Esekielu 1
1
O le Ulua‘i Fa‘aaliga ‘iā Esekielu i le Vaitafe o Kepara
(1.1—7.27)
O le Nofoāli‘i o le Atua
1O le tolugafulu o tausaga, o lona fa o masina, o le aso lima o le masina, na ‘ou i ai ma le tāfeaga e lata ane i le vaitafe o Kepara, ‘ua avanoa mai le lagi, ‘ona ‘ou iloa lea o fa‘aaliga mai le Atua.#Fa‘aa 19.11; Nume 4.3; Eseki 8.3; 40.2; Mare 1.10; Galu 7.56
2O le lima o aso o le masina, o lona lima o tausaga lea o le tāfeaga a le tupu o Ioakina,#2 Tu 24.10-16; 2 No 36.9-10 3na o‘o mai ai lava le afioga a le ALI‘I ‘iā Esekielu le atali‘i o Posai le ositaulaga i le nu‘u o Kaletaia e lata ane i le vaitafe o Kepara; na i luga fo‘i ‘iā te ia le ‘a‘ao o le ALI‘I i lea mea.
4Na ‘ou va‘ai, fa‘auta fo‘i, o le afā o lo‘o sau i le itū i matū, o le ao tele ma le afi, o lo‘o mū lava e ia ‘ia ia, o le pupula fo‘i na fa‘ata‘ali‘oli‘oina ai le ao, mai totonu fo‘i e tino mai e peiseaī o le ‘apa pupula mai totonu o le afi. 5Mai totonu fo‘i le fa‘atusa o mea ola e fa, o lo latou tino lenei, o le fa‘atusa o le tagata i latou.#Fa‘aa 4.6-8; Eseki 10.14 6Ta‘itasi fo‘i o i latou ma ona mata e fa, ta‘itasi fo‘i ma ona ‘apa‘au e fa. 7O latou vae, o vae sasa‘o ia, ma o latou alofivae e pei o alofivae o le tama‘i povi, ‘ua ‘e‘emo mai pei o le tino o le ‘apamemea ‘ua fa‘apupulaina. 8‘Ua i ai fo‘i lima o tagata i lalo o latou ‘apa‘au i o latou itū e fa; ‘ua ‘iā te i latou e fa, o latou mata ma o latou ‘apa‘au. 9‘Ua fa‘aso‘oina o latou ‘apa‘au o le tasi i le tasi; e le‘i liliu i latou ‘ina o latou ō; a ‘ua latou ta‘itasi ma alu tonu atu i ona luma.
10O le fa‘atusa fo‘i o latou mata, ‘ua ‘iā te i latou e fa o mata o le tagata, ma mata o le leona i le itū taumatau; ‘ua ‘iā te i latou fo‘i e fa mata o le povi i le itū tauagavale; ‘ua ‘iā te i latou fo‘i e fa mata o le aeto.#Eseki 10.14; Fa‘aa 4.7 11O latou mata lava ia; a o latou ‘apa‘au ‘ua fāloina i luga; ta‘itasi ma feso‘ota‘i ‘apa‘au e lua, o ‘apa‘au e lua fo‘i ‘ua ufitia ai o latou tino. 12‘Ua latou ta‘itasi ma alu tonu atu i ona luma; o le mea a alu i ai le agaga, ‘ua ō i ai i latou, ‘ua latou le liliu i lo latou ō atu.
13O le fa‘atusa fo‘i o mea ola, ‘ua latou tino mai e pei o malala ola o le afi ‘ua mū, ‘ua tino mai e pei o lamepa; ‘ua fealualua‘i ia i le vā o mea ola; ‘ua pupula fo‘i le afi, ma ‘ua ‘emo mai le uila a‘i totonu o le afi. 14‘Ua fetaufetulia‘i fo‘i o mea ola, ‘ua tino mai e pei o le uila.
15‘Ua ‘ou va‘ava‘ai i mea ola fa‘auta fo‘i, o le mea ta‘avale e tasi ‘ua tu i le lau‘ele‘ele i tafatafa o mea ola, ma ona mata e fa.#Eseki 10.9-13 16O le tino mai fo‘i o mea ta‘avavale ma o latou gaosiga ‘ua pei o le tino mai o le tasesa; ‘ua tutusa i latou e fa; o latou tino mai ma o latou gaosiga ‘ua peiseaī se mea ta‘avale i totonu o le mea ta‘avale. 17‘Ua latou ō i o latou itū e fa ‘ina ‘ua latou o, ‘ua latou le liliu ‘ina ‘ua latou ō. 18O mea fo‘i e li‘o a‘i i latou ‘ua maualuluga lava, ‘ua tupu ai le mata‘u; ‘ua so‘o fo‘i mea e li‘o a‘i i latou i mata, ‘ua fa‘ata‘ali‘oli‘oina ai i latou e fa.#Fa‘aa 4.8 19A ō atu mea ola, ‘ona o fo‘i lea o mea ta‘avavale i o latou tafatafa; a si‘itia fo‘i mea ola i le fogā‘ele‘ele, ona si‘itia ai lea o mea ta‘avavale. 20O le mea a alu i ai le agaga ‘ua ō i ai i latou, o le mea lea a alu i ai lo latou agaga. ‘Ua si‘itia i luga fo‘i o mea ta‘avavale i o latou tafatafa; auā na i ai le agaga o mea ola i mea ta‘avavale. 21A ō atu i latou, ‘ona ō atu ai lea o i latou nei; a tutū fo‘i i latou, ‘ona tutū ai lea o i latou nei; a si‘itia fo‘i i latou i luga o le fogā‘ele‘ele, ona si‘itia lea o mea ta‘avavale fa‘atasi ma i latou; auā na i ai le agaga o mea ola i mea ta‘avavale.
22O le vā i lagi i luga o ulu o mea ola ‘ua tino mai ‘ua pei o le ma‘a tioata mata‘utia, ‘ua folasia i luga o latou ulu i o latou luga a‘e.#Fa‘aa 4.6 23‘Ua sasa‘o fo‘i o latou ‘apa‘au i lalo o le vā i lagi, ‘ua fa‘afesaga‘i; ta‘itasi i latou ma ‘apa‘au e lua, ‘ua ufiufita‘i a‘i i latou e i latou; ta‘itasi fo‘i ma ‘apa‘au e lua, ‘ua ufita‘i a‘i e i latou o latou tino. 24Na ‘ou lagona le ta‘alili o latou ‘apa‘au ‘ina ‘ua latou ō atu, ‘ua pei o le ta‘alili o vai e tele, pei o le si‘ufofoga o Lē e ona le malosi uma lava; o le ta‘alili ‘ua pei o le ta‘alili o se itūtau‘a; a tutū i latou, ‘ona tutu‘u lea i lalo e i latou o latou ‘apa‘au.#Fa‘aa 1.15; 19.6; Eseki 43.2; Sala 29.4; 68.33; Tani 10.6 25Na i ai fo‘i le ta‘alili mai le vā i lagi i luga o latou ulu; a tutū i latou, ‘ona tutu‘u lea i lalo e i latou o latou ‘apa‘au.
26O i luga fo‘i o le vā i lagi i luga o latou ulu, ‘ua i ai le fa‘atusa o le nofoāli‘i, ‘ua tino mai e pei o le ma‘a safaira; o i luga fo‘i o le fa‘atusa o le nofoāli‘i le fa‘atusa ‘ua tino mai e pei o le tagata i ona lava luga.#Eseki 10.1; Fa‘aa 4.2-3; Eso 24.10; Tani 8.15 27Na ‘ou iloa fo‘i e pei o le tino o le ‘apa pupula, ‘ua tino mai e pei o le afi ‘ua fa‘ata‘ali‘oli‘o i totonu, ‘ua tino mai i lona sulugātiti e o‘o a‘e i luga; ‘ua tino mai fo‘i i lona sulugātiti e o‘o ifo i lalo, na ‘ou iloa ‘ua tino mai e pei o le afi, na i ai fo‘i le pupula ‘ua fa‘ata‘ali‘oli‘oina ai.#Eseki 8.2 28Pei o le tino mai o le nuanua i le ao i le aso timu, e fa‘apea ‘ona tino mai o lona pupula o fa‘ata‘ali‘oli‘oina ai. O lona tino mai lea o le fa‘atusa o le pupula o le ALI‘I.
Na ‘ou iloa ai, ‘ona ‘ou fa‘apa‘ū faō ai lea, ‘ona ‘ou lagona lea le si‘ufofoga o le tasi ‘ua fetalai mai.#Eseki 3.23; 43.3; Tani 8.17; Fa‘aa 1.17; 4.3; 10.1
Currently Selected:
Esekielu 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Esekielu 1
1
O le Ulua‘i Fa‘aaliga ‘iā Esekielu i le Vaitafe o Kepara
(1.1—7.27)
O le Nofoāli‘i o le Atua
1O le tolugafulu o tausaga, o lona fa o masina, o le aso lima o le masina, na ‘ou i ai ma le tāfeaga e lata ane i le vaitafe o Kepara, ‘ua avanoa mai le lagi, ‘ona ‘ou iloa lea o fa‘aaliga mai le Atua.#Fa‘aa 19.11; Nume 4.3; Eseki 8.3; 40.2; Mare 1.10; Galu 7.56
2O le lima o aso o le masina, o lona lima o tausaga lea o le tāfeaga a le tupu o Ioakina,#2 Tu 24.10-16; 2 No 36.9-10 3na o‘o mai ai lava le afioga a le ALI‘I ‘iā Esekielu le atali‘i o Posai le ositaulaga i le nu‘u o Kaletaia e lata ane i le vaitafe o Kepara; na i luga fo‘i ‘iā te ia le ‘a‘ao o le ALI‘I i lea mea.
4Na ‘ou va‘ai, fa‘auta fo‘i, o le afā o lo‘o sau i le itū i matū, o le ao tele ma le afi, o lo‘o mū lava e ia ‘ia ia, o le pupula fo‘i na fa‘ata‘ali‘oli‘oina ai le ao, mai totonu fo‘i e tino mai e peiseaī o le ‘apa pupula mai totonu o le afi. 5Mai totonu fo‘i le fa‘atusa o mea ola e fa, o lo latou tino lenei, o le fa‘atusa o le tagata i latou.#Fa‘aa 4.6-8; Eseki 10.14 6Ta‘itasi fo‘i o i latou ma ona mata e fa, ta‘itasi fo‘i ma ona ‘apa‘au e fa. 7O latou vae, o vae sasa‘o ia, ma o latou alofivae e pei o alofivae o le tama‘i povi, ‘ua ‘e‘emo mai pei o le tino o le ‘apamemea ‘ua fa‘apupulaina. 8‘Ua i ai fo‘i lima o tagata i lalo o latou ‘apa‘au i o latou itū e fa; ‘ua ‘iā te i latou e fa, o latou mata ma o latou ‘apa‘au. 9‘Ua fa‘aso‘oina o latou ‘apa‘au o le tasi i le tasi; e le‘i liliu i latou ‘ina o latou ō; a ‘ua latou ta‘itasi ma alu tonu atu i ona luma.
10O le fa‘atusa fo‘i o latou mata, ‘ua ‘iā te i latou e fa o mata o le tagata, ma mata o le leona i le itū taumatau; ‘ua ‘iā te i latou fo‘i e fa mata o le povi i le itū tauagavale; ‘ua ‘iā te i latou fo‘i e fa mata o le aeto.#Eseki 10.14; Fa‘aa 4.7 11O latou mata lava ia; a o latou ‘apa‘au ‘ua fāloina i luga; ta‘itasi ma feso‘ota‘i ‘apa‘au e lua, o ‘apa‘au e lua fo‘i ‘ua ufitia ai o latou tino. 12‘Ua latou ta‘itasi ma alu tonu atu i ona luma; o le mea a alu i ai le agaga, ‘ua ō i ai i latou, ‘ua latou le liliu i lo latou ō atu.
13O le fa‘atusa fo‘i o mea ola, ‘ua latou tino mai e pei o malala ola o le afi ‘ua mū, ‘ua tino mai e pei o lamepa; ‘ua fealualua‘i ia i le vā o mea ola; ‘ua pupula fo‘i le afi, ma ‘ua ‘emo mai le uila a‘i totonu o le afi. 14‘Ua fetaufetulia‘i fo‘i o mea ola, ‘ua tino mai e pei o le uila.
15‘Ua ‘ou va‘ava‘ai i mea ola fa‘auta fo‘i, o le mea ta‘avale e tasi ‘ua tu i le lau‘ele‘ele i tafatafa o mea ola, ma ona mata e fa.#Eseki 10.9-13 16O le tino mai fo‘i o mea ta‘avavale ma o latou gaosiga ‘ua pei o le tino mai o le tasesa; ‘ua tutusa i latou e fa; o latou tino mai ma o latou gaosiga ‘ua peiseaī se mea ta‘avale i totonu o le mea ta‘avale. 17‘Ua latou ō i o latou itū e fa ‘ina ‘ua latou o, ‘ua latou le liliu ‘ina ‘ua latou ō. 18O mea fo‘i e li‘o a‘i i latou ‘ua maualuluga lava, ‘ua tupu ai le mata‘u; ‘ua so‘o fo‘i mea e li‘o a‘i i latou i mata, ‘ua fa‘ata‘ali‘oli‘oina ai i latou e fa.#Fa‘aa 4.8 19A ō atu mea ola, ‘ona o fo‘i lea o mea ta‘avavale i o latou tafatafa; a si‘itia fo‘i mea ola i le fogā‘ele‘ele, ona si‘itia ai lea o mea ta‘avavale. 20O le mea a alu i ai le agaga ‘ua ō i ai i latou, o le mea lea a alu i ai lo latou agaga. ‘Ua si‘itia i luga fo‘i o mea ta‘avavale i o latou tafatafa; auā na i ai le agaga o mea ola i mea ta‘avavale. 21A ō atu i latou, ‘ona ō atu ai lea o i latou nei; a tutū fo‘i i latou, ‘ona tutū ai lea o i latou nei; a si‘itia fo‘i i latou i luga o le fogā‘ele‘ele, ona si‘itia lea o mea ta‘avavale fa‘atasi ma i latou; auā na i ai le agaga o mea ola i mea ta‘avavale.
22O le vā i lagi i luga o ulu o mea ola ‘ua tino mai ‘ua pei o le ma‘a tioata mata‘utia, ‘ua folasia i luga o latou ulu i o latou luga a‘e.#Fa‘aa 4.6 23‘Ua sasa‘o fo‘i o latou ‘apa‘au i lalo o le vā i lagi, ‘ua fa‘afesaga‘i; ta‘itasi i latou ma ‘apa‘au e lua, ‘ua ufiufita‘i a‘i i latou e i latou; ta‘itasi fo‘i ma ‘apa‘au e lua, ‘ua ufita‘i a‘i e i latou o latou tino. 24Na ‘ou lagona le ta‘alili o latou ‘apa‘au ‘ina ‘ua latou ō atu, ‘ua pei o le ta‘alili o vai e tele, pei o le si‘ufofoga o Lē e ona le malosi uma lava; o le ta‘alili ‘ua pei o le ta‘alili o se itūtau‘a; a tutū i latou, ‘ona tutu‘u lea i lalo e i latou o latou ‘apa‘au.#Fa‘aa 1.15; 19.6; Eseki 43.2; Sala 29.4; 68.33; Tani 10.6 25Na i ai fo‘i le ta‘alili mai le vā i lagi i luga o latou ulu; a tutū i latou, ‘ona tutu‘u lea i lalo e i latou o latou ‘apa‘au.
26O i luga fo‘i o le vā i lagi i luga o latou ulu, ‘ua i ai le fa‘atusa o le nofoāli‘i, ‘ua tino mai e pei o le ma‘a safaira; o i luga fo‘i o le fa‘atusa o le nofoāli‘i le fa‘atusa ‘ua tino mai e pei o le tagata i ona lava luga.#Eseki 10.1; Fa‘aa 4.2-3; Eso 24.10; Tani 8.15 27Na ‘ou iloa fo‘i e pei o le tino o le ‘apa pupula, ‘ua tino mai e pei o le afi ‘ua fa‘ata‘ali‘oli‘o i totonu, ‘ua tino mai i lona sulugātiti e o‘o a‘e i luga; ‘ua tino mai fo‘i i lona sulugātiti e o‘o ifo i lalo, na ‘ou iloa ‘ua tino mai e pei o le afi, na i ai fo‘i le pupula ‘ua fa‘ata‘ali‘oli‘oina ai.#Eseki 8.2 28Pei o le tino mai o le nuanua i le ao i le aso timu, e fa‘apea ‘ona tino mai o lona pupula o fa‘ata‘ali‘oli‘oina ai. O lona tino mai lea o le fa‘atusa o le pupula o le ALI‘I.
Na ‘ou iloa ai, ‘ona ‘ou fa‘apa‘ū faō ai lea, ‘ona ‘ou lagona lea le si‘ufofoga o le tasi ‘ua fetalai mai.#Eseki 3.23; 43.3; Tani 8.17; Fa‘aa 1.17; 4.3; 10.1
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.