Revelesin 1
1
1Disfala buk hemi talemaot olketa samting wea hemi staphaed bifoa, bat distaem Jisas Kraes hemi somaot klia. God hemi som diswan long Jisas, mekem hemi save somaot moa long olketa wakaman blong hem. Hemi somaot olketa samting wea bae no longtaem nomoa, olketa mas hapen. Nao Kraes hemi sendem enjel blong hem fo somaot olketa samting ya long mi Jon, wea mi nao wakaman blong hem. 2So mi gohed nao fo raetemdaon olketa samting wea mi lukim. An hem ya nao toktok blong God, olsem tru toktok wea Jisas Kraes hemi talem kam. 3Man wea hemi ridim olketa toktok ya wea God hemi talem, hemi save hapi fogud. An olketa hu i herem an obeim toktok ya, olketa tu save hapi fogud. Bikos taem blong olketa samting ya fo hapen, hemi kam kolsap nao.
Jon hemi raet go long sevenfala sios
4Mi#Eksodas 3:14; Revelesin 4:5. Jon, mi raet go long yufala evriwan long sevenfala sios#1:4 “sevenfala sios” Sevenfala sios ya olketa insaet long eria wea Jon hemi waka long hem olsem lida long sios. Disfala namba seven hemi olsem piksa tu an minim barava evri sios ya. long provins long Esia. Letem kaenfala lav an piis hemi stap wetem yufala. Lav an piis ya hemi stat kam long God wea hemi stap olowe bifoa, an wea hemi stap distaem, an wea bae hemi kam. Lav an piis ya hemi kam from seven gudfala spirit#1:4 “seven gudfala spirit” Hemi minim God hemi save waka long enikaen wei nomoa wetem Holi Spirit blong hem. tu, wea olketa stap long frant long tron#1:4 “tron” Tron hemi barava spesol sea blong king. blong God wea hemi sidaon fo rul. 5An#Aesaea 55:4; Sams 89:27. lav an piis hemi kam tu from Jisas Kraes wea hemi man fo talemaot stret olketa toktok blong God, an hemi fas man fo laefbaek moa from dae, an wea hemi garem paoa ovarem evri king long wol.
Jisas Kraes hemi lavem yumi tumas, an taem hemi dae olsem wanfala sakrifaes#1:5 “an taem hemi dae olsem wanfala sakrifaes” Long langguis long Grik hemi sei “an long blad blong hem”. hemi peimaot yumi evriwan from olketa sin blong yumi. 6Hemi#Eksodas 19:6; Revelesin 5:10. bin mekem yumi wan pipol wea hemi King ovarem, an hemi bin mekem yumi fo kamap olketa prist fo wosipim God Dadi blong hem. Bae yumi liftimap nem blong hem an preisim hem evritaem an olowe fo bikfala paoa blong hem. Amen.#1:6 “Amen” Hemi langguis long Grik wea hemi minim “Hemi tru tumas”.
7!Yufala#Daniel 7:13; Matiu 24:30; Mak 13:26; Luk 21:27; 1 Tesalonaeka 4:17; Sekaraea 12:10; Jon 19:34, 37. save! Jisas bae hemi kambaek antap long olketa klaod. An evriwan bae lukim hem, nomata olketa hu i spiarem hem bifoa. An evri pipol long evri ples long wol bae olketa sore an krae bikfala taem olketa lukim hem. Bae hemi olsem nao. Amen.
8God#Revelesin 22:13; Eksodas 3:14. Masta blong yumi hu hemi garem evri paoa an hu hemi stap olowe bifoa, an hu hemi stap distaem, an hu bae hemi kam, hem nao hemi talem olsem, “Mi nao mi faswan bifoa evrisamting, an bae mi laswan tu bihaen evrisamting ya.”#1:8 “Mi nao mi faswan bifoa evrisamting an bae mi laswan tu bihaen evrisamting.” Long langguis long Grik hemi sei, “Mi nao Alfa an Omega.” Tufala wod hemi faswan an laswan long olketa leta long langguis long Grik.
Jon hemi lukim Jisas Kraes
9Mi Jon, mi brata blong yufala bikos yumi evriwan biliv long Jisas. Yumi evriwan fren tugeta, nomata olketa mekem yumi safa bikos yumi biliv long Jisas. Olketa bin putum mi long smolfala aelan long Patmos,#1:9 “Patmos” Wanfala smol aelan wea gavman blong Rom olketa save putum olketa man fo prisin long hem. bikos mi bin talemaot toktok blong God an olketa tru toktok abaotem Jisas. 10Nao long De blong Masta blong yumi,#1:10 “De blong Masta blong yumi” hemi minim Sande, from Sande nao hemi de wea Jisas hemi laefbaek moa long hem. paoa blong Holi Spirit hemi kam long mi. An mi herem wanfala toktok wea hemi tok kam bikfala bihaen long mi, an hemi here olsem wanfala trampet. 11Hemi sei olsem, “Olketa samting wea bae yu lukim, yu mas raetemdaon long wanfala buk. An bihaen, yu mas sendem diswan go long olketa sios wea i stap long sevenfala taon, Efesas an Smana an Pegamam an Taeataera an Sadis an Filadelfia an Leodisia.”
12Nao mi taneraon fo lukim hu nao hemi tok kam long mi, an taem mi luk go, mi lukim sevenfala bikfala lam#1:12 “bikfala lam” Wankaen lam wea olketa yusim oliv oel long hem. Lukim “Oliv tri” long diksonari. wea olketa wakem long gol. 13An#Daniel 7:13; 10:5. long midol long olketa lam ya, mi lukim wanfala man wea hemi luk olsem san blong man.#1:13 “hemi luk olsem san blong man” Lukim Daniel 7:13. Hemi werem longfala kaleko wea hemi kasem graon an hemi garem wanfala gol strap raonem sest blong hem. 14Hed#Daniel 7:9; 10:6. an hea blong hem hemi barava waet tumas olsem hea blong sipsip,#1:14 “hemi barava waet tumas olsem hea blong sipsip” Long langguis long Grik hemi sei, “hemi waet olsem hea blong sipsip an waet olsem snou”. an ae blong hem hemi olsem faea wea hemi laet. 15An#Esikiel 1:24; 43:2. lek blong hem hemi saen olsem bras wea olketa klinim an hemi saen fogud, an voes blong hem hemi meknoes tumas olsem olketa bikfala wev. 16Hemi holem sevenfala sta long raet han blong hem. An wanfala naef fo faet wea hemi sap tumas long tufala saet evriwan,#1:16 “wanfala naef fo faet wea hemi sap tumas long tufala saet evriwan” Disfala tokpiksa hemi minim “toktok blong God”. Lukim Hibrus 4:12. hemi kamaot long maos blong hem. An fes blong hem hemi saen olsem san long midol de.
17Nao#Aesaea 44:6; 48:12; Revelesin 2:8; 22:13. taem mi lukim nomoa, mi foldaon long frant long lek blong hem, an mi stap olsem wanfala man wea hemi dae finis. Bat hemi tasim mi wetem raet han blong hem an hemi tok olsem, “Yu no fraet. Mi nao mi faswan bifoa evrisamting, an bae mi laswan tu bihaen evrisamting. 18!Mi man wea mi barava laef! Long bifoa, mi dae finis bat mi laefbaek moa an mi no save dae enitaem. Mi nao mi garem paoa ovarem Dae#1:18 “An mi nao mi garem paoa ovarem Dae” Long langguis long Grik hemi sei, “An mi nao garem ki blong Dae”. an mi garem paoa ovarem ples blong olketa pipol hu i dae finis. 19Yu mas raetemdaon olketa samting wea yu lukim, olketa samting wea i hapen distaem wetem olketa samting wea bae hemi hapen moa bihaen. 20Yu lukim sevenfala sta wea mi holem long raet han blong mi, an sevenfala bikfala gol lam. Olketa garem mining wea hemi haed. Olketa sevenfala sta ya hemi minim olketa enjel blong sevenfala sios ya. An sevenfala bikfala lam ya hemi minim sevenfala sios ya nomoa.”
Currently Selected:
Revelesin 1: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.