Matthew 1
1
Sizi Gri ꞌubé dinzutne
1Ndi ꞌudustlꞌus ꞌukꞌeguz-i ꞌet ndutni, ꞌi be Sizi Gri ꞌen ꞌubé dinzutne ꞌuhíntꞌoh, ꞌi Sizi David tsꞌu hainzut. David ꞌen Abraham tsꞌu hainzut-un ꞌuntꞌoh.
2Abraham ꞌen Isaac oobá ꞌuntꞌoh.
Isaac ꞌen Jacob oobá ꞌuntꞌoh.
Jacob ꞌen Judah ꞌinkꞌez bulhutsinke bubá ꞌuntꞌoh.
3Judah ꞌen nyoon tsꞌeke Tamar ꞌen be Perez ꞌinkꞌez Zerah bubá ꞌuntꞌoh.
Perez Hezron oobá ꞌinkꞌez Hezron Ram oobá ꞌuntꞌoh.
4Ram ꞌen Amminadab oobá.
Amminadab Nashon oobá,
ꞌinkꞌez Nashon Salmon oobá ꞌuntꞌoh.
5Salmon ooꞌat Rahab ꞌen be Boaz oobá. Boaz Ruth ꞌen be Obed oobá.
ꞌInkꞌez Obed Jesse oobá ꞌuntꞌoh.
6Jesse lerwe David oobá.
ꞌEt lerwe David, mbe la Uriah ooꞌat inleꞌ-un, ꞌen be Solomon oobá ꞌuntꞌoh.
7Solomon Rehoboam oobá.
Rehoboam Abijah oobá,
ꞌinkꞌez Abijah Asa oobá ꞌuntꞌoh.
8Asa Jehoshaphat oobá.
Jehoshaphat Joram oobá,
ꞌinkꞌez Joram Uzziah oobá ꞌuntꞌoh.
9Uzziah Jotham oobá.
Jotham Ahaz oobá,
ꞌinkꞌez Ahaz Hezekiah oobá ꞌuntꞌoh.
10Hezekiah Manasseh oobá.
Manasseh Amon oobá,
ꞌinkꞌez Amon Josiah oobá ꞌuntꞌoh.
11ꞌOh daꞌ ꞌoh whuya whudizulh whe tsꞌiyanne dune keyoh whuti Babylon tsꞌe whebuhanla, ꞌet Josiah ꞌen Jeconiah ꞌinkꞌez bulhutsinke ꞌenne bubá ꞌuntꞌoh.
12Keyoh whuti Babylon whuz whebuhanla hukwꞌelhꞌaz ꞌet Jaconiah Shealtiel oobá ꞌuntꞌoh.
Shealtiel Zurubbabel oobá ꞌuntꞌoh.
13Zerubbabel Abiud oobá.
Abiud Eliakim oobá,
ꞌinkꞌez Eliakim Azor oobá ꞌuntꞌoh.
14Azor Zadok oobá.
Zadok Achim oobá,
ꞌinkꞌez Achim Eliud oobá ꞌuntꞌoh.
15Eliud Eleazor oobá.
Eleazor Matthan oobá,
ꞌinkꞌez Matthan Jacob oobá ꞌuntꞌoh.
16Jacob Joseph oobá ꞌuntꞌoh.
ꞌEn Mary ooki ꞌinkꞌez Mary be Sizi whuzdli. ꞌEn Gri huyulhni.
17ꞌInka Abraham David whutsꞌun, ꞌenne tsꞌiyawh whunizyat ꞌon ꞌat dit-un bubé dindene ꞌuhintꞌoh. ꞌInkꞌez David ꞌoh daꞌ whudizulh whe tsꞌiyanne keyoh whutꞌenne Babylon tsꞌe whebuhanla whutsꞌun, ꞌenne tsꞌiyawh whunizyat ꞌon ꞌat dit-un bubé dindene hinli. ꞌInkꞌez ꞌoh daꞌ whudizulh whe tsꞌiyanne keyoh Babylon tsꞌe whebuhanla ꞌet hukwꞌelhꞌaz dichꞌoh dukeyoh yun kꞌut Judah, whuz whenáhidil, Gri ꞌet whutsꞌun, ꞌenne tsꞌiyawh whunizyat ꞌon ꞌat dit-un bubé dindene hinli whe hintꞌoh.
Sizi Gri whuzdli-un
18ꞌEt Sizi Gri whuzdli-un, ndiz unꞌa ꞌuhooja. Ooloo Mary ꞌen Joseph yughu tidalh ha lhahódinla, yughu tidalh whutso whe ꞌet nahoonꞌai ꞌudaꞌ tsꞌoodun ba ꞌuntꞌoh. Ndoni, be ꞌuja. 19ꞌEt ndun Joseph tsꞌihꞌun dune unli, ꞌet huwa lhgho tikelh tsꞌiyanne toh yooya yoolhtselh whuchꞌa dudeni lhaidinla. ꞌInkꞌez whuꞌiz yuchꞌa natidalh hukwaꞌ ninzun.
20ꞌEt howu nuni nuzut whe huwa nusúti whe neMoodihti oolizas ꞌen yulhni, “Joseph David ootsꞌu hainzut-un inli. Wheniljut iloh whe Mary nꞌat tileh. Ndun tsꞌoodun Ndoni be yuchainya whe ꞌuntꞌoh. 21Ooyaz, duneyaz tileh. Booziꞌ ooghá donꞌalh. Sizi dóniꞌ. ꞌEn ꞌutinelh tsꞌiyanne lubeshi chꞌa ꞌubutilhyih.”
22NeMoodihti ooba nus hooꞌen-un, ꞌen be njan ꞌoh túneꞌ whustꞌen. ꞌEt nyoon nus hooꞌen-un njan ndutni, 23“Whunulhꞌen ndun tsꞌeke ꞌaw dune tꞌenuszun-un tsꞌoodun ba ꞌuja, ꞌinkꞌez ooyaz dune tileh, booziꞌ Emmanuel hidutánelh, Yakꞌusda nebulh ꞌúntꞌoh, ni whe ꞌutni.”
24ꞌInka Joseph tsꞌe nandzut ꞌet neMoodihti oolizas daja yulhni la, ꞌoh tuneꞌ ꞌustꞌen ꞌinkꞌez Mary yilhchoot ooꞌat yutáleh ha. 25ꞌUdechoo ooyaz whutileh tꞌeoonanzin ꞌet whutsꞌun ꞌaw yutꞌálhasnai. OoYaz whuzdli, ꞌet ꞌandit za soo yughusda. ꞌInkꞌez Tsꞌoodun booziꞌ yughá dinꞌai Sizi yulhni.
Currently Selected:
Matthew 1: crx
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.