John 12
12
Soo ꞌudekꞌez Sizi Jerusalem tsꞌe tizya
1Dzenis whuti Butus Lhuseya huwhútni-un ꞌawhuz lhkꞌu tat dzin whuzꞌai, ꞌet Sizi keyoh wheyaz Bethany ꞌet ꞌuja Lazarus dazsai whe yaidlane toh dunaidilhti inleꞌ, ꞌet Lazarus whutꞌi, whuz oozya. 2ꞌEt hulhgha naꞌtitꞌulh wheni hiba lhadúja. Martha ꞌen buba hukwꞌeꞌile. ꞌEt Lazarus ꞌen cha bubulh naꞌutꞌalh. 3ꞌEt Mary lubot dizbun atꞌen, kꞌunutsꞌújul soo díztiꞌ-i, ꞌughih nard huyulhni, ꞌi utahaltsus-i whusayánꞌai. ꞌI be Sizi yuke yulhlho ꞌinkꞌez dutsighaꞌ be yunaꞌalhde. Yoh ndulcho whe kꞌunutsꞌújul be soo whultsun suliꞌ.
4ꞌEt ꞌilhoghun yugha hodulꞌeh-un Judas Iscariot, Simon ooyeꞌ, ꞌen ꞌutinelh yeꞌ óotakulh-un, 5ꞌen ꞌutni, “Di ha ndi kꞌunutsꞌújul be lhéꞌoohkulh ꞌinkꞌez telꞌenne gha lhúzahdzaih? Tube díztiꞌ whe ꞌuntꞌoh!” ni.#12:5 Telꞌenne ba ꞌilhu yus kꞌut yukꞌelha ꞌitꞌen, ꞌet ꞌultsuk. 6ꞌEt ꞌaw telꞌenne buba dátni iloh huwa ꞌet ndutni, ꞌundunutꞌih-un unli ꞌinkꞌez sooneya zus ndai la be yúkat-i, didut buba nuyáꞌa, ꞌinkꞌez hukwaꞌ ninzun totsuk ndai la be yúkat-i ꞌantsꞌi yilhchuk, ꞌinka ꞌutni.
7ꞌEt Sizi ꞌutni, “Ndun tsꞌeke ootsꞌá ha lhozahꞌai, ndi ꞌasotilhtelh dzin wheni, ꞌet yálhꞌaꞌ ꞌi ꞌuntꞌoh. 8Telꞌenne ꞌahoolhyiz nohbulh ꞌúhintꞌoh, ꞌet si ꞌahoolhyiz wheni iloh nohbulh ꞌútistꞌelh.”
9Lizwifne Sizi ꞌet usda tꞌéhonanzin whe, soo tube lhane ꞌilhozdílne whusahándil. ꞌAw Sizi ꞌen gha za iloh, Lazarus mbe daꞌ Sizi dunaidilhti inleꞌ, ꞌen huyuntilhꞌelh ha. 10ꞌEt lubret bumoodihne ꞌilhuhozdil Lazarus ꞌen cha hituzilhghelh ꞌet howu yahutilhduk wheni. 11ꞌEn oogha tube lhane Lizwifne bube ꞌutꞌen kꞌoh whuchꞌa huzdil ꞌinkꞌez Sizi ꞌen ghun buba ꞌalhaꞌ yintꞌoh, ꞌinka Lazarus hituzilhghelh hukwaꞌ huninzun.
Sizi Jerusalem ninya
12ꞌEt ꞌom bun dzin lhane ꞌilhozdílne dzenis whuti wheni Jerusalem tsꞌu hoozdil Sizi huyúlh ꞌúdantsꞌo whuz de úyalh hutni ꞌinka. 13ꞌUl hudílhchoot ꞌinkꞌez ꞌi hidilelh whe hidudizdil ꞌinkꞌez tube cho ꞌuhutni,
“Yakꞌusda ooba whudúlhtiꞌ!
Mbe la neMoodihti booziꞌ gha whusaínya-un,
ꞌen ꞌukꞌenus hoonzoo-un oogha whultsꞌut!
ꞌEn Israel ootsꞌu haindene bulerwe ꞌuntꞌoh!”
14ꞌEt Sizi yeztliyaz hiba whusahúyalhti ꞌinkꞌez yukꞌetlꞌa didaꞌ. ꞌEt whundúlya whe ndi ꞌudaꞌ ooghun ꞌukꞌuneꞌ ꞌúsguz-i, ꞌi ndutni,
15“Zion#12:15 Njan Zion ni ꞌet Jerusalem keyoh ꞌet ꞌuwhulhni. whuzkehke nohdzi úlhtus ꞌulhtsi!
Nulhꞌen nohlerwe yeztliyaz kꞌut usda ꞌinkꞌez nohtsꞌun úyalh!”
16ꞌUdechoo whe Sizi yugha hodulꞌehne ꞌaw dudeni be tꞌéhonúszun nduwhi ꞌi ghun. ꞌEt yakꞌuz ooba whudáltiꞌ tsꞌe, whenája hukwꞌelhꞌaz ꞌet whunahilni nduwhi ooghun ꞌukꞌunéꞌ ꞌusguz-i ꞌet ndutni ꞌinkꞌez whe didut ꞌoh te neꞌhuyulꞌen.
17ꞌEt ndunne ꞌilhozdílne, mbene daꞌ yugha hodulꞌeh whe Lazarus yukahizya ꞌinkꞌez tsꞌun kꞌut yaidláne toh dunaidilhti whe hinalhꞌen inleꞌ, ꞌet howu yawhehunilhduk. 18ꞌEt ndunne ꞌilhozdílne hooncha túneꞌ ꞌustꞌen-un whulh ꞌúhudantsꞌo ꞌinka ꞌuhuja highu nindil. 19ꞌEt Phariseene dichꞌoh ꞌulhodutni, “Nulhꞌen! ꞌAw hoonli-unyaz lheꞌwhahlel! Ndi yun kꞌut dune, tsꞌiyawh huyúntizdil!”
Whulohne ꞌudun yun kꞌut whutꞌenne, ꞌenne cha Sizi hitiꞌelh hukwaꞌ huninzun!
20Mbene la dune Jerusalem tsꞌe tizdilne, ꞌenne butoh, whulohne Greekne chaꞌ hutꞌen. Dzenis whuti ꞌet Yakꞌusda tsꞌu teni ꞌuhuntilhzilh, ꞌet wheni. 21Philip, ꞌen keyoh Bethsaida, Galilee yun kꞌut whuzꞌai, ꞌen highu nindil ꞌinkꞌez ꞌuhuyúlhni, “Wheni cha Sizi uztiꞌelh hukwa ꞌuzninzun.” 22ꞌEt Philip, Andrew yughu ninya ꞌinkꞌez yudániꞌ, ꞌinkꞌez Andrew Philip bulh Sizi hidániꞌ.
23ꞌEt Sizi ubúlhni, “ꞌAwet Yinka Dune Yeꞌ ooba whudutáltiꞌ-un, ꞌet whusahónzut. 24Soo tsꞌihꞌun unꞌa nohdúsni, ha nuyeh-i oomaiꞌ ꞌaw yun kꞌut nálhniltsꞌulh de, dantꞌoh la ꞌet za ndutitꞌelh. ꞌEt hoontsꞌi yun kꞌut ánisꞌai de, soo lhai oomaiꞌ-i, ꞌi ooghu ha náyuntijeh.#12:24 Ndi ha niyeh oomaiꞌ-i, ꞌi Sizi Gri ndultꞌoh, ꞌinkꞌez ndi oomaiꞌ gha ha nányih-i, ꞌi mbene la buba ꞌalhaꞌ yintꞌohne ꞌuhintꞌoh, ni whe ꞌutni. 25Mbe la dune ye khuna-i yukꞌentsiꞌ de, ꞌet de ye khúna-i ninta itáꞌalh whe ꞌuntꞌoh. ꞌEt hoontsꞌi mbe la ndi yun kꞌut ye khúna-i ooba ꞌantsꞌi yintꞌoh de, yootatun whe ꞌilhiz ooleꞌ khutinalh. 26Mbe la sba néꞌutꞌen de, ꞌenne suntooyaꞌ ꞌinkꞌez ntsꞌe la ꞌustꞌoh-un, ꞌet la oodaꞌ. Mbe la sba neꞌutꞌen unlí-un, ꞌen SBá bubudutálhtiꞌ.”
Sizi datitsah-un howu yalhduk
27“ꞌAndit tube szul ba ndo haꞌ hootꞌen, ꞌinkꞌez daja doosniꞌ suba? SBá njan stsꞌun whudiltsꞌulh-un whuchꞌa sla ꞌineh doosniꞌ eh? ꞌAwundooh! Njan stsꞌun whudiltsꞌulh-un, ꞌet wheni whusásya. 28‘SBá nyooziꞌ ꞌon nus diztiꞌ ílhtsi.’” ꞌEt yakꞌuz whutsꞌun khuni huduztsꞌai, “ꞌUdaꞌ sooziꞌ dastiꞌ ꞌinkꞌez doo cha za ꞌon ꞌun dutástiꞌ,” whutni.
29Whulohne ꞌilhunaoosdílne, ꞌet nódilhya ꞌinkꞌez hodántsꞌo. ꞌEt ꞌulhodútni, “Ditni disnih!” ꞌEt whulohne, “Lizas yulh yátilhduk whe ꞌuwhutni,” hutni.
30ꞌEt Sizi ꞌubulhni, “Ndi khuni huduztsꞌai dáhtsꞌo-i, ꞌaw si sba iloh ꞌuwhutni, nohni nohba ꞌuwhutni. 31ꞌAndit ꞌawet yinka whuduneꞌne buba nahutideh ꞌinkꞌez whutsodaꞌ ndi yun kꞌut humoodih,#12:31 Ndi yun kꞌut humoodih, ꞌen netsudule ꞌuntꞌoh. ꞌen ꞌilhiz ꞌun hítinoh. 32ꞌInkꞌez ndi yun kꞌut dubeꞌ sodunintan de, ꞌet de tsꞌiyanne tsꞌúbun tiztꞌi.”#12:32 Dubeꞌ hidunintan ni, ꞌet tulalhgus ꞌulhni whe ꞌutni. 33ꞌEt ndutni whe ntsꞌenꞌa la datítsah, ꞌet bunalh ni whe ꞌutni.
34ꞌEt ꞌilhunaoosdílne ꞌuhuyulhni, “Moses ꞌukꞌu néyuzguz inleꞌ-i, ꞌi gha whulh ꞌúzditsꞌo ndun Gri ꞌen ꞌilhiz khutinalh. ꞌInkꞌez dálhtiꞌ ꞌudini ꞌet Yinka Dune Yeꞌ, ꞌen whe beꞌ dutáltsiꞌ dini? Mbe whe ꞌuntꞌoh ndun Yinka Dune Yeꞌ?” hutni.
35ꞌEt Sizi ꞌubulhni, “ꞌAwhuz dzoh saꞌyaz whuzꞌai ꞌet ndi be hóotꞌen-i nohbulh ꞌútitꞌelh. ꞌAwhuz ndi be hóotꞌen-i nohbulh ꞌúntꞌoh whe ꞌahdulh za ꞌahtꞌen. ꞌEt nduhtꞌen de, ꞌaw tsalhgus nohkꞌédoltsꞌit ꞌaítꞌoh. Mbene la tsalhgus yo udúlhne ꞌaw ntsꞌe hidulh tꞌéhonúszun. 36Dáwhuldzoh la ndi be hóotꞌen-i ꞌahtꞌí-i, ꞌinkꞌez nohba ꞌalhaꞌ ooteꞌ, ꞌet de be hóotꞌen-i buzkeh tihleh.” ꞌEt Sizi ndubulhni hukwꞌelhꞌaz, bughu whenája ꞌinkꞌez buchꞌa untilhꞌi.
37Tube ꞌutꞌen-i uncha-i bunalh ꞌalhꞌen ꞌet hoontsꞌi ꞌaw buba ꞌalhaꞌ lheꞌítꞌoh. 38ꞌEt nus hóoꞌen-un Isaiah ꞌukꞌu néyuzguz-i, ꞌi gha whuz unꞌa ꞌoh te neꞌwhustꞌen. Njan ndutni whe ꞌukꞌuneꞌ ꞌúzguz,
“Moodihti ndi khuni whutlꞌazdanꞌai-i mbe za ooba ꞌalhaꞌ yintꞌoh?
NeMoodihti yé ulhtus-i mbe tsꞌun yunaꞌdunilhtan?”
39ꞌEt huwa cha buba ꞌalhaꞌ lheꞌhóotꞌoh, Isaiah doo cha ndutni ꞌet huwa,
40“Yakꞌusda buna cha hoohoos̱ꞌen ꞌubulhtsi,
ꞌinkꞌez budzi cha dutsꞌun yulhtsi.
ꞌEt ꞌaw duna be huhooꞌen ꞌaítꞌoh
ꞌinkꞌez budzi be ꞌaw tꞌehononozin aitꞌoh.
‘Soo naꞌbutisdlelh huba stsꞌun nahoolyeh aitꞌoh,’ ni Yakꞌusda.”
41ꞌEt Isaiah Yakꞌusda yé diztiꞌ-i yunalhꞌen whe ꞌet yughun ndutni inleꞌ.
42ꞌEt hoontsꞌi lhane dune ando ꞌuntꞌohne, ꞌenne Sizi buba ꞌalhaꞌ yintꞌoh, ꞌet hoontsꞌi ꞌaw hudooniꞌ ꞌaítꞌoh. ꞌEt nduhtni de, Phariseene Lizwifne bulugliz whuchꞌa ꞌilhiz tebohoneh la ꞌet whe hunuljut. 43ꞌEnne dune ubudílhtiꞌ-un, ꞌet Yakꞌusda ubúdutálhtiꞌ-un whanus huhóontꞌiꞌ.
44ꞌEt Sizi khuni ulhtus-i be ndutni, “Mbene la si buba ꞌalhaꞌ ꞌustꞌoh-un, ꞌaw si sghun za íloh, mbe la whuz de sútilhꞌaꞌ-un, ꞌen buba ꞌalhaꞌ yintꞌoh. 45ꞌInkꞌez mbe la sunilhꞌén-un, ꞌenne mbe la whuz de sútilhꞌaꞌ-un, ꞌen yunilhꞌen. 46Yinka whuduneꞌne ba be hóotꞌen-i ꞌet hukwa ndi yun kꞌut nenúsya. ꞌEt huwa mbe la ooba ꞌalhaꞌ ꞌustꞌoh-un, ꞌaw tsálhgus yo hudoltsꞌiꞌ ꞌaítꞌoh.
47ꞌInkꞌez mbe la sghuni hiditsꞌo hoontsꞌi buba ꞌalhaꞌ lheꞌyítꞌoh de, ꞌaw buba nahoosyeh ꞌaítꞌoh. Ndi yun kꞌut whuduneꞌne buba nahutisyeh íloh ha whusásya, ubutisyih ha whusásya. 48Mbene la stsꞌu disnihne ꞌinkꞌez ꞌaw sghuni lhuyílhchulh, ꞌilhoghun ꞌen buba nahutiyeh. Ndi khuni be nohbulh yasduk-i, ꞌi khuni za ꞌudekꞌez dzin de be nohba nahutideh. 49ꞌAw sichꞌoh iloh yasduk. SBá, mbe la whuz de sútilhꞌaꞌ-un, ꞌen didutchꞌoh khuni yutulhúhizyeꞌ-i, ꞌi stlꞌa ídanꞌai daja doosniꞌ whe yaoosduk ꞌet wheni. 50ꞌInkꞌez tꞌéwhunúszun ndi khuni yutulhúhizyeꞌ-i, ꞌi gha ꞌilhiz be khútna-i unli. ꞌInka ndai la sichꞌoh be yásduk-i, ntsꞌenꞌa la sBá sudániꞌ-un, si cha whuz unꞌa za yasduk,” ubúlhni.
Currently Selected:
John 12: crx
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
John 12
12
Soo ꞌudekꞌez Sizi Jerusalem tsꞌe tizya
1Dzenis whuti Butus Lhuseya huwhútni-un ꞌawhuz lhkꞌu tat dzin whuzꞌai, ꞌet Sizi keyoh wheyaz Bethany ꞌet ꞌuja Lazarus dazsai whe yaidlane toh dunaidilhti inleꞌ, ꞌet Lazarus whutꞌi, whuz oozya. 2ꞌEt hulhgha naꞌtitꞌulh wheni hiba lhadúja. Martha ꞌen buba hukwꞌeꞌile. ꞌEt Lazarus ꞌen cha bubulh naꞌutꞌalh. 3ꞌEt Mary lubot dizbun atꞌen, kꞌunutsꞌújul soo díztiꞌ-i, ꞌughih nard huyulhni, ꞌi utahaltsus-i whusayánꞌai. ꞌI be Sizi yuke yulhlho ꞌinkꞌez dutsighaꞌ be yunaꞌalhde. Yoh ndulcho whe kꞌunutsꞌújul be soo whultsun suliꞌ.
4ꞌEt ꞌilhoghun yugha hodulꞌeh-un Judas Iscariot, Simon ooyeꞌ, ꞌen ꞌutinelh yeꞌ óotakulh-un, 5ꞌen ꞌutni, “Di ha ndi kꞌunutsꞌújul be lhéꞌoohkulh ꞌinkꞌez telꞌenne gha lhúzahdzaih? Tube díztiꞌ whe ꞌuntꞌoh!” ni.#12:5 Telꞌenne ba ꞌilhu yus kꞌut yukꞌelha ꞌitꞌen, ꞌet ꞌultsuk. 6ꞌEt ꞌaw telꞌenne buba dátni iloh huwa ꞌet ndutni, ꞌundunutꞌih-un unli ꞌinkꞌez sooneya zus ndai la be yúkat-i, didut buba nuyáꞌa, ꞌinkꞌez hukwaꞌ ninzun totsuk ndai la be yúkat-i ꞌantsꞌi yilhchuk, ꞌinka ꞌutni.
7ꞌEt Sizi ꞌutni, “Ndun tsꞌeke ootsꞌá ha lhozahꞌai, ndi ꞌasotilhtelh dzin wheni, ꞌet yálhꞌaꞌ ꞌi ꞌuntꞌoh. 8Telꞌenne ꞌahoolhyiz nohbulh ꞌúhintꞌoh, ꞌet si ꞌahoolhyiz wheni iloh nohbulh ꞌútistꞌelh.”
9Lizwifne Sizi ꞌet usda tꞌéhonanzin whe, soo tube lhane ꞌilhozdílne whusahándil. ꞌAw Sizi ꞌen gha za iloh, Lazarus mbe daꞌ Sizi dunaidilhti inleꞌ, ꞌen huyuntilhꞌelh ha. 10ꞌEt lubret bumoodihne ꞌilhuhozdil Lazarus ꞌen cha hituzilhghelh ꞌet howu yahutilhduk wheni. 11ꞌEn oogha tube lhane Lizwifne bube ꞌutꞌen kꞌoh whuchꞌa huzdil ꞌinkꞌez Sizi ꞌen ghun buba ꞌalhaꞌ yintꞌoh, ꞌinka Lazarus hituzilhghelh hukwaꞌ huninzun.
Sizi Jerusalem ninya
12ꞌEt ꞌom bun dzin lhane ꞌilhozdílne dzenis whuti wheni Jerusalem tsꞌu hoozdil Sizi huyúlh ꞌúdantsꞌo whuz de úyalh hutni ꞌinka. 13ꞌUl hudílhchoot ꞌinkꞌez ꞌi hidilelh whe hidudizdil ꞌinkꞌez tube cho ꞌuhutni,
“Yakꞌusda ooba whudúlhtiꞌ!
Mbe la neMoodihti booziꞌ gha whusaínya-un,
ꞌen ꞌukꞌenus hoonzoo-un oogha whultsꞌut!
ꞌEn Israel ootsꞌu haindene bulerwe ꞌuntꞌoh!”
14ꞌEt Sizi yeztliyaz hiba whusahúyalhti ꞌinkꞌez yukꞌetlꞌa didaꞌ. ꞌEt whundúlya whe ndi ꞌudaꞌ ooghun ꞌukꞌuneꞌ ꞌúsguz-i, ꞌi ndutni,
15“Zion#12:15 Njan Zion ni ꞌet Jerusalem keyoh ꞌet ꞌuwhulhni. whuzkehke nohdzi úlhtus ꞌulhtsi!
Nulhꞌen nohlerwe yeztliyaz kꞌut usda ꞌinkꞌez nohtsꞌun úyalh!”
16ꞌUdechoo whe Sizi yugha hodulꞌehne ꞌaw dudeni be tꞌéhonúszun nduwhi ꞌi ghun. ꞌEt yakꞌuz ooba whudáltiꞌ tsꞌe, whenája hukwꞌelhꞌaz ꞌet whunahilni nduwhi ooghun ꞌukꞌunéꞌ ꞌusguz-i ꞌet ndutni ꞌinkꞌez whe didut ꞌoh te neꞌhuyulꞌen.
17ꞌEt ndunne ꞌilhozdílne, mbene daꞌ yugha hodulꞌeh whe Lazarus yukahizya ꞌinkꞌez tsꞌun kꞌut yaidláne toh dunaidilhti whe hinalhꞌen inleꞌ, ꞌet howu yawhehunilhduk. 18ꞌEt ndunne ꞌilhozdílne hooncha túneꞌ ꞌustꞌen-un whulh ꞌúhudantsꞌo ꞌinka ꞌuhuja highu nindil. 19ꞌEt Phariseene dichꞌoh ꞌulhodutni, “Nulhꞌen! ꞌAw hoonli-unyaz lheꞌwhahlel! Ndi yun kꞌut dune, tsꞌiyawh huyúntizdil!”
Whulohne ꞌudun yun kꞌut whutꞌenne, ꞌenne cha Sizi hitiꞌelh hukwaꞌ huninzun!
20Mbene la dune Jerusalem tsꞌe tizdilne, ꞌenne butoh, whulohne Greekne chaꞌ hutꞌen. Dzenis whuti ꞌet Yakꞌusda tsꞌu teni ꞌuhuntilhzilh, ꞌet wheni. 21Philip, ꞌen keyoh Bethsaida, Galilee yun kꞌut whuzꞌai, ꞌen highu nindil ꞌinkꞌez ꞌuhuyúlhni, “Wheni cha Sizi uztiꞌelh hukwa ꞌuzninzun.” 22ꞌEt Philip, Andrew yughu ninya ꞌinkꞌez yudániꞌ, ꞌinkꞌez Andrew Philip bulh Sizi hidániꞌ.
23ꞌEt Sizi ubúlhni, “ꞌAwet Yinka Dune Yeꞌ ooba whudutáltiꞌ-un, ꞌet whusahónzut. 24Soo tsꞌihꞌun unꞌa nohdúsni, ha nuyeh-i oomaiꞌ ꞌaw yun kꞌut nálhniltsꞌulh de, dantꞌoh la ꞌet za ndutitꞌelh. ꞌEt hoontsꞌi yun kꞌut ánisꞌai de, soo lhai oomaiꞌ-i, ꞌi ooghu ha náyuntijeh.#12:24 Ndi ha niyeh oomaiꞌ-i, ꞌi Sizi Gri ndultꞌoh, ꞌinkꞌez ndi oomaiꞌ gha ha nányih-i, ꞌi mbene la buba ꞌalhaꞌ yintꞌohne ꞌuhintꞌoh, ni whe ꞌutni. 25Mbe la dune ye khuna-i yukꞌentsiꞌ de, ꞌet de ye khúna-i ninta itáꞌalh whe ꞌuntꞌoh. ꞌEt hoontsꞌi mbe la ndi yun kꞌut ye khúna-i ooba ꞌantsꞌi yintꞌoh de, yootatun whe ꞌilhiz ooleꞌ khutinalh. 26Mbe la sba néꞌutꞌen de, ꞌenne suntooyaꞌ ꞌinkꞌez ntsꞌe la ꞌustꞌoh-un, ꞌet la oodaꞌ. Mbe la sba neꞌutꞌen unlí-un, ꞌen SBá bubudutálhtiꞌ.”
Sizi datitsah-un howu yalhduk
27“ꞌAndit tube szul ba ndo haꞌ hootꞌen, ꞌinkꞌez daja doosniꞌ suba? SBá njan stsꞌun whudiltsꞌulh-un whuchꞌa sla ꞌineh doosniꞌ eh? ꞌAwundooh! Njan stsꞌun whudiltsꞌulh-un, ꞌet wheni whusásya. 28‘SBá nyooziꞌ ꞌon nus diztiꞌ ílhtsi.’” ꞌEt yakꞌuz whutsꞌun khuni huduztsꞌai, “ꞌUdaꞌ sooziꞌ dastiꞌ ꞌinkꞌez doo cha za ꞌon ꞌun dutástiꞌ,” whutni.
29Whulohne ꞌilhunaoosdílne, ꞌet nódilhya ꞌinkꞌez hodántsꞌo. ꞌEt ꞌulhodútni, “Ditni disnih!” ꞌEt whulohne, “Lizas yulh yátilhduk whe ꞌuwhutni,” hutni.
30ꞌEt Sizi ꞌubulhni, “Ndi khuni huduztsꞌai dáhtsꞌo-i, ꞌaw si sba iloh ꞌuwhutni, nohni nohba ꞌuwhutni. 31ꞌAndit ꞌawet yinka whuduneꞌne buba nahutideh ꞌinkꞌez whutsodaꞌ ndi yun kꞌut humoodih,#12:31 Ndi yun kꞌut humoodih, ꞌen netsudule ꞌuntꞌoh. ꞌen ꞌilhiz ꞌun hítinoh. 32ꞌInkꞌez ndi yun kꞌut dubeꞌ sodunintan de, ꞌet de tsꞌiyanne tsꞌúbun tiztꞌi.”#12:32 Dubeꞌ hidunintan ni, ꞌet tulalhgus ꞌulhni whe ꞌutni. 33ꞌEt ndutni whe ntsꞌenꞌa la datítsah, ꞌet bunalh ni whe ꞌutni.
34ꞌEt ꞌilhunaoosdílne ꞌuhuyulhni, “Moses ꞌukꞌu néyuzguz inleꞌ-i, ꞌi gha whulh ꞌúzditsꞌo ndun Gri ꞌen ꞌilhiz khutinalh. ꞌInkꞌez dálhtiꞌ ꞌudini ꞌet Yinka Dune Yeꞌ, ꞌen whe beꞌ dutáltsiꞌ dini? Mbe whe ꞌuntꞌoh ndun Yinka Dune Yeꞌ?” hutni.
35ꞌEt Sizi ꞌubulhni, “ꞌAwhuz dzoh saꞌyaz whuzꞌai ꞌet ndi be hóotꞌen-i nohbulh ꞌútitꞌelh. ꞌAwhuz ndi be hóotꞌen-i nohbulh ꞌúntꞌoh whe ꞌahdulh za ꞌahtꞌen. ꞌEt nduhtꞌen de, ꞌaw tsalhgus nohkꞌédoltsꞌit ꞌaítꞌoh. Mbene la tsalhgus yo udúlhne ꞌaw ntsꞌe hidulh tꞌéhonúszun. 36Dáwhuldzoh la ndi be hóotꞌen-i ꞌahtꞌí-i, ꞌinkꞌez nohba ꞌalhaꞌ ooteꞌ, ꞌet de be hóotꞌen-i buzkeh tihleh.” ꞌEt Sizi ndubulhni hukwꞌelhꞌaz, bughu whenája ꞌinkꞌez buchꞌa untilhꞌi.
37Tube ꞌutꞌen-i uncha-i bunalh ꞌalhꞌen ꞌet hoontsꞌi ꞌaw buba ꞌalhaꞌ lheꞌítꞌoh. 38ꞌEt nus hóoꞌen-un Isaiah ꞌukꞌu néyuzguz-i, ꞌi gha whuz unꞌa ꞌoh te neꞌwhustꞌen. Njan ndutni whe ꞌukꞌuneꞌ ꞌúzguz,
“Moodihti ndi khuni whutlꞌazdanꞌai-i mbe za ooba ꞌalhaꞌ yintꞌoh?
NeMoodihti yé ulhtus-i mbe tsꞌun yunaꞌdunilhtan?”
39ꞌEt huwa cha buba ꞌalhaꞌ lheꞌhóotꞌoh, Isaiah doo cha ndutni ꞌet huwa,
40“Yakꞌusda buna cha hoohoos̱ꞌen ꞌubulhtsi,
ꞌinkꞌez budzi cha dutsꞌun yulhtsi.
ꞌEt ꞌaw duna be huhooꞌen ꞌaítꞌoh
ꞌinkꞌez budzi be ꞌaw tꞌehononozin aitꞌoh.
‘Soo naꞌbutisdlelh huba stsꞌun nahoolyeh aitꞌoh,’ ni Yakꞌusda.”
41ꞌEt Isaiah Yakꞌusda yé diztiꞌ-i yunalhꞌen whe ꞌet yughun ndutni inleꞌ.
42ꞌEt hoontsꞌi lhane dune ando ꞌuntꞌohne, ꞌenne Sizi buba ꞌalhaꞌ yintꞌoh, ꞌet hoontsꞌi ꞌaw hudooniꞌ ꞌaítꞌoh. ꞌEt nduhtni de, Phariseene Lizwifne bulugliz whuchꞌa ꞌilhiz tebohoneh la ꞌet whe hunuljut. 43ꞌEnne dune ubudílhtiꞌ-un, ꞌet Yakꞌusda ubúdutálhtiꞌ-un whanus huhóontꞌiꞌ.
44ꞌEt Sizi khuni ulhtus-i be ndutni, “Mbene la si buba ꞌalhaꞌ ꞌustꞌoh-un, ꞌaw si sghun za íloh, mbe la whuz de sútilhꞌaꞌ-un, ꞌen buba ꞌalhaꞌ yintꞌoh. 45ꞌInkꞌez mbe la sunilhꞌén-un, ꞌenne mbe la whuz de sútilhꞌaꞌ-un, ꞌen yunilhꞌen. 46Yinka whuduneꞌne ba be hóotꞌen-i ꞌet hukwa ndi yun kꞌut nenúsya. ꞌEt huwa mbe la ooba ꞌalhaꞌ ꞌustꞌoh-un, ꞌaw tsálhgus yo hudoltsꞌiꞌ ꞌaítꞌoh.
47ꞌInkꞌez mbe la sghuni hiditsꞌo hoontsꞌi buba ꞌalhaꞌ lheꞌyítꞌoh de, ꞌaw buba nahoosyeh ꞌaítꞌoh. Ndi yun kꞌut whuduneꞌne buba nahutisyeh íloh ha whusásya, ubutisyih ha whusásya. 48Mbene la stsꞌu disnihne ꞌinkꞌez ꞌaw sghuni lhuyílhchulh, ꞌilhoghun ꞌen buba nahutiyeh. Ndi khuni be nohbulh yasduk-i, ꞌi khuni za ꞌudekꞌez dzin de be nohba nahutideh. 49ꞌAw sichꞌoh iloh yasduk. SBá, mbe la whuz de sútilhꞌaꞌ-un, ꞌen didutchꞌoh khuni yutulhúhizyeꞌ-i, ꞌi stlꞌa ídanꞌai daja doosniꞌ whe yaoosduk ꞌet wheni. 50ꞌInkꞌez tꞌéwhunúszun ndi khuni yutulhúhizyeꞌ-i, ꞌi gha ꞌilhiz be khútna-i unli. ꞌInka ndai la sichꞌoh be yásduk-i, ntsꞌenꞌa la sBá sudániꞌ-un, si cha whuz unꞌa za yasduk,” ubúlhni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.