2 JOANE 1
1
1Inê, na meraha, kê segea na leta ikê tangago, Hehene koro, ma tangara na karemu. Inê kê takuigamu monari. Ma ki mareha vi inê geteê ma kani ve takuigamu, ma na enoni hato nikâ hete, ga girara na monariha, ngaira ka takuigamu nogata, 2renia na monariha, ki oga henigia igê na aitangihaka ma ki page goga henigia tare ma tarema.
3God Vaemana mo Jesu Kirisito, o Karena, karu vategia na hetamaniha, na takiha, ma na marapeha. Na tarani ngegana ke goga i pasika, igia na enoni, ga tongesuria na monariha, ma ka hetakuiheri.
Na hetakuiha
4Inê kê vagevage bâraha i obaku, suria gê rongoa, vi tani na kariamu ka paronga suria na monariha, surigi na ramata, God i bani vategia renigi. 5Hoita, inê kê visia tangago. Hehene koro: hanana ge hetakuiheri, igia hato. I mareha vi na ramata haoru, kani gê sege tangago renia ngekê. Ngaia ki na ramata, go bani rongoa hete, matena go têa moramora igê na tongesuriha. 6Na hetakuiha ki manga ikê: i tuguhigia, viga marupegi na ramata iana God. Na ramata, go bani rongoa, matena go têa moramora igê na tongesuriha, ki manga ikê: mu hetakuiheri, igamu hato.
Na monariha ma na Merongana o Kirisito
7I maveta ka rako na enoni, ga hagahagaparu. Na enoni ngegana ka pe tongesuria, vi o Jesu Kirisito ki vora enoni. Ngaira nga ka na enoni, ga hagahagaparu. Ngaira nga ka na Merongana o Kirisito. 8Hoita, bâsigamu, hanana siana kamu tagara purua ma, ma kamu tavoa hagenani hete na memi koro.
9Manga ta na enoni, ma ki mareha vi ge râ suria na hagesuringa iana o Kirisito, ma ki râ pania, ngaia ki pe obahaku henia God. Ma na enoni, i arâ suria na hagesuringa iana o Kirisito, ngaia ki oga igê na obahahaku henirerua God Vaemana mo Karena. 10Matena ta na enoni ki atata me i pasimi, ma ki pe merâ me na hagesuringa ngekana, siana kamu unia banu me i ruma iami. Ma siana nikâ kamu tamasi bâkoro tanga. 11Renia manga na enoni, ma ki tamasi bâkoro tanga, ngaia ki voravora renia na tamana igê na bagatarihana.
Na hatongina na leta
12Ga gâga rako mêngagi na marâ, gê obania, vi ve hagarongogamu renigi, ma kê takusia, vi i pe koro, vigê segegi so igê na leta. Inê be vatugigamu hete, ma be megamutamasi inê mareku, hanana igia ka page vagevage teha ngavê i obaka.
13Na karena Keogamu koro ka hagamauru koro tangagamu.
Currently Selected:
2 JOANE 1: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific