Malaquías 2
2
Da nhuaxanaguec na ntaxaỹaxanaxanecpi
1«Qaq nagui, qami' ntaxaỹaxanaxanecpi, 'era da namaxasoxonaxac maye qami' taaleguete: 2Qami', da saishet da Aỹem qaualaqaiguet, qataq da saishet da huo'o ca 'enec qanqa'eñi da ỹe'enaxat, nache sauo'o ca qauem qami' taleguete. Qauem ñaqa'en dam qanchoxonnataguiiqui. Qaq masheye da qami' sasaxaleguete da qauem, cha'aye saishet da ỹataqta 'eesa da huo'o naq 'enec qanqa'eñi Aỹem.» Qaq 'era da la'aqtac Ñim Nataxala' maye Qaica ca Ỹaqalanapec. 3Qataq nataqa'en, seuotaxanec da qara'añaxaqui, qataq secoroiguilo naua qarashegolle', na la'atec na shiguiỹacpi maye Aỹem qaỹa'añeetacot naxa. ¡Qataq qoquiỹaueegue' ñaqa'en nam la'atec na shiguiỹacpi da qami' sequelogore'c! 4Qaq huaña qome, nache qauaỹacheñi da nache Aỹem maye qami' sanema de'era namaxasoxonaxac da yaqto' de'era ñaỹamaxataxac, co'ollaq ñaỹamaxate' so Leví, nache 'eetai' qome. Qaq 'era da la'aqtac Ñim Nataxala' maye Qaica ca Ỹaqalanapec. 5Da ñaỹamaxataxac co'ollaq ñaỹamaxate' somaye, damaye nca'alaxa qataq nlagaxayec. Sanem somaye cha'aye sauotaique da huo'o naq 'enec naqa'en Aỹem, qataq Aỹem ỹalaxaguet. Qaq somaye Aỹem ỹachaxana co'ollaxa da lalaxayec, qataq huo'o naq 'enec naqa'en Aỹem. 6Qaq so Leví dapaxaguenataxanec co'ollaxa da 'eesa lataxac, qataq saishet da nasaxauec ca qauem. Somaye huo'o da l-lagaxayec qataq quetague' da no'on lataxac da Aỹem nnaictague', qataq qalota som ca'ai naqa'en nam qauempi. 7Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec. 8Qalaxaye qami', ntaxaỹaxanaxanecpi, qoquiỹa'ai co'ollaxa so no'on nqa'aic; nache dam qarapaxaguenataxanaxaqui qalota so huañi naqa'en. Qaq 'era da 'eetec da qami', qaulaxachiigui da ñaỹamaxataxac maye sami' co'ollaxa so Leví. 9Qaq ỹoqo'oye, souaxat da Aỹem saqaualaqaiguet, qataq souaxat da qauapaxaguiñi na shiỹaxauapi, nache qalca'aitagui, nache Aỹem so'ot qome, da 'enauac nam nhuo' le'ecpi qami' deqaigalo, qataq qami' saq maigueta. Qaq 'era da la'aqtac Ñim Nataxala' maye Qaica ca Ỹaqalanapec.
Na Israel le'ecpi saỹalaq
10¿Qaq peta'a saisheto' da 'oonolec Ñim Qarta'a, Ñim Lo'onatac 'Enauacna maye 'enauac qomi' ỹo'o't? Qaq ¿ta'ainco' da ñi 'oonolec da shenaqta ỹatenachettac ca lỹa, nache saishet da sepagaxalec, da naỹamaxataxac Ñim Lo'onatac 'Enauacna, maye ỹo'ot co'ollaq naỹamaxate' som hua'au qarta'alpi? 11Na Judá le'ecpi, saỹalaxaguet Ñim Lo'onatac 'Enauacna, qataq ỹo'ot nam ỹataqta qaiqaiga da huaña na Jerusalén, maye hueta'a na Israel. Na Judá le'ecpi, qalaq saipaguelec dam qui'itta lataxac añi atamnaxaqui maye lauotaqte Ñim Nataxala', qataq nam ỹalleppi na Judá huaroneguet na 'alpi maye natameetacot na atamnaxala'pi maye saq'en. 12¡Qaq Ñim Nataxala', ỹapalaxat qome ca camachaqca nam hueta'a nam souaqta'a, maye ỹo'ottac de'era, na'aictaxa da ndouo aca lachetaqtaxanaqtepi da ỹanot Ñim Nataxala' maye Qaica ca Ỹaqalanapec! 13Qalaxaye qami', qaltaq qanquigaxacheetec dam qauo'ocheetac: qanlaxacheetelec añi nca'atoxonaxalate maye lalamaqte Ñim Nataxala' naua qarache'lli', qataq qana'alaqaitapiguiñi da qanỹeñiitac, cha'aye Ñim Nataxala' mashe saỹaconeguet ana qarachetaqtaxanaqche. 14Qaq ñaq 'eetalec da qanataxañeetac da ta'ainec de'era. Cha'aye Ñim Nataxala' nacheñi ñim 'am ỹauaachigui da sa 'aupaguelec so 'ara'aqtac maye 'aỹa'anem asom 'alo maye 'auaroneguet co'ollaq ñaq 'am nsoqolec. ¡Qaq asomaye nachaso asom 'artaua co'ollaxa, qataq 'aỹa'anem so 'ara'aqtac da saishet da 'aualat! 15Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi. 16Cha'aye Ñim Nataxala' maye Natamnaxala' na Israel le'ecpi, 'eeta': «¡Qantelỹa'a qome dam saq cha'a qarca'alaqai, qataq saishet da saqaupaquiilec ca qara'aqtaqui; cha'aye Aỹem seqaiga cam ỹalat aca lhua, qataq nshepaxanaqcheela't da ỹo'ottac de'era qauem!» 17Qaq Ñim Nataxala', mashe qami' nasamiisopa da qami' na'axaỹaxaategalo; qalaq ñaq 'eetalec da qanataxañeetac, qoñeeta': «¿Negue't cam huo'omshe qomi' nasamiisopa?» Cha'aye qami' qoñiỹapec naxa, da Ñim Nataxala' ỹaỹamaxareeta nam ỹo'ottac na qauem, qataq machiguiñi Ñimaye souaxat namayepi. ¡Qami' sa qaua'amaqcheñi da Ñimaye, ỹataqta nalochiguiñi da lataxac!
Currently Selected:
Malaquías 2: LÑLE13
Highlight
Share
Copy
Want to have your highlights saved across all your devices? Sign up or sign in
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.
Malaquías 2
2
Da nhuaxanaguec na ntaxaỹaxanaxanecpi
1«Qaq nagui, qami' ntaxaỹaxanaxanecpi, 'era da namaxasoxonaxac maye qami' taaleguete: 2Qami', da saishet da Aỹem qaualaqaiguet, qataq da saishet da huo'o ca 'enec qanqa'eñi da ỹe'enaxat, nache sauo'o ca qauem qami' taleguete. Qauem ñaqa'en dam qanchoxonnataguiiqui. Qaq masheye da qami' sasaxaleguete da qauem, cha'aye saishet da ỹataqta 'eesa da huo'o naq 'enec qanqa'eñi Aỹem.» Qaq 'era da la'aqtac Ñim Nataxala' maye Qaica ca Ỹaqalanapec. 3Qataq nataqa'en, seuotaxanec da qara'añaxaqui, qataq secoroiguilo naua qarashegolle', na la'atec na shiguiỹacpi maye Aỹem qaỹa'añeetacot naxa. ¡Qataq qoquiỹaueegue' ñaqa'en nam la'atec na shiguiỹacpi da qami' sequelogore'c! 4Qaq huaña qome, nache qauaỹacheñi da nache Aỹem maye qami' sanema de'era namaxasoxonaxac da yaqto' de'era ñaỹamaxataxac, co'ollaq ñaỹamaxate' so Leví, nache 'eetai' qome. Qaq 'era da la'aqtac Ñim Nataxala' maye Qaica ca Ỹaqalanapec. 5Da ñaỹamaxataxac co'ollaq ñaỹamaxate' somaye, damaye nca'alaxa qataq nlagaxayec. Sanem somaye cha'aye sauotaique da huo'o naq 'enec naqa'en Aỹem, qataq Aỹem ỹalaxaguet. Qaq somaye Aỹem ỹachaxana co'ollaxa da lalaxayec, qataq huo'o naq 'enec naqa'en Aỹem. 6Qaq so Leví dapaxaguenataxanec co'ollaxa da 'eesa lataxac, qataq saishet da nasaxauec ca qauem. Somaye huo'o da l-lagaxayec qataq quetague' da no'on lataxac da Aỹem nnaictague', qataq qalota som ca'ai naqa'en nam qauempi. 7Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec. 8Qalaxaye qami', ntaxaỹaxanaxanecpi, qoquiỹa'ai co'ollaxa so no'on nqa'aic; nache dam qarapaxaguenataxanaxaqui qalota so huañi naqa'en. Qaq 'era da 'eetec da qami', qaulaxachiigui da ñaỹamaxataxac maye sami' co'ollaxa so Leví. 9Qaq ỹoqo'oye, souaxat da Aỹem saqaualaqaiguet, qataq souaxat da qauapaxaguiñi na shiỹaxauapi, nache qalca'aitagui, nache Aỹem so'ot qome, da 'enauac nam nhuo' le'ecpi qami' deqaigalo, qataq qami' saq maigueta. Qaq 'era da la'aqtac Ñim Nataxala' maye Qaica ca Ỹaqalanapec.
Na Israel le'ecpi saỹalaq
10¿Qaq peta'a saisheto' da 'oonolec Ñim Qarta'a, Ñim Lo'onatac 'Enauacna maye 'enauac qomi' ỹo'o't? Qaq ¿ta'ainco' da ñi 'oonolec da shenaqta ỹatenachettac ca lỹa, nache saishet da sepagaxalec, da naỹamaxataxac Ñim Lo'onatac 'Enauacna, maye ỹo'ot co'ollaq naỹamaxate' som hua'au qarta'alpi? 11Na Judá le'ecpi, saỹalaxaguet Ñim Lo'onatac 'Enauacna, qataq ỹo'ot nam ỹataqta qaiqaiga da huaña na Jerusalén, maye hueta'a na Israel. Na Judá le'ecpi, qalaq saipaguelec dam qui'itta lataxac añi atamnaxaqui maye lauotaqte Ñim Nataxala', qataq nam ỹalleppi na Judá huaroneguet na 'alpi maye natameetacot na atamnaxala'pi maye saq'en. 12¡Qaq Ñim Nataxala', ỹapalaxat qome ca camachaqca nam hueta'a nam souaqta'a, maye ỹo'ottac de'era, na'aictaxa da ndouo aca lachetaqtaxanaqtepi da ỹanot Ñim Nataxala' maye Qaica ca Ỹaqalanapec! 13Qalaxaye qami', qaltaq qanquigaxacheetec dam qauo'ocheetac: qanlaxacheetelec añi nca'atoxonaxalate maye lalamaqte Ñim Nataxala' naua qarache'lli', qataq qana'alaqaitapiguiñi da qanỹeñiitac, cha'aye Ñim Nataxala' mashe saỹaconeguet ana qarachetaqtaxanaqche. 14Qaq ñaq 'eetalec da qanataxañeetac da ta'ainec de'era. Cha'aye Ñim Nataxala' nacheñi ñim 'am ỹauaachigui da sa 'aupaguelec so 'ara'aqtac maye 'aỹa'anem asom 'alo maye 'auaroneguet co'ollaq ñaq 'am nsoqolec. ¡Qaq asomaye nachaso asom 'artaua co'ollaxa, qataq 'aỹa'anem so 'ara'aqtac da saishet da 'aualat! 15Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi. 16Cha'aye Ñim Nataxala' maye Natamnaxala' na Israel le'ecpi, 'eeta': «¡Qantelỹa'a qome dam saq cha'a qarca'alaqai, qataq saishet da saqaupaquiilec ca qara'aqtaqui; cha'aye Aỹem seqaiga cam ỹalat aca lhua, qataq nshepaxanaqcheela't da ỹo'ottac de'era qauem!» 17Qaq Ñim Nataxala', mashe qami' nasamiisopa da qami' na'axaỹaxaategalo; qalaq ñaq 'eetalec da qanataxañeetac, qoñeeta': «¿Negue't cam huo'omshe qomi' nasamiisopa?» Cha'aye qami' qoñiỹapec naxa, da Ñim Nataxala' ỹaỹamaxareeta nam ỹo'ottac na qauem, qataq machiguiñi Ñimaye souaxat namayepi. ¡Qami' sa qaua'amaqcheñi da Ñimaye, ỹataqta nalochiguiñi da lataxac!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.