1 Peteru 4
4
Haga 4
Wahoꞌopot Tuereto Iesui Mohey Haria Aito Pote
1Pyno uiwyriaꞌin Aipotypot Iesui hoꞌopot kahato topiit no mesuwat yi tote maꞌato yt tominug saꞌag upi hin i tohoꞌopot miitꞌin miꞌapiheg wo maꞌato aiminug saꞌag upi i tohoꞌopot aiꞌapiheg hap upi. Pyno waku watuwanetup Aikaꞌiwat ewy waku wahoꞌopot iraniaꞌin ehakyeraꞌat hamo hap ewy. Karãpe watimowepiit aipuꞌi hawyi yt kat i ahoꞌopot hap watikyꞌesat wen maꞌato yt kan hamo i watoineꞌen katupono aipiit mikyꞌesat saꞌag hap yne watunug. Poꞌog waku watunug Iesui mikyꞌesat wakuap koꞌi are. Poꞌog waku wahoꞌopot Aikaꞌiwat ewy miitꞌin ehakyeraꞌat hamo are. 2Maꞌato yt naku i watoineꞌen mesuwarote aikuꞌuro hap kape yt naku i nug hanuaria wo aikotã saꞌawyꞌi yt watomohey i te Iesui turan wuat ewy are. Yt naku i aipiit mikyꞌesat saꞌag watunug. Maꞌato watunug mote yt kat hamo i watoineꞌen. Waku watoineꞌen mesuwarote Tupana mikyꞌesat nug hamo Tupana mowepiit hamo are. 3Saꞌawyꞌi yt aiweꞌeg hin i yt watikuap i te Iesui turan. Saꞌawyꞌi aimikyꞌesat yn watunug iꞌewyte iraniaꞌin mesuwarotiaria mikyꞌesat ewy yn watunug. Mekewat eꞌat pe yt watikuap i Iesui te turan yt watunug hin i Tupana mikyꞌesat ewy. Katupono watunug aat kaꞌap iraniaꞌin mikyꞌesat ewy yn watunug. Taꞌi yt Tupana kuap i haria mikyꞌesat ewy yn watunug. Miꞌi turan watunug ahewaire waire hap yn aiwanetup hawe. Aipiit mikyꞌesat saꞌag koꞌi yn watunug neran mekewat eꞌat pe. Iꞌewyte mahy u hap aat kaꞌap hap watikyꞌesat watunug mekewat eꞌat pe. Watuꞌuka teran yne miitꞌin wywo ahehay wo aipiit wywo yt aiwese hin i. -Uito poꞌog e hap yn aiwanetup hawe. Taꞌi saꞌawyꞌi ienuk hap nug hap kape yn watuwat. Yt miitꞌin ewywuat i watenuk. Aiꞌok hap sakpo watenuk mekewat eꞌat pe. Miꞌi hawyi ahetupanaria sem karania ahetupanaria saꞌawyꞌi aheineꞌen hap yt watikuap i Iesui turan. 4Koitywy aiwyriaꞌin saꞌawyꞌi wuaria -Kat pote uruꞌatoiat iꞌatuꞌe. Kat pote yt etunug i te aikotã saꞌawyꞌi etunug hap ewy iꞌatuꞌe. Toꞌiro uhytꞌiꞌin manaꞌin piꞌãꞌin kurumꞌin iꞌatuꞌe ahepe maꞌato -Yt watoꞌe. Toꞌiro iꞌatuꞌe maꞌato yt watuwat i hawyi iꞌatuehay saꞌag ahete. Taꞌatukyꞌesat watunug saꞌag aikotã taꞌatunug hap ewy. 5Maꞌato aito yt watuwat i iꞌatuupi mekewat saꞌag nug hamo kat pote watikuap taꞌyn tuut irane yt pya hin i Aikaꞌiwat Iesui uut hap. Miꞌi hawyi toipoꞌoro miitꞌin aikotã aikotã imohey hap etiat kuap hamo. Wẽtup kai totopag yne tomohey haria. Wẽtup kai yt tomohey haria i koꞌi totopag. Mekewat eꞌat pe toimoherep wuatꞌi ehamo uwe waku uwe yt sio watoineꞌen sio aikuꞌuro huut turan maꞌato yne miitꞌin sio toineꞌen wakuaria ihãite rakaria sio ikuꞌuro rakaria toipatꞌok mekewat eꞌat pe. Towatnuat sio yt towatnuat koꞌi i hap moherep hamo toipatꞌok. 6Miꞌi pote toto tokuꞌuro hawyi aikope miitꞌin paꞌãu tukupteꞌen hap kape woꞌopyhyp hap kape toto tokuꞌuro hap totepyi mekewat Nuꞌe mimuꞌeria muꞌe hamo. Yt taꞌatukuap i te ikuꞌuro taꞌatukawiatno hamuat hap. Yt taꞌatukuap i te pote toto. Miꞌi pote koitywy ikuꞌuro rakaria ikuap iꞌewyte ihãite rakaria ikuap. Miꞌi hawyi meiũran aru toiꞌatupatꞌok uwe imohey haria uwe yt rakaria i. Iꞌewyte ikuꞌuro rakaria ihãite rakaria Tupana Paꞌãu tomoherep yne.
7Pywo ti rat yne mesuwarotiat mesuwat yi iꞌewyte ahekareꞌen aiꞌyat koꞌi aiko hawyi waikiru waty aat gaꞌapy yne mesuwarotiat ikahuro hamuat koꞌi eꞌat yt pya hin i. Pywo ti rat tuut irane uiwyriaꞌin yne mesuwat ikahuro hap eꞌat. Yt pya hin i are. Miꞌi pote waku weꞌeg haria wo watukupteꞌen mesuwarote. Waku wahẽtup aat kaꞌap Tupana kape mesuwarotiaria ehakyeraꞌat hamo. Waku wahekatup Iesui uut hap. 8Pyno mesuwat ikahuro hap eꞌat yt pya hin i pote Tupana tikyꞌesat kahato aito tomohey haria wo wẽtup miit ewy aiwoꞌokyꞌe hap toikyꞌesat. Miꞌi tã Tupana tikyꞌesat kahato. Uiwyriaꞌin toikyꞌesat watiꞌatukyꞌe iraniaꞌin Iesui mohey haria yne ahesaika hap wywo. Toikyꞌesat watimoherep aiwoꞌope aiwoꞌokyꞌe hap aimiium kaipyi aimimoꞌẽ hap kaipyi aiminug kaipyi toikyꞌesat aiwoꞌokyꞌe hap. Pywo ti rat toineꞌen aiwoꞌokyꞌe hap sese aiwoꞌopiat hap hawyi yt kat i aiwoꞌomaꞌatꞌi hap toineꞌen. Yt heremo i aiwoꞌoꞌaparap hap koꞌi aiwoꞌokyꞌe kahato hap toineꞌen mote. Aiwuꞌuka hap yt tuwemoherep i. Aiwoꞌokyꞌe hap toineꞌen pote yt watikat aiwyriaꞌin kai iꞌatuminug saꞌag koꞌi aiwoꞌoꞌaparap hap koꞌi. 9Uiwyriaꞌin waku -Eiwehytꞌok o watoꞌe iraniaꞌin me. Waku eiwehytꞌok watoꞌe aiwoꞌope. Eweiꞌapyk o waku watoꞌe. Waku -Uruꞌyat aiwatnuat watoꞌe iraniaꞌin me. Waku watipowyro hatek takaria aiꞌyat pe. Yt naku i watoꞌe iraniaꞌin me -Yt atikyꞌesat hin i iraniaꞌin uiꞌyat piat watoꞌe. 10Pyno Tupana tum ahepe tesaika hap wakuat moherep hamuat miitꞌin powyro hamuat. Yt toꞌoꞌewy hin i tutum ahepe tesaika hap. Pyno kat som watipuẽti Tupana esaika hap kaipyi waku watimoꞌẽ iraniaꞌin me. Kat som watikuap waku rakat pyno waku wahenoi iraniaꞌin me Tupana mienoi hepiat koꞌi. Waku watipowyro iraniaꞌin aipo wywo Tupana miium aimisepap koꞌi wywo aikotã Tupana piat aimuꞌe hap ewy. Watikuap pote waku watiꞌatupowyro iraniaꞌin aimisepap koꞌi wywo aikotã Tupana aimuꞌe hap oktan. Aimisepap koꞌi yne Tupana miium koꞌi tukupteꞌen yne aimikuap koꞌi Tupana aimuꞌe hap koꞌi. Yt kat saꞌup i tutum ahepe pote waku watum miitꞌin me yt kat saꞌup i. Waku watopyhuꞌat Tupana eropat haria wo wakuaria ewy. Waku Tupana miium watimoꞌẽ iraniaꞌin me ahegyiꞌat kahato hap wywo aikotã Tupana hegyiꞌat hap ewy. 11Pyno iraniaꞌin aitoria Tupana mimuꞌeria kahato ahehay se kahato Iesui etiat moherep hamo aimuꞌe kahato. Ahẽku ete tutum tesaika hap tehay moherep hamuat. Miꞌi pote karãpe watiꞌatumuꞌe miitꞌin waku ahehay watimoherep aipyꞌa pyi aikotã Tupana ihay aiwẽ pyi Topaꞌãu kaipyi hap ewy waku watimoherep Tupana ehay. Maꞌato iraniaꞌin yt ahehay kuap i rakaria Tupana tikyꞌesat aipo wywo aipy wywo watiꞌatupowyro miitꞌin hap. Miꞌi pote tutum ahepe iraniaꞌin me tesaika hap miitꞌin eropat hamuat. Tupana aimuꞌe kahato aipyꞌa pyi aikotã aikotã waku watunug miitꞌin eropat hap ete. Miꞌi hawyi tutum ahepe tesaika hap wakuat sese nug aipo wywo aipiit wywo hamuat hap. Pyno kat som tutum ahepe sepap nug hamuat hap koꞌi miꞌi pote waku i oktan watimoꞌẽ miitꞌin me Tupana motypot hamuat Aipotypot Tupana Mipoꞌoro Iesui motypot hamuat hap koꞌi are. Pyno ahẽtup uiwy Iesui pe -Atikyꞌesat kahato ereineꞌen Wuatꞌi Miitꞌin Porekuat no hap. Atikyꞌesat En Wuatꞌi Miitꞌin Mimotypot no. Mesup wuatꞌi eꞌat pe aru atikyꞌesat En yne mesuwarotiaria emiitꞌin sem akag wo. Miꞌi ti mesup ahẽtup are waku.
12Uimikyꞌesat koꞌi Iesui mohey haria karãpe putꞌok e ehete ehatek hap miitꞌin mikyryꞌi hap koꞌi ehoꞌopat hap koꞌi aikotã aria haty hap ewy putꞌok e ehete yt eiwanetup teiꞌo kowoꞌi kowoꞌi -Kat pote miꞌi tã uhete yt eweiꞌe teiꞌo eiwanetup hawe. Katupono miꞌi tã yne Iesui mohey haria ete toineꞌen tuereto uiwyriaꞌin uimikyꞌe koꞌi. Miꞌi pote yt eweiwanetup teiꞌo -Taꞌi yt iraniaꞌin ewy hin i ahoꞌopot yt eweiꞌe i kat pote yne aitoria Iesui mohey haria ihakyꞌeꞌi rakaria watukupteꞌen tuereto. Miꞌi tã Tupana tunug ahete ahãꞌãg hap koꞌi sio watoineꞌen Haꞌyru mohey haria sese wo sio yt haria wo i kuap hamo. 13Karãpe putꞌok e ahãꞌãg hap ahatek hap miitꞌin mikyryꞌi hap aiꞌahuu hap yne mekewat koꞌi putꞌok e pote waku meremo watuwemowepiit hawyi waku watoꞌe Tupana pe ahoꞌopot hap putꞌok e hawyi -Tupana koitywy atikuap taꞌyn Esaꞌyru Emipoꞌoro uruporekuat nuat hoꞌopot hap. Yt atikuap yne i maꞌato ahoꞌopot hap kaipyi atikuap Emipoꞌoro hoꞌopot hap. Waku kahato atuꞌu Iesui ewy mekewat hoꞌopot koꞌi waku watoꞌe Tupana pe. Meiũran aru atikuap Esaꞌyru uruporekuat nuat putꞌok e mesuwe wuatꞌi mimotypotno tuwemoherep mesuwe. Miꞌi hap eꞌat pe uimowepiit hap sese wuatꞌi eꞌat piat hap toineꞌen waku watoꞌe Tupana pe. 14Pywo ti rat uiwyriaꞌin karãpe miitꞌin ihay saꞌag kahato ahetiat pote watomohey Aiporekuat nuat pote miꞌi hap eꞌat pe waku watuwemowepiit kahato. Eweikuap kat pote. Aimowepiit hap sese topyhuꞌat aru ahete wuatꞌi eꞌat pe katupono watopyhuꞌat Tupana mimotypot koꞌi sese. Tupana Paꞌãu eiam kahato watopyhuꞌat. Katupono Tupana yt aiꞌatoiat hin i wahoꞌopot turan. Katupono mesuwarotiaria iꞌatuehay saꞌag Aikaꞌiwat Iesui ete maꞌato aitoria watimotypot kahato Aikaꞌiwat. Miꞌi hap kaipyi Tupana aikuap. Miꞌi pote tutum ahepe Topaꞌãu pywuat imotypot koꞌi watopyhuꞌat pote. 15Pyno waku watopyhuꞌat miitꞌin mesuwarotiaria mikyryꞌi hamo. Waku watopyhuꞌat miitꞌin misatyꞌi satyꞌi koꞌi wo Iesui mohey haria aito pote. Maꞌato yt naku i kahato wahoꞌopot mesuwarotiat seroꞌok e haria aito pote yt naku i nug haria pote miitꞌin maꞌat haria aito pote miitꞌin ekat poreraꞌat haria aito pote miitꞌin potpap pyhyp haria aito pote ahehay saꞌag iraniaꞌin etiat aito pote. Miꞌi hap upi aipyhyp ahatyꞌi hatyꞌi pote yt nakuaria i wo watopyhuꞌat. Maꞌato wahoꞌopot Iesui potpap nug pote waku. 16Taꞌi karãpe ahatyꞌi hatyꞌi Iesui Aipotypot emiitꞌin pote waku watuwemowepiit. Yt naku i watuwemoti neꞌi Aikaꞌiwat pupi ahatyꞌi hatyꞌi Iesui etiat turanuat pote. Poꞌog waku watoꞌe Tupana pe -Tupana waku kahato En kat pote ahoꞌopot Esaꞌyru mohey hap upi waku watoꞌe. 17Pyno wahoꞌopot hap kaipyi miitꞌin iraniaꞌin minug saꞌag kaipyi aiꞌapiheg hap mesuwarotiaria piat hap kaipyi Tupana tikuap sio aito Iesui mohey haria sese sio yt hap sio aito imepytꞌin sese aito sio yt hap. Pyno saꞌawyꞌi ahãꞌãg Tupana miꞌi hawyi waku pe aito aipuẽti aheineꞌen wuatꞌi eꞌat piat hamo. Maꞌato aikotã aru iraniaꞌin meimuẽ wuaria yt sehay wakuat Iesui etiat yt kyꞌesat i haria ete aikotã aru miꞌiria ete. Kat som aru Tupana tunug miꞌiria ete yt tomikyꞌesat nug neran i haria ete. Taꞌi miꞌiria ete poꞌog poꞌog saꞌag topyhuꞌat iꞌatuepiat hoꞌopot hamo. Mesuwat rotiat hoꞌopot hit iꞌatuepiat hap kaipyi hoꞌopot hap te topyhuꞌat wuatꞌi eꞌat pe iꞌatuete. 18Pyno niatpo kahato ahehakyeraꞌat hap Tupana mimoewaku koꞌi aito pykai. Maꞌato aikotã aru iraniaꞌin yt Tupana kyꞌesat i haria iraniaꞌin mesuwarotiaria yt naku i nug haria ete aikotã aru miꞌiria ete mekewat eꞌat pe. Taꞌi aitoria watopyhuꞌat Tupana miehakyeraꞌat koꞌi wo maꞌato miꞌiria yt karãpe i iꞌatuehakyeraꞌat hap topyhuꞌat. 19Pyno areꞌe ehepe -Miitꞌin mikyryꞌi hamo o eweikupteꞌen Iesui mohey haria eipe pote waku eweikupteꞌen no Iesui mohey haria wo are. Waku ewetunug no Tupana mikyꞌesat ewywuat. Waku eweiꞌe Tupana kape -Tupana atum uipiit uiwanetup hap uipyꞌa piat uheineꞌen hap yne atum epe. Uikuꞌuro pote uikuꞌuro maꞌato yt atoiat hin i waku nug hap. Iꞌewyte yt atoiat hin i emohey hap uinug hat En mote Tupana watoꞌe waku. Miꞌi pote atikuap yt uiꞌatoiat hin i hap. Miꞌi pote epo pe atum uipiit uipaꞌãu uiwanetup hap uinug hat waku watoꞌe miitꞌin mikyryꞌi hatno watoineꞌen turan Iesui mohey haria aito pote.
Currently Selected:
1 Peteru 4: mav
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
1 Peteru 4
4
Haga 4
Wahoꞌopot Tuereto Iesui Mohey Haria Aito Pote
1Pyno uiwyriaꞌin Aipotypot Iesui hoꞌopot kahato topiit no mesuwat yi tote maꞌato yt tominug saꞌag upi hin i tohoꞌopot miitꞌin miꞌapiheg wo maꞌato aiminug saꞌag upi i tohoꞌopot aiꞌapiheg hap upi. Pyno waku watuwanetup Aikaꞌiwat ewy waku wahoꞌopot iraniaꞌin ehakyeraꞌat hamo hap ewy. Karãpe watimowepiit aipuꞌi hawyi yt kat i ahoꞌopot hap watikyꞌesat wen maꞌato yt kan hamo i watoineꞌen katupono aipiit mikyꞌesat saꞌag hap yne watunug. Poꞌog waku watunug Iesui mikyꞌesat wakuap koꞌi are. Poꞌog waku wahoꞌopot Aikaꞌiwat ewy miitꞌin ehakyeraꞌat hamo are. 2Maꞌato yt naku i watoineꞌen mesuwarote aikuꞌuro hap kape yt naku i nug hanuaria wo aikotã saꞌawyꞌi yt watomohey i te Iesui turan wuat ewy are. Yt naku i aipiit mikyꞌesat saꞌag watunug. Maꞌato watunug mote yt kat hamo i watoineꞌen. Waku watoineꞌen mesuwarote Tupana mikyꞌesat nug hamo Tupana mowepiit hamo are. 3Saꞌawyꞌi yt aiweꞌeg hin i yt watikuap i te Iesui turan. Saꞌawyꞌi aimikyꞌesat yn watunug iꞌewyte iraniaꞌin mesuwarotiaria mikyꞌesat ewy yn watunug. Mekewat eꞌat pe yt watikuap i Iesui te turan yt watunug hin i Tupana mikyꞌesat ewy. Katupono watunug aat kaꞌap iraniaꞌin mikyꞌesat ewy yn watunug. Taꞌi yt Tupana kuap i haria mikyꞌesat ewy yn watunug. Miꞌi turan watunug ahewaire waire hap yn aiwanetup hawe. Aipiit mikyꞌesat saꞌag koꞌi yn watunug neran mekewat eꞌat pe. Iꞌewyte mahy u hap aat kaꞌap hap watikyꞌesat watunug mekewat eꞌat pe. Watuꞌuka teran yne miitꞌin wywo ahehay wo aipiit wywo yt aiwese hin i. -Uito poꞌog e hap yn aiwanetup hawe. Taꞌi saꞌawyꞌi ienuk hap nug hap kape yn watuwat. Yt miitꞌin ewywuat i watenuk. Aiꞌok hap sakpo watenuk mekewat eꞌat pe. Miꞌi hawyi ahetupanaria sem karania ahetupanaria saꞌawyꞌi aheineꞌen hap yt watikuap i Iesui turan. 4Koitywy aiwyriaꞌin saꞌawyꞌi wuaria -Kat pote uruꞌatoiat iꞌatuꞌe. Kat pote yt etunug i te aikotã saꞌawyꞌi etunug hap ewy iꞌatuꞌe. Toꞌiro uhytꞌiꞌin manaꞌin piꞌãꞌin kurumꞌin iꞌatuꞌe ahepe maꞌato -Yt watoꞌe. Toꞌiro iꞌatuꞌe maꞌato yt watuwat i hawyi iꞌatuehay saꞌag ahete. Taꞌatukyꞌesat watunug saꞌag aikotã taꞌatunug hap ewy. 5Maꞌato aito yt watuwat i iꞌatuupi mekewat saꞌag nug hamo kat pote watikuap taꞌyn tuut irane yt pya hin i Aikaꞌiwat Iesui uut hap. Miꞌi hawyi toipoꞌoro miitꞌin aikotã aikotã imohey hap etiat kuap hamo. Wẽtup kai totopag yne tomohey haria. Wẽtup kai yt tomohey haria i koꞌi totopag. Mekewat eꞌat pe toimoherep wuatꞌi ehamo uwe waku uwe yt sio watoineꞌen sio aikuꞌuro huut turan maꞌato yne miitꞌin sio toineꞌen wakuaria ihãite rakaria sio ikuꞌuro rakaria toipatꞌok mekewat eꞌat pe. Towatnuat sio yt towatnuat koꞌi i hap moherep hamo toipatꞌok. 6Miꞌi pote toto tokuꞌuro hawyi aikope miitꞌin paꞌãu tukupteꞌen hap kape woꞌopyhyp hap kape toto tokuꞌuro hap totepyi mekewat Nuꞌe mimuꞌeria muꞌe hamo. Yt taꞌatukuap i te ikuꞌuro taꞌatukawiatno hamuat hap. Yt taꞌatukuap i te pote toto. Miꞌi pote koitywy ikuꞌuro rakaria ikuap iꞌewyte ihãite rakaria ikuap. Miꞌi hawyi meiũran aru toiꞌatupatꞌok uwe imohey haria uwe yt rakaria i. Iꞌewyte ikuꞌuro rakaria ihãite rakaria Tupana Paꞌãu tomoherep yne.
7Pywo ti rat yne mesuwarotiat mesuwat yi iꞌewyte ahekareꞌen aiꞌyat koꞌi aiko hawyi waikiru waty aat gaꞌapy yne mesuwarotiat ikahuro hamuat koꞌi eꞌat yt pya hin i. Pywo ti rat tuut irane uiwyriaꞌin yne mesuwat ikahuro hap eꞌat. Yt pya hin i are. Miꞌi pote waku weꞌeg haria wo watukupteꞌen mesuwarote. Waku wahẽtup aat kaꞌap Tupana kape mesuwarotiaria ehakyeraꞌat hamo. Waku wahekatup Iesui uut hap. 8Pyno mesuwat ikahuro hap eꞌat yt pya hin i pote Tupana tikyꞌesat kahato aito tomohey haria wo wẽtup miit ewy aiwoꞌokyꞌe hap toikyꞌesat. Miꞌi tã Tupana tikyꞌesat kahato. Uiwyriaꞌin toikyꞌesat watiꞌatukyꞌe iraniaꞌin Iesui mohey haria yne ahesaika hap wywo. Toikyꞌesat watimoherep aiwoꞌope aiwoꞌokyꞌe hap aimiium kaipyi aimimoꞌẽ hap kaipyi aiminug kaipyi toikyꞌesat aiwoꞌokyꞌe hap. Pywo ti rat toineꞌen aiwoꞌokyꞌe hap sese aiwoꞌopiat hap hawyi yt kat i aiwoꞌomaꞌatꞌi hap toineꞌen. Yt heremo i aiwoꞌoꞌaparap hap koꞌi aiwoꞌokyꞌe kahato hap toineꞌen mote. Aiwuꞌuka hap yt tuwemoherep i. Aiwoꞌokyꞌe hap toineꞌen pote yt watikat aiwyriaꞌin kai iꞌatuminug saꞌag koꞌi aiwoꞌoꞌaparap hap koꞌi. 9Uiwyriaꞌin waku -Eiwehytꞌok o watoꞌe iraniaꞌin me. Waku eiwehytꞌok watoꞌe aiwoꞌope. Eweiꞌapyk o waku watoꞌe. Waku -Uruꞌyat aiwatnuat watoꞌe iraniaꞌin me. Waku watipowyro hatek takaria aiꞌyat pe. Yt naku i watoꞌe iraniaꞌin me -Yt atikyꞌesat hin i iraniaꞌin uiꞌyat piat watoꞌe. 10Pyno Tupana tum ahepe tesaika hap wakuat moherep hamuat miitꞌin powyro hamuat. Yt toꞌoꞌewy hin i tutum ahepe tesaika hap. Pyno kat som watipuẽti Tupana esaika hap kaipyi waku watimoꞌẽ iraniaꞌin me. Kat som watikuap waku rakat pyno waku wahenoi iraniaꞌin me Tupana mienoi hepiat koꞌi. Waku watipowyro iraniaꞌin aipo wywo Tupana miium aimisepap koꞌi wywo aikotã Tupana piat aimuꞌe hap ewy. Watikuap pote waku watiꞌatupowyro iraniaꞌin aimisepap koꞌi wywo aikotã Tupana aimuꞌe hap oktan. Aimisepap koꞌi yne Tupana miium koꞌi tukupteꞌen yne aimikuap koꞌi Tupana aimuꞌe hap koꞌi. Yt kat saꞌup i tutum ahepe pote waku watum miitꞌin me yt kat saꞌup i. Waku watopyhuꞌat Tupana eropat haria wo wakuaria ewy. Waku Tupana miium watimoꞌẽ iraniaꞌin me ahegyiꞌat kahato hap wywo aikotã Tupana hegyiꞌat hap ewy. 11Pyno iraniaꞌin aitoria Tupana mimuꞌeria kahato ahehay se kahato Iesui etiat moherep hamo aimuꞌe kahato. Ahẽku ete tutum tesaika hap tehay moherep hamuat. Miꞌi pote karãpe watiꞌatumuꞌe miitꞌin waku ahehay watimoherep aipyꞌa pyi aikotã Tupana ihay aiwẽ pyi Topaꞌãu kaipyi hap ewy waku watimoherep Tupana ehay. Maꞌato iraniaꞌin yt ahehay kuap i rakaria Tupana tikyꞌesat aipo wywo aipy wywo watiꞌatupowyro miitꞌin hap. Miꞌi pote tutum ahepe iraniaꞌin me tesaika hap miitꞌin eropat hamuat. Tupana aimuꞌe kahato aipyꞌa pyi aikotã aikotã waku watunug miitꞌin eropat hap ete. Miꞌi hawyi tutum ahepe tesaika hap wakuat sese nug aipo wywo aipiit wywo hamuat hap. Pyno kat som tutum ahepe sepap nug hamuat hap koꞌi miꞌi pote waku i oktan watimoꞌẽ miitꞌin me Tupana motypot hamuat Aipotypot Tupana Mipoꞌoro Iesui motypot hamuat hap koꞌi are. Pyno ahẽtup uiwy Iesui pe -Atikyꞌesat kahato ereineꞌen Wuatꞌi Miitꞌin Porekuat no hap. Atikyꞌesat En Wuatꞌi Miitꞌin Mimotypot no. Mesup wuatꞌi eꞌat pe aru atikyꞌesat En yne mesuwarotiaria emiitꞌin sem akag wo. Miꞌi ti mesup ahẽtup are waku.
12Uimikyꞌesat koꞌi Iesui mohey haria karãpe putꞌok e ehete ehatek hap miitꞌin mikyryꞌi hap koꞌi ehoꞌopat hap koꞌi aikotã aria haty hap ewy putꞌok e ehete yt eiwanetup teiꞌo kowoꞌi kowoꞌi -Kat pote miꞌi tã uhete yt eweiꞌe teiꞌo eiwanetup hawe. Katupono miꞌi tã yne Iesui mohey haria ete toineꞌen tuereto uiwyriaꞌin uimikyꞌe koꞌi. Miꞌi pote yt eweiwanetup teiꞌo -Taꞌi yt iraniaꞌin ewy hin i ahoꞌopot yt eweiꞌe i kat pote yne aitoria Iesui mohey haria ihakyꞌeꞌi rakaria watukupteꞌen tuereto. Miꞌi tã Tupana tunug ahete ahãꞌãg hap koꞌi sio watoineꞌen Haꞌyru mohey haria sese wo sio yt haria wo i kuap hamo. 13Karãpe putꞌok e ahãꞌãg hap ahatek hap miitꞌin mikyryꞌi hap aiꞌahuu hap yne mekewat koꞌi putꞌok e pote waku meremo watuwemowepiit hawyi waku watoꞌe Tupana pe ahoꞌopot hap putꞌok e hawyi -Tupana koitywy atikuap taꞌyn Esaꞌyru Emipoꞌoro uruporekuat nuat hoꞌopot hap. Yt atikuap yne i maꞌato ahoꞌopot hap kaipyi atikuap Emipoꞌoro hoꞌopot hap. Waku kahato atuꞌu Iesui ewy mekewat hoꞌopot koꞌi waku watoꞌe Tupana pe. Meiũran aru atikuap Esaꞌyru uruporekuat nuat putꞌok e mesuwe wuatꞌi mimotypotno tuwemoherep mesuwe. Miꞌi hap eꞌat pe uimowepiit hap sese wuatꞌi eꞌat piat hap toineꞌen waku watoꞌe Tupana pe. 14Pywo ti rat uiwyriaꞌin karãpe miitꞌin ihay saꞌag kahato ahetiat pote watomohey Aiporekuat nuat pote miꞌi hap eꞌat pe waku watuwemowepiit kahato. Eweikuap kat pote. Aimowepiit hap sese topyhuꞌat aru ahete wuatꞌi eꞌat pe katupono watopyhuꞌat Tupana mimotypot koꞌi sese. Tupana Paꞌãu eiam kahato watopyhuꞌat. Katupono Tupana yt aiꞌatoiat hin i wahoꞌopot turan. Katupono mesuwarotiaria iꞌatuehay saꞌag Aikaꞌiwat Iesui ete maꞌato aitoria watimotypot kahato Aikaꞌiwat. Miꞌi hap kaipyi Tupana aikuap. Miꞌi pote tutum ahepe Topaꞌãu pywuat imotypot koꞌi watopyhuꞌat pote. 15Pyno waku watopyhuꞌat miitꞌin mesuwarotiaria mikyryꞌi hamo. Waku watopyhuꞌat miitꞌin misatyꞌi satyꞌi koꞌi wo Iesui mohey haria aito pote. Maꞌato yt naku i kahato wahoꞌopot mesuwarotiat seroꞌok e haria aito pote yt naku i nug haria pote miitꞌin maꞌat haria aito pote miitꞌin ekat poreraꞌat haria aito pote miitꞌin potpap pyhyp haria aito pote ahehay saꞌag iraniaꞌin etiat aito pote. Miꞌi hap upi aipyhyp ahatyꞌi hatyꞌi pote yt nakuaria i wo watopyhuꞌat. Maꞌato wahoꞌopot Iesui potpap nug pote waku. 16Taꞌi karãpe ahatyꞌi hatyꞌi Iesui Aipotypot emiitꞌin pote waku watuwemowepiit. Yt naku i watuwemoti neꞌi Aikaꞌiwat pupi ahatyꞌi hatyꞌi Iesui etiat turanuat pote. Poꞌog waku watoꞌe Tupana pe -Tupana waku kahato En kat pote ahoꞌopot Esaꞌyru mohey hap upi waku watoꞌe. 17Pyno wahoꞌopot hap kaipyi miitꞌin iraniaꞌin minug saꞌag kaipyi aiꞌapiheg hap mesuwarotiaria piat hap kaipyi Tupana tikuap sio aito Iesui mohey haria sese sio yt hap sio aito imepytꞌin sese aito sio yt hap. Pyno saꞌawyꞌi ahãꞌãg Tupana miꞌi hawyi waku pe aito aipuẽti aheineꞌen wuatꞌi eꞌat piat hamo. Maꞌato aikotã aru iraniaꞌin meimuẽ wuaria yt sehay wakuat Iesui etiat yt kyꞌesat i haria ete aikotã aru miꞌiria ete. Kat som aru Tupana tunug miꞌiria ete yt tomikyꞌesat nug neran i haria ete. Taꞌi miꞌiria ete poꞌog poꞌog saꞌag topyhuꞌat iꞌatuepiat hoꞌopot hamo. Mesuwat rotiat hoꞌopot hit iꞌatuepiat hap kaipyi hoꞌopot hap te topyhuꞌat wuatꞌi eꞌat pe iꞌatuete. 18Pyno niatpo kahato ahehakyeraꞌat hap Tupana mimoewaku koꞌi aito pykai. Maꞌato aikotã aru iraniaꞌin yt Tupana kyꞌesat i haria iraniaꞌin mesuwarotiaria yt naku i nug haria ete aikotã aru miꞌiria ete mekewat eꞌat pe. Taꞌi aitoria watopyhuꞌat Tupana miehakyeraꞌat koꞌi wo maꞌato miꞌiria yt karãpe i iꞌatuehakyeraꞌat hap topyhuꞌat. 19Pyno areꞌe ehepe -Miitꞌin mikyryꞌi hamo o eweikupteꞌen Iesui mohey haria eipe pote waku eweikupteꞌen no Iesui mohey haria wo are. Waku ewetunug no Tupana mikyꞌesat ewywuat. Waku eweiꞌe Tupana kape -Tupana atum uipiit uiwanetup hap uipyꞌa piat uheineꞌen hap yne atum epe. Uikuꞌuro pote uikuꞌuro maꞌato yt atoiat hin i waku nug hap. Iꞌewyte yt atoiat hin i emohey hap uinug hat En mote Tupana watoꞌe waku. Miꞌi pote atikuap yt uiꞌatoiat hin i hap. Miꞌi pote epo pe atum uipiit uipaꞌãu uiwanetup hap uinug hat waku watoꞌe miitꞌin mikyryꞌi hatno watoineꞌen turan Iesui mohey haria aito pote.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.