Neiham 2
2
Bae olketa enemi i spoelem bikfala taon long Nineve
1 (Profet) !Olketa pipol blong Nineve! Olketa enemi hu i garem paoa fo spoelem yufala finis i kam nao fo faet agensim yufala. !Yufala mas putum olketa soldia antap long wolston blong taon ya! !Yufala mas gadem rod! !Yufala mas redim ami blong yufala fo faet!
2Nomata olketa enemi blong Israel bin spoelem lan blong olketa an tekem evri gudfala samting blong olketa, bat Yawe hemi gohed nao fo mekem olketa gudbaek moa, an bae hemi givimbaek moa bikfala nem an paoa long olketa.
3!Olketa pipol blong Nineve! Evri soldia blong olketa enemi blong yufala i werem red kaleko an karim red sil. Olketa redi finis fo kam kilim yufala dae. Olketa kaat blong olketa fo faet i saen fogud olsem faea wea hemi laet. Olketa soldia i apem olketa spia fo somaot dat olketa barava redi nao fo faet.#Esikiel 23:14-15. 4Olketa kaat fo faet i gohed fo resis krangge olobaot nomoa falom olketa rod long taon an insaet long olketa bikfala open ples tu. Olketa spid olsem laetning, an saen olsem faea. 5Sif blong ami hemi kolem olketa komanda, mekem olketa redi fo faet. Olketa barava muv kuiktaem, an kolsap foldaon. Olketa soldia i resis go long bikfala wolston blong taon ya, an stanemap bikfala sil fo gadem olketa man wea i gohed fo pusum bikfala log fo brekemdaon wolston ya. 6Olketa openem olketa bikfala geit wea i stopem riva, nao wata ya hemi go daonem haos blong king. 7Olketa kasholem kuin an tekemaot olketa kaleko blong hem fo meksem long hem. Olketa karim hem goaot, an olketa wakamere blong hem i krae fogud, olsem kurukuru. Olketa gohed fo hitim sest blong olketa, bikos olketa sore tumas. 8Olketa pipol blong Nineve i gohed fo ranawe from taon ya, olsem wata wea hemi ran kamaot from wanfala pul wea hemi brek. An taem olketa bikman i tokstrong long olketa fo stop, no eniwan nao hemi lisin.
9Olketa enemi i gohed fo singaot olsem, “!Olketa! !Bikfala taon long Nineve hemi fulap long olketa gudfala samting! !Yumi go tekem olketa silva an gol blong olketa! !Olketa risis i staka fogud!”
10Taon ya hemi kamap nogud tumas. Olketa enemi i tekemaot evrisamting. No enisamting hemi stap long hem nao. Olketa pipol i fraet an seksek fogud. Olketa no garem eni paoa nao, an fes blong olketa hemi kamap nogud tumas. 11-12Bifoa, bikfala taon ya hemi garem paoa. Hemi olsem wanfala hol wea laeon hemi stap long hem fo fidim olketa pikinini blong hem. An man laeon wetem olketa merewan i stap sef nomoa long hem wetem olketa pikinini blong olketa. Olketa pipol blong taon ya bin olsem laeon wea hemi gohed fo kilim dae narafala animol, an karim go long hol blong hem. Hemi pisisim animol ya, mekem olketa merewan an olketa pikinini i kaikaim, an hol ya hemi fulap fogud long mit. Bat distaem, bikfala taon ya hemi nating garem paoa olsem nao.#Aesaea 5:29; Jeremaea 4:7; Hosia 5:14; Maeka 5:8.
13Hem ya nao mesij blong Yawe hu hemi garem evri paoa. Hemi tok olsem long olketa pipol blong Nineve, “!Yufala lisin kam! Mi nao mi agensim yufala. Bae mi bonem olketa kaat blong yufala fo faet. Nomata olketa soldia blong yufala i olsem strongfala laeon, bat bae olketa dae long faet. An evrisamting wea yufala bin tekem from olketa enemi blong yufala, bae mi tekemaot evriwan. Bae yufala kanduit sendem moa olketa man fo tekem mesij fo fosim olketa narafala kantri fo stap andanit long rul blong yufala.”
Currently Selected:
Neiham 2: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Neiham 2
2
Bae olketa enemi i spoelem bikfala taon long Nineve
1 (Profet) !Olketa pipol blong Nineve! Olketa enemi hu i garem paoa fo spoelem yufala finis i kam nao fo faet agensim yufala. !Yufala mas putum olketa soldia antap long wolston blong taon ya! !Yufala mas gadem rod! !Yufala mas redim ami blong yufala fo faet!
2Nomata olketa enemi blong Israel bin spoelem lan blong olketa an tekem evri gudfala samting blong olketa, bat Yawe hemi gohed nao fo mekem olketa gudbaek moa, an bae hemi givimbaek moa bikfala nem an paoa long olketa.
3!Olketa pipol blong Nineve! Evri soldia blong olketa enemi blong yufala i werem red kaleko an karim red sil. Olketa redi finis fo kam kilim yufala dae. Olketa kaat blong olketa fo faet i saen fogud olsem faea wea hemi laet. Olketa soldia i apem olketa spia fo somaot dat olketa barava redi nao fo faet.#Esikiel 23:14-15. 4Olketa kaat fo faet i gohed fo resis krangge olobaot nomoa falom olketa rod long taon an insaet long olketa bikfala open ples tu. Olketa spid olsem laetning, an saen olsem faea. 5Sif blong ami hemi kolem olketa komanda, mekem olketa redi fo faet. Olketa barava muv kuiktaem, an kolsap foldaon. Olketa soldia i resis go long bikfala wolston blong taon ya, an stanemap bikfala sil fo gadem olketa man wea i gohed fo pusum bikfala log fo brekemdaon wolston ya. 6Olketa openem olketa bikfala geit wea i stopem riva, nao wata ya hemi go daonem haos blong king. 7Olketa kasholem kuin an tekemaot olketa kaleko blong hem fo meksem long hem. Olketa karim hem goaot, an olketa wakamere blong hem i krae fogud, olsem kurukuru. Olketa gohed fo hitim sest blong olketa, bikos olketa sore tumas. 8Olketa pipol blong Nineve i gohed fo ranawe from taon ya, olsem wata wea hemi ran kamaot from wanfala pul wea hemi brek. An taem olketa bikman i tokstrong long olketa fo stop, no eniwan nao hemi lisin.
9Olketa enemi i gohed fo singaot olsem, “!Olketa! !Bikfala taon long Nineve hemi fulap long olketa gudfala samting! !Yumi go tekem olketa silva an gol blong olketa! !Olketa risis i staka fogud!”
10Taon ya hemi kamap nogud tumas. Olketa enemi i tekemaot evrisamting. No enisamting hemi stap long hem nao. Olketa pipol i fraet an seksek fogud. Olketa no garem eni paoa nao, an fes blong olketa hemi kamap nogud tumas. 11-12Bifoa, bikfala taon ya hemi garem paoa. Hemi olsem wanfala hol wea laeon hemi stap long hem fo fidim olketa pikinini blong hem. An man laeon wetem olketa merewan i stap sef nomoa long hem wetem olketa pikinini blong olketa. Olketa pipol blong taon ya bin olsem laeon wea hemi gohed fo kilim dae narafala animol, an karim go long hol blong hem. Hemi pisisim animol ya, mekem olketa merewan an olketa pikinini i kaikaim, an hol ya hemi fulap fogud long mit. Bat distaem, bikfala taon ya hemi nating garem paoa olsem nao.#Aesaea 5:29; Jeremaea 4:7; Hosia 5:14; Maeka 5:8.
13Hem ya nao mesij blong Yawe hu hemi garem evri paoa. Hemi tok olsem long olketa pipol blong Nineve, “!Yufala lisin kam! Mi nao mi agensim yufala. Bae mi bonem olketa kaat blong yufala fo faet. Nomata olketa soldia blong yufala i olsem strongfala laeon, bat bae olketa dae long faet. An evrisamting wea yufala bin tekem from olketa enemi blong yufala, bae mi tekemaot evriwan. Bae yufala kanduit sendem moa olketa man fo tekem mesij fo fosim olketa narafala kantri fo stap andanit long rul blong yufala.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.