NAHUMI 3
3
1I era ngavê tangago, Nineve,
go hinua raha ni hagaparunga
ma ni nahu enoni.
Ga aharêsigo na nahuninga,
go hanagogi ma ko henahuraugi.
2Rongo! Na mata ki babahita.
Na kati ni me ka hengaki
ma ka korekore i tara.
Na hosi ka tangotango
ma ka akurukuru.
3Na mane ni me igê na hosi
ka hoi nikâ.
Na tatapa borahu ka sisiki.
Na ora ka togatoga.
Rako teha ngavê ka me.
Na gahuata ka haripage.
Na enoni ka tapasu igê.
4Ga hagaitangia i Nineve.
Ngaia ki manga na êrâ.
I bâkoro na apena.
I hagaamura na enoni.
I aharêsia na parongana era.
I hagangisira na agua getegi
ma ki angarira.
5Tahema na Araha raramohaga hunia ki vi:
“Bâ, inê be hagaitangigo, Nineve.
Inê be tasigo, ku rupaturi,
ma be hagabâsira na enoni
igê na agua getegi renigo,
ke bâsigo gu rupaturi
ma ko maki teha ngavê.
6Inê be ruhigo.
Inê be kasi roro hurigo
ma be makorego.
Inê be hagamakigo.
Na enoni ka page makimaki tenigo.
7Na enoni hato, ga bâsigo,
ka page kakahuru renigo.
Ngaira ka page vivi:
‘Nineve ki aruhuruhu!
Ti ki angisia?
Mareha vê!
Ti ki botage vi hagamanapua?
Mareha vê!’”
8Nineve, go takusia vari,
vi igo ko teharia i Tebesi,
na hinua raha i Esipito?
I ngekana nikâ ki oga igê na ve raha,
i anumasia manga na para ni hinua.
Ngaia ki na ve i Nile.
9Ngaia ki marungirerua i Nubia ma i Esipito.
Na arahanga iana ki ramo teha ngavê.
Na ai ni Libia ka tamania.
10Henaka, ma na merongana
ka henahuraura na ai ni Tebesi.
Ka botagigi na bêta na kareta ka me
igê na ara ni agua i hinua.
Ngaira ka barora na maneraha renigi na seni,
ka torera vê ma ka tonganira re nga.
11Nineve, na maguha ki page angarigo nogamu,
manga na mane i ruguhia na tonoha,
ki aripo na maana.
Igo nikâ ko page uhungia,
vigo gavagava ahehi tenira na merongamu.
12Na ruma nganganihaga hato iamu
ka page mangagi na guani mata na apinige na fiki.
Na enoni ki ngingia na apinige
ma na guani ka anunu me i harana!
13Na mane ni me iamu ka vora re na gete.
Na apanena iamu ki pe bara tangara na merongamu.
Na gi ki page ngaugi na raburini na maani para.
14Gu uringenia na ve,
suria na merongamu ka page rihigo.
Gu hagagatagatanigi nga na ruma nganganihaga iamu.
Gu pupurigi na mako memera,
ma ku hahigi ke voravora re na hê.
15Naka ma, ma na gi ki page ngaugo,
se go page meme igê na hearihatana.
Igo ko page mutemute,
manga na mu ga hatungia na pê.
16Nineve, igamu kamu rako
mangara na ruruha ma na ruruha ni pê.
Na enoni i pasimu, ga nahuni sitore,
ka rako teharigi na higu i vavearo.
Ma i ngekê ngaira ka bani magahuru vê,
mangara na pê, ga ngê masu,
ma ka gasigi na gahagata ka gaha vê.
17Na maneraha iamu ka mangara na ruruha ni pê.
Matena ni maratoha
ngaira ka rêra ngahisigi na apê iamu,
ma na matena i mahana na arito,
ngaira ka gaha, ma ka pe hagarera vê.
18Maneraha ni Asiria,
na tamamu ma na kariamu,
ga tagara igê na gavumane iamu,
ngaira hato ka bani me.
Na enoni, go marungira, ka totoko i toro.
Ma ki mareha ta na enoni,
vige hagahakura aporo me nikâ.
19Na mamasiaganiha iamu ki asa, vige page hato.
Na maara iamu ki asa, vige page mavo.
Na enoni hato, ga rongo tarohamu,
ka manavatenigo ma ka hitahita baro renigo,
suria go hagamamasiagara ngaira hato.
Currently Selected:
NAHUMI 3: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
NAHUMI 3
3
1I era ngavê tangago, Nineve,
go hinua raha ni hagaparunga
ma ni nahu enoni.
Ga aharêsigo na nahuninga,
go hanagogi ma ko henahuraugi.
2Rongo! Na mata ki babahita.
Na kati ni me ka hengaki
ma ka korekore i tara.
Na hosi ka tangotango
ma ka akurukuru.
3Na mane ni me igê na hosi
ka hoi nikâ.
Na tatapa borahu ka sisiki.
Na ora ka togatoga.
Rako teha ngavê ka me.
Na gahuata ka haripage.
Na enoni ka tapasu igê.
4Ga hagaitangia i Nineve.
Ngaia ki manga na êrâ.
I bâkoro na apena.
I hagaamura na enoni.
I aharêsia na parongana era.
I hagangisira na agua getegi
ma ki angarira.
5Tahema na Araha raramohaga hunia ki vi:
“Bâ, inê be hagaitangigo, Nineve.
Inê be tasigo, ku rupaturi,
ma be hagabâsira na enoni
igê na agua getegi renigo,
ke bâsigo gu rupaturi
ma ko maki teha ngavê.
6Inê be ruhigo.
Inê be kasi roro hurigo
ma be makorego.
Inê be hagamakigo.
Na enoni ka page makimaki tenigo.
7Na enoni hato, ga bâsigo,
ka page kakahuru renigo.
Ngaira ka page vivi:
‘Nineve ki aruhuruhu!
Ti ki angisia?
Mareha vê!
Ti ki botage vi hagamanapua?
Mareha vê!’”
8Nineve, go takusia vari,
vi igo ko teharia i Tebesi,
na hinua raha i Esipito?
I ngekana nikâ ki oga igê na ve raha,
i anumasia manga na para ni hinua.
Ngaia ki na ve i Nile.
9Ngaia ki marungirerua i Nubia ma i Esipito.
Na arahanga iana ki ramo teha ngavê.
Na ai ni Libia ka tamania.
10Henaka, ma na merongana
ka henahuraura na ai ni Tebesi.
Ka botagigi na bêta na kareta ka me
igê na ara ni agua i hinua.
Ngaira ka barora na maneraha renigi na seni,
ka torera vê ma ka tonganira re nga.
11Nineve, na maguha ki page angarigo nogamu,
manga na mane i ruguhia na tonoha,
ki aripo na maana.
Igo nikâ ko page uhungia,
vigo gavagava ahehi tenira na merongamu.
12Na ruma nganganihaga hato iamu
ka page mangagi na guani mata na apinige na fiki.
Na enoni ki ngingia na apinige
ma na guani ka anunu me i harana!
13Na mane ni me iamu ka vora re na gete.
Na apanena iamu ki pe bara tangara na merongamu.
Na gi ki page ngaugi na raburini na maani para.
14Gu uringenia na ve,
suria na merongamu ka page rihigo.
Gu hagagatagatanigi nga na ruma nganganihaga iamu.
Gu pupurigi na mako memera,
ma ku hahigi ke voravora re na hê.
15Naka ma, ma na gi ki page ngaugo,
se go page meme igê na hearihatana.
Igo ko page mutemute,
manga na mu ga hatungia na pê.
16Nineve, igamu kamu rako
mangara na ruruha ma na ruruha ni pê.
Na enoni i pasimu, ga nahuni sitore,
ka rako teharigi na higu i vavearo.
Ma i ngekê ngaira ka bani magahuru vê,
mangara na pê, ga ngê masu,
ma ka gasigi na gahagata ka gaha vê.
17Na maneraha iamu ka mangara na ruruha ni pê.
Matena ni maratoha
ngaira ka rêra ngahisigi na apê iamu,
ma na matena i mahana na arito,
ngaira ka gaha, ma ka pe hagarera vê.
18Maneraha ni Asiria,
na tamamu ma na kariamu,
ga tagara igê na gavumane iamu,
ngaira hato ka bani me.
Na enoni, go marungira, ka totoko i toro.
Ma ki mareha ta na enoni,
vige hagahakura aporo me nikâ.
19Na mamasiaganiha iamu ki asa, vige page hato.
Na maara iamu ki asa, vige page mavo.
Na enoni hato, ga rongo tarohamu,
ka manavatenigo ma ka hitahita baro renigo,
suria go hagamamasiagara ngaira hato.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific