sese e hap moherep hap upi uipekyt pekyt. Uipe timoherep kahato Iesui ewywuat areineꞌen uipekyt pekyt uiꞌauka teran haria tunug Iesui mohey hap moherep hap uipe. 18Uiwyriaꞌin mio tã are Aikaꞌiwat pe ehupi -Iesui egyiꞌat ro aiwyriaꞌin Karasia piaria pe are Aikaꞌiwat pe are ehupi.
Currently Selected:
Karasia 6: mav
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.