Joel 3
3
Ñim Nataxala' nmit qome 'enauac nam ỹotta'a't shiỹaxauapi
1Qaq que'ecaua na'axa'te qom ivita ca laloqo' da ñe'eguelaxat
nam noxonecpi Judá le'ecpi qataq nam Jerusalén le'ecpi,
2nache llaỹona't qome 'enauac na ỹotta'a't shiỹaxauapi,
nache sauega ye ca'amegue Josafat, yem huaña da ñemit qome namayepi,
souaxat nam ỹo'otecpi co'ollaxa nam ỹalamaxat nhuo' Israel le'ecpi,
da ilagaxaalec nam ỹotta'a't 'alhuapi, qataq namayepi nalogui na ña'alhuapi.
3Qataq nallechigui co'ollaxa na ỹalamaxat nhuo' le'ecpi,
qataq imen na ñaqpiolec naiguet naqa'en ana quisheguetaxaipi,
qataq ana nogotolepi, naiguet naqa'en na lataxa.
Da nhuaxanaguec nam ỹotta'a't shiỹaxauapi
4Qami' Tiro, Sidón qataq Filistea le'ecpi,
¿negue't ca qoñeetapeguec da sheeta?
¿Peta'a qansheetaique da aỹem qavi'iguelaxachiỹa'aguet?
Qaq da nache qoñeetec de'era,
nache aỹem sa ñaỹaloxon qome da qami'
taleguete ñaqa'en ca qanhuaxanaguiiqui.
5Cha'aye qami' qauacoñiỹa co'ollaxa
som ỹalamaxat plata qataq oro,
qataq nam ỹataqta no'on nogoxoshetpi maye ỹalamaxat,
nache qaroiua'a anam atamnaxaquipi
maye maiche qaralamaqchi,
6qataq qaumiñi na Judá le'ecpi,
qataq na Jerusalén le'ecpi,
nache l-latacpi qanqa'eñi na griegopi
nache ca'ai qanqa'aiñi na na'alhua.
7Qalaxaye aỹem ñe'eguelaxat qome namayepi,
sachegoxotchiguiña nam 'alhuapi maye taỹa co'ollaxa da qaumiñi,
nache da nque'eenaxac na Israel le'ecpi
'eeta'am qome da qanque'eenaxaqui.
8Nache na qaỹa'alquipi qataq ana qaỹa'allipi,
semenot qome na Judá le'ecpi yaqto' namayepi
imenot qome namayepi na sabeopi,
maye chegaqa'a cam ỹataqta qaỹoqta 'alhua.
Qaq 'era da ỹa'aqtac, Aỹem Nataxala'.
9Qaq ỹataqta qaua'aqtaxañim qome
de'era nam ỹotta'a't shiỹaxauapi,
qataq qaua'axache qome da huo'o ca alaataxac,
nache qoñiỹapega da anac qome na 'añaxaicpi,
qataq naỹamaxat qome da yaqto' nalat
'enauac nam ỹalleppi maye ỹataqta alaataxaicpi.
10Qataq qanlaxachiiñi na no'onataxanaxatpi,
nache qauo'oche cam ỹeelonecpi,
qataq qanlaxachiiñi na nchegaxanaxatpi,
nache qauo'oche aca taquiaxaipi,
qataq nam shiỹaxauapi maye qaica ca la'añaxac qalaq 'eeta':
«Aỹem, ỹataqta aỹem 'añaxaic.»
11Qaq 'enauac qami' ỹotta'a't shiỹaxauapi
maye qareuoreuai ne'ena 'alhua,
sa qanaỹaloxoñi qome da qauanaqui da qalaỹoñiỹa't.
Qaq 'Am Nataxala', ñaq 'auanacot qome na 'ara'añaxanecpi.
12Qataq naỹamaxat qome nam ỹotta'a't shiỹaxauapi
da taỹa yem ca'amegue Josafat,
cha'aye nache huaña yemaye da Ñim Nataxala'
nmit qome 'enauac nam ỹotta'a't shiỹaxauapi maye qareuoreuapi.
13Cha'aye namayepi ỹataqta qauemaicpi,
ỹoqo'oye 'eeta'am qome qanqa'eñi na trigo
da mashe ỹe nache qauchiqui,
cha'aye mashe ivita ye laloqo' da qanqat nam nañiguishecpi,
nache ỹataqta dapaxa't qanqa'eñi namayepi,
'eeta'am ana uva da qaỹapigui da yaqto' qaỹo'ot na lataxa.
14Qaq ỹataqta qalota nam nhuo' le'ecpi
maye hueta'a ye ca'amegue Nasataxac,
cha'aye mashe nayeetai' cam na'a'q maye lviraxaqui Ñim Nataxala'.
15Qaq huaña nache añi nala'
qataq ñi ca'agoxoic, 'o'm qome,
qaq anam huaqaañipi qaica qome ca le'eraxa.
16Nache qom ivita da qaỹa'axaỹa ca lavilỹaxac Ñim Nataxala',
da chemaqteguisheguema añi qasoxonaxa Sión,
qataq da dellimigui da lavilỹaxac da huaña ye Jerusalén,
nache na piguem qataq ana 'alhua cholaxa'n qome.
Qalaxaye Ñim Nataxala', nacheñi ñim lle'eguenaxala'
qataq npaxattalec nam Israel le'ecpi maye maiche lalamaxatpi.
Dam taỹa'a llo'oxoyec ye Judá
17Huaña qome, nache qauaỹachiñi
da aỹem Nataxala' maye Qanatamnaxala'ai,
soota'a na Sión, anam ỹataqta qui'itta ñeqasoxonaxa,
nache na Jerusalén ỹataqta qui'itta qome,
qataq saishet da ỹe'eguelaxa da loxonec nam chegaqauecpi.
18Nache que'eca na'a'q, na lataxa qataq na huaca lche',
'eeta'am qome na 'etaxat maye chegaqasheguema
ana qasoxonaxapi qataq anam lcomaraxalatepi,
qataq na la'auaxacpi ye Judá, nlaxagui qome na 'etaxat.
Nache añi atamnaxaqui maye ỹalamaqte
chegoqchiguiña qome na npaxaatasheguem 'etaxat,
da icorelec ye ca'amegue ye Sitín.
19Nache ye Egipto ỹataqta nlachiguiñi qome,
qaq ye Edom ỹe'eguelaxa da toolec 'alhua,
souaxat da iloquiaxan co'ollaxa na Judá le'ecpi,
qataq hualec naqa'en ye na'alhua namayepi,
da icolde'c naua ltago'q nam qaica ca ỹasouaxat.
20Qalaxaye ye Judá qataq ye Jerusalén,
nache 'eetai' qome da netalec nam shiỹaxauapi
qataq cam llalaqpi qome namayepi.
21Qaq aỹem qome, sepalaique lvi'
som qaỹalauatpi co'ollaxa,
nache saishet da sechoxoren nam icoraxatre'c
soua ltago'q som qaica ca ỹasouaxat.
Qaq Aỹem Nataxala', nache sonaña qome ye Sión.
Currently Selected:
Joel 3: LÑLE13
Highlight
Share
Copy
Want to have your highlights saved across all your devices? Sign up or sign in
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.
Joel 3
3
Ñim Nataxala' nmit qome 'enauac nam ỹotta'a't shiỹaxauapi
1Qaq que'ecaua na'axa'te qom ivita ca laloqo' da ñe'eguelaxat
nam noxonecpi Judá le'ecpi qataq nam Jerusalén le'ecpi,
2nache llaỹona't qome 'enauac na ỹotta'a't shiỹaxauapi,
nache sauega ye ca'amegue Josafat, yem huaña da ñemit qome namayepi,
souaxat nam ỹo'otecpi co'ollaxa nam ỹalamaxat nhuo' Israel le'ecpi,
da ilagaxaalec nam ỹotta'a't 'alhuapi, qataq namayepi nalogui na ña'alhuapi.
3Qataq nallechigui co'ollaxa na ỹalamaxat nhuo' le'ecpi,
qataq imen na ñaqpiolec naiguet naqa'en ana quisheguetaxaipi,
qataq ana nogotolepi, naiguet naqa'en na lataxa.
Da nhuaxanaguec nam ỹotta'a't shiỹaxauapi
4Qami' Tiro, Sidón qataq Filistea le'ecpi,
¿negue't ca qoñeetapeguec da sheeta?
¿Peta'a qansheetaique da aỹem qavi'iguelaxachiỹa'aguet?
Qaq da nache qoñeetec de'era,
nache aỹem sa ñaỹaloxon qome da qami'
taleguete ñaqa'en ca qanhuaxanaguiiqui.
5Cha'aye qami' qauacoñiỹa co'ollaxa
som ỹalamaxat plata qataq oro,
qataq nam ỹataqta no'on nogoxoshetpi maye ỹalamaxat,
nache qaroiua'a anam atamnaxaquipi
maye maiche qaralamaqchi,
6qataq qaumiñi na Judá le'ecpi,
qataq na Jerusalén le'ecpi,
nache l-latacpi qanqa'eñi na griegopi
nache ca'ai qanqa'aiñi na na'alhua.
7Qalaxaye aỹem ñe'eguelaxat qome namayepi,
sachegoxotchiguiña nam 'alhuapi maye taỹa co'ollaxa da qaumiñi,
nache da nque'eenaxac na Israel le'ecpi
'eeta'am qome da qanque'eenaxaqui.
8Nache na qaỹa'alquipi qataq ana qaỹa'allipi,
semenot qome na Judá le'ecpi yaqto' namayepi
imenot qome namayepi na sabeopi,
maye chegaqa'a cam ỹataqta qaỹoqta 'alhua.
Qaq 'era da ỹa'aqtac, Aỹem Nataxala'.
9Qaq ỹataqta qaua'aqtaxañim qome
de'era nam ỹotta'a't shiỹaxauapi,
qataq qaua'axache qome da huo'o ca alaataxac,
nache qoñiỹapega da anac qome na 'añaxaicpi,
qataq naỹamaxat qome da yaqto' nalat
'enauac nam ỹalleppi maye ỹataqta alaataxaicpi.
10Qataq qanlaxachiiñi na no'onataxanaxatpi,
nache qauo'oche cam ỹeelonecpi,
qataq qanlaxachiiñi na nchegaxanaxatpi,
nache qauo'oche aca taquiaxaipi,
qataq nam shiỹaxauapi maye qaica ca la'añaxac qalaq 'eeta':
«Aỹem, ỹataqta aỹem 'añaxaic.»
11Qaq 'enauac qami' ỹotta'a't shiỹaxauapi
maye qareuoreuai ne'ena 'alhua,
sa qanaỹaloxoñi qome da qauanaqui da qalaỹoñiỹa't.
Qaq 'Am Nataxala', ñaq 'auanacot qome na 'ara'añaxanecpi.
12Qataq naỹamaxat qome nam ỹotta'a't shiỹaxauapi
da taỹa yem ca'amegue Josafat,
cha'aye nache huaña yemaye da Ñim Nataxala'
nmit qome 'enauac nam ỹotta'a't shiỹaxauapi maye qareuoreuapi.
13Cha'aye namayepi ỹataqta qauemaicpi,
ỹoqo'oye 'eeta'am qome qanqa'eñi na trigo
da mashe ỹe nache qauchiqui,
cha'aye mashe ivita ye laloqo' da qanqat nam nañiguishecpi,
nache ỹataqta dapaxa't qanqa'eñi namayepi,
'eeta'am ana uva da qaỹapigui da yaqto' qaỹo'ot na lataxa.
14Qaq ỹataqta qalota nam nhuo' le'ecpi
maye hueta'a ye ca'amegue Nasataxac,
cha'aye mashe nayeetai' cam na'a'q maye lviraxaqui Ñim Nataxala'.
15Qaq huaña nache añi nala'
qataq ñi ca'agoxoic, 'o'm qome,
qaq anam huaqaañipi qaica qome ca le'eraxa.
16Nache qom ivita da qaỹa'axaỹa ca lavilỹaxac Ñim Nataxala',
da chemaqteguisheguema añi qasoxonaxa Sión,
qataq da dellimigui da lavilỹaxac da huaña ye Jerusalén,
nache na piguem qataq ana 'alhua cholaxa'n qome.
Qalaxaye Ñim Nataxala', nacheñi ñim lle'eguenaxala'
qataq npaxattalec nam Israel le'ecpi maye maiche lalamaxatpi.
Dam taỹa'a llo'oxoyec ye Judá
17Huaña qome, nache qauaỹachiñi
da aỹem Nataxala' maye Qanatamnaxala'ai,
soota'a na Sión, anam ỹataqta qui'itta ñeqasoxonaxa,
nache na Jerusalén ỹataqta qui'itta qome,
qataq saishet da ỹe'eguelaxa da loxonec nam chegaqauecpi.
18Nache que'eca na'a'q, na lataxa qataq na huaca lche',
'eeta'am qome na 'etaxat maye chegaqasheguema
ana qasoxonaxapi qataq anam lcomaraxalatepi,
qataq na la'auaxacpi ye Judá, nlaxagui qome na 'etaxat.
Nache añi atamnaxaqui maye ỹalamaqte
chegoqchiguiña qome na npaxaatasheguem 'etaxat,
da icorelec ye ca'amegue ye Sitín.
19Nache ye Egipto ỹataqta nlachiguiñi qome,
qaq ye Edom ỹe'eguelaxa da toolec 'alhua,
souaxat da iloquiaxan co'ollaxa na Judá le'ecpi,
qataq hualec naqa'en ye na'alhua namayepi,
da icolde'c naua ltago'q nam qaica ca ỹasouaxat.
20Qalaxaye ye Judá qataq ye Jerusalén,
nache 'eetai' qome da netalec nam shiỹaxauapi
qataq cam llalaqpi qome namayepi.
21Qaq aỹem qome, sepalaique lvi'
som qaỹalauatpi co'ollaxa,
nache saishet da sechoxoren nam icoraxatre'c
soua ltago'q som qaica ca ỹasouaxat.
Qaq Aỹem Nataxala', nache sonaña qome ye Sión.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.