Pese 1
1
1O le pese silisili a Solomona.#1 Tu 4.32
O le Ulua‘i Pese
Tama‘ita‘i.
2‘Ia sogi mai o ia ‘iā te a‘u i sogi o lona fofoga;
auā e sili ‘ona lelei o lou alofa i le uaina.
3O le nanamu o ou u‘u lelei ‘ua ‘avea ai lou suafa#Fai 7.1; Ioane 12.3
e pei o le u‘u ‘ua liligiina;
o le mea lea ‘ua manana‘o ai taupou ‘iā te oe.
4‘Ia e tōsina atu o a‘u,
matou te taufetuli ma mulimuli atu ‘iā te oe.#Sala 45.14-15; Iere 31.3; Hose 11.4; Ioane 6.44; 14.2; Fili 3.12
‘Ua ta‘ita‘iina o a‘u e le tupu i ona potu;
matou te fiafia ma ‘oli‘oli ‘iā te oe.
E tele lo matou fiafia i lou alofa mai,
‘ae itiiti i le uaina;
‘ua manana‘o tagata amiotonu ‘iā te oe.
5Tama fafine a Ierusalema e, e uliuli a‘u,
‘ae lālelei, e pei o fale ‘ie o Kitara,
e pei o ‘ie puipui o Solomona.
6‘Aua tou te va‘ava‘ai mai ‘iā te a‘u, ‘ina ‘ua uliuli o a‘u;#Iopu 27.18; Pese 8.11-12; 1 Kori 9.27
auā ‘ua lāina a‘u.
Na ita mai ‘iā te a‘u o fānau a lo‘u tinā;
na latou tofia a‘u e fai ma leoleo tōvine;
a o lo‘u lava tōvine ‘ou te le‘i leoleoina.
7O oe na ‘ua mana‘o i ai lo‘u loto,
‘inā ta‘u mai ia ‘iā te a‘u le mea ‘e te fafaga ai i a‘u mamoe,
o le mea ‘e te ‘ave ai lo‘u lafu e ta‘oto ai i le aoauli.
Auā se a le mea e ‘avea ai a‘u e pei o sē ‘ua lailoa,
i fealualua‘i i lafu o ē ‘ua fa‘atasi ma oe?
Ali‘i.
8‘Āfai ‘e te lē iloa, o oe na le sili ‘ona lālelei i fafine,
‘inā alu atu ia oe i tulagāvae o le lafu,
ma fafaga i a‘u tama‘i ‘oti fafine,
o latalata ane i mea e nonofo ai leoleo mamoe.
9La‘u uō e,#2 No 1.10, 16; Eseki 16.11
‘ua fa‘atusaina oe i solofanua i kariota o Farao.
10‘Ua matagofie ou alafau i sei;
o lou ua fo‘i i asoa.
11Matou te faia mo oe,
ni pale auro e ema i ario.
Tama‘ita‘i.
12‘Ua pua‘iina le manogi o lo‘u nato,#Ioane 12.3
‘ina o afio le tupu i lana tautega.
13O le ‘ofu‘ofu pulu muro lo‘u manamea ‘iā te a‘u;
e asoa ia i lo‘u ua i le po ‘atoa.
14O le fuifui kofero lo‘u manamea,
‘iā te a‘u i tōvine o Enokati.
Ali‘i.
15Fa‘auta, la‘u uō e, ‘ua e lālelei, fa‘auta, ‘ua lālelei oe,#Pese 4.1
‘ua ni mata o se lupe ou mata.
Tama‘ita‘i.
16Fa‘auta, lo‘u manamea e, e lālelei oe,
e matagofie lava;
‘ua uluuluola lo tā moega.
17O utupoto o lo tā fale o arasi ia,
o lo tā falealuga ‘ua faia i perosi.
Currently Selected:
Pese 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.