YOHANE 11
11
Ta ku pfuxiwa ka Lazaro eku feni.
1A ku ri ni munhu la vabyaka, a nga Lazaro wa Betaniya, wa muti wa Mariya na Marta makwavo. 2Kambe Mariya hi yena loyi a nga tota Hosi hi mafurha lama nun'hwelaka, a n'wi sula milenge hi misisi ya yena; kutani makwavo Lazaro a a vabya. 3Vamakwavo va rhuma eka Yesu va ku eka yena: “U nga vona, Hosi, loyi u n'wi rhandzaka wa vabya.” 4Kuteloko Yesu a swi twile, a ku: “Ku vabya loku, a ku yisi eku feni, kambe ku yisa eku dzuniseni ka Xikwembu, leswaku N'wana wa Xikwembu a dzunisiwa hakona.”
5Kambe Yesu a a rhandza Marta ni makwavo, na Lazaro. 6Kambe, hambi a twile leswaku wa vabya, a tshama masiku mambirhi kwalaho ingi a ri kona. 7Kutani ndzhaku ka swona, a ku eka vadyondzisiwa va yena: “A hi tlheleni hi ya eYudiya.” 8Vadyondzisiwa va ku eka yena: “Rabi, Vayuda va ha ku lava ku ku khandla hi maribye, kasi u engeta u tlhelela kona xana?” 9Yesu a hlamula, a ku: “Xana mikarhi ya siku rin'we a hi khume na mambirhi xana? Loko munhu a famba ninhlekanhi, a nga ka a nga khunguvanyeki, hikuva u vona ku vonakala ka misava leyi; 10kambe loko munhu a famba nivusiku, a nga khunguvanyeka, hikuva a ku na ku vonakala eka yena.”
11Kuteloko a vulavule sweswo, a ku eka vona: “Lazaro, murhandziwa wa hina, u etlele, kambe ndzi ta ya n'wi pfuxa.” 12Kutani vadyondzisiwa va ku eka yena: “Hosi, loko a etlele, u ta hanya.” 13Kasi Yesu a a vula ku fa ka yena; kambe vona a va anakanya leswaku u vula vurhongo byinene. 14Kutani Yesu a va hlamusela, a ku: “Lazaro u file, 15kutani ndzi tsakile hikwalaho ka n'wina, leswi ngi a ndzi nga ri kona, leswaku mi pfumela; kambe a hi yeni eka yena.” 16Tomasi, lo va ngi Didima, a ku eka vanakulobye: “A hi yeni na hina, hi ta fa na yena.”
17Yesu, kuteloko a fikile, a n'wi kuma a ri ni mune wa masiku esirheni. 18Kambe Betaniya a a ri ekusuhi na Yerusalema, a ku lava ku va mpfhuka wa tistadiya ta khume na ntlhanu. 19Kambe Vayuda lavo tala a va tile eka Marta ni ka Mariya ku ta va chavelela hikwalaho ka makwavo.
20Kuteloko Marta a twile leswaku Yesu wa ta, a ya hlangana na yena; kambe Mariya a tshamisa endlwini. 21Kutani Marta a ku eka Yesu: “Hosi, loko ngi a wu ri kona, ingi makwerhu a nga fanga. 22Kambe ndza swi tiva ni sweswi, leswaku hinkwaswo leswi u nga ta swi kombela eka Xikwembu, Xikwembu xi ta ku nyika swona.” 23Yesu a ku eka yena: “Makwenu u ta pfuka.” 24Marta a ku eka yena: “Ndza swi tiva leswaku u ta pfuka hi siku ra makumu, eku pfukeni ka vafi.” 25Yesu a ku eka yena: “Hi mina ku pfuka ni vutomi; la pfumelaka eka mina, hambi a file, u ta hanya. 26Un'wana ni un'wana la hanyaka, a va a pfumela eka mina, a nga ka a nga fi, ni siku ni rin'we. Xana wa pfumela sweswo xana?” 27A ku eka yena: “Ina, Hosi, ndza pfumela leswaku hi wena Kriste, N'wana wa Xikwembu, loyi a fanekeleke ku ta emisaveni.”
28Kuteloko a vurile sweswo, a ya vitana Mariya makwavo exihundleni a ku: “Mufundhisi u kona, wa ku vita.” 29Kuteloko Mariya a swi twa, a hatlisa a suka, a ta eka yena. 30Kambe Yesu a a nga si fika emutini, a a ha tshamisile laha Marta a nga hlangana na yena kona. 31Kutani Vayuda lava ngi va ri endlwini na yena, va n'wi chavelela; loko va n'wi vona a suka hi ku hatlisa a humela ehandle, va n'wi landzela, va ku: “A ya esirheni ku ya rila kona.” 32Kuteloko Mariya a fikile laha Yesu ingi a ri kona, a n'wi vona, kutani a tiwisela emilengeni ya yena, a ku eka yena: “Hosi, loko ngi a wu ri kona, ingi makwerhu a nga fanga.” 33Yesu loko a n'wi vona a ri karhi a rila, ni Vayuda lava nga n'wi heleketa va rila na vona, a tlhaveka emoyeni, a twa ku vaviseka, a ku: “Mi n'wi veke kwihi?” 34Va ku eka yena: “Tana Hosi, u ta vona.” 35Kutani Yesu a rila.
36Kavaloko Vayuda va ku: “Vonani! A a n'wi rhandzisa ku yini!” 37Van'wana exikarhi ka vona va ku: “Yeloyi a nga hanyanyisa mahlo ya lavo fa mahlo, u tsandzekile ha yini ku endla leswaku na yena munhu loyi a nga tshuki a fa xana?”
38Yesu a engeta a tlhaveka embilwini ya yena, a ya esirheni. Kambe sirha a ri ri bakwa, kutani ribye a ri pfarile nyangwa ya rona. 39Yesu a ku: “Susani ribye.” Marta, makwavo wa mufi, a ku eka yena: “Hosi, kambe wa nun'hwa, hikuva u ni mune wa masiku a ri kwala.” 40Yesu a ku eka yena: “Xana a ndzi ku byelanga leswaku loko u pfumela u ta vona ku kwetsima ka Xikwembu xana?” 41Kavaloko va susa ribye, laha mufi ingi a vekiwile kona; kutani Yesu a tlakusela mahlo ehenhla, a ku: “Tatana, ndza ku khensa hikuva u ndzi yingisile. 42Ndza swi tiva leswaku wa ndzi yingisa hi masiku kambe ndzi vurisa sweswo hikwalaho ka ntshungu lowu ndzi rhendzeleke, leswaku va pfumela leswaku hi wena la ndzi rhumeke.” 43Kuteloko a vule sweswo, a huwelela hi rito lerikulu, a ku: “Lazaro, humela ehandle!” 44Kutani mufi a huma a tsondzeriwe milenge ni mavoko hi tinguvu; emombyeni, a funengetiwe hi duku. Yesu a ku eka vona: “N'wi tshunxeni a tifambela.”
45Lavo tala eka Vayuda lava teke eka Mariya, loko va vona leswi Yesu a swi endleke, va pfumela eka yena. 46Kambe van'wana exikarhi ka vona va ya eka Vafarisi, va va byela leswi Yesu a swi endleke.
47Kutani vaprista lavakulu ni Vafarisi va hlengeleta huvo, va ku: “Hi ta endla yini leswi munhu loyi a endlaka masingita layo tala? 48Loko hi n'wi tshika a endla sweswo, hinkwavo va ta pfumela eka yena, kutani Varhoma va ta ta lovisa muti wa hina ni tiko ra hina.” 49Un'wana wa vona, Kayafasi, loyi ngi a ri muprista lonkulu hi lembe rero, a ku eka vona: 50“N'wina, a mi tivi nchumu, a mi ehleketi leswaku swi nga saseka eka hina loko munhu a ri un'we a fela tiko, tiko hinkwaro ri nga tshuki ri lova.” 51Kambe a nga vurisanga sweswo a tisungulela, kambe, hikuva a a ri muprista lonkulu hi lembe rero, a bvumbha leswaku Yesu u fanele ku fela tiko; 52ku nga ri ku fela tiko ntsena, kambe hileswaku, a hlengeleta swin'we vana va Xikwembu lava hangalakeke.
53Ku sungula siku rero, va kanela swin'we leswaku va ta n'wi dlaya. 54Hikwalaho, Yesu a nga ha tshamanga a famba erivaleni, exikarhi ka Vayuda; kambe a suka kwalaho, a ya etikweni leri nga ekusuhi ni mananga emutini lowu vuriwaka Efrayimi, a ya tshama kona ni vadyondzisiwa va yena.
55Paseka ya Vayuda a yi ri ekusuhi, kutani lavo tala va suka etikweni va tlhandlukela eYerusalema, ku ya tibasisa kona, Paseka yi nga si fika. 56Kutani va lava Yesu, va yima etempeleni, va vutisana, va ku: “N'wina-ke loko mi anakanya, mi ri yini? Xana a nga ka a nga ti enkhubyeni?” 57Kambe vaprista lavakulu ni Vafarisi a va endlile nawu leswaku loko munhu a tiva laha a nga kona, a va tivisa, leswaku a ta khomiwa.
Currently Selected:
YOHANE 11: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
YOHANE 11
11
Ta ku pfuxiwa ka Lazaro eku feni.
1A ku ri ni munhu la vabyaka, a nga Lazaro wa Betaniya, wa muti wa Mariya na Marta makwavo. 2Kambe Mariya hi yena loyi a nga tota Hosi hi mafurha lama nun'hwelaka, a n'wi sula milenge hi misisi ya yena; kutani makwavo Lazaro a a vabya. 3Vamakwavo va rhuma eka Yesu va ku eka yena: “U nga vona, Hosi, loyi u n'wi rhandzaka wa vabya.” 4Kuteloko Yesu a swi twile, a ku: “Ku vabya loku, a ku yisi eku feni, kambe ku yisa eku dzuniseni ka Xikwembu, leswaku N'wana wa Xikwembu a dzunisiwa hakona.”
5Kambe Yesu a a rhandza Marta ni makwavo, na Lazaro. 6Kambe, hambi a twile leswaku wa vabya, a tshama masiku mambirhi kwalaho ingi a ri kona. 7Kutani ndzhaku ka swona, a ku eka vadyondzisiwa va yena: “A hi tlheleni hi ya eYudiya.” 8Vadyondzisiwa va ku eka yena: “Rabi, Vayuda va ha ku lava ku ku khandla hi maribye, kasi u engeta u tlhelela kona xana?” 9Yesu a hlamula, a ku: “Xana mikarhi ya siku rin'we a hi khume na mambirhi xana? Loko munhu a famba ninhlekanhi, a nga ka a nga khunguvanyeki, hikuva u vona ku vonakala ka misava leyi; 10kambe loko munhu a famba nivusiku, a nga khunguvanyeka, hikuva a ku na ku vonakala eka yena.”
11Kuteloko a vulavule sweswo, a ku eka vona: “Lazaro, murhandziwa wa hina, u etlele, kambe ndzi ta ya n'wi pfuxa.” 12Kutani vadyondzisiwa va ku eka yena: “Hosi, loko a etlele, u ta hanya.” 13Kasi Yesu a a vula ku fa ka yena; kambe vona a va anakanya leswaku u vula vurhongo byinene. 14Kutani Yesu a va hlamusela, a ku: “Lazaro u file, 15kutani ndzi tsakile hikwalaho ka n'wina, leswi ngi a ndzi nga ri kona, leswaku mi pfumela; kambe a hi yeni eka yena.” 16Tomasi, lo va ngi Didima, a ku eka vanakulobye: “A hi yeni na hina, hi ta fa na yena.”
17Yesu, kuteloko a fikile, a n'wi kuma a ri ni mune wa masiku esirheni. 18Kambe Betaniya a a ri ekusuhi na Yerusalema, a ku lava ku va mpfhuka wa tistadiya ta khume na ntlhanu. 19Kambe Vayuda lavo tala a va tile eka Marta ni ka Mariya ku ta va chavelela hikwalaho ka makwavo.
20Kuteloko Marta a twile leswaku Yesu wa ta, a ya hlangana na yena; kambe Mariya a tshamisa endlwini. 21Kutani Marta a ku eka Yesu: “Hosi, loko ngi a wu ri kona, ingi makwerhu a nga fanga. 22Kambe ndza swi tiva ni sweswi, leswaku hinkwaswo leswi u nga ta swi kombela eka Xikwembu, Xikwembu xi ta ku nyika swona.” 23Yesu a ku eka yena: “Makwenu u ta pfuka.” 24Marta a ku eka yena: “Ndza swi tiva leswaku u ta pfuka hi siku ra makumu, eku pfukeni ka vafi.” 25Yesu a ku eka yena: “Hi mina ku pfuka ni vutomi; la pfumelaka eka mina, hambi a file, u ta hanya. 26Un'wana ni un'wana la hanyaka, a va a pfumela eka mina, a nga ka a nga fi, ni siku ni rin'we. Xana wa pfumela sweswo xana?” 27A ku eka yena: “Ina, Hosi, ndza pfumela leswaku hi wena Kriste, N'wana wa Xikwembu, loyi a fanekeleke ku ta emisaveni.”
28Kuteloko a vurile sweswo, a ya vitana Mariya makwavo exihundleni a ku: “Mufundhisi u kona, wa ku vita.” 29Kuteloko Mariya a swi twa, a hatlisa a suka, a ta eka yena. 30Kambe Yesu a a nga si fika emutini, a a ha tshamisile laha Marta a nga hlangana na yena kona. 31Kutani Vayuda lava ngi va ri endlwini na yena, va n'wi chavelela; loko va n'wi vona a suka hi ku hatlisa a humela ehandle, va n'wi landzela, va ku: “A ya esirheni ku ya rila kona.” 32Kuteloko Mariya a fikile laha Yesu ingi a ri kona, a n'wi vona, kutani a tiwisela emilengeni ya yena, a ku eka yena: “Hosi, loko ngi a wu ri kona, ingi makwerhu a nga fanga.” 33Yesu loko a n'wi vona a ri karhi a rila, ni Vayuda lava nga n'wi heleketa va rila na vona, a tlhaveka emoyeni, a twa ku vaviseka, a ku: “Mi n'wi veke kwihi?” 34Va ku eka yena: “Tana Hosi, u ta vona.” 35Kutani Yesu a rila.
36Kavaloko Vayuda va ku: “Vonani! A a n'wi rhandzisa ku yini!” 37Van'wana exikarhi ka vona va ku: “Yeloyi a nga hanyanyisa mahlo ya lavo fa mahlo, u tsandzekile ha yini ku endla leswaku na yena munhu loyi a nga tshuki a fa xana?”
38Yesu a engeta a tlhaveka embilwini ya yena, a ya esirheni. Kambe sirha a ri ri bakwa, kutani ribye a ri pfarile nyangwa ya rona. 39Yesu a ku: “Susani ribye.” Marta, makwavo wa mufi, a ku eka yena: “Hosi, kambe wa nun'hwa, hikuva u ni mune wa masiku a ri kwala.” 40Yesu a ku eka yena: “Xana a ndzi ku byelanga leswaku loko u pfumela u ta vona ku kwetsima ka Xikwembu xana?” 41Kavaloko va susa ribye, laha mufi ingi a vekiwile kona; kutani Yesu a tlakusela mahlo ehenhla, a ku: “Tatana, ndza ku khensa hikuva u ndzi yingisile. 42Ndza swi tiva leswaku wa ndzi yingisa hi masiku kambe ndzi vurisa sweswo hikwalaho ka ntshungu lowu ndzi rhendzeleke, leswaku va pfumela leswaku hi wena la ndzi rhumeke.” 43Kuteloko a vule sweswo, a huwelela hi rito lerikulu, a ku: “Lazaro, humela ehandle!” 44Kutani mufi a huma a tsondzeriwe milenge ni mavoko hi tinguvu; emombyeni, a funengetiwe hi duku. Yesu a ku eka vona: “N'wi tshunxeni a tifambela.”
45Lavo tala eka Vayuda lava teke eka Mariya, loko va vona leswi Yesu a swi endleke, va pfumela eka yena. 46Kambe van'wana exikarhi ka vona va ya eka Vafarisi, va va byela leswi Yesu a swi endleke.
47Kutani vaprista lavakulu ni Vafarisi va hlengeleta huvo, va ku: “Hi ta endla yini leswi munhu loyi a endlaka masingita layo tala? 48Loko hi n'wi tshika a endla sweswo, hinkwavo va ta pfumela eka yena, kutani Varhoma va ta ta lovisa muti wa hina ni tiko ra hina.” 49Un'wana wa vona, Kayafasi, loyi ngi a ri muprista lonkulu hi lembe rero, a ku eka vona: 50“N'wina, a mi tivi nchumu, a mi ehleketi leswaku swi nga saseka eka hina loko munhu a ri un'we a fela tiko, tiko hinkwaro ri nga tshuki ri lova.” 51Kambe a nga vurisanga sweswo a tisungulela, kambe, hikuva a a ri muprista lonkulu hi lembe rero, a bvumbha leswaku Yesu u fanele ku fela tiko; 52ku nga ri ku fela tiko ntsena, kambe hileswaku, a hlengeleta swin'we vana va Xikwembu lava hangalakeke.
53Ku sungula siku rero, va kanela swin'we leswaku va ta n'wi dlaya. 54Hikwalaho, Yesu a nga ha tshamanga a famba erivaleni, exikarhi ka Vayuda; kambe a suka kwalaho, a ya etikweni leri nga ekusuhi ni mananga emutini lowu vuriwaka Efrayimi, a ya tshama kona ni vadyondzisiwa va yena.
55Paseka ya Vayuda a yi ri ekusuhi, kutani lavo tala va suka etikweni va tlhandlukela eYerusalema, ku ya tibasisa kona, Paseka yi nga si fika. 56Kutani va lava Yesu, va yima etempeleni, va vutisana, va ku: “N'wina-ke loko mi anakanya, mi ri yini? Xana a nga ka a nga ti enkhubyeni?” 57Kambe vaprista lavakulu ni Vafarisi a va endlile nawu leswaku loko munhu a tiva laha a nga kona, a va tivisa, leswaku a ta khomiwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.