2 Pita 3
3
Bikde blong Masta bae hemi kam
1Olketa fren, diswan nao hemi mektu leta blong mi fo yufala. Long tufala leta ya mi traehad fo talem yufala moa, mekem tingting blong yufala hemi stret gudfala. 2Mi laekem yufala fo tingim moa olketa toktok wea olketa holi profet i talem bifoa. An yufala mas tingim tu toktok blong Masta an Sevia blong yumi. Mifala olketa aposol bin talemaot finis disfala toktok long yufala. 3Yufala#Jiud 18. mas savegud abaotem wanfala samting. Long olketa las de blong disfala wol, samfala pipol bae falom nomoa nogud tingting blong olketa. Olketa man fo tok nogud ya, bae olketa laf nogud long yufala. 4An bae olketa sei, “?Wea nao Jisas ya? ?Hemi promis fo kambaek, bat wea nao hemi stap? Olketa olo blong yumi i dae finis, bat evrisamting hemi semsem nomoa olsem taem disfala wol hemi stat.” 5Bat#Jenesis 1:6-9. olketa ya i les fo tingim dat God hemi tok nomoa, an skae wetem graon tufala kamaot nao. Hemi mekem graon fo kamaot from olketa wata, an hemi yusim wata fo mekem evrisamting long wol. 6Bifoa,#Jenesis 7:11. hemi yusim wata ya fo spoelem disfala wol taem hemi mekem wata fo kamap hae an kavaremap disfala graon. 7An from disfala toktok blong God tu, disfala skae an graon wea i stap distaem, tufala bae weit nomoa fo faea hemi kam an bonem tufala. Skae an graon bae weit go-go kasem taem wea God hemi jajem evri pipol an bae hemi spoelem olketa hu i no save obeim hem.
8Olketa#Sams 90:4. fren, wanfala samting nomoa yufala mas tingim. Long tingting blong Masta, 1,000 yia hemi olsem wanfala de nomoa, an wanfala de hemi olsem 1,000 yia. 9Samfala pipol tingse Masta hemi slou tumas fo mekem promis blong hem kamtru. Bat hemi no olsem ya. Masta hemi no laek fo spoelem eniwan, bat hemi laekem evriwan fo lusim olketa ravis wei blong olketa an fo kam long hem. So hemi wiling fo we-weit nomoa long yufala.
10Bat#Matiu 24:43; Luk 12:39; 1 Tesalonaeka 5:2; Revelesin 16:15. disfala De blong Masta, bae hemi kam olsem wanfala man fo stil, wea yumi no save long taem wea bae hemi kam. Long datfala De, bae bikfala noes hemi kamaot long skae an skae bae hemi lus. An bikfala faea tu bae hemi bonem evrisamting long skae go-go hemi nogud nao. An disfala wol tu wetem evrisamting long hem, bae i lus nao.#3:10 “bae i lus nao” Samfala olfala kopi long Mektu Pita olketa sei,“bae i bone nao”. 11Bikos evrisamting bae hemi nogud finis olsem, yufala mas tingting gud abaotem laef blong yufala. Yufala mas stap holi an gohed nomoa long stretfala laef wea God hemi laekem. 12An taem yufala gohed olsem fo weitem disfala bikfala De blong God, yufala mas wakahad fo mekem disfala De hemi kam kuiktaem.#3:12 “yufala mas wakahad nao fo mekem disfala De hemi kam kuiktaem” Lukim Aposol 26:6-7 an Mak 13:10. Long De ya nao, bae faea hemi bonem finis skae, an evrisamting long skae ya tu bae faea hemi hotem go-go olketa kamap olsem waks long faea. 13Bat#Aesaea 65:17; 66:22; Revelesin 21:1. God hemi promis finis fo mekem niufala skae an niufala wol moa, wea evriwan hu i stret long ae blong God bae olketa stap long hem. So yumi mas weit nomoa fo lukim olketa niufala samting ya.
14Olketa fren, bikos yufala gohed fo weitem olketa samting olsem, yufala mas wakahad fo mekem yufala garem tru piis wetem God. Laef blong yufala hemi mas gud tumas, an yufala mas barava stret long ae blong hem. 15Masta hemi givim taem fo yufala, dastawe hemi no kam kuiktaem. So yufala mas lukim diswan olsem hemi sans fo hemi sevem yufala. God hemi givim waes tingting long nambawan brata blong yumi Pol, wea hem tu hemi raetem diskaen toktok go long yufala. 16Long evri leta blong hem nao, hemi raetem semsamting taem hemi tokabaotem olketa samting ya. Olketa leta blong Pol i garem samfala toktok wea i had fo minim gud. An samfala pipol hu i no garem gudfala save an tingting blong olketa hemi no stret, olketa gohed nao fo sensim mining blong olketa toktok blong Pol. An olketa duim semsamting tu long olketa nara toktok wea hemi stap long Buktambu. Bat long disfala wei, bae olketa barava mekem bikfala trabol kasem olketa seleva nao.
17Olketa fren, yufala save finis long olketa samting ya, so yufala mas keakea, nogud olketa laea blong olketa hu i no falom lo bae hemi pulum yufala, mekem yufala lusim strongfala biliv blong yufala. 18Bat evritaem, yufala mas letem kaenfala lav blong Masta an Sevia long yumi Jisas Kraes hemi grou strong long yufala, an yufala mas mekem save abaotem hem hemi grou strong tu. Yumi mekhae long hem distaem an olowe nao. Amen.
Currently Selected:
2 Pita 3: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
2 Pita 3
3
Bikde blong Masta bae hemi kam
1Olketa fren, diswan nao hemi mektu leta blong mi fo yufala. Long tufala leta ya mi traehad fo talem yufala moa, mekem tingting blong yufala hemi stret gudfala. 2Mi laekem yufala fo tingim moa olketa toktok wea olketa holi profet i talem bifoa. An yufala mas tingim tu toktok blong Masta an Sevia blong yumi. Mifala olketa aposol bin talemaot finis disfala toktok long yufala. 3Yufala#Jiud 18. mas savegud abaotem wanfala samting. Long olketa las de blong disfala wol, samfala pipol bae falom nomoa nogud tingting blong olketa. Olketa man fo tok nogud ya, bae olketa laf nogud long yufala. 4An bae olketa sei, “?Wea nao Jisas ya? ?Hemi promis fo kambaek, bat wea nao hemi stap? Olketa olo blong yumi i dae finis, bat evrisamting hemi semsem nomoa olsem taem disfala wol hemi stat.” 5Bat#Jenesis 1:6-9. olketa ya i les fo tingim dat God hemi tok nomoa, an skae wetem graon tufala kamaot nao. Hemi mekem graon fo kamaot from olketa wata, an hemi yusim wata fo mekem evrisamting long wol. 6Bifoa,#Jenesis 7:11. hemi yusim wata ya fo spoelem disfala wol taem hemi mekem wata fo kamap hae an kavaremap disfala graon. 7An from disfala toktok blong God tu, disfala skae an graon wea i stap distaem, tufala bae weit nomoa fo faea hemi kam an bonem tufala. Skae an graon bae weit go-go kasem taem wea God hemi jajem evri pipol an bae hemi spoelem olketa hu i no save obeim hem.
8Olketa#Sams 90:4. fren, wanfala samting nomoa yufala mas tingim. Long tingting blong Masta, 1,000 yia hemi olsem wanfala de nomoa, an wanfala de hemi olsem 1,000 yia. 9Samfala pipol tingse Masta hemi slou tumas fo mekem promis blong hem kamtru. Bat hemi no olsem ya. Masta hemi no laek fo spoelem eniwan, bat hemi laekem evriwan fo lusim olketa ravis wei blong olketa an fo kam long hem. So hemi wiling fo we-weit nomoa long yufala.
10Bat#Matiu 24:43; Luk 12:39; 1 Tesalonaeka 5:2; Revelesin 16:15. disfala De blong Masta, bae hemi kam olsem wanfala man fo stil, wea yumi no save long taem wea bae hemi kam. Long datfala De, bae bikfala noes hemi kamaot long skae an skae bae hemi lus. An bikfala faea tu bae hemi bonem evrisamting long skae go-go hemi nogud nao. An disfala wol tu wetem evrisamting long hem, bae i lus nao.#3:10 “bae i lus nao” Samfala olfala kopi long Mektu Pita olketa sei,“bae i bone nao”. 11Bikos evrisamting bae hemi nogud finis olsem, yufala mas tingting gud abaotem laef blong yufala. Yufala mas stap holi an gohed nomoa long stretfala laef wea God hemi laekem. 12An taem yufala gohed olsem fo weitem disfala bikfala De blong God, yufala mas wakahad fo mekem disfala De hemi kam kuiktaem.#3:12 “yufala mas wakahad nao fo mekem disfala De hemi kam kuiktaem” Lukim Aposol 26:6-7 an Mak 13:10. Long De ya nao, bae faea hemi bonem finis skae, an evrisamting long skae ya tu bae faea hemi hotem go-go olketa kamap olsem waks long faea. 13Bat#Aesaea 65:17; 66:22; Revelesin 21:1. God hemi promis finis fo mekem niufala skae an niufala wol moa, wea evriwan hu i stret long ae blong God bae olketa stap long hem. So yumi mas weit nomoa fo lukim olketa niufala samting ya.
14Olketa fren, bikos yufala gohed fo weitem olketa samting olsem, yufala mas wakahad fo mekem yufala garem tru piis wetem God. Laef blong yufala hemi mas gud tumas, an yufala mas barava stret long ae blong hem. 15Masta hemi givim taem fo yufala, dastawe hemi no kam kuiktaem. So yufala mas lukim diswan olsem hemi sans fo hemi sevem yufala. God hemi givim waes tingting long nambawan brata blong yumi Pol, wea hem tu hemi raetem diskaen toktok go long yufala. 16Long evri leta blong hem nao, hemi raetem semsamting taem hemi tokabaotem olketa samting ya. Olketa leta blong Pol i garem samfala toktok wea i had fo minim gud. An samfala pipol hu i no garem gudfala save an tingting blong olketa hemi no stret, olketa gohed nao fo sensim mining blong olketa toktok blong Pol. An olketa duim semsamting tu long olketa nara toktok wea hemi stap long Buktambu. Bat long disfala wei, bae olketa barava mekem bikfala trabol kasem olketa seleva nao.
17Olketa fren, yufala save finis long olketa samting ya, so yufala mas keakea, nogud olketa laea blong olketa hu i no falom lo bae hemi pulum yufala, mekem yufala lusim strongfala biliv blong yufala. 18Bat evritaem, yufala mas letem kaenfala lav blong Masta an Sevia long yumi Jisas Kraes hemi grou strong long yufala, an yufala mas mekem save abaotem hem hemi grou strong tu. Yumi mekhae long hem distaem an olowe nao. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.